真鮨 (已結業)

每次來呢一間舖我都必點清酒煮蜆，個湯真係好鮮甜，蜆又大隻，次次都飲晒d湯。之後唔想諗就叫咗個廚師發板，刺身同壽司款色特別，唔係一般會食開嘅魚類，都算新鮮，特別係貝類好鮮甜。不過海膽差少少，雖然好甜，但下面個d已經呈散散地，水嘅狀態，唔敢食。拖羅刺身都有少少筋咬唔到，以呢個價錢來講都頗失色，下次應該散叫～

今日五一勞動節好想躝街食飯補償一下平時禁鬼勞動😜疫情關係 好耐先出街食一次野，梗係要食啲有質素嘅飯啦，即刻諗起尖沙咀呢間日本餐廳Moshi Moshi,佢價錢屬於中價 唔貴亦唔太平，人均$300-$700視乎有冇飲酒啦～今次發覺枱與枱中間多左幾度透透哋嘅啡色簾用來阻隔食物，又幾靚喎 好襯間舖頭好日式~唔會好似快餐店咁用膠板咁突兀～今晚又係兩條友食 （1）首先點左廚師發板嘅魚生沙律 ，酸酸地嘅汁好開胃 $98（2）火炙壽司拼盤 $228 燒咗感覺安全啲同埋舊魚始終香啲 自從有肺炎個病毒 人都謹慎啲🤩 （3）蛋卷壽司 平時其實唔係太鍾意食蛋，但係呢個真係好味 ，個蛋中間係有啲明太子（4）叫咗四吋串燒 推介日本青椒仔，牛舌心都吾錯 ，仲有雞翼同豆腐 $170 （5）其實已經7788飽，始終有咁多壽司，但係真係好想食甲羅燒 ，上次都有點 $68一只 好美味呀 ～～起未燒🔥之前會靚靚咁攞入嚟俾你望一眼先👁👁🦀燒完再入嚟就變晒全部墨綠啡色，好香又好味 但係影就唔靚㗎啦～所以 一定要喺未燒之前影相 放po 😜今晚真係好滿足，仲開咗一支300mL嘅sake 不過唔記得影個樽，300ML好似得呢一

晚上9:00收工匆匆找吃的，又想吃壽司又想吃熱食最後來到moshi 試試。點了特價Sapporo 啤酒，$88兩杯，抵飲壽司點了數款，拖羅、油甘魚、三文魚、劍魚、蟹膏、火炙魚背、蝦壽司。當中油甘魚最出色，拖羅及魚背也不錯，其他壽司也ok。如上菜的次序可以按魚的濃淡再上就更理想（以下相片是當晚上菜次序）串燒類點了燒豆腐、豬腩、雞軟骨、牛肉粒、荔枝煙肉卷、雞翼。當中最喜歡是燒豆腐，外面烤得脆脆，入面仍保留豆腐的軟嫩，也很有豆香，推！是晚之最燒油甘魚鮫，非常美味，外脆內軟，烤過的油甘魚味濃富有油甘魚獨有的魚香，一點也不腥，魚肉滿滿還很juicy，推薦！

聽朋友講 呢間餐廳用料新鮮 👍🏼經過tst就去咗試吓食物新鮮 味道佳魚生好鮮甜 熟食味道都好好服務都一流㗎 不停主動斟水 侍應又有禮貌下次一定會再黎 !!服務好 食物新鮮 價錢合理

Moshi Moshi 一直是心目中幾好味的餐廳, 價錢中上。昨晚重回舊地, 印象中的較好味的食物只有甲羅燒/赤貝刺身/蟹膏蟹肉玉子燒。其餘的刺身拼盤, 中規中距, 唔覺特別新鮮。至於灸燒壽司拼盤亦沒甚驚喜。個人認為最差的是鱈場燒蟹腳和蟹腳天婦羅, 價錢唔平, 但味道實在太一般, 無乜味。另外, 還有點些串燒, open sushi 唔記得左叫咩名, 都OK的。至於服務方面, 亦有點兒失望, 樓面的幾個侍應似乎唔係太熟悉店內的食物, 而且亦不會太主動去了解客人的需要。總括來說, 食物價錢再反映唔出應有的質素, 個人認為太唔抵食。 至於服務, 亦一般般。

