神廚館 (已搬遷) 新店位置

2008年07月14日，神厨館咁多人贊，當然來到大角嘴梗要試試啦。招牌菜墨魚餅飯和美極牛。前者賣相跟食味都很好！好香。名不虛傳。個湯都好OK。美極牛則鹹了少少，沒有預想中啱我倆口味道。反而對面那位先生叫的薑蔥梅菜蒸鯇魚腩好大碟好吸引我。待續...

通常希望愈大，失望亦會愈大。但神廚館吾單止食物無令我失望，服務仲有驚喜添!!是晚叫左：墨魚餅飯，椒鹽排骨，例湯，凍檸賓，再點多了一客淨墨魚餅。例湯先到，如其他食評，確有濃濃的胡椒粉味，又有d蔥粒，飲起黎有d另類，但都吾錯。椒鹽排骨（雖然其他人推介美極牛，但我對牛扒要求比較高，怕失望，所以無叫到）：食左一陣，廚房青年主動問要吾要腩汁（服務驚喜1)，可能有人會嫌個飯無汁，但我係白飯主義者，所以無問題（可惜個飯吾太熱）。至於件排骨（豬扒斬件），炸得的確鬆化，亦入味，確有大酒樓水準! 但無mud椒鹽味，只見有椒段。如要求避風塘式椒鹽，this not your cup of tea.凍檸賓：好少飲，有檸味，有賓色，但零賓味，呢個....要改善喇。招牌菜墨魚餅飯－－無得彈。如第一次光臨此店，真係必食。墨魚餅彈牙，皮脆肉嫩，粒粒墨魚肉，食過番尋味。所以我地即席encore多一碟淨墨魚餅。當我地食到呢度既時候，搭枱座對面已叫墨魚餅飯跟例湯既OL，特然醒起自己未提款，身上無$，同伙記講，個伙記竟然以好平和o甘答...............吾緊要，之後仲無著她提款（服務驚喜2), 但OL見飯未到，就先

一間外表平凡...行過都唔會留意既店舖....估唔到內面既食物都好好好好好好味!!!!!>招牌墨魚餅飯 本身自己就好鍾意食墨魚...所以對呢個墨魚餅有一定好感， 而且佢本身賣相都好令...有一隻太陽餅,有一塊墨魚餅,上面加少少紫菜!!! 未食已經留口水...... 墨魚餅口感不錯..有一粒粒的墨魚...鮮甜可口 我覺得呢個飯無一個專有既汁...是唯一不足...>崩沙牛腩飯 牛腩好冧...唔會有痴牙既尷尬既情況.... 味道幾好..甜甜地咁....幾易入口....送飯食幾好味 但是唯一不足就是d汁太水....好難用來撈飯食.... >咖哩牛肉飯 我覺得好好好好味......因為我唔喜歡咖哩汁太多椰汁.. 神廚館的咖哩好有咖哩味...每一口飯都充滿咖哩香... 牛肉事先用油泡過再煮...令到肉汁鎖住... 不知不覺就會食晒成碟飯... (但小心飽過頭..kaaa)

又係聽到好多人推介，　要撞好多次先真正試到。原因是佢地的營業時間同ＯＦＦＩＣＥ　一樣。所以去之前記得CＨＥＣＫ　清楚。食物：　個墨魚餅真係幾好食，　仲食到一粒粒墨魚，　口感唔錯！個豬扒飯則偏ＳＡＬＴＹ。要讚的是賣相。。一間小小的港式店，也有如此的賣相也值得一讚。不過由於佢的位置，營業時間而且又唔係特別好食，　食過一次之後都無番過去ＬＵ

