真鮨 (已結業)

今晚朋友帶了我去尖沙咀金馬倫道食日式料理，想不到有意外的驚喜。餐廳不是很大，今晚座無虛席，十分熱鬧，感覺可以暫時忘記外面的世界。餐廳選擇頗多，店員推介了Omakase ，所以點來試試。中間是滑溜香濃的加拿大海膽，外圍有肉厚鮮甜的活帆立貝、肥美厚實的中拖羅、還有相對爽口的青鯛、魴鮄等。甜蝦蚧膏壽司入口香濃，配軟滑甜蝦。鵝肝多士平時并不太喜歡，但這裡的鵝肝大大塊，甜甜的，配脆多士，很夾，入口即溶，覺得挺不錯。焦糖日本甜蕃薯串外面是脆糖漿，裏面是又甜又軟的蕃薯，蠻好吃的。

天氣終於轉涼，喉嚨又好像乾乾痛痛的，所以就選擇日式好像比較好... 店員有推薦廚師發辦，不過沒特別吸引就沒點了有點了一支小清酒，是餐牌上寫著2015年得獎的那支，很易入口壽司拼盤A然後再點了一個甲羅燒拼盤這個燒帶子真不錯啊 燒得剛好又多汁清甜這個還好這是串燒拼盤～有雞皮、腎、雞翼雞皮好邪惡但好香啊！甲羅燒，滿滿一個，唯獨就是一個人吃一個真的有點多而且有點悶，如果可以給兩塊疏打餅夾著吃可以多一點變化燒蟹腳 點了一串煙肉荔枝，味道沒想像中有層次好像是三文魚餃，已經吃到好飽了正打算埋單時才發現還有一道 炒蒜香牛舌 未上，因為太飽所以打包回家宵夜，晚上吃雖然冷了，但還是不錯的，而且份量很多，CP值ok

尖沙嘴係一個永遠發掘不完的美食世界.而日本餐廳每次都有新鮮感.今次朋友介紹尼間Moshimoshi.門口裝修係正派日式居酒屋.內裡裝修又走現代風.舒適溫馨.又有各式清酒威士忌陳列在bar台上.坐低點少得杯野飲.店員推薦梅酒，朋友選了巨峰soda.梅酒幾清新酒味唔濃.巨峰出色，超級清香頭盤係刺身拼盤.（巨量）有加拿大海膽海水味濃，邪惡感十足.中拖羅，夠厚有咬感.油金魚三文魚，新鮮唔腥味.入口融.而且魚片都係厚切，新鮮有甜味，口感好好.最特別係帶子，出面食的通常係急凍.尼間係活帶子做的，極之用心.依左木壽司.魚肉纖維好柔嫩，甜味突出三文魚子壽司三文魚子滿瀉，感覺多過舊飯.足料.劍魚腩壽司比較少見，肉質實淨.有酒點少得串燒燒鰻魚腩入口融，醬汁好惹味，覺得一串實在太少.和牛肉略嫌老左小小.燒雞皮好香口.豬肉卷配蘆筍.甜味鹹味相撞.有層次.主角濱燒出場.甲羅燒超大隻，淡淡都係蟹肉絲蟹籽.配飯一流.再來燒凡立貝.新鮮貨，甜肉厚.聖子王爽口彈牙，都係甜味突出的海鮮.阿拉斯加蟹腳蟹肉嫩唔使講，帶小小焦香味.尖沙嘴日本餐廳好多，但街鋪有如此水準確實不多.

今日公司請食飯! 次次都系去飲茶，所以就提議食日本野! 呢間Moshi Moshi之前同客食過，高質又唔算話好貴! 重點系真心好新鮮同好好食! 所以同事都一致舉腳讚成! 每個同事都叫左個Set~ 而我叫左個特盛刺身定食! 除左有刺身同壽司之外，仲會有埋烏冬  真系好正! 前菜有日式螺肉同埋一個小蒸蛋 螺肉好大隻之餘，仲會有四五隻比你過下口癮! 爽啊!主菜終於到我的天！真系超級豐富啊! 睇相都知有幾多野食!個D刺身真系厚到兩部iphone咁! 帶子好鮮甜! 食完真系可以上天堂! 每樣都好新鮮好好食，當然海膽壽司都好鬼正! 雖然我好少食，但系食左呢舊都覺得好正! 一D都唔腥! 應該真系用好靚既海膽先可以做成咁! 我地仲每人叫左個芝士魚餅試下~ 不過不失啦!呢一隻一個人要188左右， 中午比cash有得免加一啊! 大家經開可以食啦! 

