神戶屋日韓放題

营业中

休息中

旺角有好多間唔同既日式放題，但未見過有日韓兩種菜式既放題，於是就去左試一試！呢間舖頭既食野可以講係應有盡有，日式既刺身，無論係蠔，三文魚，吞拿魚，生蝦赤蝦，海膽帶子，赤貝油甘魚，講得出既刺身都有！🤗睇下呢碟刺身，作為頭盤或者打卡都係非常適合，刺身新鮮，海膽唔腥，三文魚一d都唔偷工減料，塊塊都係厚切！😍佢可以簡一個火鍋，我地就簡左日式和牛壽喜燒，佢既和牛好入口即溶feel，好淋！😛我地仲叫左好多熟食，呢碟牛柳粒都唔錯，用蒜片炒得幾香，食落去幾有咬口😆呢碟飛天通菜，估唔到日韓式放題都可以食到呢d菜式🤭牛舌同菠蘿都燒得唔錯，可以一戰！😁炸物入面，最令我深印象既係炸鮮奶同香芋波波，炸物入面既甜野都好香口，入面亦無過份炸熟，仲有少少流心添！隨圖附上一支可愛包裝既茶，佢仲有好多唔同款既飲路架！😗最後到甜品時間！估唔到好多唔同既台韓日式甜品佢呢到都有得食！呢個雪條係必食！

同朋友好耐冇見，約左係呢間餐廳食放題，見佢選擇好多。上到去職員好友善同安排係卡位座。環境就周圍都係一d日式的佈置同動漫周邊。入座會送刺身拼盤，店員拎上枱我地全部人都嘩一聲，因為有生蠔、海膽、三文魚、帶子、北寄貝、蚌、八爪魚、就連蝦都有4款，牡丹蝦、虎蝦、熟蝦、甜蝦等等，樣樣都新鮮好食，對得住放題的價錢。跟著就上火鍋，火鍋用左好特別的盤，兩邊有個龍頭去噴煙，好靚。放題食物用手機落單，款式都好多，抵讚炸物香口，冇油益味，其中有吾少特式食物，其中麻辣小龍蝦味道吾錯。仲有壽司類都好高質，上菜用特式的木架即刻加分。飲品同甜品都可以係雪櫃拎需然都好飽，但見佢雪櫃的雪條款式好特別又好食一定要食返條先，滿足的一餐可以舒舒服服同朋友飽吃一頓。

朋友介紹嚟旺角食日韓放題，價錢唔高，所以嚟之前都冇乜嘢expectation！嚟到見佢門口細細但內裏原來都幾大下！仲接近全部都係卡位，坐得特別舒適！咁嚟到放題首先梗係攞咗嘢飲先啦！見佢任飲的啤酒都用啲貴價嘅啤酒，如嘉士伯啤酒等！ 其他嘅飲品都有好多選擇！最特別係佢首先幫我哋點咗一個都幾大下嘅魚生拼盤！再加個細細嘅shabu shabu！啱曬啲好似我咁嘅人，食咁多凍嘢；如魚生；又可以食返啲熱嘢暖下個胃！當然餐牌入面仲有好多唔同嘅選擇，有韓式嘅人蔘雞湯，也有日式嘅炸物，可以講應有盡有，畀我暢快咁食！而最後嘅甜品主要係韓式嘅雪條雪糕！對我嚟講都好新鮮感！總括來說，食物方面樣樣都水準之上和新鮮！食得相當開心，也可說是性價比高的一間日韓放題！

今日同朋友去旺角兆萬中心食晚飯，見呢間餐廳係Openrice上面嘅評價唔錯，決定一試。一開始會送一個火鍋同一個海鮮拼盤。火鍋可以自己揀湯底，我同朋友揀咗和牛壽喜燒。壽喜燒嘅味道都唔錯，送上嚟嘅鍋入面有和牛同娃娃菜。覺得唔夠可以自己用手機再落單，我同朋友都另外嗌咗一碟和牛同生菜。之後仲有海鮮拼盤，有三文魚、帶子、八爪魚、蟹棒、蝦同生蠔等等，超級抵食。另外嗌咗壽司，花之戀同炙燒三文魚嘅味道好好，所以之後我哋又重覆嗌咗第二次仲嗌咗牛油果軟殼蟹, 同炙燒芝士三文魚壽司。我哋仲嗌咗唔同嘅燒物同炸物。例如扇貝炒粉絲，紫薯波波、炸牛奶、炸蟹柳、炸蝦、雞肉串燒、從燒青魚等等。到咗甜品環節，有好多嘅選擇。除咗有泡芙、焦糖燉蛋、各式布甸之外，仲有馬卡龍。仲有好多唔同款式嘅雪糕可以任君選擇，整體嚟講真係超抵食

