真香蛋卷

营业中

休息中

一年之曾經買過真香，蛋卷真的非常香，小小的一間店，完全唔起眼，要不是看Openrice也不知道。買回家給人家吃也喜出望外，價格也算實惠。今年再次到訪，好像加了價到25元一盒，到了小巷頭已聞到香味。這裡的蛋卷蛋香味較重，如果你喜歡牛油味的可能會失望，最重要唔太甜，吃多了唔會覺得膩! 經過元朗一定要買盒當手信。

行經元朗，聞到一陣陣蛋香香氣撲人，探頭一望，原來係一間賣蛋卷嘅舖頭！老闆響舖頭入面埋頭苦幹整出一條條新鮮蛋卷，手工蛋卷賣少見少，梗係要買返盒番屋企試下啦！蛋卷罐保有舊式設計，相當地道！蛋卷卷身比一般出面賣嘅較為薄身，口感奇脆，蛋味濃郁，足夠齒頰留香好耐，亦比出面一般嘅冇咁甜，啱哂我呢d唔嗜甜嘅人！題外話:舖頭隻貓貓好得意!!XD

是日特地到元朗遊玩，除卻咖啡，最叫我心癢的便是蛋卷。隱身於窄巷內的餅家，琳琅滿目的餅食，喚起兒時的記憶。小學生時代，喜愛到家附近的士多、辦館和麵包店，辦館的餅架上的光酥餅、嚤囉酥和蛋糕仔最得我心。是日又看到這些餅食，包裝袋上簡潔的標示，不禁會心微笑。可惜是日未能目睹伯伯親手製蛋卷，只能嚐到他每日鮮製的出品。由於保存期不長，我只好挑我最想食的，以免浪費。買了雞蛋卷和金錢鳳凰卷回家，不消一會便掃光了，早知道買多數款。雞蛋卷卷皮薄得很，彷彿很脆弱似的，卻比想像中硬淨得多，經過舟車勞頓都完好無缺。蛋卷很鬆脆，蛋香四溢，可能較一般蛋卷薄，而且伯伯調較過甜度的關係，食畢整盒，卻丁點不會甜膩。金錢鳳凰卷其實和蛋卷味道差不多，只是內裡加了芝麻肉鬆饀，為香甜的蛋卷，添一份肉鬆的咸香。肉鬆份量不多，食起來較澳門很多出名牌子感覺更輕盈，不會膩滯。簡單的包裝，用心的製作，是支持小店迄立至今的原因吧~ 希望下次來元朗再嚐我的兒時最愛—光酥餅，看能否尋回往昔的味道。

歷史悠久的「真香蛋卷」,於1948年開業。逾半世紀的業務依然迄立不倒,一定有它的優秀之處~雖然店鋪位置在比較偏避的橫街小巷中, 但依然擁有一班粉絲不怕山長水遠的來購買。大約左3年前, 和好友到元朗覓食, 經過一條小巷的時候聞到陣陣蛋香..香味四溢..十分誘人..想不到店鋪就左旁邊, 原來店鋪售賣的是以人手製造的蛋卷!吃悶了連鎖店的機器式蛋卷後, 立即對自加製的蛋卷倍加好感不過很後悔當時只買了一小盒的蛋卷。一盒只有8條, 很快便消滅了~蛋卷食落真的十分鬆脆, 那種鬆脆程度..真的不能睇小!! 然而蛋味不算重, 但也不失蛋香! 還記得母親大人讚不絕口! 當然, 我也對它念念不忘呢..由於小妹很少機會入元朗, 所以常常對在元朗工作的朋友說很掛念真香蛋卷, 前陣子朋友終於幫我買了呢!! 雖然朋友試了後覺得蛋香不重, 但對我來說已經有足夠的蛋香!原來此店老闆為了客人食得健康, 以少油少糖及沒有採用牛油的方法來製作蛋卷, 另人覺得沒這麼膩, 和德成號的蛋卷相比, 食落是兩種不同的感覺。今次朋友幫我買了小鐵罐裝的$55, 很懷舊式的鐵罐, 連上面的貼紙也有種古老的感覺。 每條蛋卷都有不同的層次, 味

入到元朗, 除了有出名的老婆餅, 真香的蛋卷也是不錯的手信選擇店舖位於元朗小巷, 未去到店舖已經聞到一陣陣蛋卷香~ 原來有位阿叔會於店面即製蛋卷.盒裝蛋卷有分紙盒($25), 小鐵罐($55)及 大鐵罐($90) 店主伯伯話佢地的蛋卷是少糖少鹽, 主要有蛋香! 買了小鐵罐蛋卷試一試蛋卷看上去顏色平均, 啡啡的, 蛋卷鬆脆, 很香蛋味. 不太甜! 個人認為價錢貴了些....不過是好食的

行開元朗,朋友推薦,叫我買嚟試吓,這間鋪頭很多小時候喜歡吃的食物,叮叮糖&乾酥餅等,我買咗豬肉鬆鳳凰卷試吓,估唔到真的很香脆很好味,想不到這間不起眼的店鋪給我驚喜!!下次會試吓蛋卷!!

