稻香 (海趣坊)

营业中

休息中

屯門碼頭稻香係諗吾到食咩又近近地選擇，今次想打邊爐消夜 ，朋友二話不說就講這間，今次$110/每位堅抵食又坐得舒服添。9點後就係消夜時間，湯底加錢有打邊爐料特價…今次叫晒牛肉，豬肉，雞，蝦，冰豆腐和蔬菜計晒加一仲有得食甜品（姐姐送），甜品質素都吾差有驚喜。黎到成桌十分開心，二話不說就即打左先，湯底皮蛋勁多，正！！整體食品質素都吾錯喎，有驚喜特價牛肉和豬肉都好味同新鮮，蔬菜多到差點食吾晒，坐到11點就食飽飽離開。

大多數員工態度極差，愛理不理，扮聽五到睇五到，五會收空碟，上菜時間極慢，起馬食1.5-2小時，但落地玻璃五錯望景感覺五錯，入位時間快，，野食算抵食，最中意食川味炒手

平時間中都會來食飯，見好耐無打邊爐，就落去食宵夜火鍋。我地9:00準時入座，叫左8個菜：牛小排、墨魚滑、蟹子魚面、海蝦、魚皮餃、雲吞、響鈴卷、唐生菜9:25 上湯底（連半隻雞）9:35 上響鈴卷9:40 上牛小排9:50 上唐生菜10:00 我地追野食，先通知我地其他野賣晒即係我叫8樣野，最尾只係黎左3樣我返到屋企仲要食杯面充饑

江南五小品$32：講真2口子最好叫這個，每款少少又吾會悶，點心熱度可以同炸，辣，煎都有。中間有個凍盤等冇咁滯，帶份報紙再睇下出面海景同自然光的確不錯排骨講真失望，肉淋都梅，醬汁好杰身，冇排骨口感…木耳准山沒有沙薑味，入味不夠但清清地冇咁滯义燒包夠熱夠軟身味道不錯…有時同屋企吾想煩整體味道不錯我地都係選這間

星期日吾想煮，最好係屋企附近食。今日大約7點去到稻香等吾太耐就入去，見到2個餐都抵食，因而叫左加一個小食。最後結帳$490。竹穿椒鹽海生蝦：凍。一點熱力都冇。炸得都脆口可連壳食。香芋臘味煲：等左45分鐘先黎到。係堅即煮既餸，好多芋頭，臘腸都正常份量，但臘肉只有肥膏冇肉。鳳梨咕嚕肉：味道不錯。夠濃醬汁夠，但份量偏少。山藥翡翠泡球：上湯好味夠濃，泡球冇味，菜同配料都齊，都係只有微溫。金蒜白玉蒸頭腩：蒜味欠奉，都係味道偏淡同多油，腩係冇味。沙薑雞腳：沙薑味吾多，雞腳偏硬身。吾入味。

上午上完課，下午趕回家帶了家中大小兩名寶貝出去閒逛片刻後，小寶貝想吃中菜，然後我想到稻香近期的推廣：上湯波士頓龍蝦、瑞士醬油雞、菜膽燩翅半價。今天因時間尚早，儘管去試拿號碼，也順利的在晚市開始時準時入座。仍然是看到人手嚴重不足，侍應在安排了己訂位的顧客入座後才開始叫號，即使入座後，很久都沒有侍應過來幫忙點菜、叫茶。然後空調明顯不足，我覺得頭很昏。只是侍應安排了我們在卡位就座，也總比擠在大堂桌貼桌的好。如是者，叫了推廣食物各一客，另叫了粉絲節瓜蝦米煲及三人甜品飲品吧，埋單連加一$325。侍應的態度還是不提也罷，眼見只有一兩位侍應及傳菜態度尚可。食物以光速上桌：菜膽燩翅：料足，但湯的份量偏少，味道略鹹，是金華火腿的影響吧﹖瑞士醬油雞：大大的鍋子盛著「看來營養不良」的雞塊，不算難吃，但冇乜肉，賣相亦不理想。上湯波士頓龍蝦伊麵底：明顯地是一次過數個柯打一起炒的，上桌有點冷，當然不能期望是新鮮龍蝦了，調味尚可，但伊麵偏淋，而且不夠熱。粉絲節瓜蝦米煲：除了菜膽燩翅外唯一比較正常的食物，上桌熱騰騰的，材料充足，調味很惹味。至於那個自助吧，沒有冰塊，汽水不夠凍、按coke zero竟然是co2水，牛記

星期一同朋友聚餐，4個人八點半入席，差半個鐘到特價時段，結果每人食左220火煱，仲要超少同超普通野食；講番正題，食物質素尚可：丸類，算新鮮牛肉，少得可憐，每片超薄好細塊要4蚊塊左右湯底，豬骨湯，好入味，打邊爐一流，建議可點總結，下次食一定要食九點後，價錢差一倍！

