稻庭養助

营业中

休息中

久聞依到嘅食物質素高水準，藉同朋友一聚，試試佢虛實。我地4個人叫左4個set，對女仔黎講1個set嘅份量好足(好多飯！)。黎到稻庭養助就當然要試下佢出名嘅烏冬， 我地熱食凍食同沾烏冬都有叫到。佢地嘅烏冬比平時食開嘅幼身，質地好滑！不過烏冬浸熱湯會好快淋，我地越食得後就越覺得似上海麵，而凍食/沾烏冬就即使慢慢食都keep到烏冬果種些少彈牙嘅口感。炸物刺身同出面食嘅差不多，算唔錯，不過餐飲太多冰啦，佔緊成半杯，但總括而言我地都食得幾滿足。

今日午餐試了這間日本餐廳一聽名就知佢係專食烏冬的但如果點佢的午市定食，佢的份量超級多！每道菜都講下啦～鳥冬：佢的烏冬係幼身的，有凍烏冬／熱烏冬揀，熱的會有片魚蛋，               魚蛋十分彈牙，而主角烏冬亦十分爽口，與平日食到粗粗個隻唔同，口感滑好多燒魚：跟餐有兩件燒魚，平時料理店的燒魚都好多骨，但佢的無骨，係無骨               而且我好鐘意燒魚的質感，"實的的"咁，落D檸檬汁就更醒胃了天婦羅：佢有3件炸物，分別係蘆荀，蝦及魚塊，件件都大件頭，                    略嫌有D油，但佢的蝦十分彈牙爽口，都唔錯～烤牛肉：烤牛肉非常非常好食！！                    佢烤出泥中間都仲係生生地嫁！應該差不多7成熟，好林滋滋！有入口即化的感覺喔！！刺身：佢另外有一set定食平＄40, 就係少左個刺身，               佢GE吞拿魚超級新鮮！！油花很多，入口溶化的感覺巧巧呀！另外跟餐仲有一碗沙津同一碗飯無聽錯！佢成個餐係有一碗烏冬一碗沙津同一碗飯，佢的飯仲要係圓碌碌的珍珠米，口感好好～最後仲有一杯凍飲喔！雖然係有D貴，但係係底食

打電話訂枱時，原本想訂7pm, 侍應話唔得，要早啲6:45pm, 同埋强調一定要1.5hr 後交枱，我話ok. 點知去到，大門深鎖咁，以為未開，打開門入去睇，先知原來唔係，間鋪超細，同埋係全院滿座，終於有個侍應走出嚟叫我，話仲未交得枱住，俾住一半枱我先o m ok, 咁我一家大細十個人已企到門口，唔通話唔ok 咩，咁唯有老人家細佬入去先，最後都係等到7pm 先有位。叫咗好多嘢食，烏冬，牛舌，豆腐，鰻魚，牛粒，刺身，飯團，但總括嚟講，食物我覺得無驚喜，除咗烏冬的而且確係好幼身好滑，幾好食，但我地8大人3小孩食咗2千三百幾，以呢個價錢，我覺得食千両好似性價比高啲，同埋間鋪好細好焗促，食咗一個鐘食完就頂唔順就走了。呢間食過一次就夠，唔使再去。

一直都想試呢間稻庭烏冬今晚同朋友想食烏冬、又需要一個可以傾計嘅地方，諗住呢度坐得舒服d。星期日晚都排左一陣隊我地要坐bar 檯一坐低有人俾2杯水（基本野啦）我同朋友一人叫左一碗烏冬，再叫左兩款小食首先黎嘅係炸物～唐揚魷魚酥 $58 ；一般啦，好酥脆滑蛋湯蟹肉烏冬 $168；幾得意，好清淡，但係咸，同埋係好少蟹肉，都幾貴蕃茄湯牛肉烏冬$120；樣子比味道好，勁少牛肉，加埋都無3片肥牛好孤寒下！味道一般，烏冬都無咩特別！好似叫塩漬秋葵 $48；一般，無特別除左兩款小食係侍應送到，其餘兩款都係bar檯廚房交俾我朋友放檯面如果食廚師發辦就話廚師放前面比客人食啫，兩碗熱烏冬咁樣交接好似唔係好妥當喎？我地食完侍應好努力執哂檯面嘅野，我地繼續傾計，直到我地走都無幫我地加過水完全係0服務囉埋單嘅態度都衰過人，烏冬又一般，又零服務，無下次！

