目利きの銀次 (已結業)

銀次已經開業8週年，好耐無黎過，呢度食日式料理都唔錯，而且每張枱都好有私人空間🥰，好似一個個包箱咁 而為左慶祝開業8週年，假日指定消費仲送沖繩特飲🍹 🥩 吉列牛柳 $118脆炸吉列外皮，入面軟牛析柳肉，外脆內軟剛好，非常惹味😋 🐟 劍魚刺身 $65🐟 油甘魚刺身 $65兩款刺身都好新鮮 🍣 銀次海鮮太卷 $88好大份海鮮卷，好足料 🧈 明太子煎蛋卷 $75呢個普通一點，蛋味唔多夠，明太子一般 🦀 軟殼蟹手卷 $38即整手卷，軟綿綿日本飯加埋軟殼蟹，超正👍 🍹 巨峰乳酸梳打🍹 桃子乳酸梳打

佛誕假期冇野做就試下同朋友由荃灣西站行去屯門三聖。行完就係屯門搵野食，咁大家都鍾意食日本菜而呢間又唔洗點等位就入去食。餐廳職員話比張榻榻米地板既位我地，但我地就需要脫下鞋子。咁呢d小事當然冇問題啦，仲可以當自己去左日本 😆。之後就開始點餐，我地主要叫了壽司刺身為主，d壽司刺身基本上全部都好有鮮味，佢個三文魚壽司拼盤有5件三文魚🤤，分別添加左5款唔同醬料同食材，每一款都好獨特。而帶子刺身除左有鮮味外佢亦非常軟身，有一種入口即溶既感覺。刺身飯方面就有好多唔同種類刺身鋪在飯面，美道方面非常滿意，但遺憾的是份量真的太少了，整個飯吃完其實只飽了一半 😢。整體而言，食物質素是非常好而且環境都叫唔錯，最後4個人結帳都800多元，但我覺得是值得的。 👍👍👍

無book位又驚母親節會好多人，襯佢6點開門就5點50分係出面等左一陣用餐時間係1.5小時本身嗌左個豆腐鍋，但佢落錯左三文魚鍋$78🥲入面係椰菜，小小菇，三文魚有啲肥，吾算多肉成個煲有啲油，只係為左食啲菜蟹肉蟹高炒飯$98吾係好食到有蟹高味都係普通炒飯嘅味十件壽司拼盤around$280好普通，無食落好鮮甜嘅感覺出面有啲成條魚比廚師做刺身，價錢由360-1080都有可以叫廚師推薦揀左$680，廚師話油脂豐富啲因為吾太大條，只係起左做刺身如果大條，可以刺身加燒魚都得廚師落左小小調味，表皮燒過，有煙芬的味道我地全家都吾識欣賞😂 略嫌個皮太過咸軟殼蟹卷物，一碟有6件軟殼蟹炸到好脆，價錢合理另外再嗌左枝sake埋單$14xx佢嘅定位都算偏貴嘅日本餐廳但個人認為食物比較普通，同一價錢有其他比佢更好的選擇

每次經過都俾呢間餐廳嘅門面吸引住 每次都覺得應該會好貴所以唔敢行入去 haha 終於週末晏就有機會試到啦•雜錦壽司及烏冬定食HKD148呢個餐真係完全可以滿足到想食壽司又想食烏冬嘅人➜壽司有八件 比較普遍嘅款式有 三文魚 鰻魚 八爪魚 帶子 再加三款魚 壽司唔算大嚿 絕對可以一口食一嚿 刺身冇光澤 唔算新鮮 勉強可以放落口 相比之下 烏冬用上讚岐烏冬 麵條幼身而且彈牙 但湯底只係微暖➜配菜有三文魚籽 每咬一粒爆汁嘅感覺真係好爽! 沙律同海帶屬正常水準~✦當日有幸坐到入房仔 私隱度高 同朋友細聲講大聲笑都冇人聽到啦✦CP值唔高 壽司質素嚟講 呢個價錢其他地方一定可以有更好選擇 不過都尚算可以滿足到兩個願望✦餐廳裝修雖然好有日本風味 但衞生質素有待改善

好好彩, 2個人去食都有 , 最入個間。勁有日本feel, 要除鞋入, 坐tatami, 枱下係有位比你放腳, 所以唔係驚坐得耐腳痺。點完菜, 就會閂門, 上完菜又閂番, 勁有私隱, 係入面同FD 吹水大聲D都唔驚。掛住影環境, 唔記得左影menu, 結果上openrice 都搵唔番個名要咩… 應該係類似 , 每人再加多杯梳打, 埋單99蚊。食物質素唔差, 黑豚肉偏瘦, 但唔乾, 有前菜, 沙拉, 味噌湯, 加上環境, 抵食!

