竹面譜

营业中

休息中

偶爾經過見到呢間店諗住入去試下點知發掘到咁好食嘅雲吞河🤤湯底好味好鮮 又唔會好鹹雲吞超正 餡料豐富 比足材料❤️下午茶超值❤️連埋凍檸茶都唔洗40蚊🤣餐廳好近太子站行幾分鐘就到環境安靜 好啱假日去休息下食碗麵店員仲話鋪頭仲有早餐賣值得一試👍🏻

炸九菜餃，炸到燶，又苦，再做一份，都係炸到燶，苦到食唔落，質素下降⋯⋯店員服務一般，份量少，記得剛開業服務好，食品質素高，可惜不能保持，實在可惜，試完今次應該不會再光顧

原本今天不打算寫食評因上次已寫了，但因試了其他食物而又好食，忍不住不寫，加上實在替此店感到不值，應有更多生意。以咁平價錢有這種質數，很好！今天用贈券(食滿$100有抽獎)享用豬手湯河，沒想到免費竟也有正常份量，豬手很淋好多肉好味。咖喱蘿蔔牛腩飯也好味。腩汁娃娃菜腩汁很香。每碟餸都夠熱，連碟菜也熱！價廉物美外，竟仲有得玩 (幸運輪) 兼攞埋獎...直頭俾碟餸你！故我是衷心讚賞此店。最後，建議炸蜆芥鯪魚球相片貼於玻璃門，因無論賣相或質數都不輸蝕於名牌老店。

天寒地凍～頸緊膊痛～又要出嚟太子搵按摩！！附近大把嘢食，今日決定試一間路過好多次都冇試過嘅麵店，估唔到驚喜無限！！絕對可以翻兜！！本來餐牌嘅價目已經唔貴，佢仲有個超值二人餐～$138/兩位，包一個：花膠香菇麵食、一個自選飯、一個炸物（仲可以雙拼）、油菜同埋兩杯嘢飲～真係咁嘅價錢，邊度搵？！最重要嘅係，食物質素都有保證～先嚟個飯：瑞士汁雞脾拼墨魚餅飯，食物正常表現，雞髀好淋好入味，墨魚餅夠鬆化彈牙，視乎你鍾意咩口感！佢個鮑汁冬菇花膠絕無欺場～花膠大大件，炆得好入味，又彈牙～唔會淋到爛曬～香菇先緊要🍄大隻到不得了！好有口感！佢個鮑汁唔係嗰啲杰撻撻芡汁～配竹升面一流（本來想叫撈麵，點知老細嗌錯咗湯麵，一樣照食曬！😂😅😁）麵身都幾但牙爽口～估唔到佢個湯底就係我鍾意嘅大地魚湯底，仲有韮王，製作認真！！炸物我哋要韮菜餃拼鯪魚球，大大件不特止，仲配我至愛嘅蜆介～實在十分滿足！！🥰👍🏻叫多個腐乳通菜同埋兩杯朱古力，飽飽！！佢見隔離枱食蔥油百搭飯～有兩隻孖蛋，隻色靚到呢😍🤩～～呢間真係～行過、路過、都唔好錯過嘅寶藏小店！！I'll be back！🥳

家姐最近吃過此太子分店讚好，故今天特來試。二人餐我選了北菇花膠粗麵，清湯腩飯，蜆芥鲮魚球併香芧炸雞冀，清湯蘿蔔, 還有兩杯飲品，埋單接近$160。所有食物都有質數，尤其清湯腩，蜆芥鲮魚球很好味，白飯夠熱似住家飯好味！感驚訝餐飲竟不用加錢就有2大支涼茶，最後竟仲有幸運輪抽獎，直頭送碟食物俾你，好厲害，超值！超值過很多連鎖快餐店和茶餐廳，職員服務也很好。本人覺得竹面譜个名不太吸引，可能影响生意。原本因太忙不想寫食評，但實在替此店感到不值，此店用心的經營應有更多生意!

