真味鮮廚 (已結業)

今晚相約好友一齊嚟呢間位於觀塘嘅「真味鮮廚」食海鮮火鍋，任飲任食，不但地方寬敞，任食時間又充裕，真係開心！😘# 調味配料充足，小食白雲鳳爪特別，醃得夠味又爽口彈牙！# 刺身拼盤款式多多，有甜蝦、鮮帶子、鮑魚、三文魚、八爪魚、希靈魚，款款鮮甜，尤其鮑魚大大隻兼爽甜，真係冇得頂！# 重慶雞鍋好滋味，烹調得又香，雞肉嫩滑帶有微辣，刺激食慾！# 龍蝦海鮮盤，除了主角🦞大大隻，非常鮮甜彈牙外，還有帶子、青口、蜆貝、鱔片、魚腩，食材非常豐富！# 特級安格斯肥牛，非常肥美嫩滑，滿有牛肉味！# 還有鬆軟黑豚肉、鯪魚滑、鮮蝦滑、脆脆炸魚皮、鮮淮山、豬皮、豬肚、巨型水餃皇及新鮮雜菜… 呢餐真係超豐富！

偶爾放題式打邊爐，感覺好減壓，唔洗諗，想食就叫。當然啦咁就要去間有質素既，今晚去左真味鮮廚。一坐低就有惹味嘅雞煲開胃，侍應好好幫我地搞，確保唔痴底，雞件大大件，好肉地，叫左小辣，煲耐d洋蔥夠淋又甜，如果唔夠食重可以再添食。之後上埋刺身拼盤，有甜蝦、帶子、三文魚腩、鮑魚、八爪魚等，擺盤靚靚，而且三文魚腩特別厚肉。湯底有胡椒蘿蔔排骨湯，夠胡椒味但又唔會好辣，而且大大件豬骨，好足料。今晚好D既我地當然揀左龍蝦啦，龍蝦勁新鮮，上枱時重見到d肉彈下彈下，烚5分鐘，啱啱好，咩都唔洗點，鮮味已經夠晒。另外蟶子又係一贊，大大隻，長過我手掌有多，肉厚彈牙。魚類有脆肉鯇和龍躉肉，龍躉肉質實淨，唔會烚兩下就散，證明好新鮮。海鮮拼盤重有海蝦、青口、帶子、蜆等。打邊爐另一主角，特級安格斯肥牛，有牛味，而且雪花分布均勻，有油香但唔油膩。另外火鍋必食有大大粒好足料既水餃，滿滿既蝦肉、木耳…正～之後重叫左蝦滑、冰豆腐、新淮山、炸魚皮，數之不盡。飲品任飲，啤酒、汽水、烏龍茶咩都有得飲，重有百香果汁，總有一款啱飲，而且自助區重有幾款頭盤小食。

🦞龍蝦海鮮併盤+任食雞煲+火鍋放題，大家估下幾多錢？答案係每人$348咋如果唔想食龍蝦，都可以揀肉蟹🦀價錢再平啲除咗野食包你食到飽之外，飲品都好有驚喜啤酒任飲，仲有自家製飲品百香果汁&紫背天葵山楂蜜雞煲嘅辣汁好惹味，甜甜辣辣，會令人越食越想食 仲會越食越辣另外，洋蔥&芹菜吸哂啲辣雞汁，勁好食‼️呢個刺身拼盤一啲都唔hea醬油鮑魚彈牙好食三文魚夠肥美滑口食完雞煲就轉鍋打邊爐我哋揀左「胡椒蘿蔔排骨鍋」胡椒味夠香，又唔會好嗆喉最吸睛嘅龍蝦海鮮拼盤終於出場喇龍蝦係青龍嚟㗎 特別鮮甜好食‼️期間我哋仲見到啲肉&觸角郁緊的，真係非常新鮮淥大約4-5分鐘就岩岩好肉質鮮美爽彈蟶子王都好正口感非常爽甜個拼盤仲有海蝦、龍躉肉、鱔片、珍寶帶子、青口！特級安格斯牛脂肪比例岩岩好，唔會太多脂肪肉質一啲都唔鞋，油脂令肉質更嫩火鍋料仲有好多選擇，不過我哋食唔到太多，咁就叫左蝦滑、鵝腸、生菜、淮山醬油區仲有幾款小食，真係勁力推介「四喜烤麩」