必食大阪名物章魚燒呢間餐廳其實我食咗好多好多次，次次影完相都無時間寫食評，今次終於寫到啦🥰每次嚟都必食「超濃厚雞烏冬」$98，個雞湯鮮到不得了，大大隻雞髀🍗嫩到入口即溶咁，烏冬彈牙係我杯茶😍我嚟咁多次，幾乎次次都食。冬天嘅時候仲會有個火爐仔熱住上個烏冬，正到不得了。💓💓💓💓今次嚟有大發現，竟然有「大阪名物章魚燒」，日本嘅銀次，係企係到食章魚燒，或者間店好細好細，得幾個位俾你食章魚燒，無其他野食。而香港呢間銀次，平時反而無得食章魚燒，今日終於俾我等到啦。「大阪名物章魚燒」$68 有8粒，粒粒外面脆卜卜，入面配埋彈牙章魚🐙，好好味，好掛住日本呀😭蝦子餅必食「香蔥吞拿魚腩卷」$128 今次個賣相唔係好掂，但味道保持水準。男人要飽肚，「高菜三文魚炒飯」$88大大碟夠晒飽，飯炒得乾身又香口抵食 🌟🌟🌟🌟🌟服務 🌟🌟🌟🌟🌟環境 🌟🌟🌟🌟🌟味道 🌟🌟🌟🌟🌟目利きの銀次 (屯門)屯門屯門鄉事會路83號V City商場MTR層M-63店

同朋友係屯門慶祝生日，路過見到呢間見啲相同環境都幾好就試下。其實一直對呢間餐廳都有啲卻步，因為喺沖繩食過中晒伏，超難食。不過今次呢度唔錯，所有野都算OK，環境幾好，服務都唔錯。三個人飲埋酒埋單1000鬆啲，算OK。幾個人搵地方食飯飲酒絕對可以考慮。

本年5月24日，下午1點55分，賺買兩份外賣自取，分別為1）壽司配烏冬定食及2）刺身定食。等待半個鐘直至2點25分終於有得取，假日人多尚可接受。滿心歡喜可以返屋企食，萬萬想不到惡夢正式開始。沿路搭車途中，隱約感受喺大腿位置「濕立立」，一望睇清楚啲，原來兩杯凍檸茶喺紙袋內倒瀉。夏日天時無左兩杯凍飲，有得睇無得飲可以算數，但回家呢段行程，其他乘客用「生人勿近」既眼光，由頭至腳返轉頭腳向頭不斷掃瞄，因為沾有兩杯凍檸茶既短褲，擠擁既車廂以我為中心，所有乘客與我保持3米社交距離。好不客易挨到屋企，換好衫坐定定一打開紙袋，說好的刺身定食餐，附送的白飯及湯不翼而飛！ 我需要用接近300元， 買只有幾塊凍檸茶味既刺身嗎？ 刺身定食但缺乏餐飲、白飯及湯，呢啲就係服務周到？致電向經理反映，態度不俗。解釋負責執外賣為part time員工。還說可以送回白飯餐飲及湯。但我已經對呢間食肆徹底失去信心。懇請作為一間負責任既食肆，有良心既企業，糾正有關咁粗心大意，絕對可以避免及點餐齊全既最基本要求。

之前一直想試，但由於每次經過想食都需要排隊所以就一直都無機會食到。今日男朋友生日，所以就打算豪食一餐，提早book左位。最令我驚喜嘅喺服務，每人店員都非常有禮貌，呢點對我嚟講好值得加分。講眞香港很多店舖啲員工嘅服務眞心差。至於食物方面我覺得尚算可以，未去到非常好味。由於服務良好關係我會再光顧

今日同朋友係屯門dinner,衣開日本野開左好耐一直冇食過，今日就揀左衣間居酒屋見好多人都推薦明太子煎蛋卷，我地都叫左一份試下，個煎蛋卷幾大，明太子非常豐富，每一啖都食到好多明太子，配埋上面既蘿蔔同蔥唔會有好濟既感覺，個蛋都做得幾滑香蔥呑拿魚腩卷有六件，做得好精緻，不過就有d細件，但勝在呑拿魚腩味突出，配埋青瓜好好食刺身拼盤種類都幾多，有帆立貝，甜蝦，三文魚，拖羅，每樣得兩件，唔算大塊但幾厚肉，甜蝦真係好甜，係豬師奶至愛

忙碌了四天假期，今天決定要吃好點同TT異口同聲說想吃日本菜，就在V City選了這間餐廳！這裡佈置裝潢非常有特色亦有幾款小包廂，剛好今天有小包廂。這裡價格比其他餐廳偏高～就等小妹看看值不值得$598二人餐很貴丫～其實小妹跟TT都不太別吃魚生，所以點了套餐真的有點浪費...先來的是前菜：原隻的軟殼蟹天婦羅，炸到脆卜卜，內面竟然是滿滿的膏好吃～又一盤大大的沙律，有芝士、牛油果、小蕃茄、生菜、蛋、洋蔥和蔥，不過不失～豚肉西京燒！可說是整晚最好吃的食物！鮮嫩多汁，肉質爽口油脂分布平均，滿滿的幸福再來是魚生拼盤，哈～小妹只吃了三文魚、帶子和蝦，其他的都交給TT處理，不過最後還是吃不完魚生的確很新鮮再來是男朋友最期待的雞湯烏冬竟然是要煲它肥美的雞腿肉是TT的至愛小妹則只吃烏冬，別看似普通，稻庭烏冬都已經完全吸收了雞湯，超級美味也喝了雞湯，十分甘甜哈哈～最後是甜品，小妹吃的是抹茶雪糕，抹茶味濃，好好吃.整體來說，這間餐廳的食物是好吃的，但$598+10%真的算貴！吃一次就夠了～下次回去吃和民吧，差不多東西