早餐好抵，食，又有涼茶飲，我叫咗個香茅豬扒加香茅雞扒港式雙拼麵餐…塊豬扒入晒味，雞扒就爭少少未夠火喉，牛油多士唔夠熱….但係整體成個面都幾好食…我加錢叫咗支熱金銀菊花薏米好驚喜😍

睇開「飲食奇X]youtuber, 見佢講到呢間新開舖頭好似好得咁，今日去開太子，特登去會－會。結論係以後呢個YouTuber介紹嘅野可以唔使信。佢介紹的舖頭亦唔需要去。因為又係收錢的。收錢係正常的，但起碼要講返啲中肯嘅嘢。佢介紹鮑汁花膠花菇，於是我哋就嗌咗呢個招牌鮑汁花菇花膠撈粗麵，$56，花膠係最cheap嘅嗰種花膠，不過明白嘅，只係賣$56 ，所以合乎期望的，但嗰鮑汁就真係冇乜味，個冬菇同個汁係唔同味嘅，所以好明顯個花菇係分開處理，花菇可以，夠厚，但個汁唔得，非常之淡味，而花膠又冇味，只能話佢唔硬，唔似其他舖頭嘅花膠煮得好硬。食完只能夠話係非常之一般嘅冬菇花膠，唔會黎第二次。另外亦都叫咗個雲吞麵試吓，竟然同一粥麵嘅雲吞麵係一樣，完全唔得。個面係好一般嘅面，如果佢係以麵作為佢嘅招牌，咁呢間可以唔需要再幫襯。雲吞就係一粥麵之類嘅雲吞。只係鋪面夠乾淨企理，未食過嘅人，都會被新開張吸引入嚟，但應該通常冇下次。另外叫咗個油菜，腩汁菜心，如果老人家嚟食應該好開心，因為個菜係林到入口即溶，完全冇咬口。總之叫了三樣嘢食，冇一件係會令我返轉頭再食。但佢有gimmick , 就係只要每張枱食滿$10

花膠二人餐🤤🤤今次叫左鮑汁冬菇花膠配白飯，再叫咗豬軟骨白飯，仲可以雙拼小食，鯪魚球加炸雲吞，菜就叫咗腐乳生菜，飲品就叫咗佢個自家製涼茶，仲可以揀無糖😍😍真係岩哂我🤩🤩食飽飽之後，如果過100元，就可以參加幸運轉盤🤣🤣機會都好大有中😍😍😍大家快啲黎食下，一定要試花膠同涼茶🩷🩷

太子新開張一間竹面譜，自少便喜歡食面，就入去一試。平時食得肉多，晚上就想食清淡D。點咗豬雜面非常好食，D豬雜好有嚼勁，加上薑蔥和清湯底，一流。另外之前都食過清湯腩，兩舊大蘿白用料足，好味道。推薦！點面配餐，點咗份油菜，加佢D自制涼茶，三款不同口味涼茶各有功能，清心火、金銀菊花薏米和去濕茶。有微甜或無糖口味。食野多個選擇，唔使成日獨枯一味凍檸茶咁悶。尼度既服務員都好nice,會問清楚你既口味和需要。讚！

係太子放工經過見到開左間新餐廳，見幾光猛幾多人就等下 員工們都好體貼叫我地入去坐住黎等～然後好快就轉到張3人枱比我地成餐都好有驚喜！嗌左個二人餐已經好足料 麵底爽冇鹼水味牛腩夠淋蘿蔔入味又冇渣香茅炸雞翼油咗啲但好Juice有驚喜唯獨韮菜餃鹹咗啲同埋都幾油膩，不過炸嘅預左啦食夠$100仲有得抽獎 post上社交平台可以再抽一次，所以前後抽咗三次我抽到雲吞麵，清湯腩麵同埋郊外油菜，真係好似額外多咗個免費嘅餐 抵到爛呀！

Lunch time 同事好介紹，二人套餐都好豐富，兩份主食➕一份小食➕一份郊外油菜➕兩支飲品，自由搭配👍花膠東姑超正👍服務態度都超好，熱情❤️‍🔥溫柔❤️‍🔥推薦✅

響太子有間竹麵譜，佢主要係食麵嘅，都有其他小食，有炸鯪魚球、炸豬扒、炸雞翼嘅小食都有，佢有自家嘅飲品，樽裝可以攞走，叫咗豬軟骨麵同炸鯪魚球，個豬軟骨好夠林好夠味，仲有9折，值得去試吓！

完全冇諗過一間小店可以做到咁好， 今天試了 炸豬扒， 炸鯪魚球，炸魚蛋，炸雲吞真係好好味， 仲有薑蔥豬雜冇得輸， 另外今日仲有燉豬肺湯，好好飲，真係無味精，飲完都不覺口渴， 最可惜係今天掛住食，忘記影相。地方乾淨， 整齊又清潔， 光線又充足， 簡直給我有一個驚喜， 完全冇諗過太子近深水埗可以有一間這樣企理的小店。看見餐牌還有很多品種，下次經過必定會再試其他。喺我食緊短短一個鐘內， 眼見好多街坊入嚟幫襯， 有幾位直情同店舖職員有傾有講， 細問之下原來他們是經常來食的