以前在觀塘返工，都有聽過同事講呢間嘅海鮮火鍋唔錯，今晚特登同我的他嚟試吓🥰火鍋海鮮盤可以揀肉蟹$318或龍蝦$348，龍蝦易啲食，我倆又鍾意食龍蝦，所以一於龍蝦啦😋我哋驚食唔落之後的火鍋，所以特別叫店員俾少啲雞🤣食落，啲雞件好新鮮啊！醬料配搭得宜，好香口、好好味啊！食完雞煲後就上海鮮盤了，嘩！好靚啊！龍蝦熟了，好多蝦膏啊😍蝦肉好爽口彈牙，蝦膏又香又滑，估唔到細細隻龍蝦竟然咁大嚿蝦肉，每人半隻已經好夠食🥰其他海鮮都好新鮮，尤其蜆，又大隻又甜。仲有龍躉肉好滑好爽甜，全盤海鮮都好正，好開心啊😃特級安格斯嚟啦🥰都幾大碟，油花均勻，淥到剛剛熟，好好味啊！一啲渣都無，牛味又濃👍高檔之選👍竟然仲有個刺身拼盤，估唔到酒樓嘅刺身都咁靚😍最值得讚嘅係鮑魚，好甜好鮮味，又夠彈牙，好想食多幾隻🤣三文魚又夠肥美，帶子、甜蝦都好甜😋😋食完以上嘅食物，都好似差不多飽晒，但係點可以俾佢停？一於點啲無限點嘅火鍋食物先🤗其他火鍋食物一啲都唔hea，例如蝦滑鮮甜彈牙、豬肚又唔會韌、鴨血都好出色😌仲有我倆都好鍾意食嘅鵝腸，好爽脆啊😻食咗咁多高質海鮮，仲有多款飲品任飲，每人都唔使$400，真係唔貴！

今日兩個人收工去咗觀塘嘅呢間火鍋放題（真味鮮廚）地方位於觀塘地鐵站附近非常方便 去到場地服務員嘅態度都非常之親切跟住就有侍應帶領我哋入去裏面坐咗一個卡位都非常寬闊 舒服跟住我哋就點左自助嘅火鍋晚餐包括龍蝦海鮮拼盤 三文魚帶子鮑魚鮮蝦刺身拼盤跟住仲有一個雞煲 有啲辣但係都非常之野味仲有珍寶size嘅鮮蝦雲吞嘢飲方面都好多唔同嘅選擇 有一般嘅汽水同啤酒罐裝啤酒但係我哋就選咗呢個係新鮮嘅百香果果汁非常之清甜同埋可以潤喉🥤🥤🍻🍻食物方面除咗有個龍蝦拼盤之外 我叫咗個皮蛋芫荽湯底我哋亦都點左少量嘅菜 肉丸同埋其他唔同種類嘅食物仲有安格斯肥牛同埋其他嘅食物芋頭 鮮蝦同埋豬紅豬皮等等 都非常之好味（呢度係用QR code點菜嘅）📱到最後都仲有個好貼心嘅服務 就係有個燉蛋 做一個甜品 所以都係非常之出色嘅

先來一個雜錦刺身做前菜～三文魚、帶子、海老、八爪魚、希靈魚、冰鎮鮑魚按人頭計份量～食完頭盤就上雞煲嘞～食完再打邊爐～好豐富😋雞煲惹味～雞件新鮮嫩滑～辣味可自選！火鍋海鮮盤有兩個選擇，我就揀咗肉蟹，鮮甜！蝦串隻隻扎扎跳，仲有青口、蜆、扇貝、蟶子、魚片等等，一個字～鮮！💛和牛雪花分布均勻，好靚呀～❤️仲有好多任叫配料，飽到不行😋放題記住唔好浪費～鍾意嘆番幾杯的朋友，仲有多種款式啤酒任揀！適合一家大細、三五知己傾計啤啤佢！🤩