屯門碼頭稻香係每星期都一定會去一次既地方。勝在易找位（11點前）食品質素好。茶未至於用茶根（6蚊位茶錢）。服務態度都叫好（亞姐人手少但努力服務）。今次2個人叫左5個點心甘荀流沙飽：一撕開流沙勁多。好香蛋黃味。味道好味。但甘荀味去左邊呢。潮洲粉果：一直都鐘意食稻香粉果。細點平又皮薄饀多。推介選擇山竹牛肉：沒有好多梳打粉味道。真材實材。有牛肉味。好味蠔油滑雞卷： 師傅係米忘記落蠔油。一滴都冇。淡淡的。全靠食品本身味道蘿蔔酥：炸得香口。但吾肥膩。入口舒服吾會成口油。但蘿蔔絲比較少比我心目中多。又要打包。總體黎講以屯門碼頭4間酒樓最好。但人手如果多點會更好（早晚市）

完成家中的大掃除後，寶貝竟然提議要去喝茶。因為想順道在海趣坊處理一些事，所以決定去稻香試試看。稻香用自助取票方式是個很好的安排，不過呢，人還真的多，兩人或以下基本上一定要搭檯，三人或以上才可選搭檯或不搭檯，這是我最不喜歡的部份，但也可能因為這樣，我和寶貝等了十分鐘不到，就跟另外六位不相識的人士同坐一張大檯。隨便叫了四樣東西：燒賣、蝦米煎腸粉、雙色餃子、杧果布甸。服務方面，不提也罷。燒賣：算是最正常的，不論賣相及味道。杧果布甸：味道正常，但質感不佳，太硬，寶貝吃了一半都不願再吃。雙色餃：餃皮好像蒸不熟，一夾即散，味道一般。蝦米煎腸粉：煎到成pet野，沒有蔥味，油淋淋。如是者連茶錢，$86，唔可以話好貴，但好難食。我想晚市來吃飯或打邊爐還勉強可以的，但要我再來飲茶，真係免了。

稻香一蚊雞! 大家聽到都覺得抵啦! 原本打算一家人開開心心食餐飯啦! 點知埋單後才有不愉快事件發生!原因: 食飯途中有一位身穿黑色制服o既高級員工名 顧 X 珍走來話我地張檯坐得耐,要我地交返張檯! 當時我地反應就係, o下! 晚飯小菜都有限時咩? 入席時無人同我地講過o羅! 最攪笑就係, 我地叫咩無咩,再落過第二d菜又話無! 竟然話我地坐得耐! 咁好啦! 我地拿拿聲快D 食埋其他就算啦! 快d交番張檯比佢!我地都未話埋單, 佢已經幫我地計o左張單出來, 好啦! 我地亦都付款!我地剛起身走之際, 那個名叫顧 X 珍o既高級員工竟然o係我地面前同其他客人講: 離 X 晒譜, 坐咁耐! (講粗口鬧我地) (你鬧我唔緊要, 唔好在客人面前講o囉, 唔該! ) D 咁o既服務態度, 真係好差! 無下次!稻香集團都算大集團丫, 點解會訓練到D咁o既員工出來架? 把口可以賤到咁?

話說阻住細佬有張HK$50現金券,於是就CALL齊人馬,入屯門稻香,品嚐下呢個十分之抵的御香百花皇席宴,星期一至四,HK$788半席,除開一個人才$130,真的抵到不得了..望望菜單,很豐富呢...御品燒味併盤-竟然,竟然,竟然....個叉燒好好味噃~~好耐都無食過好味的叉燒..你知啦,好味的叉燒,同好男人一樣,真的可遇不可求架..其他燒味都算可以,真係好難得.-翠玉瓜鮮魷象拔蚝,鮮魷同蚝都幾新鮮,爽身.GOOD!百花炸蟹球-個面滿拪一粒粒的杏仁,鍾意食覺得佢好香脆,容易熱氣的公關就覺得好熱氣苦心婆心的公關,就同老爺講:你咁易熱氣,咬左個d杏仁走啦~老爺:嗯嗯...最後?老爺當然係食到一粒杏仁都無剩啦~~唉~再一次證明老人家=小朋友多寶魚-好新鮮,好滑,當然咁既價錢,你唔好諗住係海魚啦!醬王竹影燴魚翅-十分難飲的羮,與生粉開水加竹苼無誤,無味無道,為全晚最差的一味.南瓜餅-好香南瓜味,有咸蛋黃同雞肉,個面煎到香香地,大家都覺得呢味餸好新奇,但好飽肚~花菇扣遼參-冬菇都唔細隻,又入味,遼參細左少少,但都可以啦....荷葉飯,用雞湯燴得好入味,比起好多高級酒樓一點都不失禮喎~仲要黎個菠蘿脆

