碧儷苑·精點粵菜 (擺花街)

营业中

休息中

昨天約了屋企人去食做冬飯。第一次去。點了一個套餐。食物方面都覺得都可以，不過當發現炸子雞近雞髀位置唔熟時，叫了伙計過來看一看，點知佢話叫廚師再用熱油淋一淋。炸子雞已斬了，再用油淋，唔駛講都知乜效果😯另一個投訴，就係伙計嘅態度，完全唔得。飲完第一碗湯，就吹我哋快d 再添。我哋話遲d, 佢就每一分鐘問一次。d 餸重未食完，佢就想收了隻碟。咁嘅服務態度，本來打算再約同事去食，已經取消了念頭。這間餐廳已delete from my list

企鵝老虎仔造型包包十分可愛！點心十分精緻，味道十分出色！仲有我最喜愛嘅灌湯餃！令我喜出望外嘢係懷舊燒腩卷，超級好味，依家好難係酒樓食到咁有質素嘅點心！服務亦都很好！

今次選用openrice 訂位，非常方便，地點靠近擺花街附近，環境坐得舒服，服務態度很好，價錢合理，睇得出係用心制作嘅精緻點心，果然有驚喜，夠熱唔太甜嘅甜點，蛋白杏仁露有90分，未食已經先開心，

與舊同事聚餐，第一次嚟食，好有驚喜，好好食😋主廚同經理仲過嚟同我哋敬酒，服務到家🤩豉油王阿拉斯加蟹伴腸粉，超好食👍🏻平時食清蒸肉甜，豉油王烹調好香，啲腸粉簡直一絕🥰手淋脆皮炸子雞啲皮好脆，亦都唔肥，超正😍其他餸菜都好有水準，下次一定再嚟💕

Bookmark 左呢間中菜好耐，咁啱同個friend Farewell，決定過嚟試吓。我係喺OpenRice嗰度book，唔難book到位。我哋試咗佢哋幾個signature dish. 杏汁白肺湯，無花果咕嚕肉，龍哥招牌炒飯。各樣嘢啲味道都唔錯，真材實料。之後我哋梗係有叫到佢地最出名打卡嘅甜品啦。紅袍荔枝（Creamy custard filled riceball), 冰凝小企鵝(penguin shaped red bean paste bun), 老虎仔(egg custard bun)。啲甜品整得好精緻同埋都幾好食。Overall, 各樣嘢嘅水準都唔錯。但係全程都係要嗌先至有人斟茶，換碟，收嘢，啲service有待改進。

呢度可以食倒經典懷舊點心灌湯餃，底有鐵片兜住果種，重要超越預期咁好味，做倒兒時傳統嘅味道，就連紅醋都完全一樣，只為呢個行到爆汗上嚟都好值得，仲有燒腩卷都係坊間少見，包及芋頭吸晒腩肉同脂肪嘅香味，連三高都暫時忘記，食晒成條，金錢肚又係得，超腍超入味，連塾底蘿蔔都掃埋，其他點心可以但5係特別出色，動物甜品吸睛打卡呃like就好但味道手工都一般，皮太厚，又嫌硬，好睇5太好食，叫一次玩吓當見識吓囉，但下次我會情願食多粒灌湯餃。

平日工作繁忙，午市和同事在中環很難找好味吃的，兩個人又想吃點心，很試吓book檯。第一次試，因為人數少，只吃了一些點心，味道很好，服務也可，可惜人很多，價錢正價沒優惠。

