稻 (已結業)

去K11 Musea行街，呢個商場都幾多野食，行過見到呢間靚靚地，套餐價錢都幾抵，就試下啦！佢有2個set，呢個2人餐$500蚊唔洗，喺呢個地段呢個環境黎講好抵，不過唔知夠唔夠飽呢除左套餐仲有happy hour buy 1 get 1 free同埋d餐前小食，收工過黎飲杯野都ok喎前菜係腰果鳳凰擂皮蛋，面頭有d泡泡又有d火箭菜，感覺中西合璧原來d泡泡有d酸薑味架！食落去就好似食緊酸薑皮蛋咁！加埋火箭菜好有口感，幾開胃另一個前菜係辣子雞翼，望落去好似好辣但其實只係少少辣味，新鮮炸起惹味得黎又香口，肉質都好juicy，唔錯！主菜揀左香煎北海道帶子配鍋巴帶子好大隻，煎得香又嫩，不過呢個要快d食，因為鍋巴好快淋，趁佢脆卜卜食先好食仲有個擔擔伴墨汁麵呢個個感覺都好fusion，麵質比較淋有少少似天使麵既口感，個醬有花生同墨魚汁撈埋，味道唔算太濃，不過份量幾多，食完好飽肚另外加左個好靚既甜品，成個造型都好似化妝品咁，除左靚之外味道都唔錯！係一個莓味既mousse，味道酸酸甜甜，噴埋個玫瑰味既「香水」，又靚又好食個餐跟左兩杯茶，揀左一杯薄荷茶一杯茉莉花茶，本身仲驚個餐少野唔夠飽但點知好飽滿足晒

天氣轉涼我就開始想食辣，其實我真係幾鍾意食辣㗎！幾日前去了一家新開嘅新派川菜餐廳吃個飯。呢間新派中菜嘅烹調煮法及擺盤造型完全癲覆傳統嘅中菜觀念，驟眼睇以為係度食西餐。睇吓就知我講緊乜嘢😜頭盤：渝式辣雞翅。望落好似避風糖雞中翼，雞翼皮好脆口，炸得啱啱好又唔乾。味道少少麻麻又唔太辣。另外散叫一款頭盤：和牛他他 - 平時和牛他他多數配薄脆麵包，而呢度用油炸鬼。配搭度好👍🏻👍🏻好味主菜： 椰汁雞肉燴麵 - 大家會以為咁普通，呢個燴麵味完全係泰式口味，真係估佢唔到，其實食落又幾似食意大利麵感覺，好好味！另一個主菜：蟹肉意大利飯- 呢個主菜份量夠大碟，食唔晒打包左返屋企。但味道冇乜驚喜，淡淡地…之後叫多左個香煎北海道帶子配鍋巴 - 呢個就有少少失望，因為個帶子味道偏咸，好似落左好多鹽，望落個樣幾靚。另外要講下呢度環境裝修有啲似洞穴，我哋坐低左係一間房，影相打卡一流。整體食物水準的確唔錯。期待下次同朋友仔試下佢地招牌酸菜魚。

前排經過K11 Musea發現新開咗間裝修好特別嘅餐廳🤩望返Menu先知原來係食京川fusion菜😋環境真係好特別 牆上嘅窗係不規則圓形⚪️包廂整成一個洞穴 好適合朋友慶生聚會😆特別係女仔🤣當日唔想諗 就揀咗個四人商務set食物質素都唔錯！🤤💐玫瑰露酒醉鴨肝醬配紅棗凍呢個set包好多前菜 首先嘅紅棗凍 其實係用切成細條嘅油炸鬼/包 蘸上鴨肝醬溝紅棗凍 鴨肝醬好滑身 夾埋啫喱狀嘅紅棗凍 兩樣嘢口感完全唔一樣但食落都唔錯喎😂🐟北海道帶子桂花汁伴三文魚籽好fresh🤩桂花汁食落有啲似柚子 配上新鮮嘅帶子咬落幾有份量🍗辣子雞翼雖然望落好紅好多辣椒 但係食落係少少辣㗎咋😋炸得啱啱好 皮脆 肉質好軟好juicy🍤松露黃金虎蝦呢個份量唔算好大 虎蝦淋上鹹蛋醬 撥開中間原來係一堆嘅松露醬🤤超～香的 蝦質都新鮮唔鞋😄🐏渝味紐西蘭羊架四隻小羊架上面撒咗少少花椒 唔會好麻嘅 輕輕調下味 肉質都算淋 🦀蟹粉意大利飯佢都唔少蟹肉🤤飯粒岩岩好唔會過硬過軟 好食呀呢個值得試🤩🤩🍜椰汁嫩雞燴麵椰汁好濃🤩麵好似係天使麵 好索汁同掛汁🤣啲雞都勁滑 兩個主菜都好值得嗌😝

