神燈海鮮菜館 (已結業)

上次食過,好有風味,今次再食,都係好味!皮旦酸薑,開胃無比,用嚟送粥,多碗再嚟.油浸烏魚,爽口到痺,椒鹽排骨,唔會太肥!蘭花帶子,廣東滋味,生魚兩味,最合肚皮.

上星期與朋友到這店吃晚飯,螺頭湯,霸王雞,粉絲蝦煲,雞蛋焗魚腸,炒菜,炆頭腩,都好好食....螺頭湯鮮甜,唔知有無味精?霸王雞,個豉油好味,雞好大隻都幾滑..粉絲蝦煲,唔太凸出,但幾多蝦..雞蛋焗魚腸,幾乾身好香..炆頭腩,好入味,好食..

同一班兄弟姊妹來開會及見見面，叫了多個小菜。地方up dup都算。但服務超差先最緊要！！！！無人理，無人主動，無人加茶。當我地有一碟菜未到時，其實我地已食得八八九九，即係我地都飽喇。咁追下一個紮馬尾的女侍應。佢話無落到單，又問我地會否落其他，我地話唔要喇，佢竟然吋我地，話，睇你都係搭棚架啦。唔好咁慳啦。我果時真係嬲到爆，佢咁講野，很無禮貌，我想，就算我地慳，關你咩事。況且我地係追問漏單在先，唔係我地自己話唔要，係佢無落單。態度同觀點都好有問題，亂講野!!加上這餐是我請的，她咁講真係令我好無面。我真係睇在有朋友份上，如果唔係，一定質問她咁講係咩意思。結果埋單時，她見係我取一張500元出來，仲要多口話，下，咩原來係你請架。跟住仲要我唔想比tips，但她不等我收晒d散子，就好快拎左我兩蚊走。呢d咁既人，真係比兩毫都嫌多。食物幾好味幾抵都好，有d咁既騎呢倒米員工，就唔駛旨意我地會再去。服務有無得比負分？

七一假期, 亦應該係慶祝的日子, 但沒有辦法, 少年部更加緊要, 唔好讓人愛得太遲. 三日兩夜之後, 馬不停蹄地趕下個節目, 就係綠怪. 超過一半頌揚人參與, 一行都坐唔晒. 真係高興.綠怪之後已差不多九點, 就拉大隊過來食. 一來到先醒起三個字: 休魚期. 繼去年海龍皇之後再次早招. 唯有用小量海鮮開頭, 其餘以小菜做主打.十二人坐係房入面, 都算舒服.豉椒炒大蜆: 6分, 真係幾大隻, 豉椒炒得幾香口, 但蜆有沙, 同無乜鮮味.豉汁蒸白鱔: 5分, 用豉汁去蒸, 本來應該點都幾入味, 但白鱔本身唔靚, 完全唔肥美, 亦係麻麻新鮮. 食到最後都係吃剩了, 大家已經從行動表明對這碟豉汁蒸鱔的態度.古法焗魚腸: 4分, 真係吃過的魚腸中數一數二的差. 上臺時好次幾靚仔, 成個梳乎里一樣, 但食落口先知焗得太乾, 味道過淡, 無乜魚腸味, 太多蛋, 又無乜香味.骨髓三鮮: 6分, 都好久無食過骨髓了. 個汁太杰, 味道平平. 唔知是否太涼的緣故, 最後又係剩了不少.XO醬爆田雞扣: 8分, 即係田雞的胃, 比一般田雞肉桑脆, 加上XO醬去爆, 相當香口.沙薑雞腳: 6分, 沙薑麻麻入味,

除鏡面畫上洋洋灑灑的書法、腦海裡胡謅出來的菜單，還有這篇一塌胡塗的食評。焗魚腸賣相相當不俗：普通的瓦缽中，鼓起一個大圓頂，香噴噴；一口，魚腸啤水足、苦澀味少；加上先蒸後焗（「古法」乎乎），蛋亦頗見嫩滑。可是，油條沒有翻炸，做不到香軟脆滑四重口感。清蒸白鱔用蒜頭豆豉爆過：鱔是水缸拿出來新劏的，當然不差，份量也多；相對海鮮煲內的，當然稍為遜色…即或如此，仍比坊間的新鮮得多- 獻汁雖稠，但肉的鮮，肉的甜，肉的爽，仍呼之欲出。油浸田雞無緣無故變成醬爆田雞，或涼瓜田雞：涼瓜苦中回甘，亦爽亦脆，竟又搶了不少風頭。最後登場的腐乳通菜炒牛肉，肉當然是鬆過，但上檯時是剛轉色，非常非常之嫩口，加上惹味的腐乳醬，又一送飯之作。來得這裡吃飯，當然不是吃環境，但七十大洋食個週末晚市，唔使爭位，有冷氣歎，又有啤酒飲，仲有鑊氣海鮮餸，還想怎樣。