阿媽教落：閒日飲茶要趁早茶、下午茶時段划算啊。以為中環區好難搵到高質素早茶地方，驚喜一向午餐難訂位的碧儷苑竟然有早茶供應，入座時間11點開始，要求12:30前埋單。早茶時段和下午茶時段都係大中小點$35， 特點$45。點心紙上好多點心都屬於$35、$45類別，無取巧早茶時段環境很舒服，全場只有六桌，可以靜靜享受三個人來當早些食午餐（我媽媽當然係桌上客），叫了6個點心+1和甜品，份量剛好出色點心包括燒賣，好大粒好多隻蝦，彈牙，可以叫2粒份量另外一驚喜係灌湯餃，坦蕩蕩無湯咁係蒸籠上。我媽媽話係傳統做法咬落去有湯汁，唔漏唔油，內餡切得細細粒，精緻製作較為普通的係鮑汁鳳爪，鳳爪入味，汁都都起膠，但花生不夠入味不夠淋，鮑汁味亦未見特顯。但都係受歡迎既菜式，大碟頭，我老公一個人食四隻蒸芋頭蘿蔔糕可以滿足選擇困難症的朋友，一次過食到蘿蔔和芋頭蘿蔔絲大大條，鬆軟叉燒包和蝦餃水準OK，而全餐最香的是杏仁茶，未放落台已經好香，但質地偏稀，份量不多，只有碗的八分滿。整體早茶時段划算、高質素、難得的中環嘆茶好地方

同同事食飯多數都係去飲茶☕️通常啲酒樓食物選擇或者質素都普普通通，今次就發掘到呢間位於中環擺花街嘅樓上酒樓，環境都幾整潔有格調，呢度比較特別係主打好多款造型可愛嘅點心，好似企鵝、老虎、荔枝等，外形非常靚，打卡啱晒📷😆蟹肉灌湯餃飲茶食灌湯餃好似特別豪氣咁，個皮好薄，夾嘅時候要好小心，湯汁唔算好多，口味偏清淡，正正常常。懷舊燒腩卷個包幾鬆軟，不過入面嘅豬肉只有一層，另一層係芋頭，豬肉比較瘦，無預期中會夾五花肉個種肥瘦相間嘅感覺🤔點心拼盤（黑松露野菌餃、太極蝦餃、碧儷苑燒賣皇、潮州粉果）用雙層雀籠奉上，外形煞食😎點心每款賣相都幾精緻，我自己就試咗黑色版蝦餃，蝦肉都爽口。蹦蹦跳小虎不一樣嘅奶皇包🐯造型非常可愛😻出場時仲有乾冰係下面湧出嚟，打卡一流。不過味道就普普通通，只有頭部位置有少許奶皇餡，身體部份就無餡，點咗煉奶食都有啲dry。紅袍荔枝（荔枝奶皇煎堆）造型都幾栩栩如生👍🏻將傳統煎堆嘅芝麻換上紅色脆米，外脆內煙靭，奶皇餡唔太甜，整體外型煞食但味道都係無乜特別😂啫啫唐生菜唔知點解食親中菜都好鍾意嗌呢個菜，坊間大部分都比較重口味，呢個反而調味唔太重，幾啱我口味～XO醬豉油皇煎腸粉香口惹味。京蔥蒜片

個樣已經贏左 好得意😂😂入面係豆沙餡🫘但個包偏乾 味道就冇乜特別 細細個 影下相幾有趣🐧🤣其實係荔枝奶皇煎堆 外貌同味道都冇令人失望 唔係得個樣似荔枝 食落真係有荔枝肉 荔枝同奶黃仲要幾夾😍好大件🤣🤣有成隻虎蝦係上面 味道不錯 但一個人食一件就會少膩 入面唔算係好多湯 料偏少 一般用墨魚滑包住金蠔 加埋鹹蛋黃米通一齊食 有新意 好香黑松露味 入面啲餡好足料😆正常發揮 冇乜特別總括嚟講 環境舒適 服務態度好好 食物質素唔錯 幾創新😆甜品方面睇得又食得 唔會太甜 試多幾款都冇問題🤣🤣

Dinner with the wine lovers, in the private area- not exactly a room; just partitioned. Could clearly hear diners in the other private areas. Seemed the chef had quite a following.Here’s what we had.4 types of appetizers: 法國煙鱔- someone mentioned nothing special, could get similar from CitySuper.話梅涼瓜- they all liked; still too bitter for me.窩貼金蠔- deep fried oyster on rice cracker. Interesting.櫻花蝦蜜餞柚皮- deep fried 柚皮 fritter coated with honey. Someone mentioned that the honey balance was perfect th