勁難得約到一班中學同學出嚟聚會，就一定要打邊爐啦。因為我哋大家都住觀塘區，所以就近近地搵咗呢一間任食邊爐。🥸🥸呢一度嘅任食海鮮火鍋有肉蟹同龍蝦揀，我哋見龍蝦同肉蟹價錢唔係差好多，所以就嗌咗龍蝦。🤩🤩估唔到佢除咗有火鍋海鮮盤之外仲有刺身拼盤同埋雞煲！$318嚟講，真係好抵食。本身諗住佢哋個刺身拼盤唔會有啲咩特別，點知竟然仲有鮑魚，仲要每人一隻😱🥰。而雞煲嘅份量都幾多，同埋都好惹味。😋食完雞煲，我哋仲可以揀一款湯底去打邊爐，而唔係用返雞煲去打邊爐🤩，勁好。我哋就揀咗芫荽皮蛋湯。然後我今晚最期待嘅火鍋海鮮盤終於嚟喇😋😋。啲龍蝦大大隻，而且食落肉質非常之彈牙同埋仲要有膏，好新鮮。特級安格斯肥牛油脂分布平均，唔會太肥又唔會太瘦，完全唔會鞋。🥰🥰除咗呢啲嘢食之外仲有其他嘢食可以任食，呢一度嘅蝦滑都好好食，同朋友嗌咗幾次。😋😋打邊爐咁就梗係唔少得嘢飲㗎啦，呢度唔單止有汽水啤酒等等嘅嘢飲，仲有一啲用水果整嘅嘢飲，打邊爐飲嗰陣幾fresh。以後同中學同學聚會又多咗個地方喇。🥳

今天下班相約朋友去觀塘打邊爐，我們選擇了去觀塘亞太中心6樓的真味鮮廚，這裏先會享用美味的雞煲，再以海鮮拼盤來打火鍋，還有很多任食火鍋配料。雖然這是一間火鍋餐廳，套餐內卻有提供刺身拼盤一客，分別有三文魚，吞拿魚，鮑魚，甜蝦，帶子，希靈魚等等，品質和味道都媲美日式放題餐廳。餐廳提供的重慶雞煲亦非常惹味，芫荽等配料更非常好地帶出雞煲的鮮味，雞件切為小塊，非常容易進食，肉質鮮嫩，作為火鍋錢的菜品夠晒開胃。我們一行人選了龍蝦海鮮盤，拼盤包含了六至八款時下新鮮的海產，這次有扇貝，青口，海蝦，魚片，海螺等等。除了海鮮拼盤，餐廳亦提供了一客特級安格斯肥牛和巨型水餃皇，水餃王內的鮮蝦肉餡亦非常足料，特級安格斯肥牛肥瘦分布平均，絕對係高級食材。食到呢度我們一行人已經有八九分飽，客人還可自行挑選任食火鍋配料，分別有肥牛，黑毛豬肉片，響鈴，鮮芋頭，墨魚滑蝦滑等等。

咁耐冇見朋友，一定要約出嚟食下飯啦，見大家又住附近，就一於上去呢間打邊爐吹下~~~~~~~~~~4個人上去唔使等好耐就有位，咁好快就揀咗咩餐，我地就揀咗龍蝦。等咗冇耐就即刻上咗雞煲，個雞煲就唔係好辣。如果啲雞可以多啲就好喇。食完雞煲仲有刺身。鮑魚就有每人一粒，其他仲有三文魚、章魚、希靈魚啦。啲刺身都幾鮮，唔會霉。跟住就到重頭戲，終於開始打邊爐。湯底就有4款，我地就揀咗皮蛋香茜湯。佢嘅芫茜味唔重，唔鍾意太濃味嘅朋友都可以試下。一嚟就送咗碟牛先，質素唔錯。同埋有海鮮拼盤，應有盡有，我最鍾意佢個白鱔同鮮蝦。任嗌嘅餸唔多，但質素唔錯，而且仲有任飲，而且有大量啤酒，仲有黑啤！如果同朋友聚餐都可以一試！

