稻香 (碧湖花園)

营业中

休息中

我跟友人於2021年3月20日晚上8時多光顧稻香酒樓粉嶺分店，食到火到黎X埋 ! 我們坐下後就問職員取下單紙點選火鍋湯底和配料，但店舖職員叫我們用手機點餐。我跟友人年紀不輕而且眼睛有輕微老花，在手機點餐有困難，希望職員可以幫我們人手點餐，又或者教我們怎樣用手機點餐。但職員只向我們說『你地識得用手機點餐既』然後就走左去，我們叫了幾個職員，都沒有有幫我地點餐，我們用手機弄了數次，弄了很久才可成功點餐。點餐後我們手上拿著一個茶包，而桌面有一個茶壺(見下圖1)，我們就將茶葉倒進該茶壺內然後沖茶。然後我們食火鍋食到要加湯的時間，我們叫了男職員幫忙加湯，但男職員就指責我們用的茶壺不是沖茶的，是自助加湯的，還說我們為他添了麻煩。我們跟他理論良久，他才施施然拿了沖茶用的茶壺給我們 (見下圖 2)，而幫我們加湯的時候也細聲說我們麻煩。整個食飯過程D職員既服務態度都好懶散、卸責、怨氣重、也不擅跟客戶溝通和了解客戶需要，我和友人都食到好受氣! 然後我寫左封信去巨地既CS度，D CS剩系打電話黎講下D門面野去應酬客人，感覺到巨地無心去認真改善。Black list，無下次 !

因為政府限制，很久沒有在稻香晚餐，難得放工時間配合，今日再次光顧。在疫情下，大部分食店都提升自己食物品質及服務質數以此在多限制的情況下保持自己的生意。眼見堂食人數不多，沒有任食火鍋，於是試一試重開的堂食小菜。只叫了三道小菜，已經看到垃圾二字；胡椒豬肚雞，感覺是賣剩的雞炸一炸，再放到中午茶市的咸菜豬肚，加上白胡椒碎，這就上枱給堂食顧客，吃了一口，胡椒沒有味道，咸菜及豬肚只是微暖，實在垃圾。即使沒有疫情，這一道小菜跟本不是上枱質數，連家常小菜也說不上。更別說另外兩道，冬陰公粉絲蝦煲及蜜糖豆炒貴妃蚌，蝦肉又老又硬，粉絲用了寬粉代替，一夾就碎，味道少少辣，偏甜；另外貴妃蚌炒到肉硬，只有蜜糖豆還可以。總括來說，以酒樓標準來說完全不合格，垃圾不食也不會有損失。

此店室內空間寬敞，坐得舒服。星期一至五早餐時間享有半價優惠，價錢實惠，點心也不錯，有不少選擇。但門口安排座位的服務員態度極差，沒有耐性，對顧客呼呼喝喝，令顧客反感。

而家早市做緊限定優惠，如果逢星期一至星期六，11:30前買單有半價優惠，吸引咗好多附近嘅居民嚟食點心。依家係兩人一台食得好安心放心唔需要搭枱。😊試吓佢嘅XO醬炒蘿蔔糕，雖然係半價但係分量十足，而且上枱嗰陣係大大粒脆卜卜另外呢度嘅灌湯餃係非常出名，出咗名湯底濃郁，餃子入邊有好多材料，有冬菇啦肉碎啦蟹柳啦等！ 每次嚟到一定要必食另外呢度嘅燒賣蝦餃都非常吸引，平時一籠要20幾蚊，而家半價只係$10左右就食到，同小食店啲魚肉燒賣差唔多價錢😍真係抵到爛🥳 當然啦唔好因為平就要不停嗌嘢食我哋要做一個珍惜食物嘅人😂大家量力而為啦！

諗唔到食咩餸所以就去稻香睇吓有啲咩外賣食。正呀竟然俾我哋發現有酸菜魚。好耐之前我哋係鍾意返大陸食酸菜魚。今時今日冇得返去，估唔到稻香竟然有$98酸菜魚。一舊水都唔需要😂酸菜魚入邊嘅材料有好多，有酸菜芽菜仲有透明嘅木薯粉，煙煙銀銀好好味。魚方便佢用咗龍躉！ 😍好多魚肉好滑！我覺得佢嘅辣度係中辣我就覺得啱啱好啦，我屋企人唔食得辣，但係都勉強食到。我哋覺得非常好味😋，不過食之前我哋預備咗好多凍水😂😂😂我見到仲有其他外賣菜式，遲吓試吓先。

