盛八日式燒肉放題店 (已結業)

o個日我地3個人去食....叫左佢個牛舌, 有個和牛, 燒汁牛牛, 牛肋骨...可能因為去過日本食過正宗ge日式燒肉, 覺得佢呢到就唔係太特別...最激氣就係我地本身叫左個石鍋飯.... d肉黎哂個飯遲遲都唔黎我地就叫個waiter幫我地追一追.... 個waiter都唔想追咁.... 係咁E膚顯我地話石鍋飯係耐D廚房煮緊.... 跟住就唔幫我地追.... 到我地D肉燒完, 食哂tim喇... 個飯都仲未黎... 我地又再叫個waiter追... 佢先話 "哦... 仲未黎呀? 我同你睇o下囉..." 我個friend就話"你頭先唔係幫我追GA咩? 點解E+你先話同我追GA??? 冇落單你早講呀嘛. 你冇落單就同我CANCEL左佢啦" 個waiter先入去睇... 睇完佢夠膽出黎話廚房仲未開始煮!!!! 我個friend就梗係鬧爆佢啦... 邊有可能咁樣先得ga.... 最尾食到成肚氣咁走.... 仲要係貴夾唔飽... 搞到要過對面王家沙再食過..... 嬲嬲

今日約左新相識既朋友仔去盛八食飯..唔知係咪平日關係7時去到都無咩人...又或者好多人都等9時後有特價食啦..我地3個人叫左都唔算好多野食..不過樣樣都算滿意..特別係個厚切牛舌真係食正, 仲有牛肋骨, 最唔特別算係雞翼啦..最後再叫左個石頭飯同沙律...個SALAD都好正最正係個醬汁係用半生熟蛋來食..真係好正.相信我會再去多幾次試埋佢地其他食物

日前星期6揀左去呢度食好彩一早bk左位walk in都未必有台俾我地叫左個4人餐食真係第1次隔住隻錫紙碟烘d菇類燒帶子幾好食碟牛肉飯又唔錯

今晚收工成11pm,去到朗豪坊諗下食乜好呢? 最後都走左去盛八!!今次點左盛八腸,果味牛胸腹,頂級牛xx(吾記得個名),信州xx牛,芝士炮菜飯等等,今次都好滿意+滿足,而且服務方面比我二星期前去既好,有改善D醬料終於吾係人客未黎就放係檯啦,侍應服務亦比上次殷勤.

遲來的食評...個多月前，阿爸阿媽結婚週年紀念，要食餐好慶祝。揀了盛八，一直都想試，d人寫到好正。匯豐信用卡優惠，要了個二人餐，加另點其他肉類。個二人餐有：韓風牛肉刺身：第一次食生牛肉，仲要加埋生蛋。雖然係高危食物，但都一於少理，食先算。口感又唔錯喎，唔會一pat野咁，牛肉仲有咬口。前菜 (野菜香芒鴨胸卷、胡麻牛舌)：個卷我無食。牛唔錯，切成幼絲，加埋青瓜絲，幾清新。北海道松葉蟹腳：有五小舊，易燒，唔易，就算個殼都無所謂。多肉，肉質鮮甜彈牙。還有專為蟹腳而設的醬汁。味道相當不錯。半殼香草牛油帶子隻帶子都幾大隻，切成五小粒。易煮熟，熟陣有好多水出。幾新鮮，質地唔會過淋，且很香牛油味。A5嚴選霜降和牛 + 鹽燒牛胸腹兩樣牛擺埋一齊，都唔知邊隻打邊隻。兩者肉質都好淋，無渣，肉味鮮。鹽蔥牛舌係薄薄的五、六片牛。唔韌又易熟，好易燒過火。鹿兒島生薑黑豚：都係切得薄薄的，方便熟？味道普通，唔特別。柚子胡椒雞腿肉：雞要燒好耐先熟，又易燒。但都熟陣，舊雞都乾乾地，唔juicy~麻麻地好食。有機蔬菜拼盤(蒜蓉牛油錫紙燒)：都要用好耐先煮得d vege 變軟身。鮮菇同茄子好味。但因為加了牛