晚上和朋友一行四人去觀塘的真味鮮廚吃火鍋。餐廳裝潢是中式酒樓的風格，但主打多元美食包括海鮮火鍋放題、雞煲、日式刺身，一次過滿足多種願望。先上菜的是刺身拼盤，種類繁多，有三文魚、帶子、甜蝦、希靈魚和鮑魚刺身。重點一題的是鮑魚刺身，個頭不少，肉質彈牙有口感。三文魚厚切，入口油脂豐富，帶子也相當飽滿，味道鮮甜，整體而言相當高質，拍得住日式料理店的水準。接下來上菜的是重慶雞煲，熱辣辣香噴噴，雞件肉質鮮嫩，略帶微辣，完全吸收了醬汁的味道，而且用上大量得芹菜洋蔥爆香，非常惹味。吃完雞鍋，我們就點了一個胡椒蘿蔔排骨湯作湯底，並隨即送上一盤海鮮拼盤，我們早前選了龍蝦，其他的海鮮有青口、東風螺、蟶子、龍躉腩、貴妃蚌、海蝦等，食材相當新鮮，尤其是龍蝦，肉質爽口鮮甜，值得一讚。另外，每枱均有一客特級安格斯肥牛，以及每人一隻的巨型水餃皇。牛肉雪花分佈得均勻，放入湯底幾秒可食用，入口牛肉味重，但亦不會太油。水餃尺寸相當大，也非常足料，每顆水餃都包有原隻鮮蝦，真材實料，其他火鍋配料選擇也非常豐富，炸魚皮、響鈴、韭菜餃、豚肉、芝士腸、蟹柳、芋頭、各種蔬菜等，均用手機下單，相當方便。重點推薦是這間店的蝦滑，爽口彈牙，

今晚好想食火鍋⋯⋯第一時間諗起呢間，因為之前食過唔錯，有深刻印象，所以今次同家人再來食過最欣賞佢冇限時間，唔使趕頭趕命⋯⋯仲有，三百幾蚊就可以食到海鮮火鍋、雞煲、刺身，真係仲想點丫，當然食物質素都好緊要先來個重慶雞煲上枱已經聞到濃濃的雞煲味，啲雞好入味，我連雞煲嘅配料都食埋雞件真係好滑一份刺身拼盤剌身非常新鮮，尤其帶子、牡丹蝦、三文魚⋯⋯小朋友就鍾意食鮑魚食完個雞煲，就開始換咗個煲打邊爐，我揀咗皮蛋芫荽湯底，選擇肉蟹火鍋海鮮盤：呢個海鮮盤除咗有兩隻大肉蟹，仲有鱔、龍躉腩、青口、聖子、海蝦等等肉蟹除咗新鮮，仲有蟹膏特級安格斯肥牛：肥廋分明，雪花紋好靚，淥一淥入口，好林，超正仲有每人一隻巨型水餃王，每人一粒已經足夠，因為真係好足料其實其他火鍋配料都好新鮮，完全唔馬虎，一啲都唔係hea做，仲有，呢度服務態度好好，頻頻睇客人有需要，值得讚賞三百幾蚊一位，仲有咁好食材比客人食，有讚無彈，我會繼續幫襯架

好耐冇出外吃火鍋，難得今晚齊人，近近地去觀塘方便大家。因為想傾吓計唔想咁趕，我哋揀咗冇限時嘅中式火鍋放題~😊 「真味鮮廚」主打海鮮火鍋，套餐包括時令海鮮拼盤，見每枱都有一盤，貨如輪轉必定新鮮！😍🎉重慶雞煲先來一個惹味嘅雞煲打開胃口!雞件好入味，唔太辣，秘製醬汁爆炒勁香，4人份量啱啱好。🎉日式刺身拼盤超大盤！擺得靚靚😍帶子夠鮮甜，三文魚肥美。赤蝦，八爪魚正常質素。冰鎮鮑魚入口唔韌，有鮮味👍🏻🎉特級安格斯肥牛目測有超靚雪花，入口肉質柔軟夠嫩，仲好有肉味～！👍🏻👍🏻🎉巨型雲吞超巨型雲吞，肉質餡料爆滿，大大隻海蝦爽滑鮮甜！食完雞煲，刺身便開始打邊爐。湯底四選一，一致通過揀咗最common嘅芫荽皮蛋湯😋，湯底較清配搭海鮮一流！唔會搶走海鮮嘅鮮味。極多芫荽，湯底超香！🎉龍蝦🦞／蟹🦀海鮮拼盤 非常豐富的海鮮拼盤！可以選龍蝦或者蟹，又或者一半一半～雖然龍蝦好似性價比較高，但我哋兩樣都想試🤗龍蝦肉質又爽又彈，絕對新鮮貨色。至於隻蟹就冇想像中咁大隻咁多蟹膏。不過肉質新鮮都合格～龍躉肉足足有成八，九件，每件都超大件厚肉，非常滿足食魚都食飽！海蝦🦐同樣鮮甜彈牙！蜆冇沙👍🏻白鱔片超肥美唔腥👍🏻聖子超爽甜！淥一淥