今日同朋友出咗旺角兆萬中心嘅神戶屋日韓放題食晚餐，晚市放題每人$299，仲可以加錢升級大閘蟹放題套餐或海膽生蠔任食套餐。餐廳提供好多款式嘅食物同飲品，有沙律&前菜、炸物&天婦羅、即叫即做嘅和食料理、即叫即做嘅燒物、手握壽司/軍艦、卷物&迷你手卷、火炙/黑松露壽司、刺身、火鍋湯底及配料、即叫即做嘅麵類。入座即送期間限定嘅火鍋，我地點咗一個日本和牛壽喜燒，食完可以追加肉類，海鮮等火鍋配料。和牛壽喜燒好食，和牛唔韌，火鍋裡面仲有雞蛋同菜。我地食完仲點咗肥牛同生菜繼續打邊爐。另外入座仲送一大盤刺身拼盤，有三文魚、生蠔、甜蝦、海膽等多款刺身，好豐富。我地另外點咗手握壽司同卷物，火炙沙律燒三文魚腩壽司好食，花之戀口感豐富，牛油果軟蟹卷同芝士鰻魚卷味道都唔錯。我地仲點咗唔同種類嘅炸物，有海苔多春魚天婦羅、松葉蟹棒天婦羅、海老天婦羅、吉列廣島蠔，仲有日本香芋丸同韓國炸鮮奶都幾好食。燒物點咗日式汁燒雞肉串，鹽燒青魚同燒扇貝，鯖魚同扇貝都好大份，味道唔錯。最後一定唔可以錯過甜品，有牛乳奶凍、雪糕杯、韓國雪條、雪米磁、泡芙，超多款式，仲有馬卡龍同甜品杯，好睇又好食。

係openrice搵放題見到這一間喺openrice買券 ，竟然有199 晚市放題, 咁就買一個嚟試下一坐低就首先落咗個刺身船， 呢個放題打卡必備刺身嘅選擇都幾多， 三文魚、北寄貝 、甜蝦、赤蝦 、珍寶帶子、松葉蟹棒、馬刀貝、墨魚片、鮑魚、鯛魚、仲有最令人期待嘅海膽同埋生蠔生蠔真係好大隻之後就再叫一啲熟食燒菠蘿、芝士蝦、 燒羊架超推燒菠蘿一個人食咗八件燒雞軟骨， 份量剛剛好再食埋放題必要嘅榴槤炸彈、炸鮮奶、芝士年糕、 香芋丸， 超正……外脆內軟 食到呢家先諗起要出去拎嘢飲飲品選擇真係好多 最開心係見到有 zero可樂食得咁上下就出去睇甜品有個雪櫃任你攞， 想食勁多都得門口仲有大大個雪糕櫃任食有一個位覺得呢間餐廳幾好係掃qr code落單 ，叫嘅食物完全冇漏單， 而且食完好快有人收走碗碟走嗰陣見到門口原來仲有大閘蟹放題 ，遲啲可以再食一轉

今天帶朋友來旺角，專程嚟試試一直想幫襯的神戶日韓放題店，上到兆萬中心8樓一開𨋢門就被四週的海盜王動畫相吸引！但見門口細細，入到去用餐地區卻相當闊大，全部卡位形式座位，坐得極之舒服！一貫嘅手機點餐，方便快捷！首先服務員已幫我們點了一個超級豐富嘅刺身拼盤！我當然自己都點咗四款心儀嘅刺身啦！再加上一啲炸物！朋友就急不急不及待地點咗一個壽喜燒！再去飲品櫃選咗唔同嘅飲品同埋啤酒！盡興地享用唔同嘅食物，配合埋餐廳播放嘅勁歌，令人食得特別興奮！氣氛也特別開心！最尾就當然不少得各種嘅雪糕甜品！林林總總嘅甜品令我開始發覺自己真係有選擇嘅困難！但就真係食得極致盡興！果然係一間食得輕鬆愉快嘅日韓放題店！