與食家姚東師傅嘆完茶後,經過附近突然我醒記有間元朗區買舊餅食的店,就拉著師傅過去看看店子很小,門外放滿種類繁多的餅食,一心買'名物'蛋卷,點知有我鐘意食的乾酥餅和豆沙燒餅因為一個人食不到太多,先買住乾酥餅.有機會再試其他好了.原味蛋卷廿蚊一盒,用懷舊味濃的紙盒裝著,而乾酥餅分兩款,大個兩件裝/細件五個裝都是五蚊,只是用食物膠袋著住.問老闆餅食的保質期是如何?他說蛋卷盒上貼有日子(最後發現係無=.=),開封後要即食.而乾酥餅就由買日計一星期內食完.回家後急不及代開封食,原來蛋卷再有膠袋密封著,經過舟車後也沒有壓到甩皮甩骨,幸好幸好人手制的蛋卷長度一樣,而且十分工整,手勢一流也.卷皮好薄,一咬下,脆皮散開脆口度可想而知!不過還差少少鬆化感覺,附近的恆香蛋卷就和這個剛好相反,很鬆化並沒有勁脆感.蛋卷好香,食入口的蛋味不重,最討好我的是那甜度非常輕微,連續食四條都不覺膩到第二日食埋餘下條數也保持到極脆度,厲害!然後再加食乾酥餅,餅身摸上手軟軟的,口感確實勁鬆軟,餅身之間窿窿甚多,應是鬆軟的証明吧但我好衰,覺得未夠乾,因乾酥餅要激乾才是皇道XD店外在幫忙的婆婆,動作敏捷,計數又快喎,身為三張野的

年初一 周街d 鋪都冇開估唔到係冷清既小巷入面仲 見到真香有人勤力咁整蛋卷聞左廿幾年香味 今日終於第一次試一心諗住買一盒燕麥蛋卷$20誰不知只有原味...而且只有罐裝 $45原來老闆要趕工整俾d 訂左貨既客人...所以一心專注整原味好啦~~見咁有口碑 買一罐就一罐全程都係一個比較年長既女士"招待"我佢地咁急趕緊工 態度仍然親切令人感覺良好!要讚返到屋企試真係唔係好甜!!!! 我鍾意呀~~~~ 之前係街買果d 全部好人工化...好甜 , 感覺唔係咁健康呢隻口味真係好住家唔怪得之可以屹立係元朗咁多年啦雖然唔係好甜, 但又夠味 有蛋味...而且好 "zone 吹"d 蛋卷條條都有d 不一 , 有"人" 味 hahaha好滿足!但試唔到燕麥 都仲有d 心掛掛下次實會再返黎買

在現場即製的蛋卷已不多見，位在巷內的真香園，入元朗尋寶時就總會碰到他，老闆退休後做蛋卷打發時間，試過一條即製的蛋卷，如他所言，風味反而不及放涼半天後吃的鬆脆，道理如雞蛋仔一樣，剛焗出來要用風扇吹，水份散發後口感才會好。話說回來比起德成號，這裡就做得不夠鬆化，不過比起同區量產的蛋卷，還是滿意蛋多粉少的手作味道。

今日放工後，想買零食，走過“真香”，我決定捨棄薯片和朱古力，尋回兒時的味道！不知不覺間，”真香”都好耐了，可謂陪着我們成長，因佢伸縮在後巷的一角，所以唔係好多人知，但凡走經佢鋪頭，都會被香味所吸引，睇住老闆將蛋汁倒在烘餅機上，翻來覆去，就製成美味的蛋卷！除了蛋卷香脆外，我亦愛綠豆餅和瑪仔，貪其唔太甜，好新鮮！綠豆餅的酥皮鬆軟，厚薄適中，綠豆餡香甜，我可以吃好多而瑪仔，我則獨愛其夠脆身和一粒粒夠大粒！Support自家製作, support新鮮原味！

去元朗一定要買些手信回家吃，通常人會去榮華或大同或恆香，今次尼三間我都無去，女友帶了我去小卷細店，原來都係老字號，以米通最為有名，買了馬仔…髦化，少甜，好味，9元有兩件，芫茜蛋卷…第一次見有芫茜蛋卷，有蛋香，好脆，全人手製，可以再來買過，米通…唔知是否買錯了，但都好脆。唔熟悉元朗，是好難找到。

呢間鋪一向都係sell 全人手制作,全蛋制作,真係無牛油架, 雖然會無其他牌子咁香,但係蛋香不變,甜味少左反而唔怕食多.其他推介 :馬仔 - 鬆化好味芝麻餅 - 香脆

經過:飮食雜誌推介專程到元朗買了一盒燕麥蛋卷番屋企食，但當我們在屋企品嘗嗰陣……哇!!!!由膠袋攞出黎已經 '林pat pat', 一D都唔脆, 好似擺咗好耐錦, 又冇食用日期,好唔新鲜 lor...豆腐渣仲好食過佢, D味怪怪地, 係我食過嘅蛋卷之中最難食, 食完之後好驚會肚疼。 好彩冇事!

記得小時候每一次行經大馬路個邊的小巷附近總會嗅到一陣陣的蛋卷香味,真香蛋卷我由細細個就食到大,真係好中意佢地蛋捲的脆,記得細個時仲即場見過伯伯整蛋卷,真係一見難忘,十幾年黎話冇變到就假ge,不過真香蛋卷雖香氣沒以前濃,但還是跟以前一樣脆!還是很愛吃,最中意買大罐裝抱住個罐一邊睇電影一邊食!

睇左食評, 諗住行開元朗就去買包啦, OH NO 一包八條,18元包,又貴又唔好食,係完全冇味架唔甜, 冇砂糖賣咩唔香, 一啲牛油味都冇唔香, 一啲蛋味都冇,都唔明點解, 禽流感都受到控制啦可能店主 SELL 健康