觀塘亞太中心《真味鮮廚》，鄰近地鐵站交通非常方便，限聚令放寬，可以多過二人聚餐，今日一行四人來個雞煲海鮮任食火鍋。這個海鮮餐好抵食，除了本身個豐富海鮮盆(龍蝦/肉蟹)，仲有刺身，又有雞煲，其他火鍋材料都係任點任叫。熱辣辣雞煲炒起特別惹味，這個辣度剛剛好，件件雞件啖啖肉。刺身包括：大大塊三文魚、鮮甜帶子、彈牙鮑魚、軟滑大蝦、爽爽希靈魚及八爪魚，款款都新鮮。海鮮盆非常豐富，龍蝦(二人各半隻)，肉蟹(二人各半隻)，龍躉真係好靚，口感好實在，龍躉皮滑捋捋，蟶子夠爽口、海蝦新鮮、鱔片香滑、巨型帆立貝、仲有青口及大蜆。特級安格斯肥牛，特別肥美，入口即溶。美國雪花肥牛~巨型水餃皇及彈牙蝦滑~脆卜卜魚皮及響鈴~五餐肉及南瓜，什錦蔬菜盤，勝瓜好淋~店員會幫忙處理雞煲，服務態度友善。

話說自疫情以來都冇去過打邊爐放題，今次嚟到觀塘亞太中心嘅真味鮮廚，品嚐一下幾有刺身又有雞煲打邊爐既任食，大約$300就可以食到呢三款真係物超所值。先來一個小辣嘅雞煲，雞件啖啖肉而家煲嘅調味一啲都唔馬虎，值得一添再添刺身一嚟到就已經衝擊我嘅視覺，刺身以火鍋店來講質素都10分令人滿意，多啲人黎食應該會仲正！你都打邊爐嘅環節今次我哋揀咗胡椒蘿蔔排骨湯，有大大嚿嘅豬展肉，真係落足晒本事不宜遲介紹吓我哋嘅豪華海鮮拼盤，一個字正，各款海鮮都10分新鮮，蝦仲跳吓跳吓，仲有我至愛嘅龍蝦，冇得頂呀以火鍋配料都毫不吝嗇，有手切肥牛仲有巨型鮮蝦水餃，食到我哋滿肚腸肥！🤗🤗

今晚同男朋友屋企人食飯，一行四人去食飯😋觀塘麻雀雖小五藏俱全，有好多餐廳可以揀，因為走馬看花，所以次次都唔知食咩好🤣知道亞太中心有好多唔到種類嘢食，所以可以到時先決富食邊間餐廳😋 - 今晚唔知點解好想打邊爐，上次食過真味鮮廚唔錯，決定encore😍佢係一間半自助嘅任食餐廳，海鮮、安格斯牛肉、巨形水餃只會黎一次，但係雞煲同其他火鍋料就可以任叫～-1.刺身拼盤刺身拼盤一共有6種刺身，包括三文魚、牡丹蝦、帶子、八爪魚、希靈魚同埋磯煮鮑魚🤤刺身全部都係好新鮮，亦都夠凍，作為頭盤即刻開胃哂😌 特別推介牡丹蝦，好鮮甜，軟糯嘅口感🥰- 2.重慶雞煲呢度嘅雞煲都係任食嘅，為左留肚我就冇再encore🤣佢雞煲整到一啲都唔馬虎，雞件都好多肉，雞肉醃得好入味😚雞煲醬嘅味道都唔錯，唔會濃到淨係食到香料味。- 3.波士頓龍蝦海鮮盤去到海鮮盤嘅部份，亦都係最回本嘅位，可以揀肉蟹海鮮盤或者波士頓龍蝦海鮮盤🤤因為係屋企整龍蝦唔係幾識處理，所以係屋企都唔會整黎食，出街有得食嘅話都會揀食龍蝦🦞龍蝦嘅size都有隻手掌咁長，食落覺得都好鮮甜，唔係急凍嘅貨仔😋除咗龍蝦之外，仲有帆立貝、龍躉、青口、海蝦、蜆、白鱔同埋蟶子😍好多