10月12日，14:45下午要到鴨記購物，先到這心儀已久的人氣店。竟見門外有人等外賣，店內無客人原來店內水浸，店員說會帶領我到他處。等呀等，祇見阿姐忙著包外賣和送餐到他處，咦！她們已忘記了我這隻呆鳥。最終我便帶到大廈內，入了分店，裡面有敉數名食客。大多是食鎮店五寶，墨魚餅飯、牛腩、牛扒…等。要了墨魚餅飯，在店員提醒有飲品送，衝口而出要了熱齋啡。再細看牆上餐牌，原來可配飲品或魚湯便向店員提出改要湯，店員祇答已落單，但可嘗試改。但祇見她並無任何行動，數分鐘後，最終送來了齋啡和墨魚餅飯。祇好向店員提出齋啡當作單點，另再給我一碗湯。墨魚餅飯：墨魚餅即煎，香噴噴熱辣辣，墨魚肉鮮甜彈牙，壓低的椰菜爽甜，紫菜香、鮮、鬆脆。(若有杯啤酒在手，便更完美)個人偏好荷包蛋多於太陽蛋。那簡簡單單的白飯竟然有驚喜絲苗米飯，粒粒向東，口感好得出奇。(我無飯癮的其中一個原因是好飯難求)甜豉油不是我杯茶。魚湯：奶白魚湯，鮮甜中帶點胡椒香味，豆卜清鮮，紫菜豐厚。齋啡：暨來之則安之，幸而齋啡亦金夠香濃。結賬要到總店，內裡又無人，呼喚幾遍，師傅才出來代收，怪怪的。

星期二同男友黎左食lunch﹐都幾多人﹐要坐去新鋪果邊..黎得呢度, 緊係要試墨魚餅啦! 要左招牌煎蛋海苔墨魚餅飯﹐仲有崩沙牛腩飯..墨魚餅果然名不虛傳! 我俾4.5粒星! 有好多墨魚粒呀! 感覺好好﹐味道也岩岩好 ^ ^ 不過碟既另一邊就普通﹐飯有點冷掉了﹕( 唔知可唔可以淨係嗌墨魚餅呢? 相比下崩沙牛腩就較普通了﹐其實牛腩同牛筋炆得都幾淋的﹐但不太夠濃味﹐撈落飯度變左有d 湯飯feel... 一般吧!其中一杯野飲轉了紫菜魚湯﹐除左好重既胡椒粉味之外﹐都無咩特別感覺了..新鋪果邊既服務比較混亂﹐有時會出現漏單錯單既情況. 但為了墨魚餅﹐我仍然會俾你一個笑臉 ^ ^

招牌煎蛋海苔窩燒墨魚餅飯梗係食呢個啦,,,所以相都唔影了,,墨魚餅,,煎得金黃, 彈牙又香口太陽旦...正...旦黃+甜豉油撈飯轉湯...魚湯好奶白,,,但無咩魚味?! 整體幾好, 又抵食

It's really delicious for their 招牌煎蛋海苔窩燒墨魚餅飯 (Octopus Cake Rice). Really really super tasty. The boss / shop assistance were having so good service that they noticed me have not added any soya sauce, then urge me to add some to make it even more tasty. That's right! Next time I will add in the very beginning. Feel so satisfied and in good mood after the lunch. I must come again!

昨晚終於有機會一試,兩人點了咖喱雞排飯----咖喱味道還可,但件雞排就唔惦!炸到好乾,柴皮!美極煎牛排飯----一上檯仲以為件牛排遇溺!成碟飯比汁浸住,其實剩係食到好濃烈蒜頭味,其它咩味都食唔到.一客墨魚餅----開頭見到好多人話好彈牙,點知一咬落去....成頭問號??味道係ok,食到一粒粒墨魚,但唔係彈牙.一杯凍檸賓----凍檸賓!一個紫菜濃味魚湯----佢唔講係魚湯我真係唔覺喎!剩係好重胡椒味.但如果用味道衡量的話只可以講:幾十蚊仲想點呀!即係唔會無啦啦想起就會去食果隻囉!

