礦記生滾粥

营业中

休息中

5月27日星期一我哋一行九個人，原本高興喺OpenRice睇到呢間鄺記生滾粥，好多人讚好，所以冇名義去🤪當日係下午6:30左右，食物包括：蟹粥、蒜蓉蒸扇貝、蠔餅、薑蔥蠔、炒菜、沙薑雞腳、風沙豬手，砂薑豬肚、走地雞……..最初食嘅時候已經覺得蔥有些酸（叔）同埋怪怪地嘅味！由於全部都係男士，冇特別為意，舉杯暢飲！我哋到咗5月28號星期二的凌晨大約6:00 ，我已經開始覺得個肚唔舒服，跟住就開始嘔吐肚痾！全部都係屙水，短短半日已經嘔過10幾次！ 甚至嘔到內臟損了出血，由於我哋所有人都係醫護人員！知道事態嚴重！所以我決定入醫院！醫生第一句問我哋有冇食咗啲唔乾淨嘅嘢？叫我馬上要驗大便。最終驗大便後出來的結果，大便報告中咗幾隻極之毒的病菌！好明顯係從食物裏面直接感染！跟住原來再問返當晚食嘅朋友全部都係有同一症狀！所以我哋決定衛生署及食環署，因為我哋唔想有其他人看了OpenRice而好似我哋咁！最初食嘅時候覺得呢間舖頭食物好好食！但係原來食咗之後要付出這麼大的代價！我會叫所有親戚朋友身邊朋友及同事千祈不要去呢間太子嘅廣記生滾粥！香港有好多間食肆都好好食，冇必要鋌而走險🤪🤪🤪

插曲!今次係太子試咗一間不錯嘅食店，食物真系一絕！我地嗌咗幾樣，每款都有咁啱口嘅睇頭。海鮮粥跟D嘅海鮮咁鮮，飲一啖就好似置身海邊🌊，粥底都滑嘟嘟，連飯粒都講得出故仔。嚟到椒鹽九肚魚，啖啖肉感，香脆得嚟唔油膩，間中又嗅到嗰股淡淡嘅海味。至於蠔餅，真係大塊蠔肉🦪配以香脆餅皮，係種咬落去嘅痛快。東風螺😏，佢個甜醬真係突出晒鮮味，而家諗起都仲想多食幾口。炒飯呢，就系典範，飯粒粒粒分明，噴香得嚟又唔會乾巴巴。食物味美價錢又親民，真係難得一試。下次一定會再去，仲有啲咩好嘢等緊我未試呢？😋👍

自從近排去完蟹點 (係鴨脷洲見另文) 食咗隻超正嘅咖哩蟹之後，食蟹引大發!講食蟹，我最大感覺當然係水蟹粥啦!食蟹引大發就上網搵搵邊到有水蟹粥，搵到荔枝角道有間叫礦記生滾粥，有水蟹粥供應，但食評唔多唔知質素如何，唯有親身去試試啦!店舖環境唔算大，冷氣超強! 啱哂我! 唔怕食熱辣辣嘅粥食到成身汁!另外餐廳用上趟門，好怕D人無手尾開門唔閘門走哂冷氣浪費能源.先試試細碗水蟹粥，另外點咗椒鹽鮮魷同粉絲蒸扇貝.椒鹽鮮魷外層香脆，魷魚口感鬆軟一D都唔韌，送酒一流!粉絲蒸扇貝Size夠大，大大隻之餘蒸得啱啱熟恰到好處，鮮甜又嫩口，$180有四隻抵食又好味! 掂!水蟹粥未上枱，其實已經心知不妙，因為對面一對情侶點咗一碗，我偷偷望兩眼，色水唔多掂! 點知到我地果碗上枱，果然失望! 顏色唔係金黃色係泥水炭咁嘅色，聞上去無蟹味，食上去同樣無蟹味! 專程為水蟹粥嚟幫襯，點知遇上一碗劣質水蟹粥! 只不過煲碗粥掉幾件蟹落去，求求其其，連蟹膏都唔多，失望至極! 如果唔係椒鹽鮮魷同蒸扇貝出色的話，必負評.女友小熊鬧我！做咩成日望對面條女呀！"唔係我！我望佢隻蟹咋！""吓！望人地隻蟹！！！""唔係呀！我望佢碗水蟹粥咋！"

