神燈海鮮菜館 (已結業)

任誰也想不到，大半年的光景換來一班良朋致友，他們特意為自己舉行的慶生飯局，地點訂於這"盞神燈"之內。舊派的食物和平民的格局，對於出生低微的自己有說不出的親切感。 雖然是晚我們被中間另一檯客人分隔了，不過亦無阻各位的興致和氣氛。首先來的是一連串的祝賀和致謝，各位的熱情也直接送進我的心坎中，特別是專兄的海苔和爐兄的肥美雞腸，為此次飯局打開了燦爛的序幕....以正式上菜規格，以湯水為首度小菜。這<<烏雞翅骨湯>>湯能清晰見底，味清既有雞肉鮮味而且火喉十足清甜得很，是個平民版的"翅"。下一道久別的食物，<<煎烏魚>>是這裡的"名物"之一。魚皮脆身肉質鮮嫩多汁，肉質有咬口而鮮味，加上碟底的豉油提味，非常的美味，讚呀﹗有魚必有雞，<<霸王雞>>皮黃帶有光澤。以汁為味的它，皮算薄而脂肪算少，肉質尚算鮮嫩，不錯。間場及必須的蔬菜類，<<蒜蓉炒芥蘭>>，味道正常，芥蘭翠綠爽脆，炒得甚有鑊氣。想也沒想到，這個<<燒乳鴿>>意外地美味﹗皮脆鬆化，肉算

踏入十一月,身邊特別多朋友生日,今次就到開字頭的"開火",同丹尼兄,這一個晚上,二十多人,一同擦亮在上海街,幾十年歷史的神燈.一早致電留下兩張大桌,來到內房,我們兩張檯,竟被一檯客人隔開,小弟即刻向店方交涉:{你地點搞架?要我地分開坐?}店方不以為然,說:{如果坐出面,都係一樣,你地如何?}沒有那麼好氣,回到座位上,看住個餐牌,再作打算.身為不修遍幅的老店,自然不收開瓶費,切餅費.我們這一班非個個好酒之徒,自攜西柚汁同果汁,別樹一格.另外亦不少得各路朋友帶來的紅,白酒.都算係由細吃到大,神燈有好幾味一向做得不俗,老實說,都是一些懷舊菜,但比較平民化.燉湯是烏雞翅骨湯,人多關係,每檯上兩盅,湯面滿佈油光,比小弟臉更多油,平民老店風格粗支大葉,那有心機替你撇油?但喝起來,又真的很鮮甜.烏魚是神燈的招牌之一,來自珠江鹹淡水交界的烏魚,多骨但肉質嫩滑,香港不是很多地方有得吃,反而在一個公海之隔的澳門就很多.烏魚用油爆去處理,外層香口,肉質又嬌嫩.來神燈吃魚的話,一定是烏魚.霸王雞的雞味不顯彰,雞皮都算幾嫩,而乳鴿就很不錯,店方說廚房剩下不多乳鴿,小弟就說

門口在兩排魚缸中間, 得兩尺多DD的入口, 行過左都唔知. 舊舊的陳設, 年過半百的侍應. 老掉牙的味道. 說到食物的味道就好得. 簡單的炒菜都好味過人, 老人待應介紹我地食麵豉唐生菜真的好好味, 值100分. 砵仔焗魚賜好味過好多大酒樓的多多聲. 係用蘇絲黃教的做法, 焗完後將整個砵放入滾油裡炸成表面金黃. 超好食還有臘腸煲仔飯, 臘腸好食, 閠腸更好食. 好甘香, 勁正, 我不喜歡食閠腸的, 但會食它們的 閠腸, 因為真的好好味. 三個人食埋單都是二百元有找. 見很多檯都叫炒蜆, 下次都試下先. 佢地好似有格房, 可以坐十幾人的.

