竹園台式火鍋飯店

营业中

休息中

📍 📍 📍 竹園台式火鍋飯店 (柴灣)柴灣怡豐街33號漁灣街市熟食中心1樓CF10號舖 店舖位於漁灣街市熟食中心1樓，翻新裝修，有冷氣，店內座位舒適，服務員態度良好😄。食小菜最緊要係人氣，鑊氣同酒氣，呢度3樣都有，伙記老闆都好熱情，場地好似大排檔咁熱鬧，坐爆晒🙌🏻旺旺旺！好多一家大細嚟食飯。醉鵝肝😋😋😋😋😋/5酒香好濃，而且溶入食料裡面，超級香滑完全冇腥味，堅好食，入口即溶，一定要試！！推介！！炸乳鴿 💰$68😋😋😋😋.8/5 乳鴿炸得金黃香脆，入口肉質鮮嫩，還有肉汁滲出來，完全唔洗點醋與淮鹽都已經好入味，甚至連骨頭都完全入味，食過一定會翻尋味。海山骨💰$95😋😋😋😋.5/5經油炸既海山骨肉香襲人，色澤金黃，外酥香裏軟嫩，濃濃蝦味香氣，包你又係食到停唔到口！時令臘味炒芥蘭 😋😋😋😋.3/5臘腸肥瘦適中，軟硬適中，味道咸香，芥蘭夾脆鮮甜、油潤及具油香，味道吸引。臘味煲仔飯😋😋😋😋.3/5見天氣涼涼地，本年度第一碗糯米飯，入口軟糯，飯粒乾爽，臘味切到細細粒，同糯米飯混合一齊食，啖啖臘味香味。糯米飯炒得乾身、粒粒分明，口感煙韌有咬口。臘腸、臘肉香口但不油膩，啖啖都食到臘肉、臘腸、膶腸，有飽足

一家人諗住近近哋係附近食個飯唔洗阿媽煮，見近排呢間竹園台式火鍋飯店評價唔錯就嚟試吓，試着呢間嘢，嬲到我多年唔登入都要登入上嚟寫足二百字俾個負評。環境同衛生就預咗係街市樓上質素，算正常啦。去到唔洗等，坐低叫咗九個餸，呢樣話冇果樣話冇，改咗幾次先叫到。隔一陣先嚟其中三個，一個錯，雞油豆苗變咗豬油渣豆苗；一個漏，羊腩煲個菜竟然可以催咗兩次食咗一半都未到；得一個沙拉骨叫做正常啲。之後第四個我最期待嘅生炒糯米飯，其他餸嚟咗食到一半先嚟話冇，真係唔該晒啦，叫餸果陣其他冇就知，生炒糯米飯就唔知冇嘅？隻雞冇雞味，羊腩煲太鹹，蒜蓉菜心淋到完全唔知點解要叫菜心，再加埋咁嘅服務質素。呢間嘢絕對唔會有下次！

今次火鍋體驗令我對台式火鍋有新嘅睇法😳 食物種類好多同埋好好食，仲要好抵食！！位於柴灣漁灣街市，環境幾乾淨，幾闊落，閒日去都滿座！薑母鴨鍋 半隻bb鴨 168蚊呢個鍋嘅食法好似雞煲甘，首先食鴨肉，食完再加湯打邊爐。由於係bb鴨嘅關係，啲肉好嫩滑。個鍋入面仲有加埋椰菜/豆pok/唐芹。成個鍋好惹味。呢個鍋冇雞煲甘油膩，亦都唔辣，加埋湯後甜甜地。手切封門柳 118蚊封門柳脂肪唔多，肉味濃，加埋個薑母鴨湯甜甜地嘅味道，成件事好夾好好味！松露蟹餃皇 88蚊令我非常非常之驚喜嘅一個餃子！ 入面有海量嘅蟹肉蟹膏同少少黑松露。我覺得仲正過蟹粉小籠包🤣🤣一個喺出面打邊爐未食過又好好味嘅餃蝦籽蝦滑 $75足料嘅蝦滑，少少彈牙，加多多蝦肉，加適量嘅蝦籽。高質爆沙魚肚68蚊非常厚身，同個甜甜哋嘅薑母湯好夾。好多骨膠原甘，女士必試❤️

