禪

营业中

休息中

前幾日同媽媽🧒🏻係沙田新城市廣場行街見到新開咗間日式料理，原來係元朗食過嘅Tera係沙田開咗新分店啊😍，同樣係由法國藍帶廚師主理🍳，仲增添咗日式白咖喱烏冬、刨冰等等多款沙田店限定料理✨。午市套餐跟沙律、味噌湯同$42以下嘅飲品，仲可以用優惠價加配甜品，真係幾抵食😋！🍛吉列大蝦白咖喱烏冬 $128開頭以為上面層白色係奶油，食落先知原來係打到好Creamy嘅薯蓉，撈落咖喱烏冬到食，入口順滑同味道好夾！咖喱香甜惹味，裏面有洋蔥同牛肉粒，配上煙靭Q彈嘅烏冬，真係好好味阿。吉列大蝦有四大隻，金黃色炸皮薄身香脆，包住彈牙嘅蝦肉，外脆內軟嘅口感好滋味。🐷五花豚肉月見蛋丼飯 $118豚肉切片薄而均勻，用咗醬油同香蔥調味，質地細嫩入味，將香濃嘅日本蛋同日本珍珠米撈勻食，口感豐富有層次。🐤炸單骨手羽 $18外皮金黃脆卜卜，帶有香辣味道，雞肉仍然保持嫩滑Juicy，越食越惹味。🍰朱力毛巾卷 $32千層蛋糕餅皮夾住軟滑嘅朱古力忌廉同濃郁嘅朱古力醬，朱古力味非常濃厚，喜歡朱古力甜品嘅人一定要試吓！🧇迷你白桃伯爵茶窩夫 $48窩夫外脆內軟有蛋香味，略嫌焗得有少少燶。上面淋咗清新嘅伯爵茶醬，配埋香甜嘅白桃食，令整個

食物質素係ok ge，但份量少，性價比較低平均每個餐都要$140，試過一次就算。不過要講下個白桃伯爵茶窩夫，估唔到伴碟ge桃都細到一個點😂而且醬好稀，窩夫好鬆散，唔推薦。比起食物，餐廳服務質素更令人卻步。侍應一見碟比較空就上前想收碟，就算未食完都衝上去想收，未去過一間餐廳收碟收得咁密😅加上用餐時間只有1小時，出餐又唔算特別快。一剩15分鐘就會提醒客人，令整個用餐過程非常緊張😥如果比一樣價錢去其他餐廳我相信會有更好ge體驗😕

帶住小狗去沙田玩，入到去新城市廣場搵食，咁就當然要搵間好味又舒服嘅寵物友善餐廳，最後就跟好友嚟到ZEN by Tera 食個日式與西式嘅Fusion午餐。鋪面嘅日紅彤彤日式燈籠已經夠吸睛，餐廳內以和木系佈置，令人感覺舒服亦帶點點禪意。午市套餐跟沙律、味噌湯或$42以下嘅飲品，仲可以用優惠價加配甜品，都好抵食。好友就叫左個美國安格斯牛月見蛋丼飯配味噌湯，整個飯面鋪滿左燒香嘅安格斯牛，中間配上橘黃色嘅生蛋黃，望住已經好吸引。攪拌後日本米飯沾上滿滿蛋黃醬汁再配上安格斯牛肉肉質軟腍，口感味道一絕。我就來一客灸燒鯖魚丼配LATTE，首先感覺條鯖魚勁大條又燒得好靚，賣相已經滿分。而炙燒鯖魚肉質緊緻細嫩而且完全冇魚腥味，魚皮煎到好香，而魚肉有鯖魚嘅香味，所以唔錯。LATTE都唔錯，濃郁醇厚嘅咖啡再加埋滑順嘅鮮奶，兩者夾得好好，啱我口味。刨冰可以話係必食之選，我地套餐可以優惠價加配一個迷你版，所以我地就分別叫左抹茶刨冰同楊枝甘露刨冰，咁一次過可以試到兩個味道。兩種口味嘅賣相非常吸引，話就話迷你版係一人份量，但其實佢份量都唔少嘅。先嚟抹茶刨冰，佢個抹茶味道非常濃郁，而刨冰嘅口感非常綿密，每食一啖都充滿着