家人們，這家店真的可以說是顏值吃貨的重磅福音！！！！！迄今為止我在香港吃過最好看最好吃的料理，沒有之一。酸菜魚的盤子，勺子，包括鍋裡的任何一點一滴，都很精緻！！湯底是泡沫狀的設計，鍋裡色彩斑斕的搭配了各種葉子蔬菜，一直到我動筷子之前我都覺得這是一件藝術品。味道也區別于普通的酸菜魚，泡沫狀的湯喝起來有奶泡一樣的口感，魚肉也很嫩，必點！！另外必須吹一下這家的甜品，下午茶時間我點了“春”和“杏雲”。杏雲是先上菜的，精緻的容器和精緻的點綴，一盞古樸的茶杯將中式甜品的特色詮釋的淋漓盡致，口感也很不錯，比普通的奶凍類更醇一點，有點弱化版奶蓋的意思。最最最最重要的是“春”，上菜就是一片紅，紅色的香水，紅色的刷子，紅色的玫瑰粉，紅色的甜品本身！如果說杏雲給我的感覺像是一位智慧的老者，那麼春給我的感覺就是一位千嬌百媚的姑娘。視覺震撼的同時也震撼到了我的味蕾，紅色的刷子蘸著紅色的玫瑰粉刷在甜品上，噴上特製的食用香水（香水味很淡，但很好聞）我的少女心瞬間爆棚，拍照起碼都拍了十分鐘。紀念日！拍照日！下午茶！一定要去打卡！一定要去打卡！一定要去打卡！

Dab-pa Artisan位於商場K11 MUSEA，由曾任職米芝蓮餐廳的羅師傳掌舵😍👏餐廳主打融合中西食材，提供和牛、黑松露、海鮑魚及羊肉等獨特菜色🍽✨而且餐廳非常著重擺盤，非常精緻，絕對是打卡之選🥳📷 🐓 辣子雞翅雞翅外層香脆，內層肉質鮮嫩多汁，入口做到外焦內嫩的口感，加上外層的辣椒碎非常惹味，作為前菜一流🤩👍🥩 川味澳洲和牛他他生牛肉肉質細嫩，口感清爽，味道鮮美😋 配上香脆麵包，口感層次更加豐富，絕對是perfect match😘🦐 松露黃金虎蝦黃金蝦炸得脆卜卜，連蝦殼都可以吃，一邊啜着鹹香的蛋黃粒，一邊品嘗爽甜蝦肉，好正呀😍👏🎂 甜品「春」雜莓玫瑰慕絲蛋糕放在一個化妝盒子裡，旁邊會奉上一支蓬鬆的化妝掃，讓客人可以自由地掃上覆盆子粉末於甜品上✨除此之外，還有一瓶香橙香草玫瑰香味的香水也可以讓客人自行在甜品上噴灑，非常精緻🥰 味道方面略嫌偏甜，吃多了會有點膩，如果可以加入了能中和甜味的菜式就更好😉

晚上在K11這間餐廳俾成$800食個所謂商務晚餐,食物份量奇少,仲要兩個人分,結果半肚離場,回家要食宵夜補足！食西餐最討厭港式處理：沒有餐前麪包、沒有餐湯,待應生卻先送上一杯熱茶,不倫不類！所有食物都是一隻碟上,兩人要自己再分,殊不專業；主餐後又沒有咖啡或茶供應,要甜品就要另外點叫,明顯係想增加收入,但有沒有想到客人感受和需要？？K11這個商場裝修富貴,連帶所有貨品都偏高.幫襯一次後就冇第二次.😡😡😡

