神廚館 (已搬遷) 新店位置

成日聽朋友講話大角咀有間食墨魚煎蛋飯好好食，終於俾我試到啦！我同朋友兩個人去食，大約下午點幾，去到都唔洗等位。我去到當然叫墨魚餅煎蛋飯啦，我朋友因為食過一次呢個飯，所以佢叫左個美極煎牛扒飯等左一陣我個飯就到左了，一隻太陽蛋放係熱熱白飯上面，旁邊就係主角墨魚餅再加上一D 海苔，我把蛋混在白飯再加上店鋪自製豉油一起食！ 真係幾正，墨魚餅好有口感，好彈牙 ，每一口都充滿墨魚感覺，剛炸起不太油，再加上海苔味道！ GOOD！但我朋友食美極煎牛扒飯就好似差左D，我朋友一邊食一邊叫，好多味精，真係麻麻地，我自己未食過就唔知了

來到了神廚館，當然要試這裡出名的墨魚餅飯，而跟餐要了紫菜濃魚湯。這個煎蛋海苔窩燒墨魚餅飯煎得香脆好吃，內裡有墨魚肉粒及墨魚膠，吃來彈牙好吃。加上鋪面的紫菜絲及一隻太陽蛋鋪在飯面。吃的時候把蛋黃弄穿，一口沾有蛋黃的飯，再一口墨魚餅，的確是好吃。那個紫菜濃魚湯是奶白色的，喝來魚味濃郁，加上有點胡椒味，所以喝來不腥，也是不錯，感覺上比喝其他餐飲健康一點。

又要到大角咀番工，係時候睇下有咩好野食成日都見到有人話呢間好食，終於有機會試喇煎蛋海苔窩燒墨魚餅飯!! 都幾貴下，差唔多50蚊但都係好正個墨魚餅真係粒粒墨魚，又彈牙，口感唔錯本身擔心驚炸會好油，但都ok喎，比想像中好好多再加多隻半生熟既蛋，正!再撈飯，very good添呀雖然貴左啲，但真係物有所值!

第一次去神廚館試它的招牌墨魚餅飯, 品嘗過之後, 覺得真係好好食!墨魚餅飯11點之後先供應, 附送熱飲或紫菜濃魚湯。紫菜濃魚湯:幾好飲。湯頭熬到奶白色, 不過放了好多胡椒粉和有點鹹。招牌煎蛋海苔窩燒墨魚餅飯:白碎米飯鋪上一隻半生熟的雞蛋。旁邊有一塊炸至金黃色的墨魚餅, 撒上好多紫菜, 有少少和風的風味。墨魚餅既脆皮炸到剛剛好, 唔會太過油膩。食到一粒粒白色既墨魚粒, 亦有一絲絲紅蘿蔔絲既甜味。食完成塊都o吾會覺得好熱氣 一間細細的舖頭, 但整既墨魚餅幾有特色。

之前在大角咀的老牌鐘錶店，買了一隻絕版的機械錶，後來使用不慎壞了，送回去修理。鐘錶店來電，說錶芯有部件竟然溶了，沒法修，心痛！！趁今天有空，特來此一趟，為的就是領回那手錶的殘骸 ...路經＜神廚館＞，記起有一天與同伴曾來此，然而剛打烊了，無得食。看了看她的「四大名物」餐牌（原本是五個，少了一個）... 嘩！墨魚餅飯連餐飲賣$45，不便宜哩！頓叫孤寒的我卻步。不過難得來這區，而且這食肆自詡為「神」級；為了觀摩（不然就是拆招牌！），所以原本已離開了，還是走回來幫襯。從門口探頭一看，店內座位一打不夠，都坐滿了客人。店員出來招呼，並向我和另一對等位的男女說：「坐隔籬好唔好？不過要用外賣筷子同匙羹。」我們都同意了，於是她便領路，到隔壁的店內坐下。那也是一家茶記，當時沒有客人。這兒該不是同一個老闆的吧？（用外賣餐具，該是避免要行家額外處理，用完丟便是了。）食肆爆滿、要到閣樓或旁邊樓上舖的 "flow out" 盛況，我以前也試過；但到競爭對手的地方，真的是第一次！在進來前已點好食物，而坐下不久，餐飲奶茶先到。色澤是飽滿的啡，夠精神；香則欠奉。一入口，算滑身，明顯喝到一種茶葉的澀味。那味道很熟悉：以