推薦指數：🤩🤩🤩🤩朋友介紹黎食MOSHI~ 水準都幾好唔錯喎~我地單點左幾款壽司 , 油甘魚腩同左口魚都相當新鮮肥美, 但三文魚腩都相對有少少失望~ 因為個部位唔太屬於腩位, 口感同肥美程度有分別。反而海鮮丼就比預期中出色，高ＣＰ值!一個海鮮丼的刺身份量夠哂足料，淨係海膽都已經佔左成1/3碗，仲有油甘魚同甜蝦！刺身海膽非常新鮮，毫無異味，而油甘魚亦厚切大片，非常滿足兼好食的一個海鮮丼，個人覺得比壽司更為出色呢朋友推介的玉子燒，今次點的係鰻魚芝士玉子燒。上面配有紫菜同少量木魚，令成個玉子燒味道更出。芝士鰻魚半溶狀態，混合埋玉子燒的雞蛋香同香滑口感，唔錯～而且都幾大份嫁～

第二次光顧，今次同朋友慶祝生日，店員推薦我地叫Omasake，師傅用心設計，食物新鮮！另外有我喜愛的燒新鮮蟹蓋❤️ 店員幫我地續一燒好，超美味，太感謝啦～～ 最後要讚一讚小店的服務員，非常有禮貌：）

今日我和朋友去到於尖沙咀的真鮨，一嘗他們的手勢。他們的店面非常之明亮光鮮，入到去我們揀選了是日店員推介嘅精選菜式，不一會兒食物就送上了！前菜料理/日本枝豆估不到只是和風番茄沙律同埋日本枝豆已甚有特色，很惹味同埋開胃，很不錯的！日本原條刺身魚 - 葉血引到了是日的重點葉血引！師傅有心地逐件切逐件去上桌，並體現出日本人辦事的細心和認真的精神！值得一提嘅係刺身非常之新鮮味美，味道有香濃嘅魚味，入口即溶，岩晒啲鍾意食魚嘅人。A4和牛壽司A4和牛外脆內軟，用了三種唔同嘅煮法，感覺非常之好，再加上佢嘅特製醬料，絕配，也是很不錯的選擇！燒雞皮/串燒鴨腎/燒日本青椒仔燒雞皮笑得剛剛好又香口又唔油膩，極力推介！串燒鴨腎一樣是上桌，雖然是鴨腎，口感真係非常之不錯，絕對ok的。燒日本青椒仔可以一試。蔥花海膽大阪卷到了是日的另一重點蔥花海膽大阪卷了！由於師傅很有心地精選及準備各種新鮮直送海產，故件件新鮮味美。特別值得一提佢哋用咗新鮮嘅海膽成兩層高，入口味道即溶又濃厚。期間店員還不斷替我們加茶，非常之周到貼心，難怪咁好生意！

依排實在忙得透不過氣，好想去日本旅行，好想食日本菜，於是去了同事介紹的Moshi Moshi食，好彩有一早訂位，因為真的好爆滿。店舖設計簡潔帶點高雅，店員服務亦相當貼心，不時為我們添茶。和風蕃茄沙律蕃茄好清甜，配上酸酸咪咪的醋及帶清新的香草乾，又清新又開胃。日本原條刺身魚 - 葉血引之後叫了日本直送時令原條刺身魚葉血引，每年11月最當造，是深海魚。葉血引刺身造型栩栩如生，而且肥美新鮮，片片都立立令的。葉血引入口質感肥美彈牙，透著淡淡的甘甜鮮味道，魚味濃厚而不膩，蘸些刺身酸汁，更提升了葉血引的味道。這裡好貼心，食過葉血引刺身後，唔會浪費，會把葉血引的頭和骨煲成魚湯，來一個一魚兩食。煲出來的魚湯是金黃色的，喝落鮮甜香濃，啖啖精華。蔥花拖羅海膽大板卷蔥花拖羅海膽大板卷好吸睛，海膽片片都好大片，味道甘香鮮甜，入口即溶，味道在口腔中迴轉。拖羅有大量由拖羅打成拖羅蓉，味道又香又濃又好滑。連埋大量蔥花卷埋一齊食味道濃厚香滑，相輔相成，必叫之選。海老+野菜天婦羅海老野菜天婦羅好豐富，有大大隻好鮮甜而且炸得脆而不膩的海老，配上同樣炸得香而不膩的厚大鮮冬菇、好甜美的蕃薯等野菜、脆口的秋葵等，拼成一碟好味的