好啦..我既第一篇食評就係呢間誠意十足既屯門稻香暑假就黎放完啦~今日特登入TM去同麻麻飲茶麻麻話要去稻香飲茶...但係我極力反對..因為兩個月前去果陣D服務同食品都係一般但係老人家叫到...無辦法啦...唯有死死氣陪佢去點知一去到...又發現所有野都改善左好多WO SERVE我地既員工個個都好有禮貌..個服務員仲好細心...見到我有D凍...就主動問我洗唔洗山細D冷氣...勁好人D食物好快黎到..仲全部都熱騰騰TIM果籠燒賣超正 !!D蝦超爽...食落去仲有少少汁流出黎..一黎到就比我搶哂啦!!!哈哈哈...仲比細佬鬧我TIM搞到MAMA要加多碟XDD不過有樣野衰既就係商場入面無廁所..搞到我食到一半要出去帶麻麻搵廁所..好麻煩下次再入屯門都會去呢到食!!

入去屯門飲茶,老人家話好食,我預左都係麻麻地,不過真係好差,無下次.首先,服務等於零,每次叫完人拎點心紙/碗筷,佢應左你先,但永遠都吾攞比你.最後樣樣都係自己去攞然後講點心,大部份都係岩岩合格,但比服務拖累.腸粉勉強叫做滑,但係d蝦又細只,又有雪味菠蘿叉燒包個皮好腍,有趺出尼,更加吾講鬆軟.青瓜算係最好,酸酸地,但蒜頭味太濃,勉強食到青瓜味,好就好左吾係成碗油.蒸蘿蔔糕-無限個,完全吾係蘿蔔糕,係一條條蘿蔔加好稀好核突既粉漿,口感好怪.蝦米同臘味完全無味.鳳爪無食,排骨個汁太濃,不過不失.叉雞飯,跟左成3次先到,飯就大大碟,但好少送.雞好肥好多油,叉燒就ok.咁差既飲茶經驗,一定無下次

港九新界稻香到處都有, 食物水準都唔差, 服務質素亦有保證~所以一直都係飯聚之選的名單之內~~話說, 同男友補祝父親節, 近近地就去屯門海趣坊稻香,新開個零月, 如同其他稻香一樣都係咁多人等,但入到去食...唔係一般稻香水準, 食到一肚氣:1. 開茶, 等咗十分鐘2. 問有咩啤酒, 待應唔知, 其實唔緊要, 你出去睇睇...唔洗又睇十分鐘都未返嚟答我呀?送到上埋, 點"飲杯"?3. 龍蝦伊麵, 微溫(用微波爐翻叮一下都唔得呀?) 仲要超細碟 (因為佢之後又落錯ORDER再嚟多碟, 分量多足一倍) 4. 半隻雞就好明顯不足半隻雞 (離奇地只得2/3隻雞脾, 雞翼只有雞轉彎冇雞鎚同尖, 5件雞胸)5. 上咗兩個菜之後等半個鐘仲未嚟第345道菜6. 所謂的扇貝唔知點解似個殼似石蠔, 仲要係殼同貝古怪地中間夾住一住粉絲, 十足傳說中循環貝殼海鮮7. ORDER咗冬瓜盅, 等極都未有, 一問之佢話 "賣晒", 喂, 唔早講?8. 因為冇炒粉面飯乜都無, 叫咗幾個 "靚仔爛飯王" (軟飯都不如)9. 叫埋單, 等十分鐘先有人走咗問呢張單啱唔啱...CHECK完又拎走再等10分鐘先有人比張單嚟, 比

今日諗住慶祝父親節去試下間係海趣坊新開既稻香環境唔錯 唯獨冷氣開得太大餐具方面 唔知係咪因為係新開隻碟油lum lum 筷子洗得唔乾淨食物方面唔錯 同其他稻香都係冇咩分別食物唔會太油 燒雞既肉嫩表皮唔油 好食芝士龍蝦伊麵夠多汁 而且龍蝦都切好哂 要鉗開既部份唔多炸蝦丸都唔油 而且中間既蝦夠滑炒象拔蚌,雞柳都好食 唯獨係菜單上冇講明配菜係咩 咁就黎左2碟炒象拔蚌翠肉瓜+炒雞柳翠肉瓜 服務方面 需改善我地張枱左邊係大路 右邊隔1個身位左右係個餐具櫃同條柱 好多侍應為行過去餐具櫃度 唔行大路行枱右邊既"捷徑"其實咁樣好阻礙食客食飯 希望佢地會有改進另外我地特登預留1個空位 方便侍應上菜但侍應每次都好似想方便自己咁 是旦企1個位叫人讓開少少比佢上菜冇理由預左1個座位咁大既空位佢會見唔到我地同佢講話預左個位比佢上菜 佢就黑哂口面咁對e間稻香既服務真係有少少失望雖然食物既水準唔錯但係餐具唔夠乾淨同服務差未至於要比到喊既 我諗ok啦希望佢地有改善