神經餵飼 (已結業)

三年前第一次黎呢間咖啡店食過正餐，我承認我地當時比較大食，所以唔夠飽，哈哈期後都有回訪過多次，主要食甜品、飲咖啡，感受良好。雖然太子、旺角cafe唔少，但質素參差，如果想hea都會選擇呢度。餐廳有兩層，其實我地未去過上層，下層係開放式廚房，假日客人頗多，由店員安排位置，客人自行到櫃枱點單結帳，店員送餐，餐具自取。唔係好熱情、好有溫度嘅小店，但so far我地冇遇過啲咩唔好嘅經驗餐牌供應7至8款主食，例如丼、沙律、三文治等，定價$68-140。當日仲有兩款戚風蛋糕；飲料有咖啡、茶、梳打等。溫泉蛋燒汁豚肉丼 $92主食價格略高，少少地下午茶咁嘅份量，豚肉足夠送哂碗飯，肉質偏瘦，連同隻啱啱煮好嘅溫泉蛋一齊食，都唔會話好嚡。芝士奶蓋烏龍戚風蛋糕 $52奶蓋做得唔錯，有芝味，質地稠身，凍凍地有啲乳酪感覺。蛋糕茶味隱約咗啲，不過質地夠濕潤、有彈性抹茶拿鐵 $45抹茶拿鐵一向穩陣，唔算極濃，一般人應該收貨。

黃底💛💛文青cafe大家要多多支持💪🏻💪🏻💪🏻呢間佈置簡約，以乾花為裝飾，入到去比人一種好休閒的感覺，可以放一下。Cafe以半自助式運作，點餐和拎餐具都是自助，提提大家餐廳只收現金架。🧡照燒三文魚茶泡飯 $95雖然價錢略貴，又沒有跟飲品，但勁好味，所以值得一試。三文魚好大好厚一件，烤得剛剛好，帶點魚油和味。入口好滑，連魚皮一齊食更香。湯底加了洋蔥，泡飯滲出陣陣茶香👍🏻👍🏻👍🏻🧡牛油果蟹肉法果多士 呢款輕食之選，有沙律菜伴碟。蟹肉份量多，但味道很淡，只食到牛油果味。

見到這間店的名好特別，所以故意相約朋友來這裡，開放式廚房和泥水灰色的裝潢，感覺很raw但又有種日式店的住家feel，總觀來說，是間文青小店。牛油果蟹肉法式多士是個清新健康的選擇，賣相出色，seasoning亦剛剛好，一味粉配滿滿的蟹肉再加上打滑了的牛油果，有少少咬口感，連同香脆的多士咬入口，口感相當豐富。美味健康，有飽足感亦有足夠營養。照燒三文魚茶泡飯好像每一台都會叫，看似是signature dish，湯底有微微的茶清香，三文魚帶魚油香，把精華都吸到入米粒中，十分好吃！

今晚早早就約朋友食晚飯，5:30可開始點餐，而店內只有一台客人。最低消費每人一杯飲品，我地點左百香果柚子香橙梳打，雜莓蜜桃梳打同覆茶。可以選擇的菜式唔多，但估唔到每款都好好味，點左溫泉蛋泡菜豚肉丼、明太子伴雞肉親子丼、牛油果蟹肉法式多士同野菌麻婆豆腐飯(素)。牛油果蟹肉法式多士我地一致大讚，口感清新，帶有微甜，而多士好脆，整個配搭天衣無縫。👍🏻👍🏻野菌麻婆豆腐飯(素)一上台以為平平無奇，以為會好清淡，估唔到呢個素飯係重口味，個人唔太食得辣，覺得都幾辣下，但朋友就覺得好味。😋見店內細細，唔講唔知，原來仲有2樓，於是係等餐中上左2樓望望，上面需要脫鞋，環境清靜，周邊都係乾花、手工藝品擺設，而這些乾花、擺設全部都出售，有興趣可以買返屋企。下次可以叫埋一班朋友去2樓，隱蔽又舒適，飲杯野，吹下水，度過一個休閒下午，非常適合。

之前曾經想黎食呢間但唔小心遇上例休的日子摸門釘，今次反而係唔小心經過又見唔多人就入左去食。餐廳的裝潢實在令人看得賞心悅目，連洗手間都靚過人（唔去都值得參觀下）。至於食物，友人食明太子拌雞肉親子丼，試左幾啖，味道正常。而我就叫左貓毛定食同一杯熱朱古力。定食可選鯖魚或豚肉，我選了前者。貌相非常之靚，前菜（秋葵豆腐沙律同大根煮）好特別，岩我口味，而主菜就正正常常咁啦。不過以$140黎講就真係貴左一點。朱古力好濃，讚！最後結論係如果只係想食野，就唔需要黎呢間啦。但如果想同朋友舒舒服服傾計傾成晚，呢間餐廳就係好選擇啦！