睇到其他食評有人提過有燒鱔同碌鵝, 2樣都係其他地方食過非常喜歡, 雖然係位於街市熟食中心, 但見到裝修新潮, 而且D食物相都幾靚, 就專程去試試, 可惜味道平平, 同食評照片相當大出入飛天油麥菜煲 - 原本我地叫通菜, 冇就轉咗油麥菜, 不過點睇呢煲都唔係飛天菜煲, 飛天炒菜係辣椒、蒜蓉、調味料炒埋, 呢煲又蝦米肉碎鹹香味濃係啫啫菜煲, 點知第一碟餸已經係全晚最好味既韭菜鹽水脆豆腐 - 豆腐都係一般滑豆腐加椒鹽炸漿, 唔洗加韭菜鹽水都已經好鹹, 加埋真係鹹到傻叉燒鱔 - 要火鍋餐牌先見到, 最大期望所以係最失望既一道菜, 條鱔完冇燒乾, 又濕又霉、調味得叉燒面既甜味, 同其他相既賣相差得極遠 塘廈碌鵝 - 東莞手工菜, 理論上係將鵝放入湯煮到入味而且軟嫩多汁, 呢到大約係1/4隻, 鵝肉下面有芋蓉墊底, 撈埋鵝汁食係OK, 但重點既鵝肉就唔夠軟嫩多汁胡麻魚柳 - 胡椒味係有, 麻就唔係好突出, 用左好多粉既炸漿去包住舊魚, 好重粉但魚柳未見得鮮嫩如果係街坊黎食下小菜就冇壞既, 要搭車就真的不了

估唔到柴灣都有美食驚喜，竹園嘅雞煲係北角出哂名，係柴灣漁灣街市熟食中心新開嘅竹園台式火鍋店打邊爐都好唔錯，環境闊落，食材新鮮，價錢中等，份量都唔少，最岩一班親朋戚友一邊傾計一邊烚吓烚吓黑白美人養生鍋 $168養生美顏嘅靚湯點少得有花膠、烏雞、龍眼肉等養顏湯料，個湯有半隻烏雞，雞肉嫩滑，花膠都唔少，就咁飲個湯都好滋潤手切牛頸脊 $138呢個價錢喺其他旺區食店閑閑哋都幾百蚊，依家百幾蚊有一碟，牛頸肉肥瘦均勻，唔係普通打邊爐嘅超薄切牛肉，有少少厚度，有口感之餘，肉質鮮嫩，都幾抵食松露蟹餃皇 $88平時打邊爐食開菜肉餃、魚皮蝦餃，松露蟹肉餃相對較少見。衣款松露蟹餃好香松露味，餡料多蟹肉，個餃皮包得實，淥耐少少都唔驚個水餃皮散晒爛晒鯊魚唇 $86第一次食鯊魚唇，口感似好林嘅牛筋同花膠嘅結合品，食落滿滿嘅骨膠原，好滋味三蝦丸 $68真材實料，爽口彈牙，粒粒都好似乒乓波咁大，每一啖都係滿滿嘅蝦肉，無溝面粉，加上蝦丸表面有一粒粒嘅蝦籽，豐富咗口感小籠包 $68蒸小籠包就食得多，將小籠包打邊爐就比較特別，粒粒都脹卜卜，淥一淥，有好多湯汁，同邊爐嘅湯底好夾雜菜拼盤 $58都市人越嚟越注重健康，打邊爐都會叫

