稻香 (碧湖花園)

营业中

休息中

話咁快又到了春節的尾聲，難得仲有朋友過來拜年，不想獻醜人前，寧靜比錢人賺，不過餐牌選擇有限。燒鴨皇上檯時尚有微溫，亦喜歡有鴨汁，鴨肉帶汁會更惹味，但鴨皮就會欠了香脆的口感，不過用來配碗白飯又真的不錯。咕嚕肉甜酸汁調教得平均，沒有嗆喉的感覺，略嫌炸漿太厚。瑤柱豆苗當街市豆苗要賣$80/斤時，這碟菜竟然是$100左右，就更覺抵食，豆苗夠翠嫩，食落無渣，混和了豆苗，令口感更佳。蝦仁象拔蚌炒西蘭花西蘭花咬落爽脆，炒得啱啱好，象拔蚌及蝦仁彈牙有嚼口，不過始終係雪貨，蝦味真的欠奉。黑椒牛柳粒用上洋蔥及青椒去炒，非常香口，牛柳柔韌有嚼勁，又有醬汁緊密包裹，又是一道伴飯的好菜色。

是日又一次星期六午飯時候, 知道要同99去, 佢好主動搵位, 去飲啖茶, 食個包。既然要入粉嶺, 都非一時三刻可入到去, 所以選擇飲下午茶, 2點就開始, 99又唔會餓住個肚太耐。人多好熱鬧, 而且大枱比較多, 我們3位, 唔同人撘枱, 可能要等到天荒地老, 所以我們選擇撘枱, 點知.... 八人枱坐到三組人, 3-3-2......無敵......正枱, A 枱, B枱.....不絕於耳。但同枱先知, 有時大家都會叫同一類食物, 可能大家都為了特價紙的食物罷了。這張點心紙的種類都有不少, 而且圖文並茂, 老人家都看得到。懷舊春蛋燒賣($13.8)- 好少酒樓會再做, 因為鵪鶉蛋的供應非常難, 而且蛋類保質亦難, 所以很少機會見到, 難得蝦餅愛吃, 見到就一定要啦。用肉及腐竹墊底, 蛋白比例少, 蛋黃油香足, 肉多但比較肥。且懷舊馬拉糕- 雖然知道這酒樓的點心並非在香港製造, 但上枱時都有陣陣紅糖香, 馬拉糕好鬆軟, 少梳打粉味, 不錯。脆皮丁方魚腐($12.8)- 老少平安的香口版, 入口比相像中硬, 但魚香都好足, 少少腥。以這個價錢要食到香口的食物, 性價比真的很高了。個個2點入

花姿餅共有三塊，幾香口但系味道唔夠香濃，普普通通。豉汁煎釀茄子有啲油膩，因為茄子本身太吸油。釀魚肉同茄子都系偏淡，要點豉油食。羅漢齋脆麵同想像中唔一樣，唔系平時食開既羅漢齋 ，純粹系菇類、冬菇、雲耳等等既用料，整體味道略淡，唔系太好食。鳳爪既醬汁幾濃，偏甜，幾好食; 燒賣幾大粒，蝦亦爽口彈牙，肉唔會太實或太散，唔錯。

晏畫飲茶，即刻去最近既稻香，等位係常識，跟住我地被安排坐係卡位，我地叫左大量點心，其中我鍾意雞扎，咖哩魷魚同菜苗餃，點心好新鮮，雞扎足料，雞肉滑嘟嘟，豬皮吸收晒雞肉湯汁，其次咖哩魷魚香濃咖哩汁，唔會成口咖哩粉，彈牙又爽，而菜苗餃我覺得好fresh,點心有時怕多油，但呢個好清，菜苗又嫩，蒸到好腍身，大人小朋友老人家都岩食。