好耐無去盛八,今日同bf去朗豪坊shopping後諗緊食D咩好,本來想食韓燒但差不多九點又吾想出尖沙咀(我地鍾意去莊園)之後我就提義去盛八,bf 同意就上去啦!坐位大概7,8成滿,一坐埋去已見預先放好既醬汁,感覺吾太衛生,都吾知幾時準備之後叫左牛肋骨,牛胸腹,仲有個吾知乜牛(好味架),厚切牛舌,海鮮煎餅,西柚汁,青蘋果汽洒牛胸腹上檯時覺得佢顏色同脂肪分部都好吾錯但食左後就覺得無想像中咁好!之前去過尖沙咀盛八質數認真麻麻,去過一次吾會再去,而旺角店則幫襯左好多次,質數都ok!

一個人的午餐, 很想吃牛肉, 決定取烤肉而捨港式牛扒。一架很窄的升降機上到最頂層, 一開門不像下面旺場, 可是兩時多而言也坐到八成人, 算不錯的了。一人霸住六人檯, 以及唔知幾時已放在檯面的醬汁, 未落得切order先贈送一客嘔心。 叫了一百元唔使的套餐, 有牛舌及一口牛, 前菜及白飯一碗。 前菜只是很普通的和風沙律, 葉子都被雪啡了那種; 牛舌及一口牛皆為鍛鍊牙較食品, 果然是年青人食肆, 只怕牙仔軟d都怕哽親! 至離譜係碗白飯要本人三催四請才到, 需知道燒肉沒白飯伴著吃, 就如著皮鞋唔著襪, 出來的白飯仲要係用碗邊刮乾淨個飯殼果種, 唔知大家明唔明我感受呢? 家母咁裝飯俾我我都抦左佢好耐喇... 好心d年青侍應們, 傾少陣計啦......死心不息, 叫了一客百多元的和牛肉, 肉質雖同伊呂波是幾班的距離, 都夠鬆軟可口。 再次証明, 吃日式燒肉是一分錢一分貨, 孤寒不了的。最恐怖是, 當我吃到最後, 瞥見小姐用威威寶直接噴到爐頭刷拭, 重點係: 唔知幾時set定的醬汁就在檯面上喎...... 盛八價位不算高, 可是我認為在旺角收得兩舊水per head的食肆, 應該值得更好服務。看真

今天剛好是和女朋友拍拖3個月（不幸的是前一天剛吵嘴了，氹就當然少不得了，女朋友亦沒有再生氣了，但為表誠意，已準備和女朋友吃好一點的東西，剛巧又是拍拖3個月，那就正好來個一箭雙鵰了，氹與慶祝共冶一爐）可我問女朋友想吃什麼，她給了我一個妙到毫巔的答案：好吃得來要清淡，清淡得來要濃味（．．．．．．）結果我只能訂了無限多枱，有韓國菜，日本菜（居酒屋，日式吉烈），越南菜，廣東菜．．．．．． （不過女朋友曾不止一次提及要吃日式燒肉）我靈機一動打了電話到「盛八」訂位．．．．．． 及後女朋友看過食評說想吃「伊呂波」，不過說晚上太貴了，不如找天午飯時段去吃云云（女朋友倒還滿為我錢包著想呢！因此我想今晚應該不會吃燒肉了，於是便沒將盛八放在心上了．．．．．．）那天女朋友要到旺角辦事，我和她在旺角會合（結果訂了一些較遠地點的食肆被K.O.了．．．我還要趕忙打電話取消訂枱呢．．．．．．）既然如此，我決定和女朋友到朗豪坊吃些家常小菜吧，怎知在電梯途中，女朋友得知我原來有訂枱吃燒肉，女朋友燒肉癮大發，竟說不如去吃燒肉！！（我問：今晚吃過後接著的星期日又去吃伊呂波嗎？女朋友說今晚吃過後就暫時不吃伊呂波了，看來女朋友今