放假想對自己好啲，同男朋友揀咗呢一間睇落幾乾淨舒服嘅日系西餐廳🤩鹽蔥厚切牛舌丼套餐 $108前菜：沙律沙律菜新鮮，柚子汁好match好開胃。主食：鹽蔥厚切牛舌丼飯牛舌切得相當厚實，肉質鮮嫩，咬嘅時候可以感受到肉嘅彈性同香味。鹽蔥唔單止提升左牛舌嘅鮮味，仲令到碗飯味道冇咁單一。米飯柔軟，仲吸收咗牛舌嘅肉汁加埋鹽蔥😆飲品：波子汽水兒時嘅味道，冇變😍不過我哋唔識開嘅關係，有少少噴瀉，搞到有少少呢hea🙈🥹追加芝士年糕兩件（+$24）年糕軟糯，芝士香濃，熱辣辣，外酥內軟，有口感👍🏻🤤蒜香骰仔牛丼套餐 $108前菜：沙律主食：蒜香骰仔牛丼飯雖然個樣似普通和風牛肉飯😂但係佢將骰仔牛切丁，牛肉熟度適中，保留到肉質嘅鮮嫩。佢嘅蒜香醬汁都特別惹味，提升左牛肉嘅香味，撈飯食一流☺️飲品：葡萄梳打 （+$6）梳打清甜，可以消膩，唔錯👍🏻追加迷你抹茶刨冰（+$42）一般刨冰得冰，但呢款唔同，佢仲有小丸子、奶蓋同紅豆，所以唔會食到好dry；刨冰口感細滑；雖然係迷你，但size都夠兩個人share食🙂‍↕️節日限定窩夫 $138聖誕窩夫好靚，雪人同聖誕樹都好cute!🥰🥰窩夫外層少少脆，內裏軟熟，口感幾好。cream

襌是寺TERA pancake house 旗下品牌由法國藍帶廚師設計和打理🫶🏻沙田新城市這間主打白咖哩烏冬和刨冰餐廳環境亦以禪系作為主調～之前已經食過佢旗下圍方同佐敦分店每一次的食物水準都不會令我失望～🔹明太子安格斯牛月見蛋丼飯 $158安格斯牛切成薄片配上明太子沙律醬沙律醬香氣濃郁，薄薄的安格斯牛亦都好嫩滑丼飯嘅米來自岩手縣的大白米～食起來粒粒分明，軟糯有口感～加埋鮮橙紅色的日本蛋更加好味◽️明太子蟹肉意粉 $148每一次我都會食，就是喜歡它滿滿的蟹肉，意粉口感Q彈，配埋爽脆爆汁蟹籽～同行嘅朋友都大讚😛🔹抹茶樹芭菲 $98原來除咗疏乎厘好味，這裏的雪糕也很不錯～淡淡的白玉配上濃郁的抹茶雪糕，味道沒有太甜剛剛好～抹茶雪糕的金香味跟大又士多啤梨🍓的奶蓋醬～

餐廳 環境舒適 以日系和風簡約設計為主 感覺很和諧 吉列大蝦🍤白咖喱烏冬 $152 撈勻白忌廉及咖喱汁 味道好配搭👍🏻 唔會太甜太辣 烏冬口感彈牙 能掛到好多醬汁😋😋 有4隻吉列大蝦 份量十足 沾上咖喱汁🤩 🐮美國安格斯牛月見蛋丼飯 $138 鋪滿了燒香嘅安格斯牛 中間放生蛋黃 🤩💛撈勻後 一口就食到充滿香烤及蛋香味道 安格斯牛口感剛好 滿有香味😋😋 我哋仲+$28 升級至套餐 有 沙律 & 飲品 凍葡萄烏龍茶 🍧提拉米蘇刨冰 $98 灑上可可粉、用上手指餅cream cheese當點綴 咬一口刨冰 透心涼的快感帶有淡淡的牛奶香 食到一半 發現內有驚喜🤩裏便仲有Brownie及椰果 增加口感😋👍🏻