見雜誌介紹去試一下，點知非常極度失望。除了環境比較文青以外，食物不是雜誌所寫咁好囉~~~~~一般過一般。本人從沒有期望系呢d食店/價錢會有酒店式服務，建議呢間店嘅職員服務態度真係有待改善。落單語氣、對客人嗰張臉真係……令人尷尬，就好似我比錢求佢比野我食一樣。總之，絕不推薦同再去食。

又到開心星期五，去完旅行番到香港，holiday mood 有點難重投工作，難得又到星期五，所以要搵間餐廳慢活下。餐廳以自助形式，樓上用榻榻米的，更輕鬆，樓下就是普通坐位。牛油果蟹肉法式多士：蟹肉份量一啲都唔吝嗇，厚厚的疊在牛油果薄片上，牛油果薄片有淋上微酸的黑醋，頗醒胃，法式多士外皮酥脆，包身軟綿，不錯。但伴碟沙律茶有點苦。溫泉蛋燒汁豚肉丼：本來呢個組合就是無敵，燒汁份量恰當，拌飯跟溫泉蛋剛剛好，豚肉薄片都好好味，最愛的是漬蘿蔔，酸酸甜甜，好味。接骨木青瓜檸檬梳打：接骨木味道嘅東西一向都好討好，配合青瓜檸檬做成梳打，夏天消暑一流😋整體食物有質素，cafe環境好放鬆好relax，好適合朋友聚會，可以chill下。

《明太子拌雞肉親子丼》🐤 $88《Matcha Tiramisu 》🍵 $58《草莓冰冰》🍓 $48《蜜桃茶》🍑$35-喺香港要搵一間Cafe坐下真係比較難，放假就真係想靜靜地咁hea下，位於太子轉角位「神經餵飼」其實都開咗好幾年，但你唔會好察覺到佢嘅存在🧐，係咁熱鬧嘅市區享受一下寧靜💆🏻‍♂️-比較失望係假日嘅晏晝時段，菜單選擇已經得返三四種😕，就隨心選擇左一個《明太子拌雞肉親子丼》，丼飯賣相好日式🍱，明太子嘅鹹香撈勻成碗飯好滿足，雞肉亦都算嫩滑💯，另外叫左一款《Matcha Tiramisu 》🍵因為冇相片嘅關係本身以為係一件蛋糕，但真身原來係一杯杯裝，忌廉夠滑身抹茶味唔算太濃厚，底部係杏仁加果仁有驚喜，可惜份量太少有啲唔夠喉有點小貴每人一定要叫一款飲品就選擇左《草莓冰冰》同《蜜桃茶》，沒太大驚喜就一般咖啡店質素，不過依度嘅店員實在有啲呆滯，眼見上錯單都發生幾次😅，而且冰沙溶化得太快卻沒有盛戴容器，只好自己隨處拎隻碟解決，細心位不足😑，可能同店舖名有關神神經經🤣，不過環境寧靜舒適同好多綠色植物包圍着心情總算舒暢🍃

約閨蜜食飯就梗係要搵個靚靚地方可以坐低傾下計門口都已經好有文青嘅氣息啦入到去有簡約嘅白色牆加上好多乾花擺設成個文青風格出哂黎呀好多女仔朋友食得唔多神經餵飼就啱哂啦全部都係輕食不過大食友就要諗清楚啦想搵個地方傾下計就ok嘅我同朋友主要都係為左傾計所以就咁叫左兩個飯溫泉蛋燒汁豚肉丼溫泉蛋忌廉菇菇燴飯兩個飯雖然細細碗但係味道都唔錯呀不過始終係小店旺角黎計都收幾早9點就要走啦不過靜靜地傾左兩個幾鐘都好開心啦

朋友話想試呢間嘅蛋包飯，於是就去呢間神經餵飼食夜晚飯。去到門口佢掛左個滿座嘅牌係門口， 我哋以為無曬位嘅時候失望要搵第間餐廳嘅時候，有個女侍應開門話我地知有位。 入到去之後女士應話叫嘢食要喺counter叫，跟住俾咗個Menu我哋。 我哋最想食嘅蛋包飯竟然賣晒， 所以我哋局住要叫其他嘢。個Menu入邊嘅幾樣嘢都冇咗，所以其實選擇好少。 於是我地就叫左貓毛定食、明太子拌雞肉親子丼、野菌麻婆豆腐飯。 明太子拌雞肉親子丼望落去好吸引，聞落有雞蛋香，只係雞肉唔太多，汁同飯嘅比例完美，撈完之後唔會太水或者汁唔夠。食落味道適合重口味人士，明太子嘅鹹同香都食得出。野菌麻婆豆腐飯小編本身唔食得辣，酸辣粉要食BB辣，呢個飯嘅辣度對我來講有啲勉強，係要不停飲水嘅辣。 豆腐切得太大舊，所以食落其實無咩味，反而啲野菌吸曬啲辣汁，食落好惹味😋😋貓毛定食不過不失，賣相唔錯，只係份量唔太足夠。雜莓蜜桃soda 朋友話飲落味道似利賓納🤣🤣總體來講，價錢偏高，賣相唔錯，味道中上，下次會剩係去試佢個蛋包飯😋環境幾有文青氣息，因為要self serve , 但係地方唔係好大，所以可能會有啲逼，不過得閒系度飲杯咖啡同朋友傾計