19/10(日) 7:30pm是晚跟組長的樂園玩伴聚餐,地點為三教九流的油麻地.預先留了座,得到稍稍企理的位置.一行九人點了九道菜:豉油王乳鴿$50隻,上湯雞,蒜蓉白菜仔,煎炆豆腐$45,油鹽水浸蜆,豉油王蝦,豉油王鵝腸$55,鴛鴦骨$55及雞蛋焗魚腸$55豉油王乳鴿--乳鴿富光澤且挺身卜脹,嚼下肉嫩多汁,要挑剔是其脂肪比例較多.上湯雞--肉質有點粗糙,雞味乏,皮下脂肪更不敢恭維,敗筆之作!蒜蓉白菜仔--白菜仔嫩口富蒜香,油水十足!煎炆豆腐--做法跟紅燒豆腐類近,不同之處為布包豆腐內釀內鯪魚肉,多添層次.油鹽水浸蜆--蜆肉份量慷慨,頗鮮甜的,而鍋內的湯浸勝瓜吸引蜆鮮,味道天然!豉油王蝦--大叔推介的菜式;蝦味,體型及質感均不甚了了,山埃推介!豉油王鵝腸--鵝腸爽口得很,鹹度恰好的豉油香亦滲入鵝腸及墊底的芽菜內.鴛鴦骨--牛仔骨及豬排椒鹽之,兩者皆肉質鬆化香口,各有所長!雞蛋焗魚腸--水準仍屬上佳;油條片舖滿面,雞蛋魚腸味道甘香而不太腥,果然撚手!草根九大簋,位位八十五大洋,值得支持!

睇完戲, 出返黎旺角食飯, 想起上次在得如, 聽到南瓜他們說起神燈. 昨晚宵夜亦路過此門口. 感覺應該不錯, 我便點明出到旺角, 到神燈用膳. 地方比較 "UP DUP", 從魚缸中行入飯店, 老伙記再帶路再入側室, 雅座.細研菜牌, 發覺價錢不便宜, 原來剛剛加價, 老伙記說, 成本高, 雞貴, 菜貴, 豬牛也貴, 無耐加價. 老伙記推介西鰽, 握介得, 必然有其因, 我們三人便叫了一條, 老伙記說, 足夠三個人食. 另叫了一個京都炒排骨同東江豆腐煲.先說魚, 老伙記的推介, 非常新鮮之餘, 用上豆豉去蒸, 味道濃郁, 寧捨好味. 豆腐煲, 食得出是用了街市看見的水浸豆腐, 裡面釀了鯪魚肉, 清淡豆腐湯再加嫩滑豆腐, 而且夠哂大煲. 三個人, 其實只叫兩味已經足夠. 第三味, 便是個京都炒排骨, 排骨是肉排, 亦是最早ready, 看見其份量, 老爸說, 這個應該可留著, 魚同煲不能留, 我們便留著一半打包. 味道酸甜適中, 是開胃, 送飯佳作.所以說, 美食不要裝潢, 曾把自己的一些食評轉到大陸一個玩開的Forum, 有網友說道 : 其实很多东西卖相不佳但是却很好吃很好吃!!

星期日夜晚8幾點到達都好爆場 我地3個女仔去食 等左十分鐘左右就有位眼見好多抬人都ORDER左乳鴨但可惜我地order時已經賣晒想order 蒜容蒸扇貝 逐隻order 我地本想order六隻 但又賣晒轉頭佢話得番3隻 問我地要唔要 咁我地照殺!order左既小菜有:1.蒜容蒸中蝦 $15/兩 我地叫左半斤 有幾隻好大隻 食落覺得d蝦係新鮮的!!好味道! 2.蒜容粉絲蒸扇貝3隻 $15/隻 比想像中大隻 尚算好味啦 但覺得個味道可以再濃多少少3.生炒骨 普通貨色4.椒絲腐乳通菜 d菜好青綠 靚菜 炒得都幾爽口5.清蒸唔知咩斑 $14/兩 侍應話同我出門口揀 揀左一條細細地既 一撈條魚勁生猛 咁逃脫 佢話條魚都有8兩喎 條魚超滑 好味道!!! 3個人食岩岩好 另外叫左三個白飯d野食上抬既速度都好正常 無話要等好耐我地3個都食到好飽 食剩左d菜同生炒骨 其實可以叫少個生炒骨 咁就岩岩好喇..埋單都只係$370絕對可以再有下次~