前排去完沙田新城市廣場行街買野，行到睌飯時間，去咗呢間---🌟ZEN by Tera 🌟日式同西式fusion菜餐廳食晚飯😍晚餐時段都幾full下，店員態度好好，餐牌推薦唔少招牌菜，一於點黎試下🤩._.🐂| 激葱安格斯牛肉月見蛋丼飯 |🐂呢個有種惹味嘅日式味道感覺，牛肉燒得好香，肉質軟腍，唔會好厚身，配上分開碟裝上嘅蛋黃，蛋黃汁撈埋濃郁嘅葱油日本米，口感味道濃厚，好惹味 ！·🍝| 明太子蟹肉意粉 |🍝明太子醬汁濃郁，仲要多汁浸滿全部意粉，意粉汁夾雜住明太子粒同蟹肉絲，味道濃厚得黎唔膩，非常好食👍🏻·🥚| 明太子玉子燒 |🥚玉子燒分砌成六件，厚身，蛋香味夠，配埋明太子增加味道，面頭仲有蟹籽粒增加口感✨️._.

今次試咗呢間日式cafe - Zen by TERA， 木系日式設計cafe ，尼間主要打白咖喱烏冬、日式刨冰🍧等等，我今次試咗招牌白咖喱烏冬味道唔錯有驚喜。🥢 南蠻炸雞白咖喱烏冬 $128 上面用咗薯仔x忌廉打成的薯蓉 cream，初時以為好creamy ，食落好滑，炸雞香脆嫩滑又鬆脆，再撈埋濃郁香甜咖喱汁同又咬口烏冬一齊食，真係幾正但有點邪惡👿。🍹 百香果烏龍茶 （加$16 有小沙律同飲品）都幾清香百香果味烏龍茶，不過略有點甜。

同男朋友一人嗌左一個主食，再加兩杯野飲，落單果陣侍應主動提出幫我地upgrade 做套餐，計返係平過散嗌同多左個沙律（or枝豆），但其實個沙律要唔要都罷…野飲方面正正常常，不過荔枝椰果烏龍茶冇咩荔枝味🙂‍↔️惡夢係兩個主食……🍚吉列大蝦2隻併鰻魚半件丼一上枱就知中伏，首先兩隻吉列蝦個賣相同啲大型超市熟食檔差唔多，甚至可以話係差過然後咬落去係淋既同埋暖既再黎就係鰻魚，好腥，啲肉唔厚實，仲有都係暖既啲飯我淨係食左一啖，可接受，但男朋友話唔似日本米🍜照燒雞扒白咖喱烏冬落完單個侍應俾刀叉我，話係for照燒雞扒我：？？？？？除左食扒餐，或者茶記，我第一次食個烏冬塊雞扒要自己切，可能都係一個體驗😌賣相正常，但塊雞扒一切就發現仲薄過凍肉鋪啲醃肉，唔juice仲好重口味，可能啲重口味係用黎遮蓋啲雪味，自己燒仲好食過佢，同埋都係唔夠熱唯一可取係個烏冬，佢係最夠熱既一樣野😂 薯蓉cream mix埋啲日式咖哩，第一次食都ok，唔太漏，不過烏冬既口感唔講得上煙韌，係偏硬因為真係食得太唔開心，特登上網search下呢間咩料，原來本身做開甜品，雖然我見佢本店都有鹹點，但食完呢餐之後已經冇曬信心仲有係唔知點解咁既出