因為同朋友坐底傾下計食個晚飯想揀間安靜舒服嘅地方,比我搵到呢間淨係餐廳門口俾人感覺好用心打理，可惜我唔記得左照相由於我早到左入面冇咩人可以揀個靚位，餐廳入面牆身掛左唔同嘅乾花，好好睇野食選舉唔多，我同朋友揀左個三文魚三文治同帶子牛油果飯，另外再加杯凍朱古力同雜莓桃梳打...野食黎到想提一下帶子牛油果飯，好多牛油果🥑好足料...如果鐘意食牛油果可以去試下～推薦呀..至於野飲，我覺得好普通..不多講啦

我地四人黎食飯，慶祝生日，我係最早到個個，想預先order 一個甜品加少少字上去，原本叫最貴的tiramisu，但因為tiramisu 係用個杯裝住既，所以佢地suggest 我買個朱古力蛋糕，仲比張紙仔我地寫埋d 字d 野食都幾好食，我地食到七七八八，佢地就幫我地收起曬d 碟，我見仲未上個甜品，於是打算去廁所順便叫上甜品。一行過去，其中一個員工姐姐已經望住我細聲問我係咪上得，仲等埋我去完廁所之後先上，真係超細心！！個甜品整得好靚，好好食！幫我地影相仲好細心幫我地收起曬檯面d 野，角度又靚！從來無打過食評，但我要為呢度既員工讚好所以要打一篇🤩👍🏻

一入間鋪就聞到好香既乾花味裝修就係文青簡單feel 幾relax叫左個飯同甜品三文魚漬飯好食 唔太咸 又唔會太熱女仔食好夠 甜品綠茶tiramisu 好食 食落有層次 最後一啖比較甜賣相好

旺角區cafe推介💁🏻‍♀️.假日想約一班朋友傾下計食下飯？今次推介呢間日式餐廳係旺角區方便又就腳🙃果日試左🍵照燒三文魚茶積飯🍱貓毛定食食物質素好有水準之餘亦會感受到店員製作既用心店入面有兩層上層放左好多乾花擺設同可以蓆地而坐三兩知己可在圍住坐下談心最重要既係無限時間唔洗就住就住趕住走的確係假日放鬆神經既好地方.人均消費：$80推介指數：👅👅👅👅👅👅👅👅👅（9/10）Encore指數：🤙🏻🤙🏻🤙🏻🤙🏻🤙🏻🤙🏻🤙🏻🤙🏻（8/10） （小編已經encore兩次）

今次其實係第二次再黎呢間文青小店。由太子地鐵站行去餐廳5分鐘都吾駛，店面係淺木色再加上少許植物，簡約清新，非常易認！記得上次黎係午飯時間，要係門口排一陣隊先有得食。今日再黎既時候大約下午4至5點，只見地下果層有兩三枱客人，所以一到就有位坐喇小店總共有兩層，樓下幾張細枱，牆身有唔少乾花擺設，幾舒服！樓上頗有特色，有幾張長枱，四周有啲寄賣既乾花擺設同小玩意，客人要坐榻榻米，小小日系既感覺！留意番，餐廳係自助點餐，叫野食要先落樓下，水同餐具都係要自己拎啊！呢度提供既餐點唔多，我叫番上次食過覺得好食既照燒三文魚茶泡飯湯底滲有茶香，仲有甜甜地既三文魚同蔥花味。三文魚輕輕燒過，帶有魚油香。飯既份量剛剛好，唔會過多，配埋三文魚一齊食，清新唔油膩！同行朋友叫左個牛油果蟹肉法式多士。整體食落都係清新健康既！Toppings份量都幾豐富，食落較為淡味，如果咸多啲啲會更佳。另外多士已經凍左，可能係最後一份。朋友叫完就即刻變為售罄嚕是次用餐無叫餐飲，單叫大約$48，跟餐大約加$20，感覺唔太抵。但整體好喜歡呢間小店，可以坐得耐傾下計，環境舒服，食物又唔錯啊！價錢: $158評分: 7.5/10IG: nomn