由外到內都有種似洞穴嘅感覺，米白色牆上有些碎鏡就好似一個個小窗口。。。突然諗起一套卡通片《聰明笨伯》我哋好似去咗個摩登石器時代咁🤣坐位上有呢個用樹枝做嘅天窗（鏡）《是日午餐》擔擔伴墨汁麵呢個有啲一般，唔多夾咁椰汁嫩雞燴麵好香椰汁燉雞湯嘅味，見有少少橙橙哋色嘅，應該係辣油，因為我哋越食越辣，同個咀有種麻辣感🌶甜菜頭澳洲和牛炒飯👍🏻👍🏻👍🏻一上枱嚇親我哋「嘩」咗聲，以為全部紅扑扑係辣椒🌶️上菜小姐見我哋咁驚，即刻解釋嗰啲係甜菜頭嚟唔辣，我哋即時放心哂🤣可能食完個燴麵有陰影，冇諗到辣嘅嘢會越食越辣😅最後3個都一致認為呢個炒飯最有驚喜，口味好特別，唔識形容。。。試過就知😛咖啡☕️或茶🍵（伯爵 / 茉莉 /烏龍）

行K11見到呢間餐廳裝潢好優雅，決定喺細佬生日過嚟試一試前菜嗌咗辣子雞翼同埋川味炸薯角。薯角冇影到相，只不過係媽媽想嗌，味道普普通通。雞翼反而出色一啲，肉質算滑嫩，皮都脆，有川菜嘅香味。煮食嗌左椰汁麵同埋蟹粉意大利飯，麵索住啲椰汁，十分惹味。飯就不過不失，冇咩驚喜，可能因為我對risotto期望太高但係個羊扒真係令我有少少嬲。味道好一般，唔推薦嗌見到其他食評話甜品好正。呢個白桃奶凍的確有桃香，味道新鮮，本來都鍾意奶凍的，所以覺得幾滿意。嗰芒果楊枝甘露，不敢恭維..都係唔推薦，百幾蚊食刨冰式楊枝甘露，冇任何突出點（細佬喺都要嗌）總括而言，感受就係未必會回頭，但係打卡嘗試一下都未嘗不可。如果真係回頭食，會嗌多次雞翼同埋奶凍，以及燴麵

💎總評分：7.0/10-餐廳主廚曾任職米芝蓮食府，主打中西合壁，用名貴食材炮製京川菜式。餐廳著重美感，唔單止食物賣相精緻📸，環境裝修都好特別，模仿洞穴設計充滿藝術感。由於打風原定計劃有變，見餐廳望落唔錯就入去試下啦！1️⃣ 奇亞籽香蒜拌青瓜 $88餐廳試業中未有其他蔬菜選擇，揀左呢個清新D嘅沙律🥗，中式前菜用上奇亞籽的確幾fusion，少許香蒜調味，青瓜切成薄片🥒，排成花咁賣相夠靚。 2️⃣ 玫瑰露酒醉鴨肝醬配紅棗凍 $148個名改得好矝貴嘅一道菜式，金色器皿底層係香滑嘅鴨肝🦆，面層係紅棗味嘅啫喱，兩者嘅口感味道固然不一樣，但係又出奇地match😋，舖上花瓣賣相別緻🌸，唯獨玫瑰露味道可以再突出D。3️⃣ 醉南非鮮鮑魚配黃酒凍 $158鮑魚爽口彈牙，作為涼菜頭盤唔錯👌🏻，黃酒凍因為係啫喱狀嘅關係就比較難分成小份，相反鮑魚已經切左片方便share嚟食，所以兩樣野基本上食嘅時候係會分開單獨食，黃酒凍嘅酒味就可以突出D。4️⃣ 香煎北海道帶子配鍋巴帶子鮮甜煎得剛好，配鍋巴幾特別，香脆乾身，但係一軟一硬個texture太唔一樣嘅關係，其實進食時都係兩樣獨立個體咁食🙈。5️⃣ 松露黃金虎蝦 $228松露同鹹蛋黃兩