20/9/08, 10:00pm今日第一次來盛八同bf慶生, 之前都有睇食評, 做足功課先來...宵夜時段, 食品75折, 飲品5折一上到來, waiter問左咩名之後就叫左我地入去入面等, 話執緊枱, 但眼見起碼有2張2人枱是已經set好的...同行仲有3,4個人都是比佢叫左入去等...等左大約10mins...佢先再來帶位, 結果就是帶左我地去其中一張之前見到set好既枱...我地叫左個$198宵夜2人set...再另外叫左$118和牛, 厚舌, 盛八腸, 同埋韓色生牛肉刺身, 再叫左個巨峰提子, 可樂個set中規中矩, 除左薄牛舌&燒汁牛肋骨好食之外, 其他都麻麻, 叫做是咩都試下...$118和牛反而唔好食...太油, 好溜, 好似食左舊油入口咁...厚舌最好食..入口軟綿綿..但有一兩舊都食到有少少根位...盛八腸都ok, 幾好食韓色生牛肉刺身都好好食, 入口好滑最惱是叫左個可樂成個幾鐘都未來!!!!! 催左4次先到! 次次都話幫我跟, 仲有次個部長話來緊, 點知等左勁耐都唔見影! 好懷疑點解一罐可樂, 一柸冰要等咁耐先出到! 同埋之前既waiter究竟有無真是幫我check

老公生日~梗係食d特別野啦!佢個門口好難搵..因為好隱閉=.=好似好up dou咁, 印象唔太好上到去~裝修ok,不過....羅位都要講2次先羅到位!!!係由講我自己貴姓,電話no., 訂幾多點足足講2次!!!!真係唔要得!!!!!!!!!之後坐果個位又唔係幾好.....門口位....到叫野食我地叫左一個"匯豐餐"~488入面有:2個前菜(唔知咩生菜卷+牛舌) - 普通牛肉刺身生菜包 - 唔知~老公食,我唔敢食大帶子 - 好味松葉蟹蟹鉗 - 一般,冇咩肉和牛 - 好味牛ｘ肉 - 好味牛ｙ肉 - 好味牛舌 - 好味~勁爽口雞比肉 - 普通黑豚肉 - 唔好食,好肥呀野菜盆 - 燒10世都唔使旨意熟稻庭烏冬 - 好味紅豆舉弱雪糕 - 例排野再另外加:燒汁牛肋骨肉 - 好好味梅子豬肋骨 - 太多骨,得好少肉,同埋要燒好耐開頭service真係唔得,明明唔係我地叫ge野又比左我地介紹野食果個人又講得hea,叫佢比d sauce我都要叫2次冇啦啦有人行埋黎比張單我簽,但我連單都未埋,即係比錯不過d人會自動換bbq net and refill water位唔算迫,不過會比人行來行去時撞椅所以話,如

先前約左兩個舊同學出黎食飯放炸彈,講起食乜好,不約而同都想試盛八,就即刻打電話去訂檯試一下,訂檯時已說只可以坐兩小時上到去店鋪面積唔係特別大,不過個位都算ok好坐.望下個menu,再望下d推介既"和牛",就點左一堆野黎燒海鮮拼盤有一長腳蟹,帶子,蝦,質素ok既,不過由於燒完要搵工具切開,要多一隻碟黎用,但問佢地拎完唔駛三分鐘又同我拎走,攪到我要再次拎多隻黎用,十分唔好意思.所謂既嚴選上和牛排肉,食落去既感覺完全唔覺得有咩特別,我覺得分分鐘同我平日買既澳洲和牛差不多,甚至更差.厚切鹽燒牛舌味道同口感都好好,牛肝麻麻,牛心幾好食牛肋骨肉同牛胸腹味道做得好好,食落去個個都讚不絕口黑七味豬腩肉有d辣,不過都值得一試香草雞脾肉醃完出黎既賣相好騎呢,食落去既感覺只屬一般盛八腸,上到黎都唔知係乜,食落口先覺得似牛雜個d大腸,即時面色一沉......飲品同甜品都ok,過左鐘亦無趕我地走埋單位位三百,如果唔期望好正好特別既話都算好ok

同男友慶祝生日~之前試過黎呢度食，都幾好味~~揀左黎呢度食~2毎人點左某款和牛，燒汁牛肋骨，豬頸肉，一口牛，粟米，雞翼和牛~無想象中咁好味~~可能燒得耐左D~燒汁牛肋骨~超好味~肉質好鮮味~好多肉汁~豬頸肉就麻麻地，太油太肥，粟米同一口牛都OK，無咩特別服務態度非常好!!個女仔經理好好人，成日走埋黎教我地點燒先最好味~~GOOD SERVICE!!!