日本人飲食文化講究，重視不時不吃，所以在你日本吃當地料理，儘管外表平凡，亦帶你無限滋味。我都算是日本常客（一年大概去兩三次-連續四年），但一回到香港都十分回味日本的風味。香港不是吃不了最新鮮的食材，你有錢一定食到Omakase，但是日本風味唔是用錢買回來的，價錢不用太高，但吃起來就是很鮮，加上和風裝潢同親切服務，在香港不是容易找到，但今日我卻在紅磡找到那片日本小天堂。佢餐牌同店鋪裝潢都是暗黑為主調，主打稻庭烏龍麵，但我今日始終都是吃海鮮為主，結果我點了刺身定食。雜錦刺身拼吉列蠔定食（$180），聽落都幾貴，但聽到刺身是按時令而轉換，心理即刻平衡回來。看起來相當豐富，漬物、麵豉湯、吉列蠔、蔥吞拿魚蓉、雜錦刺身（帆立貝、中吞拿魚腩、大甜蝦、鰹魚），$180都算值回餐價。真是要讚其刺身，鮮得很，由淡到濃，款款出色，尤其帆立貝，鮮甜無比，甜蝦鮮味帶爽口，鰹魚厚切口感一流，魚味濃郁，吞拿魚腩魚油甘香，略嫌有筋，不過那是中Toro的特色。最後用吞拿魚蓉伴珍珠米飯，美味可口！別以為那吉列蠔是像放題般次貨，非也非也！薄身脆漿包住蠔肉，個子小小，卻內藏鮮美，肉質Creamy滑口，絕不會腥，特別欣賞外皮，

來這裡，當然要吃稻庭烏冬，上次來此店吃了一碗（冷）烏冬，滋味無比，清涼爽滑，簡直是夏日炎炎之選。今次再來，點了一碗雞白湯（熱）烏冬，湯底鮮甜濃郁，湯底直接飲十分美味，但個人認為，配烏冬就不是太夾，還是配清一點的湯底比較好。

又來到紅磡揾食囉～ 因為家人要食自己，所以就同佢一齊共晉晚餐順便試新餐廳！家人話呢間餐廳想食好耐，但係因為太多人既緣故一直都未有緣食到所以話呢做人真係要有計劃！因為決定左食呢餐廳，所以tea time都食少左野，早d 落去等位。真係非常有決心啊～六點幾先去到餐廳，已經要排隊啦！！！！餐廳入面已經full 左做緊第一輪晚市既生意見到呢個咁虛陷既場面真係估佢唔到呀！！！好彩兩個人食飯都算易等位，拎住九號等左差唔多四個字就入到去啦呢d 天氣咁鬼熱，餐廳foyer 位又細，真係企耐d 都唔得掂呀被安排坐bar 檯，非常好啊可以近距離望住c fu 們工作。很喜歡呢個距離今晚因為只有兩個人食飯，所以都唔係叫左太多野食，分別係鰹魚沙律、碎蔥呑拿魚丼同埋蕃茄野菇稻庭烏冬！準備食物都需時，岩岩又係出面企到咁熱，叫返杯林檎汁飲下先啦！我相信呢度既apple juice 都係買返黎，唔會係自製，所以唔介紹啦，直入主題吧！我叫既蕃茄野菇稻庭烏冬黎啦！！就如圖片所見，稻庭烏冬係呈扁方形既，幾得意呀～同平時係超級市場買既較為不同先close up 一下個湯，個湯我就嫌佢無乜茄肉，得一舊，蕃茄味係偏咸個款，唔係偏酸

最近偏好食烏冬，朋友介紹話紅磡有一間好好食，要帶我去一齊食。去到門口已經覺得神奇 😲 因為明明成日經過，但唔覺有間烏冬店，店明明座落大街大巷，但一D都唔顯眼，仲會誤以為佢無開舖。成間舖門外密封，連門都係密封式木製厚敞門，門柄都無，真係好神秘。朋友話平時都好多人，好難有位，又話有次留左位都要等，不過我地今次好好彩，唔洗等都有位。menu 上好多款式，睇左陣有定食，又有烏冬，於是選擇困難症立刻發作😂 最後決定！炸雞烏冬。烏冬仲有凍同熱揀，我可能比較傳統，所以揀左熱既。餐上枱時所有野都熱辣辣，湯烏冬仲出晒煙。稻庭烏冬，咁幼既烏冬，真係第一次見。食落好煙韌彈牙😍 炸雞真心香脆美味又新鮮，加埋雜菜沙拉醬更好食，食多幾件都唔覺油膩。小碟伴菜亦唔惹小。四碌好似樹枝既其實係鮮醃製牛榜，有牛榜味得黎帶醃漬物既微甜酸，幾好食。另外仲有舊甜腐皮飯團，飲團內唔係日本珍珠白飯咁簡單，仲加左獨特調味，有紫色，好睇又好食，係心機之作。以咁高尚既質素黎講，簡直物超所值👍🏻