是日星期四，之前見網友到訪稻香吃$48波士頓龍蝦(衣)麵，本想到此一試，但原來已換了其他款的特價菜式，有點小失望，但也算罷，反正下午茶的米線餐還沒消化，沒多大胃口。一行三人，只點了二道菜:瑞士豉油雞一隻($38)--放在一個大鍋上桌，雞不是太大隻，豉油味適中，$38一隻雞，不要求甚麼了。石斑一條($68)--等了30分鐘，見鄰座幾枱較遲來的食客上這道菜，追侍應生，他說沒有入單紀錄，馬上再入單，反正小朋友也樂於在吃自助吧，唯有再等。又等了半小時，鄰座新的食客又上來了一條石斑，我當下有點生氣了，問侍應是否應安排給我先才對呢?小朋友說鄰座已換了2次，石斑也是第二條了。 我再等了15分鐘，我想走了，小朋友又說還想食糖水，我暗下決定說給這條魚最後5分鐘，不然，送到枱邊我也要走了。幸好，那位侍應生在時間內親自把魚送上，如不，真的很過份呢。我打趣說這條石斑一定很新鮮，出海捉回來的。魚蒸得有點過老，肉質不算滑，豉油味道很好，但真的等了1個多小時。自助吧($12X3)--自助吧要全桌一起享用，每位$12，可以在酒樓中間的位置自取汽水，思樂冰，數款糖水，還有雪糕等等，這是小朋友喜歡到此吃飯的原因。茶介是要

一家人打算是晚吃火鍋，而在家附近的稻香是不二之選，正因為食材新鮮。不過每次光顧侍應生總是三番四次推薦海鮮火鍋併盤，算過不值沒有要，但擾人的態度實在令我火起！湯底是豬骨，只是即場清湯加配料，味道兩者分開的，不要期待湯底會有豬骨味道，幸好豬骨、粟米、鮮支竹等份量十足補救還可以吧，不油膩適合我們這一家。炸魚皮：魚皮炸得香口，咬開有清脆「卡嚓」的聲音，令人停不了口。肥牛片：賣相肥瘦適中，切得夠薄，然而我不好牛，也試了一塊，味道已沒有印象，家人也沒特別評論，味道不算出眾。泡菜餃子：今次餃子皮太厚，相對餡少了，比上次點較為失色。雜錦蔬菜籃：蔬菜新鮮度尚可炸魚片頭：新鮮炸起上檯，熱騰騰的夠彈牙，差不多每次來稻香必點的！鮮帶子片：切得夠薄，好新鮮，在湯中滾一滾便吃得！生蝦：看上去新鮮，嚐了蝦肉也是彈牙。午餐肉：還是第一次點，因為聽幾位朋友都說味道不俗。午餐肉一向吃是煎的，而這個放在湯底浸數下便可吃，原來味道真的不錯，帶來驚喜，比煎的少了油膩感，以後火鍋又多一個選擇。我們沒有點公仔麵、烏冬這些，反而點了媽媽最愛的壽包，軟鬆程度一般，而蓮蓉餡不算太甜也可接受，我會較喜歡豆沙作餡。如想吃較新鮮的火鍋食材、如

最近見到廣告，稻香又有雞煲推出，咁就襯星期日唔煮飯就嚟食啦先嚟個麻辣雞煲先，雞煲入面有豆腐干，雞件既數目就唔算太多，味道較咸，而且一啲都無麻辣味，真係普通到極至於其他配料則好一般，特別係個安格斯牛肉，又無牛味又無咬口，真係差。下一次食雞煲都係去第二度食好啲。

我是6:30 到達碧湖商場稻香門口取TICKER 的, 等到8:00 才到我們二人小菜; 好似旺角等團購咁耐。坐低即叫1 元雞, 無耐就到了, 隻雞係微暖的, 好心唔夠熱就叮番熱至送出來啦 ! 除了雞只叫了碟"唶唶ong菜" , 嘩! 超唔掂, 點解可以是淺綠色嘅 ? 仲要係放湯水汪汪咁, 喂大老呀收我 $58 架, 唔係唔洗錢呀 !前一 天去又係一 碟雞一 碟炒菜,  炒菜又係黃黃地, 我都唔知點配合你好喇, 炒菜係黃, 叫唶唶又係黃, 究竟個廚師喺咪洗碗呀姐頂上架 ?