成日去尖沙咀都經過呢間Moshi Moshi，今次終於試到！主打壽司類，當然唔試得食壽司啦！火灸併盤實在推介！有松葉蟹、A4和牛、油甘魚、帆立貝、三文魚、左口魚邊、墨魚同劍魚腩！A4和牛啲油脂都好豐富，絕對值得單點再叫！左口魚邊都燒得好好，入口爆油，正呀！軍艦併盤有海膽、蟹膏蟹肉、三文魚籽、蔥呑拿魚蓉、鰻魚、芥末八爪魚、飛魚籽同玉子，無諗過最驚喜係鰻魚壽司，幾肥美仲有少少餘溫，同埋件件份量都好足，都唔錯！除左壽司，都有串燒可以order! 燒牛舌心係必叫，燒到爽口又唔乾，真係幾好食！燒雞皮都好唔錯，好脆但唔乾！總括嚟講，大推火灸系列同埋串燒好驚喜，作為一間主打壽司嘅鋪頭，估唔到佢熟食都幾好味！一讚！

好耐無食過日本菜，金巴利道原來開左一間新餐廳，我未試過，見唔太貴，咁今晚就揀佢啦，對自己好啲，生活有意義。門面和地方唔大但設計不遜，樓底高無壓迫感。牆上寫了每日日本直送的新鮮海鮮，要了魴鮄魚刺身，挺身的白身魚點酸汁食相對清新 ，鮮磨的山葵豉油食就鮮味倍增。把目光慢慢移到閃閃令的魚肉身，咀嚼黏稠的魚肉，口中盡留下細又香的油脂，當中的鮮味，乃難用筆墨去形容。魴鮄魚魚頭亦不浪費，一魚兩食，還滾了海帶豆腐魚湯，甜甜咸咸地，量大份，飲完身體變和暖。浜燒海鮮要了帆立貝及蟶子，前者肉很大，香噴噴，蔥調味，有啖啖鮮味。後者有嚼勁和彈性，也用蔥同蟹籽煮理裝飾，讓大家極滿足。邪惡的甲羅燒，係由蟹羔蟹籽蟹肉三種組成，乃是溶黏化不開又有卜卜爽脆的感覺，有加蔥段，使其濃厚也未致咸。蟹控姐姐不怕三高，豪邁要開動品嚐了。

白桃梳打口味香甜柔和易入口，大杯且冰塊適中，還有鮮果在裏面tim🤤冰溶後飲料也沒有顯稀。荔枝梳打荔枝味重，比上一杯甜一點，有氣份外解渴。紙飲管質量好，喝完整杯亦沒爛溶。三文魚籽壽司有光澤，很新鮮，咬口脆爽，在口中引爆，充滿魚油，洋溢咸香。甜蝦蟹羔壽司蝦身結實，蟹羔濃縮，味強烈，紫菜脆身 份量不少。火灸左口魚群邊壽司賣相出色，燒得好看，還帶爽口的質感，脆軟交替，油香芬芳，火炙多了一份焦香，比左口魚群邊美味。火灸三文魚壽司三文魚🍣經火炙後，一入口已是魚味濃郁充拆著咀吧內，比一般厚身的魚肉，包著飯粒，魚油令飯顆食味增加。工作辛苦，收工歎杯清酒🍶更是不可少⋯⋯燒雞皮串應聲而响卜卜聲，十分香脆可口，有意外驚喜。燒牛舌芯黑椒作佐料，再被我唧上檸汁，牛味不少，厚薄適中，燒得恰度好處，保留到彈性。食後感：店子氣氛好，客人多，但職員還能保持態度友好殷勤，服務夠周到。價錢同食物成比例，是一分錢一分貨的味道。

日本料理除了刺身之外，壽司是重要的一環，師傅發板的壽司更是令人值得期待的。先來點了梅酒，清甜可口。壽司十貫，活帆立貝壽司厚肉鮮甜，鯖魚壽司肉質爽而味濃，藍鰭吞拿魚壽司是赤身味道比一般吞拿魚更濃，鮫魚壽司這個是第一次試的不但肉質較爽而且味道非常濃郁，A4和牛壽司牛肉汁鮮甜牛肉入口立即溶化，蔥花海膽吞拿魚卷，海膽新鮮甜美，劍魚腩壽司油分充足，墨魚壽司爽口彈牙。龍蝦粥鍋全隻龍蝦放在粥內煮熟把所有嘅蟹膏融入其中滋味之選。焗釀松葉蟹蓋，蟹肉很多是大滿足之選。燒雞皮串，雞皮鹹鹹香香脆脆非常特別。味道: 大滿足衛生: 整潔乾淨環境: 企理服務: 殷勤抵食: 價錢跟食物成正比