试完美而廉，好失望。好久没有到大角嘴，到处逛逛，真的很大改变，很多新的大厦，可以说是静中带旺，当然里面还有很多老房子，五金店。。。但我相信很快就会变成新的大厦啦。刚才吃的不好，朋友上网找到神厨馆，评分很高，我们不熟悉这区，到处找，到处问海景街在哪里，找到五点多，最后才找到在汇丰大厦旁边，海景街原来很短，但坐铁路或者附近也有巴士总站，很方便。看到门面，真的怀疑有没有找错，真的很旧和很小。既然来了，也应该试试。一进门口，伙计已经说没有热饮，原来他们会在六点关门，厉害。门外介绍他们有”五宝“，还好仲有的食。我们三个人，叫了一个餐和一个墨魚餅。煎蛋海苔窩燒墨魚餅 - 小店有这个好处，就是新鲜，刚造好就有得食，墨魚餅上面加了碎海苔，旁边放了太阳蛋，感观不错，还送一 瓶好像豉油。 老闆告诉我們墨魚餅每天鲜做（但我没有问没卖完的会点）。一粒粒的墨魚， 食落有彈牙感覺，但不算很有墨魚味；海苔好像不够脆，鸡蛋OK,后来才知道可以落甜豉油和放鸡蛋在墨魚餅上会更好味，下次要试，（75分）美極薄煎牛扒飯 - 汁好香，很“美極“，最好是加了很多蒜粒茸，撈飯一绝。牛扒肉稔﹐十分juicy，（

係呢頭返工，神廚館咁就腳就緊係經常幫襯佢既墨魚餅。墨魚餅維持一貫作風，又香又有口感，再加上啲紫菜絲當然係perfect。不過碗湯真係好味精，dislike。食物係正，不過我都係要俾個喊囉...點解? 佢未出名之前...08 年左年...一個墨魚餅飯...$30依家係幾錢? $45... 加左50%....仲狼死過"太刻薄"wor$45 我係大角咀有大把好選擇。另外呢...寫單果個阿姐一路以黎都係咁態度差囉，我知呢度唔係高級餐廳但唔好搞到我黎乞食咁先得架...食野個環境也是十分惡劣，唔舒合情侶黎，所以... $45.... 你唔好去搶... 冇下次lu

呢個令我隔幾日就會心掛掛嘅墨魚餅飯,連唔鍾意一個食飯嘅我都有時會單拖去食架雖然只係一個好普通嘅碟頭飯,不過就係越簡單嘅嘢越難整得特別好味一塊墨魚餅加白飯,煎蛋再灑上紫菜,落埋豉油就係令人一試難忘嘅墨魚餅飯嘞墨魚餅非常足料,口感煙煙韌韌,真係百吃不厭呀雖然知道神廚館仲有好多招牌菜,不過冇辦法...次次都忍唔住嗌咗墨魚餅

係附近返工~ 成日聽D同事講呢間好好食~ 不過由於人太懶唔係咁想行~ 所以一直都無試~~ 咁岩呢幾日落毛毛雨涼返小小~ 又有Mood~ 終於試到啦!!!!!!!!!!!!突登早小小出去~ 岩岩好有位~ Yeah間店好細~ 唔係坐到好多人~~ 叫左煎蛋海苔窩燒墨魚餅飯同椒鹽排骨飯~ 飲品叫左紫菜濃湯魚上骨湯同凍0茶煎蛋海苔窩燒墨魚餅飯$36: 墨魚餅原來係炸既~ 真係好香口!! 椒鹽排骨飯$30: 好椒鹽呀!! 紫菜濃湯魚上骨湯(跟餐): 好有胡椒味! 好味!!總括唻講真係好好食呀!! 走的時候出面有好多人等位~ 會再唻食呀!!