成日行旺角經過兆萬中心都會見到樓上有好多食肆，今次終於去試下，好耐無食過日式放題，少期待！留意番，上去係要搭扶手電梯去到3樓再轉lift架~8樓就係! 入去望到好多卡位，坐得都舒服，我對正部電視機，有聽歌之餘睇mv，播既全部都係耳熟能詳既歌haha幾好~!入面仲有幾間房，多人既可以有獨立包箱，有私人空間幾好! 刺身擺盤好靚，望落新鮮，食落都ok喎，唔會覺得係岩岩係冷格攞出黎咁，食落岩岩好~特別推介泰式生蝦刺身，拍得住出面泰國餐廳食既！壽司黎講，特別推薦火灸類，食得出魚既甘香，又會暖暖地既口感！我地仲叫左幾款天婦羅，大蝦正常，蠔唔醒ok，南瓜條幾好食，特別推薦榴槤波波！超好食，好濃好香，我地最後飽飽地都encore既item!鯖魚平時好少有得食，燒得都ok，可以一試！牛舌係厚身既，啖啖肉！除左食刺身壽司熟食，呢度仲可以打邊爐！有幾款湯底可以揀，打邊爐食物種類都多，菜呀丸呀肉呀果d都齊！飲品方面有2個雪櫃，基本既紙包罐裝飲品都有齊！反而值得一讚既係，竟然有唔凍既枝裝水同無糖茶！你知唔係個個都飲凍野同甜野架嘛~~甜品分別係入面一個雪櫃，有唔味道既jelly、布甸、泡芙等等，我自己就食左好多粒

兆萬中心有好多間放題，每日一到黃金時間就好多人幫襯樓上放題或者火鍋店🍲今次幫襯神戶屋日韓放題，平日黎講都幾旺場！✿ 刺身拼盤一黎到員工已經為我地呈上刺身拼盤，大到我地都嚇親🤣有三文魚、海膽、赤蝦、蟹柳、北寄貝、玉子、帶子、生蠔、魷魚，品種多不勝數，印象最深系海膽，放題都食到放題真系高級🤩🧡生蠔🦪亦少放題店有，味道清甜吾腥。其他每種刺身同樣新鮮，好有口感。✿ 炸物食刺身吾食炸物對炸物控黎講簡直冇可能🤭叫咗海鮮春卷、炸鮮奶、炸香芋丸、芝麻雞翼、芥末醬炸雞，炸鮮奶牛奶餡料香甜🤍炸香芋丸香芋軟綿💜 芝麻雞翼同芥末醬炸雞雞肉不俗🐔唯外皮可以更脆卜卜啲。✿ 日式汁燒雞肉串好傳統嘅日式雞肉串燒，醬汁香甜，沾滿整條雞肉串🐔✿ 黑松露珍寶帶子壽司呢款壽司真心高質，黑松露本身已經系高級食材🖤珍寶帶子新鮮爽口👍🏼

食物質素算差，又要係咁漏單，漏單都算啦，個鍾半就自己last order，陪唔陪時間食就見人見智啦收356咁既質素係不能夠接受，性價比十分低唯有可以接收既係服務質素總括唔會有下次