因為當日九點半左右和幾位朋友竹戰完畢，有朋友提意去打邊爐，所以我們一行六人走進粉嶺碧湖花園的稻香，入座時間為九時45分左右，入座時職員沒有對我們說幾點會cut order，但我們座下不久全個場已經無冷氣啦，大佬呀打邊爐無冷氣點打呀？經多番同經理反映先至有返冷氣，到入了第一次的火鍋配料單之後大約十時十五分到晒所有火鍋配料到晒之後就已經有員工走埋嚟問重有無嘢要加，（大佬呀！剛剛先到咗D食物菜都未食到一條，點知有咩要加呀？）咁都算數啦！照加咗幾樣食物，點知重衰，十點十五分所有食物到齊晒之後就叫我地埋單，有朋友問埋單後會唔會立即叫我地走呀？我就話應該唔會呱，點知十點三十分就有一位穿全身黑色制服的員工走埋嚟同我地講（我地夠鐘收工啦！你地食快D啦！我地要洗埋D嘢先可以收得工呀！）我地同佢講咁我地癇要食完先可以走嘛，唔通我地要張所有食物打包返屋企食咩？跟著唔夠五分鐘這個員工再走埋嚟，今次重離譜，我有兩位朋友放低了筷子在交談的時候這位勤力的員工就不由分說的走埋嚟收了我兩位朋友的餐具。我地同佢講我地未食完喎，佢又係同我地講佢要洗晒D嘢先可以收得工呀！估唔到食餐飯啫唔洗咁呀！稻香係唔係真係對員工咁差呀？樓

30-5-2013(四）是日，做乖乖女，陪媽媽到蓬瀛仙館拜神。拜神過後，步行十分鐘來到碧湖商場內的 稻香 吃下午茶，主要又來主攻 $3 點心。最讚是那碟酥皮叉燒包，非常熱燙燙上桌。大大的一個，酥皮極度酥脆，甜甜的菠蘿皮，內裡塞滿叉燒，肉汁接近流瀉，正！真的很好吃！埋單約 $60，真的很經濟抵吃！

星期日一家大細出街食晚飯! 家住粉嶺, 知道附近碧湖花園果間稻香最近又出$1雞, 於是出發去食啦!不幸去到門口見到勁多人!!!!!我地一行8人要大枱, 最尾等左45分鐘先入到去裡面! 餓死!好! 一開波叫左4隻雞,3枝燕京啤酒, 1個浸時蔬, 幾個白飯同埋1個魚香茄子煲! Open Rice!!!之前都試過尼個$1雞(唔記得係上年定係前年), 味道都ok 的, 今次都保持不俗! 讚!一家人食飯, 傾下計, 傾下家事, 無乜要求, 開開心心食完飯埋單走人!滿意!

因我母親非常欣賞粉嶺碧湖花園稻香之甜品,在昨天接近中午時間到貴公司消費,當時坐在22A枱上並沒有筆提供,所以通知服務員口頭落單需要2碗芝麻糊及1碗杏仁茶,後來來錯了棗蓉榚,因沒有叫所以沒有要,有服務員來查詢為何不要,當時我母親已解釋沒有叫所以不要,不久收銀員走到來不由分說兇神惡煞就指著我母親鬧(妳唔食得咁多野就唔好嗌),到貴公司飲茶是一種享受,因一碟棗蓉榚而被貴公司之收銀員鬧到狗血淋頭,一間連鎖大機構既服務真的令人氣結,後問清楚原來是口頭落單時服務員落錯單,唯兇神惡煞鬧錯人既收銀員一句道歉既說話都沒有,我想問一下貴公司稻香是甚麼既服務?