有朋友推介話試過唔錯,所以一於叫多幾個人去掃場!一去到見到個装修同去日本食開果幾間差唔多已經有好感!六個喪屍食肉獸叫咗二十多碟烤肉同海鮮仲再加多個石窩飯!牛肋條每款味道一碟---肉質夠淋同咬落多汁!牛胸腹---覺得比和牛好味!軟滑得嚟唔會感覺剩係食油.(香港果Ｄ所謂和牛真係邊似樣架？收一千幾百一件果Ｄ咪又係澳洲貨,真正和牛日本自己都唔夠食啦！仲出口?去開日本不妨去百貨公司地庫望吓,和牛幾多錢100g)生薑黑豚肉---呢個偏肥,食一兩條就夠.牛舌---厚切粒粒比薄切的片好味,更能吃到牛舌的獨特軟滑質感.羊排---瘦了一點,燒後有點乾但未至於變柴皮.生---呢個麻痳地,因為開邊後有好多碎殼食果時要好小心.帶子---以乎質數一般,味道淡口同肉質有Ｄ霉.雞翼---夠入味但可惜較為細隻.雞脾肉---香草味濃,燒脆雞皮後...再叫多咗一碟.石窩飯---因為份量不大,一人試咗幾啖,覺得飯太濕同味道淡咗Ｄ.飲品---每人叫咗一款Sour,全部都好似菓味水........侍應服務好好!收碟快,加茶快,主動換燒烤網!如果用服務同食吻質素同尖咀菊膳比,下星期會再去盛八囉！

一班朋友慶祝生日，叫了一個信用卡優惠餐，記得有1．鹽燒厚切牛舌，很爽口，不過不可燒太久！2．香草雞腿肉，綠色的，有很香的香草味。3．鹿兒島黑豚肉，好普通的豬腩肉，肉質夠肥，可以不試！4．牛肉刺身，與生雞蛋梨混合後，十分鮮味，可口清新，好好吃！5．石頭飯，很濕，都好吃！由於多人，另外再叫極上牛肋骨， 牛肩，牛胸腹同鹽燒雞中翼。燒雞中翼很普通，反而極上牛肋骨， 牛肩，牛胸腹都好稔身，有好香的牛味！冷氣有D大，要帶外套！

尋日慶祝結婚週年紀念, 特地到盛八食晚飯。當晚點了1) 極上牛xx – 應該係牛肋骨肉, 好腍, 好入味, 我地叫左白飯同泡菜,送飯一流2) 香草雞腿肉 – 好腍, 好香香草味, 有肉汁, 比想像中好好多, 但份量少3) 亞拉斯加蟹肉卷 – 有3件, 入面好粗既蟹肉, 好有蟹味, 唔錯。不過唔係太鐘意個好似係花生醬既汁;而老公就唔係咁鐘意用青瓜做外皮, 因為佢唔鐘意食青瓜4) 柚子胡椒豬肋骨 – 呢個唔係太好, 因為有骨 (叫豬肋骨應該預左有骨,但無諗過骨仲多過肉,無乜野食), 而且咁厚既豬肉要燒好耐, 碗飯都凍晒啦。入口柚子味好重, 有點太重, 蓋過了肉本身既味, 有待改進5) 牛舌 – 味道不太濃,用滙豐咭買一送一, 所以食了2碟, 好似太多了6) 西柚sour – 以為好像和民般要自己搾, 但原來唔需要。但sour一點酒味都無, 同西柚汁無分別, 失望服務: 超好, 很細心, 對客人很禮貌, 常主動添茶, 值得一讚埋單$500, 都幾貴, 因為滙豐咭己送了一碟牛舌。不過結婚週年紀念就食貴少少啦!