由於稻香做緊早上茶市五折優惠，優惠需要符合某些條件。例如需要九點前入座，然後需要9:30前買單。我同老公好掛住飲茶🤣所以今日8:30就去咗稻香飲茶啦*留意番，茶位冇五折優惠的。入到去由於兩個人唔可以選擇不搭枱所以前台職員安排咗我哋同一個唔識嘅老伯伯搭枱。咪玩啦而家其實仲有疫症，我覺得賺錢唔需要賺到盡囉。亦都應該要從顧客健康為優先考慮👎👎👎最後好好有一個侍應幫我哋掉位，最終可以同老公兩個人撐枱腳啦特別多謝嗰個侍應👍🏼鳳爪非常入味，好正好耐冇食過👍🏼網腸到非常好食水,香脆可口。馬拉糕都非常新鮮，鬆化軟熟👍🏼唔知點解今日嘅灌湯餃冇平時咁濃郁！其實食物就唔需要多講，樣樣都唔錯，完全超值！仲要有點心五折喎！😻仲平過食大家樂早餐😽總括嚟講個別侍應態度都幾差，尤其送點心嘅姐姐，說話好難聽，佢同我講咗句：係咁㗎啦星期日一定多人㗎啦你哋咪慢慢等囉👎因為等咗半粒鐘頭仲未有想食嘅點心，想問吓啫，竟然得到如此嘅答覆🤬

稻香酒樓哩期做8:30後火鍋料半價優惠，於是同朋友今晚放假過黎品嘗下，門口的職員準時8:30先開始放人進場坐抵，一坐抵後眼見四周都是服務員，但沒人問開咩茶，甚至連登記卡都無，於是坐了大概十分鐘時間，我忍不住去找服務員查詢，他們語氣有點惡地告訴我枱上有二維碼，自己掃自己落單。試問第一次黎，無人告訴你點做，又點知依家甘先進呢？於是我們開始禁禁禁，落左個醉雞鍋湯底仲有些菜、餃子同羊肉，湯底好快黎左，服務員終於行埋黎開爐及問要開咩茶，跟住送完茶就走了，湯底砰、砰、砰地滾了大概十分鐘，但一樣食物都沒有送上，我於是將火關掉，以免滾到水乾，朋友太肚餓了，不停拎飲品飲，飲了三支飲品後他火都黎，揮手叫了兩次服務員，但他們都完全扮睇唔到我地，突然有個服務員從後拍了拍我搏頭，問我做咩甘耐唔見人，又問我今晚想食咩？嚇到我成個人彈起，她仔細看看我才道歉說唔好意思認錯人。。。。朋友把握機會問她為何完全無食物黎，她只答黎架啦、黎架啦，跟住就走左去，完全唔幫我地追下單，由湯底上枱至那一刻起碼半個鐘頭的時間，叫任何服務都扮見你唔到，當隔離枱離開要執枱時，所有的服務員就出現，聚集一起同時間執一張枱，這是什麼的服務態度，真

聚禁令放寬後，晚市重開，仲要撞正母親節，所以都座無虛席！餐牌只有一款，「頌恩宴」比大家盡一點心意，請母親外母老婆食飯！🌷晚市重開，水準一般，樓面阿姐繼續小貓三四隻，有時搵個人都冇....😅叫咗個四人餐，味道都幾好嘅，唯獨是個花膠湯鹹咗少少🤏龍蝦就只得一隻，開邊四個人分...我哋升級左所以汽水任飲....其實又真係飲唔到咁多😂🤣😅不過街坊生意，點都要食下嘅！😄😄😄好在自己帶蛋糕都唔使加費....😂🙊

第一次食咁大隻蟹，我哋一行11人訂咗一隻蟹。去到喺魚缸我哋揀咗最大隻嘅，而家做緊$168一斤，都算抵食。我地最後揀咗一隻接近六斤嘅蟹，估唔到想多好有驚喜，真係好大隻，好新鮮、啖啖肉、仲有好多蟹膏，就算就咁清蒸已經好鮮味，隻蟹夠大隻，咁多人食一隻已經好夠，滿足！

下午茶時段去飲茶，員工安排左張未鋪枱布嘅枱比我地，我地當時唔覺有咩問題，因為佢地自然會有人黎開茶同鋪枱布，我地耐心等。等左成十幾至廿分鐘，都無人黎鋪枱布，無人黎開茶同俾食具我地，我地期間有想叫員工黎幫手，但係只見員工包括經理級嘅行黎行去，完全無視我地枱。其實連枱布都無嘅枱應該好顯眼下掛？ 附近應該得我呢張係咁。我明白可能會有人手唔夠嘅問題，但當我地有人企起身想叫人黎時一個二個都故意無視，我覺得咁樣嘅服務好差，好趕客。不過，負責傳菜員工好勤快，食物都正常，但服務咁差，負哂分。