從未食過咁好味既墨魚餅..... 美味可口彈牙甘香足料鮮味用料豐富.................淨係墨魚餅黎講... 可唔可以俾十分??? (難怪上次見到Kary黎叫外賣喇~!)撇除左墨魚餅太陽蛋... 篤唔穿呀... -__-"個飯有d冷飯FEEL................ 嗯... 30幾蚊... 唔可以強求咁多架啦 大滿足~!! 下次會再黎試試牛扒飯....

八月廿九日(星期五)終於到星期五,不知道為何今個星期比peak season更加難捱....是無助的.....不過下星期應該會好快的KO他!!!!....都是快快離開公司...免得再給人爪著!!!不過時間太早lunch還未落格,所以行了一會奧海城才過去!地點不是很就腳,因為上次到豬扒之家路經才知!...真是一間隱世的小店!原來整間店子得十二個位,那麼lunch時間怎麼樣呢!?由於時間尚早,還未有人!......我們一踏進店子,店員都熱情的款待我們,想像不到,如此的店子,服務態度比出面高級餐廳更好呢!我們當然點了出名的鎮店之寶:招牌海苔燒墨魚餅飯加紫菜湯!還有崩沙切腩飯!加凍檸茶紫菜湯比較多了味精,而凍檸茶有香濃茶味!!!不錯呢!老公仔讚不絕口!而崩沙切腩飯,我須喜歡他們的牛腩,雖然不崩沙,但很林而且個腩汁很出色呢!撈白飯一流!牛腩好吃!我們期待已久的招牌海苔燒墨魚餅飯,我們轉了炒蛋!招牌海苔燒墨魚餅好吃,加了些紅蘿蔔,有說不出的新鮮墨魚味道!!!!叫人一試難忘呢...如果我在附近上班,定會經常吃!估不到,店子小小,做得出如此高的水準...........................

去完<金船長>, 我地Join埋我個學生露露小姐去0左<車品品>, 無紅豆沙食呀. 露露小姐點了一個魯肉餃蝦籽麵, 單食魯肉餃都還可以, 不過個蝦籽麵, 就真係麻麻地, 因為有d腥味, 因此我唔係咁0岩食. 跟住我地就舉軍殺去<神廚館>. 1. 墨魚餅 (單叫 $27) ~ 原來單叫都係得一塊墨魚餅 + 煎蛋, 咁就真係唔係好抵, 下次都係叫返墨魚餅餐好d, 呵呵!!! 墨魚餅0既質素無變, 食落都好有feel, 鬆化脆口, 內裡的墨魚粒煙韌好味. 不過我對太陽蛋就麻麻, 下次都係食熟蛋, 我相信效果會更好!!!整體評價：推介墨魚餅餐(不過要熟/半生熟蛋)

前日專登去試墨魚餅 發現口感OK但就沒傳聞中咁好吃 而且價錢係同區都算偏貴其實味道同富臨酒家每日特價約$8.9的銀絲餅及美心的蝦餅差吾多價錢相對吸引 并且可以成日吃到tin

果日專登行過去買返屋企食,以為係好正啦,點知....墨魚餅已經係用油炸,都算油膩咖啦,點知入面都係滿口油.學樓下某位人兄講,唔好用肥肉可能好食d,健康d.......個墨魚餅食左三分之一已經唔想食了........

今日去杉菜屋企,原來廚神館係佢屋企附近,見到無咩人,就決定入去試下o當然叫招牌菜啦,墨魚餅飯啦! 因為即叫即整,所以都要等下,我地都係叫左太陽蛋,但係我隻蛋穿左既…杉菜教我落d豉油,因為d豉油唔咸架,係喎,落左好多都係得d色,唔係好咸…奇怪墨魚餅,真係好好食,好新鮮熱辣,真係食到一粒粒墨魚,同埋勁彈牙o唔怪得甘多人專程黎食,係值得既o上網睇番,原來美極牛扒同咖哩牛筋腩都好出名架,下次再試