細個時住過神燈附近,已經覺得佢\好出名,因為記憶中如果搭的士返屋企,老豆都係講上海街神燈,而每次司機叔叔都識去,而老豆同我講佢\以前都有同我去過,不過我就無咩印象早前老公約左兩個死黨食飯,叫埋我去,其實我都係陪食居多,佢\地選了這裡佢\地都係飲酒吹水為主,叫左焗魚腸~我對內臟有d抗拒,唔食魚腸,無試,佢\地話好食XO醬田雞扣~唔食田雞,仲要係田雞扣,更加唔會食,佢\地就好欣賞,話爽口野味,好送酒椒鹽鮮魷~終於有d野會食,好香口,好食,不過都係食兩舊,因為熱氣,膽固醇又高,又係好送酒椒鹽九肚魚~九肚魚好滑,好味,不過又係因為熱氣,只食了兩舊,都係送酒豉椒炒蜆~幾野味,我食左幾粒都無沙,不過老公就話佢\食到有,又係送酒菜因為志在飲酒吹水,飲夠吹夠就埋單走,分道揚鑣,老公當然未飽,我就更加唔使講,之後再搵食其實佢\d食物唔錯,不過因為呢次佢\地都係叫d唔合我口味的食物,我又唔飲酒,所以都只係ok

前幾天突然想吃焗魚腸，於是昨晚便和太太到神燈吃晚飯，落完單過了兩分鐘之後，侍應才回來說魚腸已售罄，令我們十分失望。我們吃了以下小菜：油泡田雞：份量很夠，有很多田雞，很香很好吃。豉汁蒸例牌鱔：鱔很肥美，厚薄適中，味道亦好，如豉汁加入少許辣椒會更好。鹹魚蒸肉餅：肉餅不錯，可惜鹹魚極之多骨，我們吃了少許便放棄了。服務方面整體來說不錯，但有段小插曲，就是叫侍應加水後，便再沒有有人拿茶壺回來了。環境方面冷氣足夠，適合怕熱的我。總括來說，這頓晚餐雖然失望，不過卻十分滿足。

是夜,到了油麻地神燈食飯,環境好像五六十年代的飯店,心想,這次找對了地方了,因為想吃一些懷舊的菜式呢!如果以衛生情況計,這裡會令一些office lady尖叫,因為要入舖,首先要經過門口的魚缸陣!濕滑滑的地面已叫人吃不宵,仲有一條條黑色的烏魚眼甘甘望住妳..哇!但,偏偏美味由此而嚟!!看到玻璃門上的報張報導,介紹了一些招牌菜,照跟!油浸烏魚,田雞扣,焗魚腸,再加埋燉西洋菜生魚湯同埋腊味炒芥蘭,好味!當然我唔係話全部都好好,但真係唔錯!油浸烏魚係要特別介紹,條魚炸到脆卜卜,d醤油配合得好好味,燉西洋菜生魚湯都係必要試試的!田雞扣爽口,但味道偏淡,總括來說,係一個值得去嘅地方!

1.響螺雞腳湯：好鮮甜，雞腳是新鮮的，每人兩碗都唔夠。2.椒鹽田雞：本來想叫田雞扣，但當天沒有，很失望，但這個也不錯，很送飯。3.清蒸烏魚：好滑，好有魚味，但很多骨。會再去

魚腸焗蛋：蛋老乾身，魚腸無味雞腳嚮螺：足料有水準；點雞腳豉油太淡鱔煲：鱔件小塊，味鮮；汁杰如糊且過咸白飯：米碎，口感十分差其他：一般大排檔水準總評：一般街坊食飯尚可，不值專程到訪

想當年經常嚟呢度食飯。每次諗起個焗魚腸及煲仔飯就流晒口水...昨夜跟一眾好友返嚟聚聚。基本上餐牌都唔使望就知叫乜..焗魚腸--- 賣相一流，焗到漲卜卜好似個小山咁，不過望落去好似個面焗得唔夠燶；一咬落去，味道比以前差咗，最重要係魚腸仲有D過苦添，陳皮亦落得唔夠，唉...想叫螺頭湯，但賣晒，於是退而求其次叫個白菜豬肉魚頭湯。一望D色水沉甸甸、黑黑地就知大鑊。一口喝下，完全係味精湯，唉....再嚟招牌油浸烏魚。呢個就OK番D嘞 --- 魚肉滑，外皮炸得脆，色水呈金黃，啱啱好。不過如果D汁再多番D會更好...翅汁雜菇炒菜--- 平平無奇(如果呢個都煮得差就大鑊)...大豆芽炒豬什--- 大豆芽炒得幾爽，但D豬什淡而無味，豬潤炒得太老，唉....大馬站煲--- 蝦醬味唔濃，基本上有D似八珍豆腐煲，唉....連一向認為做得出色嘅白粥都退步埋---- 唔夠綿，亦唔夠熱，唉....就算好平咁又點?對我嚟講呢度已經成為過去嘅回憶...