邊爐癮起，要去止一止，附近稻香雖然按碟計，但我地兩個食量唔大，無咩所謂。本身都想食豬骨湯底，見佢做緊$1！諗都唔駛諗就要啦~ 老老實實，佢d火鍋料都按碟計唔係平，唔講特別料，佢有分$48 (如：肉/蝦/魷魚)/$38(如：鵝腸/丸)/$28(如：餃類/菇)/$18(如：菜類)，加埋加一呀，醬料呀，茶錢咁，我都有d期望。佢個一蚊豬骨湯鍋都算係咁，有幾舊豬骨(不過真係一d肉都無~~)，兩件蘿蔔、兩件紅蘿蔔、四塊炸枝竹，個湯既味道都幾濃，呢樣真係抵食，不過其他料就只可以用差來形容：特價肥牛 ($38) x 2：唔知點解刀工咁好，一片片真係薄到透，有7片左右，唔知點解肥牛可以無牛味，又唔夠肥……雲吞拼水餃 ($28)：上碟個樣已經唔知雪左幾耐，食落完全唔新鮮，一pat野咁，寧願食x仔碼頭……牛丸拼蟹柳 ($28)：黎到先知係黑椒牛丸 (唔鍾意食)，但佢張紙又無列明，搞錯！個幾條長過平時見到既畸形蟹柳，又係無味，食粉團，真係火都黎，食唔落！娃娃菜 ($18)：又係見到唔開胃，都唔係新唔新鮮既問題，我覺得係唔衛生，d菜一定無洗過，不特止，爛左變色個d你都處理下好喎，無！你唔好叫我落田自己摘！韮菜苗

皇席宴到底值唔值 會唔會去食 先睇睇我地既經歷 :::::今次食這餐除左有人生日 , 最緊要有優惠----食一席(12位用$1488)可減$200 。 ：金豬大紅袍 , 碧綠蚌片爆花姿 , 脆香石榴球 , 紅燒花膠雞絲翅 , 蠔皇花菇扣玉掌 , 魚腐濃湯泡菜皇 , 清蒸雙囍斑 , , 飄香荷葉飯 , 果仁奶皇水晶餅 , 生果併盤Firstly , 來了個金豬紅袍 , 對於稻香來說的 , 是細過豬仔仔 , 個頭後面D肉明顯比人切左 , 冇左4分1既肉 (sorry 影唔切相)等等等 . . . 已等左成個鐘先得個豬仔食Secondly , 到了一條 , 不錯不錯 , 會讚的 , 幾滑 . Suddenly , 有個部長走過來 , 佢話「賣曬了 , 你可以轉豉油雞或1蚊雞 , 如果你要黃金御品雞就要等個半鐘正雞」 心想：我地當天早上已經訂左黃金御品雞了 仲要我地等, 加上黃金御品雞是主菜 , 比d豉油雞或1蚊雞我地咪好蝕.... 所以照等一陣 , 有個碧綠蚌片爆花姿到了 , this is 普通 , 片冇味 , 頂多食下d瓜Then , 蠔皇花菇扣玉掌 , 普普通通 , nor n

小妹正日生日時，未能與姐妹淘一起吃頓飯，實在有點可惜。不過大家都很疼我說星期天要一起飲茶補回，在此真是萬分感謝。說起飲茶，友人喜歡我家附近的稻香，說是不錯吃。其實我也蠻喜歡他的點心，早在他還是「港灣」的時期，我和家人已常到此飲茶，像是上海抄手、小籠包、菜苗餃和腸粉等均是我們的「桌」上客，由於他全日不收茶介和加一服務費，所以經常吸引到一大班街坊甘願排隊光顧。后來雖然轉了經手人，再沒有免加一茶介的優惠，但依然有大量粉絲排隊等候入座，這天就連我們三人也不例外，由早上11點開始等了約莫45分鐘才能入座，出面的人群卻只有增無減，其受歡迎程度可想而知。是次飯局我們一共叫了11道點心，務求一次過吃個夠，讓我現在來遂一介紹喇！叉燒腸剛好一人一條平均分=]] 這裡的腸粉一向不俗，皮薄滑溜不黏身，非常容易入口，不過叉燒餡就不夠味和頗為瘦，整體上也算是好吃喇。上湯浸小籠包老實說小籠包被送上桌那刻我有點嚇到，「小籠包為何浸著湯汁呢？」這樣的想法立時出現，不過他的確叫上湯浸小籠包，也是無可厚非的，只不過有點怪(?)與我相象中的一籠籠的小籠包不相同。上湯的味道我已忘了，而小籠包的皮則有點厚顯得硬身，包中的湯汁由於