睇完戲 1行15人去依間所謂既"老字號"食晚飯10:20島去到up dup 都算 裡面既人真係乜都有有幾個紋身大漢 有幾個性感大陸女人 好雜完全搵唔島特價$28小菜至於7 8 十蚊既小菜就大把叫左幾個菜 幾支啤酒 鬼知上菜好慢差唔多隔十分鐘至上一個菜1.椒鹽豬扒*2 幾好食2.炸大腸*2 普普通通3.白菜魚湯*2 味精湯4.西芹魚片*2 魚幾好食5.沙薑雞*2 好食但好多雞毛6.芽菜肥牛煲*2 好少牛肉去到11:30 d菜都未齊舉手叫個老d帶眼鏡 個頭成日側埋一邊既 啊伯兩次 兜口兜面都扮聽唔島 掂行掂過好 叫第二個侍仔跟下d菜佢就拎番d單過黎逐碟"審"我地有冇食過足足問左幾次 至信有兩個菜未黎我地嬲得濟 取消左d菜 埋單走人睇下張單 825蚊 每人每碟菜都係食左一兩件 1人55蚊???結果 全部人一齊要再去旺角掃街

今晚同屋企人食晚飯,好想推介神燈俾大家,款式幾多,環境雖然普通,但係出品唔錯架,我特別鍾意食個蒸扇貝,好好味,另外炒通菜都唔錯,白灼蝦幾甜,點辣椒豉油都好好味,最後大家一定要試油浸烏魚呀,包你話好!

終於成事約了外國舊同學食飯, 佢話要食海鮮, 我話又要平.經過 Superbaby 的推介, 終於到神燈一吃, 話哂三個麻甩食飯, 點都要去返 d 入型入格既舖頭. 大舖比較多人, 我被編排到另一個舖裏坐.食物方面, 和舊同學看看海鮮之後, 點了好幾味:陳皮蒸鮑魚仔: 大隻鮮美, 陳皮也香, 加點豉熟油, 正! 蒜蓉粉絲蒸扇貝: 忘記叫店方在底下落一刀, 吃得有少少難度, 但味道同樣地鮮甜, 另一個正! 老虎斑: 蒸了一條約十四両, 蒸得剛好離骨, 肉滑夠新鮮, 掂! 椒鹽鮮魷: 本來要了碟椒鹽九肚魚, 來錯了不緊要, 少少辣, 肉夠厚, 膽固醇再多也要吃呀!XO醬爆田雞扣: 呢個田雞扣冇咩味, 不過幾爽口下, 連西芹都 ok 既.古法魚腸: 魚腸少蛋多, 同埋砵底魚腸有 d 苦, 可以更好. 食物的確不錯, 價錢也相宜, 看到我們生面口的也沒有劏死牛, 要彈的是入面煙霧瀰漫, 而店員也毫不干涉.食得飽, 價錢相宜, 也吃得過.

宵夜了,想食普通廣東菜,一到神燈光顧!侍應阿叔介紹了清蒸魚頭,一大碟有八件左右,魚頭開邊,賣相有點恐怖,但係"損"落又幾野味,蒸魚既豉油處理得好,帶俾大家滋味!再嚟半斤白灼蝦,十二隻左右,蝦肉很甜,灼既時間啱啱好,辣椒豉油好味,忍唔住叫枝大啤啤啤佢!下一味係西芹炒生魚片,有鑊氣,味道幾好!生魚片新鮮劏,點會唔好食,阿叔話其實可以生魚兩食,另外魚云可以愛嚟滾湯,又唔早啲講!生魚湯又到,可能落左一啲薑同埋胡椒粉關係,有點辣,不過好味道,湯入面再放左白菜仔,仲有皮旦下火,噢!wonderful!西蘭花炒牛肉ok,都係有鑊氣,唔錯!另外要讚係佢地個白粥,煲得好靚,要一碗嚟送埋個皮旦酸薑,好滿意了!

朋友知道我喜歡看海鮮，又聽聞上海街有間老店可以一試，因此就與友人二人同行闖進此店，探過虛實。舊式酒家格局，伙計們都是佬型或伯型，菜牌上都是街坊酒樓餸菜，另有幾款廚師推介菜式，至於海鮮類就是海鮮價。我們想試海鮮，不過發覺好貴，我們問灼蝦點計，伙計說$15兩，我們計一計要百幾銀先得半斤，非常唔底食，所以無叫，反而試試其廚師推介菜式。古法焗魚腸：好大兜，魚腸和旦的份量比例處理得不錯，而古法即用油炸鬼鋪面，不過就焗到老了點。味道就尚可，還要視乎喜歡吃魚腸否。螺肉燉雞腳湯：幾足料但不太味濃，普通。炒通菜：舊式酒家炒菜都有心理準備是比較油海鮮豆腐煲：足料，海鮮多過豆腐，味道不錯老牌酒家不會有什麼驚喜、也不會太令人失望，保持實力、競爭力。這種格局最合適一班佬聚會食飯飲啤酒吹牛，在場也眼見不少枱客都是如此，當然也有客是家庭聚會。