第一次嚟到漁灣街市熟食中心，睇食評見到呢間竹園好似好正所以嚟試試佢，呢個熟食中心地方都幾大，坐低都唔會同隔離枱太近，竹園 除左邊爐之外，佢都有好多唔同嘅小菜，最後我地都係揀左食小菜。 本身想叫飛天通菜煲，佢無晒通菜，就轉左做油麥菜，唔錯嘅，鑊氣都幾好，份量都好好，咸左啲。塘廈碌鵝，係一道相對地花時間嘅東莞菜，「碌」嘅 意思唔係真係隻鵝喺度碌，係「煮」嘅意思。 本身係將原隻鵝放入湯汁入面煮熟，達至上色、入味、肉嫩嘅效果。 竹園呢度就唔係全隻上嘅，係一個例牌，下面就用芋頭蓉墊底，芋頭蓉加埋佢啲汁係幾好食，不過都係一樣，比我想像中咸左啲，同佢隻鵝本身唔算好好肉。叉燒門鱔，首先要留意返， 呢樣野喺小菜餐牌度係無嘅，係喺邊爐餐牌度，如果有興趣就咁同店員講就有喇～ 其實我地嚟呢度食飯嘅其中一個原因就係呢個餸，見到人地啲相好似好正。 但係我地果碟，就唔係好像樣，感覺上好似無乜點燒過，門鱔嘅肉質亦麻麻地。韭菜鹽水脆豆腐，剛炸起熱辣辣，又唔會一夾就散開晒，不過...... 超！級！咸！ 咸到差啲係想搵水洗一洗佢先食。 胡麻魚柳，佢地嘅另一個招牌菜，其實唔係好知係咩，似係椒鹽同避風塘混合咁，都

柴灣熟食中心係少有我會去嘅熟食中心，因為有冷氣，即使好麻甩咁樣食大排檔都唔怕食到身水新汗。口水鴨舌 $88口水雞就食得多口水鴨舌真係未試過，調味唔會太辣，過癮。粟米煎墨魚餅 $136食得出有一粒粒墨魚，真材實料唔會剩係得粉，食落仲幾彈牙。燒厚切牛仔骨$148好少見到牛仔骨係咁樣嘅size，多肉到以為自己叫錯咗牛柳。平時食牛仔骨最驚就係會鞋，呢個超嫩滑，肉質啱啱好。大盤花菜$72名副其實真係好大盤，又有京蔥同埋豬肉片一齊炒，少少辣辣地，好惹味。邪惡鵝油什撈粗 $98真係好邪惡，熄機時候暫時忘記膽固醇呢樣嘢。呢碗撈粗有齊鵝腸、鵝心同鵝肝，麵底又勁大個，抵食。

放假同朋友游完水好肚餓，朋友建議去漁灣街市熟食中心食飯，一入去就見到竹園台式火鍋飯店人頭湧湧，座無虛席，當然要試試！竹園台式火鍋飯店除了有台式火鍋外，還有傳統的穫氣小菜，一場來到，當然要試試聞名的台式火鍋。⋄⋄====—====—====—====—🍲竹園台式麻辣鍋拼粥底胡椒豬雜鍋（$158）麻辣鍋配有多種香料及藥材，用心調製湯頭，再加入台灣鴨血及豆腐，口味地道而不膩。胡椒豬雜鍋相當足料，份量十足，除左有大量的豬雜，胡椒味道恰道好處，湯頭非常鮮甜，喝了幾碗才開始打邊爐🥩手切牛頸脊（$138/例牌）牛頸脊條紋清晰可見，肉質嫩滑可口。🥟招牌四寶餃($88)（韮菜餃、鮮蝦雲吞、松露蟹餃、雙黃魚餃）四寶餃每日新鮮包製，皮薄且餡料新鮮，大大粒非常足料，絕對能有一款能滿足你！🐙蟹籽墨魚滑（$75）墨魚滑上鋪上滿滿的蟹籽，墨魚滑爽口彈牙，鮮味無比！🥟小籠包（$68）打邊爐吃小籠包可是第一次呢！鮮味的湯汁一咬而傾，相當滿足，絕對推介！🫔炸噹噹-即炸響鈴（$48）即炸響鈴一份有8條，份量相當足，脆卜卜的響鈴輕輕浸在湯底5秒，盡吸湯汁，超正！🥗雜菜拼盤（$58）雜菜拼盤內備有多款新鮮蔬菜，健康又吸睛。==