喺K11 MUSEA 都食過好多餐廳，心血來潮嚟呢間fusion 菜，嗰日仲見到ViuTV artists，咁都應該係吸引到啲人嚟試吓。佢有提供一般餐牌及兩款套餐，一個$498，一個$698，望落去都覺得好抵食。因為好想試吓蝦及墨汁麵，所以兩個人揀咗$498餐。另外一個餐係$698，有呢度出名嘅意大利飯，都可一試。呢度有我鍾意嘅Prosecco，唔記得個牌子，但好飲嘅。呢個雞尾酒冇酒精，佢哋個drink menu都幾多選擇，有酒、雞尾酒、冇酒精雞尾酒、其他果汁，如果唔係食餐，嚟飲吓嘢，叫幾個佢啲特色食物，都係好。呢個係第一個前菜，腰果鳳梨皮蛋，味道好特別，上面有個泡泡，有少少咖啡味，溝埋一齊又好夾，令到啲皮蛋口感好香，好好食。辣子雞翼，辣嘅程度適中，份量都算多，共有6小件，仲有花生，好香口。呢個係另外加嘅鵝肝，佢上面有啲啫喱狀物體，食埋落去一啲都唔膩，唔會滯。呢個係松露黃金蝦，個炸咗嘅蝦頭好香口，隻蝦都大隻厚肉，不過覺得個mix汁係一般。呢個麵係熱嘅擔擔墨汁麵，但一啲都唔辣，唔太似擔擔麵嘅味，麵質有啲淋，咁佢夠熱所以都okay，唔算驚為天人，過得去。飯後茶係免費，幾好，消滯。兩個人食咗

之前見到餐廳裝修中，期待是怎樣的新餐廳？！今晚剛好經過，原來是間新派川菜館，但看上去卻像吃西餐的感覺😄餐廳裝修很時尚，在門外看好像要走進一個洞穴。座位也算寬躺。今晚是一個人的晚餐，點了杯Berries and Rum,酸酸的berries 與rum很夾，胃口給開了😆，頭盆點了玫瑰露鴨肝醬配紅棗啫喱，賣相很吸引，食物盛在一個金屬器皿內，底層是鴨肝醬，上面是一層啫喱，還有食用花點綴，給眼睛先享受一下這件帶點藝術作品的菜式才開動，將酒味香濃的鴨肝醬放在香脆的油炸鬼上一同吃，感覺與配搭都很新鮮，香脆與軟棉棉的感覺一起放進口裹，兩種不同的口感。主食點了椰汁嫩雞燴麵（微辣）對一個吾食辣的人，其實一點都不是微辣😆，後來店員説其實可以走辣，下次再叫我懂了，因為真的好吃，而且看附近的客人好像也點了，所以是會再叫的菜式。對女士來説，就算多飽也要吃過甜品才算是完美的一餐，而且這餐廳的甜品絕對不能錯過，在眾多選擇下點了款叫花的甜品，又是一款很有層次的甜品，最底層是桂花烏龍奶凍，上面是鋪了薄薄的桃肉和啫喱，貫徹這餐廳的藝術風，又再見到美麗的食用花點綴這款甜品。就是這樣吃了一頓讓眼睛和肚子都大滿足的晚飯❣️