.🔖碧儷苑·精點粵菜 | 𝑪𝒆𝒏𝒕𝒓𝒂𝒍係中環想飲個靚茶、食個靚包，黎呢間係擺花街嘅中菜館絕對係一個唔錯嘅選擇👅～ 呢間餐廳Openrice唔算多好評，但又零負評，所以就一於試試佢😆。.今次平日午市時間到訪，都差唔多接近坐滿，所以想黎食就要預先Book位。因為枱與枱之間都隔得比較近，所以都比較嘈，如果想黎靜靜哋傾偈，或者Formal Business Lunch 就未必好適合。😉.午市時間有午市套餐，但大部份都係炒粉麵類，亦可以散叫點心，但就收正價冇其他優惠。點心當中最推介又打卡able嘅就係奶皇小虎包！🐯叫咗四隻小虎包，估唔到廚師細心到有唔同姿勢。而且擺盆好有心思仲要噴煙，一拎出黎真係夠晒氣勢😂。.另外一樣要推介嘅就係個糯米飯🙋🏻‍♀️。雖然個樣平平無奇，但糯米煎得勁香又有咬口，係當日味道最驚喜嘅點心！.最後四個人埋單大約八百幾蚊，人均二百幾蚊飲個午茶其實都幾貴。餐廳嘅格局同服務唔算高級，但食物質素唔錯。見餐廳都有早茶同下午茶優惠，想再抵啲可以就番時間去🙌🏻。

評分：8.5/10⭕️好味又有創意❗中環飲茶推介🤩**************✳️ 【櫻花蝦蜜餞柚皮】必食‼️👍👍上菜完全估唔到係咩，淡淡袖香絲絲甜味+香脆櫻花蝦😍內裡軟滑幼細，似蘿蔔蓉但帶淡淡袖子清香💕💕✳️【金沙百花九肚魚】大大條軟滑入口即溶👍👍咁大條仲以為係炸粉厚原來係真咁大條肉質幼嫩，外層爽脆❗️✳️【窩貼金蠔】👍上菜仲以為係鱔🤣下面脆米餅上面鹹蛋黃碎包裹鹹香蠔豉重口味必試✳️【龍哥招牌炒飯】粒粒分明，味道普通✳️鮑魚汁雞腳✳️點心拼盤✳️XO 醬炒腸粉 x 鹼水糭 普通🤷‍♀️******************⭐味道 8.5/10 (柚皮👍九肚魚👍⭐️性價比 7/10⭐️環境 8/10⭐️賣相 9/10

最低消費$500一位非常花船！所以book埋試下一個私人聚會！不過呢間嘅質素比想像中普通，有幾套彩色都覺得好痛酒樓可能仲好味，而且好多油！不過呢度好嘅值得一題嘅地方，就係服務態度非常之好！雖然佢收費唔係特別貴，但係感受到佢對客人好認真，亦都非常有禮貌紅酒炆牛尾除咗由用紅蘿蔔炆，仲加埋啲木瓜非常特別清新！雖然牛尾本身就唔多肉，但係食落都非常滿足幾時才正常水準花雕雞由蒸蟹酒味非常重，蟹鉗好多肉！不過覺得佢太多汁，睇落好似好大份，但係其實食落都OK啦栗子炆雞幾香口！不過好多油金豪蒸豆腐非常好味，睇呢度好似好足料其實係兩份，收$188x2 gar!小鮮肉比較普通嘅味道花膠龍蝦呢個價錢不過不失，不過我覺得佢整體太多油炒飯超多油！！雖然不嬲食炒飯一定會有啲油，但係呢度係游到食咗一啖個嘴唇會令嘅程度我覺得呢度如果要book房嘅話都值得來，不過食物好似唔係咁啱我口味啦

24/6/22第一次食，唔滿，服務幾好，可以serve冰令我仔可以熱水加冰咁飲。食咗之前食客推介的金蠔窩貼，似蝦多士feel，有迷你金蠔，下墊塊脆脆有咸蛋黃，成舊食好夠味道！黃金豆腐，上枱好熱，外又薄又脆，裏面好軟，好味。麻辣雞煲每件雞都多肉，讚！蒜頭、洋蔥沾上麻辣汁好惹味！粟米班腩，粟米羹和炸魚係分開上，所以可以將羹當湯飲，好好味！招牌炒飯也唔錯！埋單$1000，三人除開才三百幾蚊一位，會再末吃！