仙豆係一個貪心既人，咩都想試下，於是約左朋友黎神戶食lunch,咩都食到～滿足下我貪心既胃😋一入到去員工就安排我地坐卡位，坐得好舒服🫶🏻✨日式和牛壽喜燒有娃娃菜、金針菇、大花菇、牛肉、日本玉子蛋、昆布。湯底味道濃郁鮮甜、牛肉同蔬菜一齊入口嗰陣口感好豐富！✨刺身拼盤基本上咩魚類刺身都有，我叫左海膽、生蠔、帶子魚腩、赤蝦、北極貝、鮑魚……我最中意佢個生蠔，大隻得黎味道好鮮甜又唔腥！✨壽司壽司選擇都多，我叫左炙燒三文魚、花之戀、黑松露帶子、三文魚腩，仲有好多已經唔記得啲飯細細舊，刺身都好新鮮～✨炸物&串燒粉絲扇貝牛柳粒天婦羅✨沙律&前菜牛油粟米✨甜品味道：4/5環境：4/5服務：4/5性價比：4.5/5📍 神戶屋日韓放題 (旺角)旺角西洋菜街1號兆萬中心8樓

明明今日心情好好，應該係開心嘅日子，點知比我撞着咁樣嘅餐廳，刺身完全冇鮮咩，三文魚腩好似食嚿油落口，啲壽司又難食又冇味，嘩之後熟食有驚喜🎉啲羊架牛仔骨全部咬都咬唔開，好彩我夠後生啫，唔係牙都崩埋😬😬，炸物得5成熟真係比個👍🏻佢，雪糕就正常嘢，不過都5係任食😑😑而服務方面更㗎令人反白眼，服務員態度十分冷漠完全唔想理你，叫都唔理你，好似唔想做感，感樣嘅餐廳真係唔識講。🫤🫤🫤不會再去🥹🥹🥹

其實不嬲都風聞兆萬系劣食之塔嘅威名。不過依間嘢真係世界第一等。🆘食刺身，我嗌咗🐟20塊三文魚，我放埋一齊簿到好似人哋出面10件嘅份量，依度啲師傅真係好刀功，仲要有幾片有骨，係要食落口先發現，手握壽司，🍣真係手握定嘅壽司，硬到冇晒朋友，仲慘過爭鮮嗰啲。其他啲咩串燒啊，燒到乾晒，啲羊架show到乜咁。除左show味之外其實冇味。望住啲嘢完全冇食慾。🤢最好食係出面啲雪糕真係有成20幾款，🤤🤤難怪佢話有過100款美食，原來🍦🍦雪糕都佔咗¼，唔知我以為去咗食雪糕放題。但其實雪糕反而唔係任食，最好食反而唔係任食😅所以如果你自問係一個勇者，嚟到兆萬一定要食呢間先🤣🤣🤣🤣🤣

我真係從來都冇打過食評，今次係第一次，因為真係前所未有咁難食。🤢嗰日經過兆萬門口樓下呢哥哥仔係咁sell我，有個哥哥仔特別落力又話送嘢又話打折又話唔限時，咁我見佢咁有誠意咪試吓囉。之後真係後悔咗成晚。食刺身叫果樣冇果樣，啲數又出得唔足，有啲仲要未解好凍，仲係冰嚟嘅。壽司又乾又硬又凍，件三文魚壽司上面嘅三文魚係灰色嘅，睇落一啲都唔開胃，🤮我食都唔敢食講到啲熟食仲把幾火，完全不知所謂，啲燒物，個面就䁔，個心就涷，一食就知係叮翻熱嘅。啲小炒🥘直程九唔搭八，好似係將一堆材料喺個鑊上面撈勻左就係，一啲鑊氣都冇。食咗一個鐘，樓上啲夥計就吹埋單，不過講真一句啲咁嘅質素食到一個鐘都算偷笑，難怪樓下派傳單嘅哥哥仔咁落力，因為食過一次完全返唔到轉頭😂

刺身竟然軟綿綿，三文魚十分鬆散，仲要有啲款唔係任食🥹如果真係咁，你應該入座前講清楚囉野食數量，永遠都唔跟我落嘅數量，要留意我數量並唔誇張，兩個人嗌10件三文魚都黎唔足數，如果唔想俾人食做乜嘢要叫做放題？？做單點咪好囉。熟食唔使講，有機會試到嘅都冇興趣再翻叫，個別仲要好難食🤯未食過啲肉係冇味，仲要勁嚡熠熠🤯啲員工態度幾好，問佢佢會願意幫你，不過追嘢食就幫唔到你啦，追完都係冇上。想食放題嘅人，真心要諗清楚🥹