呢間店舖集合日本各縣嘅地道菜式同優質食材，係原著上再創作出充滿驚喜嘅地道小品🇯🇵💗海鮮沙律($98)魚生款式多，包括有爽口嘅甜蝦、滑身嘅三文魚、煙韌嘅魷魚同彈牙𩶘魚🥗沙律菜新鮮食落索索聲，配上清新嘅柚子醋汁作調味，酸酸甜甜咁好醒胃，而且能夠吊起刺身嘅鮮味🍊💗軟殻蟹天婦羅($118/2隻)天婦羅粉漿未能達標，雖然唔厚身但炸得唔夠鬆脆🦀軟殻蟹都算幾大隻，蟹腳食落卜卜脆，蟹身爆晒膏，甘香無比嘅蟹膏同飽滿嘅蟹肉混合，味道超級濃厚鮮甜。灑上少少鮮檸檬汁更加提鮮🍋💗海膽汁燒蠔($98)用上肥美嘅日本廣島蠔，包住海膽嘅炸粉唔太厚帶微脆，裡面肥美多汁，食落鮮甜嫰滑🦪稠稠咁掛係外面嘅醬汁用海膽、清酒、蛋黃同蜜糖製成，顏色鮮艷奪目，香味濃郁，帶點甜味同蠔非常夾。仲用清爽嫩甜嘅菠菜墊底🥬以鐵板奉上保持熱度，連我唔好食蠔嘅人都覺好食。💗清酒煮日本蛤蜊($88)蜆肉基本上開哂口，粒粒蜆都有肉，偏細隻但肉厚，可惜部份有沙未夠乾淨。清酒帶淡淡牛油香🧈整體酒味較濃係悲傷小姐嘅取向，但唔會過苦味道平衡。 蜆肉吸晒湯嘅香味，非常清甜，肉質都夠彈牙🍶💗鹽燒牛舌($78)牛舌心都算厚切而且大塊，燒得有焦香，肉質嫩滑彈牙，配上

是日生日飯，剛進餐廳，環境氣氛一流。店內的燈飾尤為吸引，擺設，裝潢等都令人雀躍。想不到稍後的美食卻令人如此失望。侍應有禮貌，問多兩句也不會露出不耐煩的樣子，更很貼心地告知食材會因應當造而決定壽司的料，甚為滿意。率先上了鰻魚飯先，味道普普通通，沒有什麼驚喜。隨後，由師傅發板既十件壽司定食來到，樣子不太新鮮比較其他的壽司店，略為遜色。最後的魷魚鬚，令人更加失望，鹹到不得了，幾乎冇法入口，就算用來送酒，也不是可以期待的味道。這一頓飯，不值得這個價錢。也不會再光顧了。

今日星期六第一次同老婆去食呢間野, 叫左兩個壽司定食及另點左碟炸鱿魚蘇。 先講壽司, 一用快子夾上黎, d飯已經散晒,夾都夾唔起,刺身質素好一般。 第二, 炸鱿魚蘇真係經典到呢....... 我真係唔知佢用咩油定係油溫問題,炸到個色澤嚇死人, 又偏咸, 係超難食。 第三, 個乌冬都係偏咸既。埋單要$378, 如果以呢個價錢黎講,完全唔合格, 好話唔好聽,去百佳/aeon呢d所買既壽司同炸鱿魚蘇都好食過呢間。 怕怕了,下次都唔會去幫襯。

今天來到了屯門vcity打算買聖誕節禮物給公司同事, 就順便在這裏吃午飯隨意挑選了這, 點了三款刺身, 這裏並沒有拖羅提供, 只點了普通吞拿魚($65),帶子($65)和北海道海膽($280), 刺身質素很一般, 這個價錢的海膽我期望會更好一點銀雪魚西京燒($128), 魚肉是梅的, 只能說一分錢一分貨吧另外單點了一些串燒, 全都燒得乾爭爭, 一點肉汁也沒有, 在吃豬肉乾一樣最後吃不飽所以再點了一個香蔥吞拿魚腩卷,($128), 我真的很好奇明明菜單上沒有提供吞拿魚腩, 為何卷物𥚃又會出現呢?? 最後得出的答案不是吞拿魚腩, 因為是可以吃得出來的, 大大嚿壽司飯和青瓜, 生怕會虧大本的一樣二人工消費了接近$900, 沒有性價比更沒有質素可言