一家人四個去晚飯點選了一碟中式牛柳,一碟椒絲腐乳通菜,一碟油浸烏魚,四隻蒸帶子,兩碗白粥,仲有一個東江豆腐煲!中式牛柳係茄汁味,牛柳用上很多醃粉,所以好鬆身,味道ok!椒絲腐乳通菜有鑊氣,唔錯呀!蒸帶子,有粉絲舖面,入哂味,帶子super鮮甜,豉油都好味,很不錯!油浸烏魚係最出色的一味,烏魚炸到脆卜卜,骨是較多,吃的時候要很小心!但係味道是很好!魚肉很觧甜,送粥係一流!價錢不算貴,味道又好,很值得再來!

近排少左周圍食,食評產量都少左,無辦法啦,想學吓煮餸第時先嫁得出不過都唔係日日都匿埋喺屋企既,好似今次就去左神燈食,幾道菜包括乳鴿,清蒸芝麻班,啫啫雞煲同埋西洋菜生魚湯都係水準之作...芝麻班十二兩左右,蒸既時間啱啱好,用筷子吉入魚身時感覺係緊緊熟,因為去到骨位係吉唔入,因為咁,所以魚肉好滑,配合埋個豉油真係一流!乳鴿ok,其實好多地方味道都差不多,因為只係用油炸,食番原本既味;啫啫雞煲雞肉唔多,反而好多豬膶,應該叫啫啫豬膶煲更貼切,不過味道都唔錯;西洋菜生魚湯老火湯既典範,味道好!整體係一餐幾好既晚餐

早幾日同朋友食飯, 地點係位於油麻地的神燈海鮮菜館, 我第一個到取位, 我們有五個人, 個伙記俾張八人我地坐, 睇下菜牌, 大概都係食招牌菜, 問下個伙記洗唔洗訂定, 我話多數會食焗魚腸、響螺雞腳湯、XO醬爆田雞扣同油浸鳥魚. 佢\就話樣樣都有, 不過同我留定個響螺雞腳湯穏陣o的. 咁我當然信佢\o拉, 咁等左半個鐘到, 大家都到齊, 不過得四個人, 有一個黎唔到, 咁就扼左人地張八人. 不過, 叫菜時佢\又話油浸烏魚冇晒, 又話唔洗訂, 不過算o拉, 可以點. 再叫了半隻雞及通菜炒牛肉. 五菜一湯, 都算幾豐富.古法焗魚腸: 漲卜卜好靚仔,食落覺得焗得很乾,無乜魚腸味, 反而陳皮味幾出.XO醬爆田雞扣:全晚最好食的一個菜, 田雞扣即係田雞的胃, 十分爽口響螺雞腳湯：好鮮甜, 響螺好有咬口, 雞腳都仲幾好味乳鴿: 味道普普通通, 送酒尚可半隻雞: 不記得是龍岡雞或是甚麼雞, 只是油浸烏魚的代替品, 算不上滑, 以$95的價錢實在不值.腐乳通菜炒牛肉: 牛肉很嫩口, 算是不錯.全晚最好吃算是XO醬爆田雞扣, 印象中是自己第一次吃.

夜晚食飯去左神燈食,聽講唔錯,蔡瀾仲介紹過!叫左油浸烏魚,中式牛柳,西芹炒田雞扣,燉西洋菜湯!油浸烏魚炸到脆卜卜,好好味,個豉油好正,加d辣椒絲食好開胃!中式牛柳一般啦,一食就食到d生粉味,所以無咩牛味,田雞扣係佢個胃,爽爽地,炒西芹同佢幾襯!燉西洋菜湯有生魚一併燉,老火湯好好飲,應該係燉左好耐,不過小缺點係比較多油,但係都算係好味!環境比較陳舊,同埋個洗手間比較污濁,扣番分,不過下次都會再嚟!