滿有香港特色，熟食中心內的飯店好懷念個種風味🥰 每碟餸都炒得特別夠火候🔥🔥 一圍枱三五知己聚會，點返幾支啤酒🍻 用戰鬥碗飲😆塘廈碌鵝嫩滑推介～正宗東莞菜，將鵝放入湯煮，鵝肉軟嫩多汁，口感香潤，唇齒留香。鵝肉下面仲有香滑嘅芋蓉😋蝦米醬粉絲蝦煲惹味推介～熱騰騰🔥原煲上打開蓋就見到一隻隻色澤鮮艷嘅時令大頭蝦🦐，每一隻都漲卜卜，肉質爽彈鮮甜，仲有好多蝦膏🤤粉絲及蔬菜炒得入味，入口惹味爽甜，粉絲乾身都唔硬，恰到好處🤩傻佬炒飯香噴噴推介～炒飯份量好大，用荷葉包住，吸收咗荷葉嘅香😌，飯粒分明，調味均勻，材料豐富，有豬油渣、東菇、蝦米🦐、雞肉粒等，又香又好味😋啫啫芥蘭煲同樣熱辣辣原煲上，出哂煙咁🌪，鹹香十足、芥蘭爽脆唔老又唔會太腍

去到柴灣附近搵朋友問佢有咩好食，佢就推介左呢間台式火鍋係熟食市場入面入到去估吾到環境甘好冷氣好夠大！ 岩哂夏天去。🤣🤣涼住冷氣打邊爐真係好正🥰🥰🥰重點係野食都好有驚喜😯😯😯首先湯底有幾款揀，有麻辣同埋胡椒豬肚一般人都會叫呢幾個但係朋友介紹食酸菜白肉鍋同埋見到好特別有個係雜菌涼瓜鳳梨鍋未試過 所以試下 點知真係好好飲個湯我狂飲左幾碗 ，勁出色好濃味，料又多。👍👍👍👍見到菜單竟然有封門柳牛肉😍😍😍本身熱愛牛既人 都知 吾係周圍食到又甜又軟身 牛肉味好夠好食過好多牛..本身已經難搵仲要只係$118！真係抵到爛～～～～4寶丸係佢地手打，勁大粒.（鵝肝牛丸，芝士墨魚丸，梅菜豬肉丸，古法鯪魚丸）4隻都好食 ！自己包嘅韭菜餃，皮薄餡靚🫶🏻鯪魚滑好多料！陳皮蝦米髮菜瑤柱😨😨😨第一次見人甘整 賣$6x🙈🙈🙈新鮮炸嘅響鈴，可以就咁食，勁香口☺️☺️真心推介個牛～ ！同個湯底👍👍👍💛

📍竹園台式火鍋飯店 (柴灣)柴灣怡豐街33號漁灣街市熟食中心1樓CF10號舖我最中意嘅小菜嘅包括：叉燒門饍叉燒味嘅門鱔 食嗰陣以為自己有perceptual disturbance 😂 辣子雞軟骨🌟MVP🌟 我食左大半碟! 下次要食加加辣version 🌶 !!)蕃薯牛柳粒 啲蕃薯表皮非常香脆 食落又夠哂甜 好正😍仲有荷葉飯/傻佬炒飯😙個荷菜飯香到😍😍 仲要份量大到打包分幾日食先食得完😂比較特色嘅芋頭炆鴨同refreshing前菜wasabi青瓜都好正！Taste: 👅👅👅1/2Value for Money: 💰💰💰💰Will I go again? Sure!(on a scale of 0-5 emojis)