晚餐 叫左鰻魚和炸蝦丼鰻魚非常腥 同咸 醬汁明顯係現成野 完全唔好食 炸蝦正常 但炸粉厚鰻魚急凍貨 完全唔好食 照燒雞扒白烏冬雞扒似現成醃製急凍貨 沒有雞味 肉質淋身醃到爛冇牙都食到 醬汁明顯現成貨沒有驚喜 非常鹹白烏冬可接受 薯蓉忌廉咖喱總括而言 晚餐猶如快餐 食材質素非常低味道配合唔好 所有食物偏鹹非常伏一間日本餐廳晚餐 叫左鰻魚和炸蝦丼鰻魚非常腥 同咸 醬汁明顯係現成野 完全唔好食 炸蝦正常 但炸粉厚鰻魚急凍貨 完全唔好食 照燒雞扒白烏冬雞扒似現成醃製急凍貨 沒有雞味 肉質淋身醃到爛冇牙都食到 醬汁明顯現成貨沒有驚喜 非常鹹白烏冬可接受 薯蓉忌廉咖喱總括而言 晚餐猶如快餐 食材質素非常低味道配合唔好 所有食物偏鹹非常伏一間日本餐廳

久遺的到一次沙田 發現一樓的餐廳戰區大更新了每一間餐廳都是滿滿侯位人潮想吃遍每間餐廳恐怕有點難這次到訪 ᴘᴀɴᴄᴀᴋᴇ 店 ᴛᴇʀᴀ 的另一品牌 ᴢᴇɴ ʙʏ ᴛᴇʀᴀ 沙田店的 ᴛᴇʀᴀ 走舒服襌系的木色裝潢但面積不大 滿座時會略帶點擠擁餐牌跟 ᴛᴇʀᴀ 不一樣 蠻有驚喜這邊沒有了招牌的 sᴏᴜғғʟᴇ ᴘᴀɴᴄᴀᴋᴇ 取而代之是窩夫跟刨冰招牌主食則有各款白咖哩烏冬主食跟甜點可用優惠價升級套餐性價比相當不俗𓋪 芝士年糕有沒有年糕控 這個必點一份有四件口感軟綿黏糯的年糕暖呼呼的超滿足𓋪 吉列大蝦白咖哩烏冬惹味的咖哩烏冬上繞著一圈圈薯泥口感微辛不嗆 薯泥攬拌均勻後質感更顯濃稠烏冬是私心很喜歡的順滑又 ǫ 彈的那種四隻酥脆彈牙的吉列大蝦作配茶 很滿足ᴘs// 享用時小心咖哩會彈到衣物啊𓋪 開心果紅桑子窩夫最近甜品好像蠻常點到開心果口味窩夫切好四件後再擺好盤上桌開心果醬濃郁但略嫌不夠多啊哈哈如果可以自己淋上去窩夫會更好配上一旁酸甜紅桑子來個清新解膩的結尾𓎾 紫薯鮮奶那個夢幻的粉嫩顏色好迷人 ~ 入口微甜不會太甜 暖胃之選

雖然係日式餐廳，但刨冰做得好好入面環境木系好舒服💜激蔥安格斯牛肉月見蛋真係超多蔥，安格斯牛肉排得好靚油脂啱啱好，再加埋醬汁好味道最正係有埋月見蛋可以撈埋食自己揀食到一半撈又得一開始撈又得💜南蠻炸雞，鰻魚半件丼炸雞幾大件，同埋真係有半條鰻魚食得出唔係超級市場買嗰啲💜楊枝甘露刨冰好正嘅刨冰，芒果汁好好味食到入面有驚喜，有小丸子又有芒果唔夠醬仲可以有碗小醬淋上去💜紫薯鮮奶天然嘅紫薯味同鮮奶好夾💜札幌生啤酒有水準嘅啤酒