今日去食日本菜，喜出望外之旅。入到去環境超好，好似去咗日本居酒屋咁，首先我哋嗌咗個清酒醒醒胃先，之後嗌咗個原條刺身，店長推介我哋食魴鮄魚，第一次食感覺十分奇妙，師傅薄切起肉，魚好鮮甜，雖然佢唔多餘油脂，但極有魚香，亦都係有少少入口即溶嘅感覺。壽司方面就帶咗火炙雪場蟹腳啊，火炙左口魚邊，雪場蟹腳有鮮甜又大啖肉，左口魚邊魚油極香！另一個就係朋友大力推介嘅，蔥花海膽大阪卷，海膽份量簡直喜出望外，而且極度鮮甜，配埋吞拿魚茸加蔥花，呢個價錢性價比超高。而軟殼蟹沙律卷句，佢係用好似越南嘅粉皮包成入，軟殼蟹唔會好油膩，配埋越南粉皮配合得非常好。我哋再嗌左幾串串燒，牛舌彈牙，入口極有有牛香而且燒得非常出色，好考師傅功力。焦糖日本甜薯又係另一個驚喜之作，以為平平無奇點知咬落去係脆口脆口， 為呢餐帶黎完美嘅結局

今日係一個好日子，因為我終於放假啦，所以要食返餐好既，我決定要食日本野放鬆一下日本原條刺身—- 魴鮄魚呢條魚嘅出產地黎自千葉縣，而且呢度師傅嘅刀工非常利害啊，超博身而且比例係啱啱好嘅，係我食過最好味嘅刺身。之後再點左蔥花海膽大阪卷，呢個海膽加吞拿魚又係冇得輸非常好味而且可以親手自己卷，實在別有一番風味。小食方面點左燒說魚乾，都幾開胃好適合餐前食。之後我哋再點左燒牛舌同埋燒雞腎兩個都笑得好出色好香口,仲有點左幾款壽司都係我自己好重要嘅,飲品方面我地點左颶風梳打同埋荔枝梳打,非常大杯解渴一流。環境方面好有日本風味，而且服務非常貼心會為你講解每一道菜嘅名稱，而且師傅會周不時同你打招呼。仲有呢到可以點日本燒酒飲架，配合返個環境。

日本刺身魚生根本已經是港人的最愛,一星期最少要食一次,最近發現了一間人氣十足的日本居酒屋.地點十分之方便離地鐵大約2分鐘環境佈置十分之有氣氛.由日本直送的原條飛魚，賣相十分之吸引，魚肉十分之爽口彈牙，水準之作.Omakase ,如斯選用了當日最時令的海鮮，例如有拖羅，入口即溶,十分香濃的加拿大海膽，活帆立貝也是不能錯過的，充滿了淡淡海水味.天婦羅的水準也十分之高，並不是很油膩，也是脆脆的.食店的特色飲料也十分之好飲，充滿了啖啖桃味.

放工獨自去食孤獨飯，行行吓入咗間日本餐廳，見到隔離枱食緊個海膽卷，問職員係乜嘢嚟原來係呢間鋪既生招牌，呢個係力推產品，海膽加埋吞拿魚茸，仲要另外比你自己包，唔單止可以滿足肚皮，仲可以滿足埋視覺享受，海膽新鮮，仲好足料！餐前小食叫咗個燒魚乾，感覺幾得意幾香口！三文魚子壽司又係又一力作，粒粒彈牙仲要紫菜仲係脆緊㗎！魚子粒粒又唔會好腥，最好鮮甜最後帶咗個糖膠喺面，入邊係日本甜薯仔嘅小食，真係名副其實外脆內軟！

一人午餐🥣食過幾次呢間野 都覺得唔錯 價錢又好平 好似啲碟魷魚咁 好似都係$68 三文魚腩壽司都係$22件 系好肥美 好大件！ 👅👅👅(流口水)重點係服務好好💓尖沙咀諾士佛台呢啲咁嘅地段，用咁嘅價錢可以有咁嘅服務同質素，冇得輸啦💋

位於金巴利道既Moshi Moshi面門好靚，簡樸得黎帶有日本味道，響門口睇完餐牌之後就決定同朋友一試！店員介紹既梅酒，清甜易入口。日本巨峰梳打清新，唔會過甜，正！剌身拼盤加拿大海旦，份量十足又大塊，食落好鮮甜，一啲異味都冇，推介！而活帆立貝質感好有texture ，食落一絲絲咁。中拖羅厚切好滋味，又冇筋，有入口溶化嘅感覺！拼盤仲有赤海蝦，三文魚，三文魚籽同油甘魚，價錢非常公道。浜燒盛拼盤甲羅燒由滿滿既蟹膏，蟹籽，蟹肉填滿，味道十分濃郁！仲有燒帆立貝同燒聖子皇，兩個既味道都好鮮甜，燒既時間控制得好好，肉質好鮮嫩！而燒蟹腳就灑上左少量鹽調味，蟹肉鮮味好出！燒雞皮係好邪惡既燒物，但食落一啲都唔覺油膩，反而脆得黎好香口，送酒一流！而燒鰻魚好厚身，食落軟綿綿，上菜時仲keep住暖，所以特別好食！