成個禮拜唔係打風就係落雨，難得今日放晴兼且有啲涼意，一於同老婆兩個人出去 K11 Musea 及海濱長廊行吓影相，順便睇吓有乜好食。中午坐地鐵到尖東站朝住 K11 Musea 行入商場，遇到嘅第一間餐廳就係 Dabpa-Artisan，望下個 Menu 覺得幾有趣，又咁啱有位，就試呢度喇。呢間餐廳開業只有一星期多，店面設計完全唔似一間食京川菜嘅餐廳，門口設計好西式簡約，裡面又似洞穴式裝修，我哋揀左高枱黎坐，感覺幾舒服。坐低慢慢睇吓個餐牌，單點食物選擇好多，二人套餐都有兩款選擇，但因只有90分鐘用膳時間，所以都係選擇 Lunch Set 試吓先，我地叫左個擔擔拌墨汁麵同蟹粉意大利飯，因為真係覺得呢度個㕑好大膽😱一般京川擔擔麵都係用啲辣肉醬料放湯黎食，但係呢度用墨汁麵都係第一次，而裡面仲放左一隻溫泉蛋俾你撈埋黎食，估唔到又幾夾幾好味，確實係有創意👍👍至於個蟹粉意大利飯，我個人就更喜愛，因為本身我係好鍾意食 Risotto ，呢度竟然想到用蟹粉黎做 Risotto 真係幾有驚喜，食落啖啖蟹粉香味，感覺真係好滿足😊午餐包一杯飲料，有茶之餘又可以選擇咖啡，我選嘅咖啡好香好飲，太太嘅 Earl G

朋友生日就一早book定位，嚟到位於尖沙咀K11Musea食川菜，呢度嘅裝修好靚,餐廳位置寬敞坐得好舒服，Dab-pa Artisan 由曾任職米芝蓮餐廳的羅師傳掌舵，擅長融合中西名貴食材，烹飪團隊屢屢研製讓食材味,道發揮得淋漓盡致的菜餚，務求提供高質精緻的用餐體驗。每一道菜都好有驚喜，顏色七彩繽紛，賣相一流，每樣菜式都用心製作，每碟好似藝術品，食物質素不錯，非常美味，絕對是一個很好的用餐體驗😋真心推介！

天文台的誤測意外地為我們帶來一頓充滿驚喜的午餐。原以為獅子山8號波的威力只會維持數小時，所以我們預計下午的舞台劇會如期舉行。於是，在8號風球高掛的情況下應決定在欣賞表演前先出外用餐。然而「天氣不似預期」，到達尖沙咀後風球仍然高高掛，場內亦只有數間餐廳正在營業。誤打誤撞我們發現了這間裝修高雅卻令人舒服自在的新餐廳。考慮了一會，在店員熱情介紹之下決定進去試試。下午的lunch set Menu非常吸引，而且價格亦沒想像中昂貴。擔擔伴墨魚麵 （$128）本身非常喜歡吃擔擔麵，而這道菜的特別之處在於加了一隻溫泉蛋，連同擔擔麵醬和墨魚汁攪拌後吃口感變得非常豐富，另外彈牙的麵質值得一讚！蟹粉意大利飯（$188）當我們點這道菜時還以為只會有蟹粉，但是來到後卻驚喜地發現裏面有很多蟹肉。除賣相吸引外，味道更加出乎意料之外的美味可口，實屬必點之選。Set lunch 除了包一壺熱茶外，可再加$58 多點小食或甜品，由於樣樣都非常吸引，最後忍不住加了2個小食、1個甜品，另外再點了多1個不包餐的甜品渝式辣雞翅 （加$58）川辣炸子雞的味道，不太辣，如預期一般的好腰果鳳凰擂皮蛋 （加$58）上層泡泡一般的醬料有

早幾日同班朋友一齊放假，行K11 Musea發現開咗間新餐廳，見佢裝修幾特別就入咗去試。成間舖頭設計到好似洞穴咁，有少少波希米亞feel，打卡一流，放社交平台未必知係一間餐廳添。下午茶時間見唔係幾肚餓，每人點咗杯嘢飲同甜品就算。呢度除咗有酒精飲品外，估唔到仲有mockail，啱晒中午唔想飲酒嘅我。杯嘢飲都幾fresh，唔會太甜。仲有一個烏龍茶味panna cotta，估唔到又會咁夾，烏龍茶味好出，唔算太甜。間餐廳啲位幾闊，幾個女仔坐得好舒服。好似仲有兩個類似VIP房，如果多人嚟就更加有私隱。我哋幾個人飲吓嘢，食吓甜品咁就過咗一個下午，想消磨時間或者打卡都好合適。