ZEN by Tera充滿日式風情，主打和洋風日式美食。門面的紅彤彤紙燈籠，和木系主調，帶點點禪意，是朋友相聚的好去處。餐點除了多款精緻丼飯，還有名物刨冰，令人充滿幸福感! 日式照燒雞扒白咖喱烏冬 (108)烏冬帶嚼勁，掛滿濃厚日式咖喱，表面的白忌廉是柔滑的薯蓉，拌勻後醬汁醇厚，香而不辣，十分誘人。雞扒煎至金黃外脆，肉汁豐沛，烏冬吸收了咖喱的香氣，內有牛肉、香甜洋蔥絲，滑順的口感，讓人陶醉。 吉列大蝦配鰻魚半件丼飯 (148)脆卜卜的吉列大蝦，入口彈牙，燒鰻魚香噴噴，醬汁甘甜，大口咬下，鰻魚皮脆內軟滑，惹味之餘，細緻吸引。飯粒吸收鰻魚汁的甜香，令人回味。 楊枝甘露刨冰 (108)金黃色的刨冰十分巨型，疊成小山丘，加上椰漿及柚子鋪面，令人心心眼。先吃一口刨冰，口感輕盈柔滑，充滿芒果的蜜甜，啖啖柚子果肉、椰果及煙韌丸子，酸甜交雜，夏日的清涼感，讓人一口接一口。

見到依間新餐廳排行榜排第一，當然急不及待去試試啦。餐廳環境簡約日系色調，地方唔大，是晚坐滿食客，要等位，好生意到呢。美食日式風味，最吸引係這裡的刨冰，口味有多款選擇，選擇困難症又發作了。叫左抹茶刨冰，實在太出色，食完好有幸福感。晚餐二人前 $428前菜沙律沙律菜新鮮，配上柚子醋，甜酸開胃。明太子玉子燒玉子厚身口感鬆軟，味道香甜，配明太子醬的鹹香美味。吉列大蝦白咖喱烏冬大蝦四隻吉列香脆，炸粉唔厚，蝦肉彈牙，配日式蛋黃醬美味。而烏冬用上日本稻庭烏冬，口感軟滑彈牙，面層白色鮮忌廉混合薯泥，撈勻咖哩汁，惹味香甜好好味，又唔會好膩，讚！明太子蟹肉意粉意粉煙韌彈牙，明太子忌廉醬汁濃稠，意粉好掛汁，仲有絲絲蟹肉，食落啖啖滿足。百香果梳打 和 荔枝梳打梳打帶來清爽口感，甜度適中，正常發揮。抹茶刨冰 +$78賣相靚仔相當大碗，望見心心眼起。刨冰口感綿密細緻，入口即溶，抹茶醬汁濃稠，啖啖抹茶甘香，抹茶控必愛。仲有芝士奶蓋、紅豆和白玉丸子加持下，成就了今晚的ＭＶＰ，超鍾意。

🌟抹茶刨冰放工獎勵吓自己食個刨冰先🍧☺️睇中咗呢個抹茶刨冰上面嘅小丸子🍡🤣好鍾意佢煙煙韌韌有咬口♥︎中間仲有兩三粒小丸子加紅豆ꕤꕤꕤ唔會太甜，亦都唔會有綠茶苦澀嘅味道ッ🌟南蠻炸雞•鰻魚半件鰻魚𝓊𝓃ℯ𝓍𝓅ℯ𝒸𝓉ℯ𝒹𝓁𝓎 大件同有肉地｡^‿^｡炸雞都唔錯👍🏻🌟日式照燒雞扒白咖喱烏冬最鍾意就係食呢度嘅白咖喱烏冬，勁𝒞𝓇ℯ𝒶𝓂𝓎嘅甜咖喱配上煙煙韌韌嘅烏冬，令人食完再想返去食🤭🌟紫薯鮮奶紫薯味重而香，飲完仲暖笠笠♥︎♡♥︎叫每樣嘢嘅時候，職員都叫我哋等20分鐘，但其實好快嚟到👍🏻一個鐘唔駛就食完番屋企💨💨（*不是試食活動）🔖@zen_by_tera 📍禪 (沙田)沙田沙田正街18-19號新城市廣場一期1樓109號舖