竹園台式火鍋飯店 🥣@chuk_yuen柴灣成日俾人話係美食沙漠，主要都係集團式餐廳⛓ 要發掘地道美食，一定唔可以錯過嘅就係隱於各區街市樓上的熟食中心！見柴灣都有兩間熟食中心，一於決定拜訪一下呢個平民美食嘅尋寶地🪄 上到1樓，超過一半嘅枱都屬於同一間餐廳，見裝修好新潮，係平實嘅熟食中心中好突出，加上店員好殷勤咁招呼我地，就決定一戰🎈原來餐廳仲有兩間姐妹店，第一間店仲要係2012就開業😱 三間都選址熟食中心，定位都係以真材實料加上紮實嘅廚藝吸引一班捧場客🙌🏻餐廳有得打邊爐，亦有做小菜，不過呢排有少少熱氣，就決定先試小菜夠唔夠鑊氣💨塘廈碌鵝 🦢滷水鵝相信大家都一定食過，但有冇試過「碌鵝」呢🫢 店員介紹呢款特色小菜，就是讓鵝先係鍋裡面油煎打滾，再係醬汁中碌滾燜煮，表面油令令✨ 鹹香中帶有甘甜，肉質細緻滑嫩🦆鵝同芋泥呢個組合就一啲都唔陌生🍠 雖然芋頭蓉鋪喺底，但絕對唔係配角，軟綿厚實，撈飯一流🍚 1/4隻鵝加埋芋頭蓉，相信多啲人分享會食得更暢快🕺🏻鮮甜豬潤浸花甲 🐚一盤入面40幾隻花甲，一隻唔開口嘅都冇，證明非常新鮮🫧 而且隻隻都係有肉，又冇沙，唔會好似出街食咁得個殻👍🏽 豬潤都處理得好好，爽

同行柴灣街坊朋友說，近20幾年來柴灣都沒有這麼出色的小菜館👍🏼👍🏼👍🏼讚口不絕今次食小菜沒有叫火鍋，但係四個人居然食咗7樣餸🤣😂小食孜然雞腳送酒一流，川椒豬手凍食😋爽，一啲都唔肥膩。超晒標嘅黃金麥皮蝦😆非常特別嘅小炒王🔥係雞雜炒辣椒，香辣惹味，唔係好食得辣嘅都忍不住口😆已經好飽仍然抵不住要試吓每日限量四個的荷葉飯😋😋可惜碌鵝已沽清🥲所以留待下次再試😁將會係我哋嘅新飯堂🤩真係好耐冇食過一間咁滿意嘅小菜館🥰

熟食中心有驚喜位於漁灣村既熟食中心，平時經過都係買下衣物，今日跟朋友去發現柳暗花明，係樓上有個咁大既火鍋飯店。呢間餐廳應該新開，見好多街坊光臨，也有火鍋同小菜可點。今日兩個人嗌左馬友魚兩煮，起肉蒸蛋勁滑。而個骨就炸左用避風塘炒。蕃薯粒牛肉粒彩椒，好惹味同脆口。魚唇魚魚時蔬，勁靚仔既美味魚湯。仲點左三杯雞。每個小菜材料新鮮，而且大大份。難怪咁多人幫襯。見到附近既人都係食打邊爐，心諗d湯底好似幾正。同埋廚房可以一次出哂兩邊既食物好勁。

今日來到柴灣漁灣熟食中心頂樓新開既火鍋店竹園台式火鍋飯店，本身呢間o係北角做雞煲做到街知巷聞，今次開來柴灣做打邊爐，即刻約朋友來試下，打邊爐當然係選湯底，我選左個……黑白美人養生鍋 $168湯底其實係花膠藥膳配 竹絲雞，湯底直接攞來飲都可以，花膠煮到成個湯好滑 ，飲落去好滋潤，另外花膠都好多片，好足料，絕對無叫錯，呢個湯底絕對推介手切封門柳 $118大大碟牛柳肉 都係$118，呢d部位出去d尖沙咀 銅鑼灣火鍋店叫起碼兩百四五蚊一碟，呢度食絕對抵食，牛肉呢個位食落去油脂同瘦肉分明，牛味十足，又勁彈牙 ，推薦蝦籽蝦滑 #75蝦滑配上蝦籽，食落去單比蝦滑多左份鮮味口感，蝦滑來到個份量都幾多，呢個絕對抵食招牌四寶餃 $88好似有蝦餃，菜肉餃，仲有咩就唔記得啦，不過都約足料，好食，咬落去好 juicy炸噹噹 $48呢個一定要叫，其實係響鈴來，最主要佢唔係用 現成既，佢係即炸，好香口，好生鮮，推介就算係咪住o個邊既，都可以來試下，平民價錢材料生鮮竹園台式火鍋飯店 網址: https://s.openrice.com/QrbS0jfSB00~uogh6Aw地址: 柴灣怡豐街33號漁灣街市熟食中