冒住雨過黎紅磡食烏冬，啲friend公主病，食親都超200，對萬零蚊收入既人黎講真係好 。貴。不過係好食既。入到去都幾full柚子雞,雞肉幾滑，幾香，不過叫得太多，食唔晒，拎走左，第2日食番都幾好食。真心，番茄野菜烏冬就麻麻地，好單調，無驚喜。天婦羅冷烏冬就幾好，炸粉簿，烏冬好滑。

先來一杯麥燒酎$58，這裡的規矩是凡酒精類飲品必須加前菜一碟$20，有被屈的感覺，幸好這小碟醬油八爪魚仔非常出色，混加入少許䒦麻，香味足，配酒一絕。炸雞稻庭烏冬$100: 雞是即叫即炸，皮脆肉嫩，烏冬是正宗稻庭，湯底調味適中。海鰻箱押壽司$150: 鰻魚一條，即燒，放在暖飯上，而不是關西風押入醋米飯上，表面用火鎗加炙，魚無腥味，醬汁恰到好處;飯堆成方形，有點粢，溫度微暖，有點似食糯米粽的感覺，飯的份量太多，飽肚滯溜，與海鰻的味道不協調。整體來說，紅磡店的格局是街坊小店，在尖沙咀店未開張之前，收費合理，晚上仍有特價套餐供應，串燒選擇亦較多，現在跟新店看齊，餐牌和價錢一樣，就顯得偏貴。

第一次去食，大約12點去到有人等緊位大約等左15分鐘，終於入得入面大約有十幾張抬得2位樓面，佢地好忙佢有set lunch，但我無食到好多人都唔係食set lunch我食95蚊set，有一個烏冬+一個迷你飯味道ok，但天婦羅唔夠脆身，有汁所以淋左

本身係烏冬Ｆａｎｓ，見倒呢間主打 稻庭 烏冬 + 日籍師傅, 就決定到來一試其虛實。炸雞 冷烏冬-- 日本人注重賣相將個麵捲到好靚放落個兜到 ，  烏冬選用來自日本秋田縣的稻庭烏冬 ，烏冬係幼到好似上海麵咁,   烏冬幾爽口彈牙，浸係加入了薑蓉與蔥絲的木魚醬油上湯， 個人黎講就幾鍾意呢種質感   ， 炸雞 味道就同出面冇乜分別，雞件夠脆同滑，唔多肥膏啖啖肉。不過因為一個人黎食既關係只係試左一樣，以後想食烏冬都會黎呢間。

紅磡有間日式小店，一直想試好耐，不過好難搵位，成日full，有日早收工經過⋯見難得冇乜人即去朝聖下～～免治雞肉串，食完先發現店員比漏左最重要既鵪𪂹蛋！好食但失色了...燒牛舌，唔錯喎，好好咁冇燒至全熟，冇過火唔會un蟹肉稻庭烏冬！必食推介！之後黎親呢度必食之選！豐富蟹肉配滑蛋一流，啖啖新鮮蟹肉！佢既烏冬係幼身，扁身的，滑滑口感唔錯唔錯，原來店內有賣呢度一包包既稻庭冬，可以買返屋企煮。整體： 地方有d迫 蟹肉烏冬必食推介

食物有驚喜，刺身要等一段時間，因日本師傅整，慢功出細貨。烏冬好得，炸雞非常juicy。生蠔好用心準備，唔係就咁開完就俾客人，仲配上洋蔥，醬油, 檸檬，好好味！咖啡烏冬味道好平均，烏冬質素👍👍但不幸某女服務員態度真係好需要改進，係連基本禮貌都冇🙅，一直黑面🤦，係普通茶餐廳呀姐都好結賬，俾單人客完全唔望，係側起嗰身望第二度🤷。師傅啲野食幾好都俾啲冇禮貌嘅服務員扣哂分😡。

由於啱啱過完年，腸胃麻麻，但難得老朋友由外國返黎，點都要食餐開年飯～　咁作為紅磡地膽ＧＥ我就約左朋友去紅磡食堂，日本人開ＧＥ正宗烏冬店－－－稻庭養助。。。（平日下晝去成日遇到地道日本人幫襯，感覺更有信心Ｄ XD)今晚去到八點半左右，已經座無虛席，我地等左十分鐘左右，就有位啦～我叫左我至愛「蕃茄湯豚肉烏冬」，老友就叫左「天婦羅蝦烏冬」～　我ＧＥ蕃茄濃湯依舊好飲唔油膩，仲有蕃茄粒（可惜有ＤＤ凍）、洋葱、溫室菜同椰菜，加上店舖自家製扁平幼烏冬，又彈牙、滑溜，一路食一路飲湯好開心、暖粒粒～　老友個天婦羅蝦烏冬都揀左湯烏冬，個天婦羅蝦炸得好爽脆，一滴油都無，好乾身我地仲叫左個秋葵，不過唔記得影相添～　都唔錯，好新鮮爽口～