久聞墨魚餅大名,但地點+營業時間實在太唔就腳,一路都未試到!終於甘岩星期六午飯時間行開又有位,試到喇!!第一次一定要試下墨魚餅+魚湯先上菜好快,魚湯好重楜椒味,一般小鋪好少試到!墨魚餅香口好味既~加埋蛋黃紫菜餸飯一流!$36都算係抵食既碟頭飯之選!(size細過一般飯盒,食糧大可能覺得唔夠食!)但無想像中甘特別同行友人以前食過,就話差左好多,而我第一次食都OK!

今日去大角咀見工男朋友話好耐冇尼過呢到食咁就過尼食下啦食果陣都3點幾所以冇咩人我地叫左一個墨魚餅飯同一個椒鹽排骨飯今次我地唔要野飲揀左飲魚湯魚湯充滿住好濃既胡椒味店舖標榜住係冇味精既咁都係既不過以前仲有個豆卜係到而家連豆卜都冇埋難道食材漲價得太西利講返少少背景先其實我認識呢間店舖唔係因為openrice而家因為我爸爸我爸爸曾經係到打過工佢打工時期呢到既生意比以前好而且令到呢到既口碑好好好多人因此而留意到呢間小店可惜最後爸爸被解僱,原因其實有d荒謬不過係呢到唔多講老實講自從爸爸冇係到做之後呢到既出品係差了我唔係想講爸爸有幾叻有幾勁我只係覺得如果要節省成本都一定要keep到店舖既出品今日留意到店入面既訪問當年墨魚飯飯只係賣30蚊而家已經賣到36蚊但係以前既墨魚餅係厚身好多而且唔會落咁多麵粉去整今日一食,墨魚餅薄身左好多之餘而且係食得出有好多麵粉去整同以前既味道真係相差好遠至於椒鹽排骨飯當然又係同以前既水準差好遠啦d排骨係就係好夠椒鹽味但個問題係佢既口感好差,好鞋其實我真係好失望原本呢到既野食真係唔差我覺得佢地應該好好改善下

行過入店買外賣、諗住一放工去攞唔駛等。當時無帯銀包、個阿姐話一定要俾錢先、後来有個o靚仔話攞個陣時先俾錢都得。點知去攞時根本無整到、個阿姐仲串串貢話：唔俾錢先點知你係咪真係要呀。咁打電話叫外賣時係咪要入數先呀？！浪費哂我Ｄ時間。又唔係好食到咩咁、以後都唔會幫襯！！

煎蛋海苔窩燒墨魚餅飯、美極薄牛扒飯......統統食過，very good~!!!!仲有個紫菜湯，wor~~正！唯一係地方太細，而且老闆都早收門，有時想去食返個晚餐都唔得~希望老闆研製更多好味的菜式，益下一眾街坊！

係呢度留意到大角咀首位..早一兩年因為遠/時間唔岩(佢收太早)所以無去到..今日終於試左la...5點左右去度..唔駛等位..入面真係如poster所講得3張台= = 冷氣講左先..真係好不足..好在仲有個風扇..叫左招牌個飯la..36$ 要湯..飯黎左先...一望唔知d紫菜撈飯/餅食好..最後揀前者..送口無乜特別...飯都算唔錯..面有隻蛋..淋下鼓油送口..好耐無咁食..個人中意好送擺最好先食..所以一般唔會遇到飯唔夠送(餸)..餅啦..重點所在..咬一啖..好正..第1次食亦都係..本身都中意食墨魚丸類都應該會愛上..每一啖都係口腔內徘徊..直擊味蕾..留連忘返...湯最後黎..麻麻地..有個諗法..咁好生意點解唔擴張/裝修??再唔係係旺角開間專整墨魚餅2x$一塊都唔過份 實行好似 雞扒咁..一定大排長龍排到返大角咀個鋪都仲得!!

開飯喇WOR.....好耐冇去食墨魚餅飯喇, 十二點左右, 冇人...正叫左兩個招牌墨魚餅飯, 要湯....不過又加左價, $36一SET!湯又冇左豆卜...咁都慳埋....堅....墨魚餅好味, 啖啖都有墨魚粒粒....正食左D OL就殺到了...閃得快好世界