忽然之間好想食蟹粥而礦記好似啲評語都唔錯所以就去試試😬今日大約7點半到，唔洗等位不過佢得3張大枱所以要搭枱，大家嘅野食黎晒就有少小逼，不過可接受嘅😬叫左一窩蟹粥同埋煎蠔餅，一窩蟹粥同一碗蟹粥嘅份量好似差唔多🫣😂如果兩個人share可以考慮嗌一碗蟹粥有原隻蟹亦都有好多蟹膏，粥底都好綿好夠味，雖然未至於係金黃色嘅蟹粥但都值得一試😬煎蠔餅好足料，兩個人食晒亦都唔會覺得油膩👍🏻👍🏻👍🏻

幾年前屋企人同朋友食過話幾好食 今日行過附近入去試試啦 不過個位有啲吊腳😂鮮蝦粥 $80我地鍾意食蝦 又見我地6個人一窩應該唔夠食所以就嗌埋蝦粥 蝦粥好啲有啲啲味 又係白粥味 但都有少少蝦鮮味既 蝦頭都有膏 我地每人都有兩隻左右招牌蟹粥(一窩)$108屋企人推介佢嘅蟹粥 話上次食過幾鮮味 所以我哋都滿心期待 但唔知係咪呢幾年物價貴咗 蟹肉唔係好多而且都無咩鮮味 只係一窩白粥再加咗啲蟹 係淡淡嘅白粥味 失望 所以相都無影…豉椒炒花甲$88味道正常 偏細隻～生煎蠔仔餅$68呢個不錯 蠔仔都大粒 幾酥脆菜脯肉鬆煎蛋角$78全晚最好食👍🏻

龍蝦蟹粥，粥底好綿。豉油皇鵝腸，爽口有膏。酥炸什魚，呢個真心正，什魚是是日買到咩魚就咩魚去酥炸。蒜蓉開邊蒸蝦。新鮮 蒸得啱啱好。蒜蓉炒菜心，唔hea 炒，讚。樣樣都係熱辣辣上枱。地方細，幾張枱，爐頭一人負責，睇粥檔兼埋大什工。樓面連廚得3個人，人多要等食，慢工出細貨。連埋藍妹一支埋單唔洗6舊水。真好食。唔等得真係唔好去試。唔係先黎先有得食，排隊係排爐頭唔係掛枱號。。見到隔離枱的餸都好吸引，下次會再去試其他。

2/5Cuttlefish become thick cut this time, intestines texture still nice but all original flavour is like washed off. Congee is nice, not bad. Flavour can improve. Pork inners soup is just okay. Inners are all rough and flavour is not there.

星期日晚上6:00左右到，我和朋友二人，入去時巳經沒有伙計只見兩枱客，點了四樣東西，粥可以，生腸并墨魚少得可憐，原來只有兩個人，一個煮一個負責執枱和滾粥，本來不是問題，但之後我們叫的兩款菜等了很久很久，其他比我們遲入來的客人見到那些是熟客仔他們的菜比我們還快上，那個事頭婆態度不是很好還說因為沒有太多人手所以才那麼久上菜，好明顯我們不是熟客才第一次幫襯所以態度惡劣，如果我哋唔係睇到YouTube有人介紹這間礦記一定不會來，YouTube那兩公婆一定是收了什麼着數才介紹得好好，冇下次環境惡劣態度惡劣嘢食一般😡

外賣送餐: FOODPANDA FOODPANDA PRO 滿$80有9折餐廳: 礦記生滾粥PRICE: $201.8食物: 一碢蟹粥+蠔餅一碢蟹粥有2大碗，有2隻蟹，抵食，但略縑鮮甜。蠔餅送到黎無可避免已經唔脆， 但放入氣炸鍋翻炸一樣可口美味，感覺到大排檔風味。扇貝自己煮的 XD