魚腸好味螺肉雞腳好飲田雞扣好爽茄子牛肉煲好正簡直就係平，靚，正。唔去都唔知，值得一試。Remark：話係網址推介有特價。　

(25/5)其實下面已提及所吃的菜色，但總要挑選本晚精選：缽仔焗魚腸－不知以前是甚麼樣式，但一定要試，我吃了魚腸，與強記那次成平手，但賣相神燈贏，蛋入口溶化，香味濃郁，魚腸我吃不到苦味，可能位置問題；　XO醬爆田雞扣－值得再叫，吃了不太多，但田雞鮮嫩可口，味道恰到好處；　　兩款湯水－可能真的被家母寵壞，食店湯水真的與它有一大段距離，但有時也喜歡飲，正如食燒臘飯總要與例湯一齊，才能成事。椒鹽鮮魷及九肚魚－沒有油益味，沒有過熟，算是不錯。乳鴿－可以再叫，乳鴿鮮嫩，味道尚可。全晚之最是九粒小星報喜，因中間的那位就是星爺，最大粒最有輩份最有知名度那位。壽辰少不免蛋糕，他送了他一隻藍海豚，星爺卻送了我們驚喜。

在旺角油麻地交界的"神燈",屹立超過四十年,可話係整區歷史最悠久的酒家之一.計落條數,差不多六年無去,日前心思思想吃田雞扣同焗魚腸.於是促成此個半私人飯局.出場陣容,加埋我有九個食友.如非時間太倉拙,應該不止一打..大多食友也準時入席,飯店安排我們在另一邊房.之前來過數遍,心裏面大約已諗到菜單,問阿姐今日有無烏魚?)阿姐無.)阿姐不如要黃立倉啦.我唔使喇.),油浸烏魚,緣慳一面.可惜.響螺雞腳湯是此店招牌湯水之一,妹仔大過主人婆,材料多過湯水.幾個人勉可夠分.味道也鮮甜,有響螺有雞腳,好難會失手.椒鹽鮮魷也做得不錯,但惡男覺得一般.缽仔焗魚腸,賣相成個小火山,蛋面的油炸鬼若隱若現.亦有點似受到輻射的梳乎里.急不及待來一口,蛋夠香,魚腸味就唔多夠.味道亦略苦,比起年前來吃的水準,差左少少.希望只係一時之差.XO醬爆田雞扣,同之前吃過的雲勝田雞扣不同食味,田雞扣一隻田雞得一隻,單係呢樣已值回票價.逐隻田雞去解剖,你估唔洗功夫?田雞扣一碟起碼三幾十隻,口感很爽脆,加上XO醬的辣度,非常絕佳的下酒菜.當大家正在埋首搏鬥當中,是夜壽星仔熊貓兄突然現身,之前的推莊.是否又搞Gag?無論點,呢樣真係

南瓜搞的飯局，撞正星爺牛一，可惜壽星仔私下有局，來唔到，沒差，一行9人來吃個地道的焗魚腸及一些小炒。行到地鐵，南瓜已打電話來追問，畢竟偶的習慣是有早遲，遲到不如唔到，但今日真的發生很多事，抽唔切身，最後都要遲到，罪過。首次來神燈，左瞄瞄、右瞄瞄，橫豎看都沒有門，是門都沒有乎？問問阿姐，指著身邊的魚缸，唔係化！真係身形比較大的人，都入唔到！店內，分開兩邊，大廳玻璃寫招牌菜，是本地酒家的特色，走入內舖，是招呼柴娃娃的「廂房」，南瓜早有準備，已包了其中一席，估唔到地痞酒家，都有此服務。入坐，已見食友大聲講大聲笑，好不熱鬧，打個招呼，又問問南瓜點了什麼，順序如下：響螺雞湯、椒鹽魷魚鬚、焗魚腸、西芹魚扣（辣）、巨型豆腐釀鯪魚、趣緻熊貓一隻、油泡田雞、貢菜、鮮魷牛骨髓、生魚湯、九肚魚、炸乳鴿X2，看陣容十足，唔食得都睇得下，是平民版的「九大鬼」。與閒遊說著免費雜誌metromagazine，用膠套包著，layout簡潔，幾吸引，飲食潮流的資訊雜誌，不過食相lighting錯晒，感覺怪怪的，又咁講，免費既野，都算做得唔錯，然後響螺雞湯上來，細細的一盅，材料十足，尤其是雞腳，多到你唔信，湯明顯唔夠分，