今天放工後到尖沙咀取衫，見附近有間幾特別的日本餐廳，便進去試試。店員態度親切，每吃完一款食物就會幫你更換碟子，亦會待每一碟吃完才上另一碟，以保持食材新鮮。活帆立貝味道鮮甜，只點少少芥末鮮味突出、鯖魚肉質彈牙、鮫魚是非常少見的刺身，亦是我第一次吃的，估不到那樣鮮美、藍鯨吞拿魚 這個是赤身味道濃是可以預計的，入口感覺到非常有咬口、A4和牛可以用入口即溶來形容。油分充足、好爽。紫菜上邊鋪滿了葱花、吞拿魚和海膽， 店員提醒我們包得實一點，口感是超豐富，每一口都是滑身吞拿魚碎腩，而吞拿魚配海膽，這個配搭非常適合，味道很濃郁。龍蝦粥真是不能錯過，原隻龍蝦是重點，粥裏面充滿蝦膏和粥混合成一體，鮮甜好吃。這個蟹蓋釀滿了蟹肉，更有飯，每一口都是蟹肉和飯，鹹鹹香香。雞皮很脆，咬開油分流出，又散發出黑椒味。無論是配上梅酒或是茶，都一樣美味。

最近社會發生了好多事，今日收工了之後就和朋友來到平常比較少來的尖沙咀。一邊摸下酒杯底，一邊傾下工作嘅辛酸史。點了一杯梅酒，瞓夠左一日辛勞的工作後一杯酒，心情特別舒暢，可以暫時忘記一下工作的不快事。藍鰭吞拿魚無筋又無渣，好好味又新鮮！飲酒又點可以唔食串燒？雞皮串和牛舌是全都做得十分之好，除了是即叫即燒，雞皮烤得美味香口，牛舌在燒完後juicy非常，火喉掌握得恰到好處。火灸壽司拼盤有火炙和牛、帆立、油甘魚、三文魚腩、劍魚腩、蟹腳和左口魚裙邊！每款都各有特色，尤其係好鍾意帆立貝，好鮮甜。略略燒過的味道好吸引！另外再叫多幾款壽司！特別推介鰻魚，有驚喜。真係好厚肉。經過燒香過之後，鰻魚汁滲入魚肉中，好滋味。壽司整體的感覺不錯，飯不會太多，而材料都好新鮮。

至尊壽司A $348呢個價錢有16舊壽司都幾親民，仲要每一件都大大舊又新鮮！三文魚勁肥勁香，呑拿魚都好甘香，有似赤身既感覺，海膽鮮甜，但紫菜唔夠脆，變得好難咬開，甜蝦勁大隻勁甜勁肥美，唯一最失望係舊八爪魚，好「銀」好難咬，仲好腥，拖低左全碟既水準！蔥花海膽大板卷$88海膽和風軍艦$84呢兩件都係邪恶之選！有超級鮮甜既海膽配合拖羅蓉，每一啖都好滿足，兩個味道融合左，已經唔再需要分邊啖係拖羅邊啖係海膽了。。唯一美中不足都係佢塊唔夠香脆既紫菜。蟹羔蟹肉玉子燒$98見佢個樣唔係好討好，但食落又幾好味，雖然裏面唔係包住好多蟹羔，但咬落去都有一絲絲既蟹羔味，又唔會太漏，幾正！蒜香牛舌粒$68一叫呢個店員就見我地諗清楚因爲呢個唔係牛舌芯，可能會覺得太「銀」咬唔到，但考慮左一陣，我地都係決定試一試。點知，呢個真係令我地好有驚喜，可能本身無乜期望啦！一咬落去，超級嫩滑，仲有啲炸蒜撈埋係鐵板上面，好香口好惹味！仲要有好多，性價比勁高！龍蝦粥（2-3人份量）$268見好多人都叫呢個熱門菜，我地都試一試，呢個即叫即整，趕時間既朋友就唔好叫啦因爲制作需時呀。一上枱，佢蒲面既龍蝦多到見唔到啲粥禁濟，全隻龍蝦上，認

今日第三次去食lunch 明太子汁蛋包飯好好食！鍾意明太子既人可以一試！ネギトロ丼+海膽 以148@呢個價錢都食得過基本上大家服務態度係好好除左一位戴眼鏡大約四十後既女士。日本人同行者見到佢手指hai到個豉油碟中間表示唔要呢個碟呢位女士離開既時候好大聲”zip”左一下日本人同行者今次態度都唔好 我覺得大家打和算啦之後再上菜既時候 女士唔肯將個飯放係日本人前面 叫我（然而我係客人）放。你嬲個客 但你都係開緊工 點解要另一個客幫你做野？我以前都做過服務業幾年、但真係未試過咁發個客脾氣。希望你可以反省一下 再重新考慮你適唔適合做呢個行業。D野真係幾好食、但要我黎睇人地面色食飯就唔係幾化算囉。