係屋企附近飲茶超級方便！ 本身稻香係一個大集團，食物質素，環境衛生有保證！ 呢間酒樓平時未到開門時間，已經有好多公公婆婆喺門口守候！ 今日難得平日放假，一於約埋老公一齊去飲茶！ 同埋呢間酒樓裝修完之後多咗好多卡位，適合兩個人去食，都唔怕同人搭枱！ 👍🏻以前最驚就係飲茶同人搭枱，聽到晒人哋傾計，自己又冇私隱度！ 依家終於唔使驚啦入到去先發現原來而家做緊大優惠，逢星期一至五，11點前埋單，或者下午茶時段！有半價優惠！ 下午茶時段，我哋見到呢個優惠超正呀，一於叫一啲平時覺得好貴，唔捨得叫嘅食物，我哋叫了豉汁鳳爪啦，蝦🦐餃皇啊，灌湯餃啦！ 我想特別講下呢個灌湯餃，一邊好大隻餃子🥟，餃子入邊有好多材料，而且湯入面仲有冬菇，湯底夠濃郁！ 食完好滿足兩個人埋單只係70幾蚊！

話說老婆大姑媽早兩星期約食飯，話已經book左位，因為提早book 位有得免費升級兩個小菜，所以就早d訂位囉。訂左七點半，唔知係咪平日關係，唔算多人，約得六七成枱有人，有人打邊爐有人小菜。等到八點齊人就叫佢地起菜啦。首先黎左個併盤先，有乳豬，雞，叉燒，燒鵝，雞絲粉皮。味道唔太差既，可惜係去到邊間酒樓，都例牌凍架啦，唔夠熱。之後上左個龍蝦上湯伊麵，就係免費升級，本身係大蝦既，伊麵底好多，份量十足，我自己就無食龍蝦，長輩們就話梅炸子雞，最怕太肥，隻雞尚算滑趐，又係升左級，本身係湯黎，唔知係咪比錯左，好大煲，似全圍份量蒸魚，唔會過熟，算係咁仲有兩個菜，一個係鮑片，菇，同菜，正常貨色，另一個 蟹肉扒時蔬，太飽無食到荷葉飯打包仲有生果食

以前一直對稻香既形象都係貴價質素又一般,但稻香推出左邊爐放題同一蚊雞之後真係令我改觀唔少。首先邊爐放題只係需要一百蚊多d.而且選擇眾多。除左一般有既肥牛,佢仲有平時其他邊爐好少會提供既花膠,仲有手拍青爪炸尤魚等等既小食。雖然有時會有漏單情況,但都好少出現。一蚊雞方面,除左佢平,食落其實都同一般食雞差唔多,比預期表現好,未試過既朋友仔可以一試,包你一試上癮。

平時黎稻香都唔會有咩期望, 但求冇伏就OK.今次黎見到呢個SET 幾抵食WOR, WEEKDAY 1888, WEEKEND 都係加多兩百.咁就叫呢個唔好煩..乳豬全體. 肥瘦適中, 岩岩好~醬爆墨花炒元貝... 份量夠, D 料重多過菜咁~芝香蝦球E麵. 蝦球算多, 夠爽口.清蒸沙巴龍躉. 我又PASS 左魚喇.脆皮燒雞/ 呢個上菜有D亂, 不過味道OK.黃金米網卷,.呢個幾得意, 賣相吸引, 食落係薯蓉黎, 素食姐可選, 食完亦好飽, 會被KO.燕窩海皇羹. 其實我地叫呢個餐時都冇睇有D乜, 直到上菜發現... 嘩有燕窩既?! 清清地. 唔會好咸.蠔皇金錢扣鮑魚. 呢道又係..嘩, 有鮑魚既?! 哈~ 咁樣睇又好似幾抵食WOR... 冇期望就冇失望.散叫賽旁蟹. 因為在場有素食朋友, SO 叫左D 散菜.呢個都走左肉.散叫炒雜菌.馬拉盞炒飯. 呢個飯好好味, 要ENCORE, 雖然咸左D, 不過馬拉盞就係咁GA LA... 勁夠鑊氣!正呀!

時不時都會來稻香飲下下午茶，稻香下午茶CP值高，最鍾意櫻花蝦炒蘿蔔糕，蘿蔔糕外脆裡嫩，仲可以食到粒粒臘腸.紅油抄手係四川菜系（其實就係雲吞）辣椒油涼拌雲吞！辣椒油的香味同豬肉的鮮味搭配的啱啱好，唔會太辣，讓人食完想再食！最近新出龍蝦湯腐竹卷，龍蝦湯味道濃郁，沒有味精，飲完都不口渴！叉燒腸粉次次必叫，腸粉晶瑩剔透，唔黏牙，叉燒肥瘦適中絕對係必點菜之一今次叫左新品芋頭餅，外面綠色外皮，裡面包住芋頭餡，唔係好甜，配上白芝麻，一啖咬落去覺得好焦香係口中翻滾！絕對係甜品不二選擇