細細聲係到介紹番新興太子名物由於坐位有限，但餐廳明顯唔夠人手，所以上菜速度非常慢，勿廣傳了🤫比起傳統既粥店，礦記更似一間海鮮小菜館📍 太子塘尾道209號榮基樓地下B號舖------------------------------蠔餅🦪🌟7/10啖啖蠔肉，餅漿適中唔會太厚椒絲腐乳炒通菜🌟8/10唔會過鹹，通菜亦都仲有脆度椒鹽九肚魚🌟8/10同出面餐廳食既原條九肚魚唔同，呢到係用一條長既九肚魚斬件，炸得黎唔油膩海鮮粥🦞🌟9/10超足料👍🏼有蝦又有蟹由於夠多海鮮，粥都好甜炒飯🌟8/10從相片都睇得出，飯係粒粒分明，夠鑊氣呀😋東風螺🌟9/10食左先記得影，佢既甜醬係溝左酒更加帶出螺既鮮味整體🌟8/10

你以為呢度淨係食生滾粥？其實係主打食小炒架，不過生滾粥當然要叫啦！$108超大碗蟹粥夠4個人食，老闆好巴閉咁話有兩隻蟹架😆，粥好綿一路食一路撈埋啲蟹膏好鮮甜。 另外叫咗豉油王炒鵝腸，蒸龍躉翅，鹹菜胡椒蜆湯同炸乳鴿。 份量碟碟都好大，鵝腸上枱好似豉油王炒麵咁大碟，好足料但係略嫌唔夠彈牙爽口，偏腍，但係夾埋d蔥同芽菜食都ok！ 龍躉翅有驚喜，滿滿既陳皮無偷工減料，好香陳皮味！ 乳鴿都算皮脆肉嫩，唔會過鹹，好怕乳鴿好鹹，所以都合格！見到隔離枱個蠔餅好似好好食，有機會返去試吓個蠔餅同埋試下個雞粥☝🏻

係openrice 買左二人餐$320 包5樣野，樣樣都份量十足，兩個人一定食唔哂，好抵食見到餐牌仲有好多野想試，風沙豬手，霸王雞都好正二人餐有：煎蠔餅- 好大份，蠔好鮮味，粉唔厚，蛋味好香濃乳鴿- 正常水平，不過不失，幾入味薑蔥炒雞什- 好有鑊氣，好夠份量，雞腎爽口，雞潤好香，薑蔥芹菜好嫩好新鮮炒通菜- 菜好嫩，係揀手貨，調味好好海鮮粥- 好鮮味，有蟹有蝦有蜆肉，仲有肉碎粥底，高質食物高質外，姐姐服務態度幾好，可惜人手唔夠，得佢一個人做樓面下次會再去

如何貼地？就係價錢同品質都非常貼地價錢一啲都唔貴，招牌生滾粥一定要食，小菜又夠鑊氣，環境又乾淨食到你滿足都瀉都唔肉赤！地點又唔難搵，方便到達，今時今日重有咁親民既餐廳真係好難搵🥺❤️❤️❤️❤️🥰🥰🥰🥰！❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️簡直爆 Like !

我大慨八點下了訂單蟹粥和蠔餅…預計8點31分拿…到店后店員服務態度惡劣…又推說訂單很多…到了8點50分還沒有蠔餅岀來…我再三到店催店員…他們才慢慢地拿岀來…完全沒有半點歉意…真的很生氣…不會再幫襯><

六月時買咗個$668四人海鮮餐，屋企人睇完食評個個都話想試，結果變成六人出席，四人餐份量十足，六個人只加多一窩雞粥、一碟椒鹽鮮魷和一罐可樂、埋單只係俾多$173, 個個飽到捧住個肚出門口。樣樣都好好味，尤其是招牌海鮮粥、椒鹽鮮魷、黃金煎蠔餅、黃金煎雜魚、紅燒炸乳鴿、椒椒抄蟹一定要食，豉椒抄花甲和椒鹽蝦就咸咗D。老公話下次要去試吓清蒸的海鮮菜式如帶子皇…見佢外賣有時菜魚骨腩都好想試吓，有新鮮的海鮮應該清蒸會更好味😋