就到中秋佳節提前去預購月餅禮盒，順道去逛逛街，已經有一段時間沒有輕輕鬆鬆的四處閒逛。今晚心情不錯，一於跟老公去吃最愛的日本料理開心一下。君悅酒店附近原來有間不太顯眼的日本料理餐廳，之前見好友吃過，好像也不錯。裝潢精緻，設計舒服，感覺不錯的一間小店。Sapporo 啤酒味道清爽順喉，夏天飲最消暑。Omakase 壽司拼盤價錢$398 有十貫，拼盤有五款是日精選魚生/海鮮各2件，有日本活帆立貝-入口鮮甜鮮嫩，深海池魚-魚肉嫩滑美味，我最愛的魚類刺身，金目鯛-食落帶一點爽嫩，甘香清甜，中拖羅-輕輕炙燒過表面迫出魚油，入口油脂豐富，肥美可口，A4和牛-和牛燒到半生熟,入口即溶，軟嫩滑溜。刺身加拿大海膽+吞拿魚小卷海膽甘香鮮甜，味道濃郁，用紫菜包住同吃，多添了紫菜香氣，堅正。日本真蠔鍋正值真蠔當造季節，真蠔肥美肉厚，入口鮮嫩多汁，而蟶子皇肉質鮮美，彈牙爽嫩，海鮮湯底鮮甜可口。

我同老婆都好一段子沒有食過壽司喇，咁岩她在尖沙咀有野買，所以可以去到尖沙咀搵下有咩食。比我搵到這個日本餐廳，其實這間Moshi Moshi成日路過都見到的，但每次都是已約左人或已食完飯，都未試過入去食，但今次真係比我地入到去食喇。最高中間位置，之後向右介紹【象牙貝、炙燒中拖羅、鮟鱇魚肝、深海池魚、金目鯛】十貫$398象牙貝：爽嫩鮮甜。  炙燒中拖羅：中拖羅本身已很肥美，再加火炙令到表面有少少半熟，完全把油份和香味迫出，把魚油滲入壽司飯中，超正！鮟鱇魚肝：口感幼滑，入口又不會腥。深海池魚：魚味濃而油脂充足。金目鯛：淡淡的粉色，魚肉鮮甜嫩滑。【刺身:藍鯺吞拿魚、三文魚腩】厚切藍鰭吞拿魚：油脂分佈非常平均，一放落口，肥美既感覺，好鮮味，感覺太正！三文魚腩：切到好厚身，非常肥美新鮮。【日本真蠔鍋】有4隻大真蠔，真係好鮮甜，又有勁大隻聖子。裡面有幾種不同的蔬菜、包括冬菇、娃娃菜、豆腐等，煮出來的湯底非常鮮甜。

剛從日本回來仍對日本念念不忘⋯⋯朋友相約想吃壽司，一行四人，於是選了尖沙咀的 Moshi Moshi Moshi Moshi 日本的問候語，正如 Hello ⋯⋯所以從前在日劇的電話裡聽得最多⋯⋯食店地址在金巴利道地舖，但其實是要上一條小樓梯往一層。店子細細，從小店的名字 Moshi Moshi 就知道店主希望給予食客有親切的感覺。午市定食由$58-$178 不等⋯⋯自選8件壽司定食78折, 相當吸引。每份定食均有麵豉湯、前菜和 茶碗蒸(蒸蛋),三樣都做得不錯，可是匙羹相信已好一段日子，需要更換了⋯⋯火炙左口魚裙邊壽司~由於筆者第一次到來，於是由朋友決定點菜⋯⋯朋友真知筆者心意，火炙左口裙邊壽司，甘香肥美，筆者大愛。海膽葱吞拿魚蓉丼$148~估不到中午定食，海膽也有一定分量，大家一看已大喜，$148 這個價錢也交足功課。午餐吃得如此豐富，真的有點罪過⋯⋯原先我們點了四件赤貝，食店說只得三件，於是加插北寄貝，同樣滿足⋯⋯燒靖魚定食配飯$58~如果一人前，加埋麵豉湯、前菜和 茶碗蒸(蒸蛋), 以$58這個價錢真的抵吃，所以見很多附近的 OL 也點這個餐。牆上黑板列出當日㕑師推介的刺身及壽司