竺扶大班燒味

营业中

休息中

話說早半年已經寫過呢間嘅食評講佢嘅雙拼飯份量少貨不對辦。今次諗住俾多個機會佢，但係都係令我失望。價錢已經收得貴過人但係食物嘅份量真係出奇地少。雙拼嗌雞每次都係跟雞翼，將隻雞翼切到六七件咁樣，啲叉燒又係切到薄一搏一件分七件。令到你睇落好似好多件但係其實就係一世舊切好多件。真心希望呢間舖頭可以改善一下佢哋呢個份量唔老實嘅一面，一係就價錢調低啲。真心唔明點解仲有咁多人幫襯呢間咁嘅燒味舖。順便喺度為大家推薦一下過兩條街有一間叫楊明燒味，燒味雙拼都係$35味道其實都幾好份量由足仲要送可樂或者例湯。希望大家快啲醒覺唔好再支持呢啲無良商家。

因為係隔離做野所以冇得揀都會食下，我都知飲食業辛苦，都費事嘈，但今日個體驗真係好差。首先係外賣，門口好多蚊，旁邊就係公園咁冇辦法我就算，但等個外賣比蚊咬到腳都爛真係唔係咁好。咁你都可以講話做咩唔電話落單再去拎咁咪唔使等咁耐，但呢間嘢真係要當面講清楚佢張單先會啱，試過幾次拎到返去張單係啱，但係個盒係錯，又要好似食M記咁當場對吓啲嘢，中過幾次服就明。其次個外賣盒真係好細個，壓到飯同餸癡埋一舊，因為個外賣會有倒汗水，啲薑蓉同啲汁再同舊飯融為一體，好難食。食得外賣真係唔可以期望咁多。到堂食，聽嘢聽到一嚿嚿，就算落單嗰個冇錯斬料果個又斬錯，有時心情好就費事轉食咗佢算，其實可唔可以有一個統一嘅落單方式，你再唔係俾個客自己落，成日都聽到隔籬枱喺度嘈落錯單。今次我躁底嘅位就係，嗌咗個正價餐，你哋比少咗飯，將小汁當咗係小飯，然後我問有冇得比少少飯，你要收我12蚊，咁樣做會唔會太肉酸？

昨天晚上堂食佢個黯然銷魂飯，一上枱啲叉燒又薄又多肥膏（記唔睇圖片），之前食佢啲叉燒係又厚又淋（我懷疑同之前食嘅叉燒質量係完全唔同級數），我睇到立即叫服務員講返太多肥膏，個服務員仲同我講話我叫咗肥叉（肥係正常嘅類似呢啲說話），我心諗我咩都冇講過，嚟到新一碟嚟到雖然好過之前，但係都係太薄，好似食肉片，依家嘢越嚟越差，真心幫襯唔落，好似換過一批新嘅差嘅叉燒返嚟，平時環境差，逼你搭枱，趕你走都算，一開始食啲叉燒好食到唔停到口，不停推薦畀人，而家連啲叉燒都差過大家樂，忍無可忍先上嚟俾個負評你呢間餐廳

$125 雙拼 得咁少，目測夾埋都無半斤 😅... 一打開外賣盒，見到份量少到咁，即走番店舖問老闆點解得咁少。老闆話“雙拼係例牌嘅份量”。又話 “如果想足砰，我地通常建議客人買單拼半斤。” 咁講即係買雙拼係唔足砰啦！ 😡真係勁嬲，無試過唔足份量，仲大條道理話自己無問題。Blacklisted永不幫襯！😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡

之前幫襯過好多次都覺得叉燒好好食，今晚要OT到11點好夜 ，諗住食個好食嘅叉燒飯，於是大概七點嗌咗兩個外賣黯然銷魂飯，叫咗半肥瘦，一打開個盒嚇一跳！出到嚟兩盒飯嘅叉燒全部都勁乾勁嚡 ，同煲湯瘦肉完全冇分別！其實冇肥位唔緊要，本身肉質係深色爽口嗰啲位都冇問題，但係就係唔係，又硬又乾。極度失望！唔通外賣客就唔重要？定係夜晚賣剩啲唔靚嘅位？如果係的話就唔好打開門做生意！希望可以改善一下！否則真係以後都唔洗幫襯！

乳豬燒鵝飯 $88 （+8 轉胸）燒肉飯 $54 （+$5 凍檸茶）- - - - -燒鵝色澤比較黑，咬落肉嫩多汁，皮脆香而不膩，皮下亦唔見有太多脂肪! 比起好多附近一帶出名嘅燒鵝專門店更加出色👍- - - - -乳豬幾好，皮非常脆口，肥瘦比例適中，點甜醬一流。燒味汁唔硬，亦唔太咸。我朋友就叫左份燒肉飯，佢話非常正喎！凍檸茶就… 叫左少冰但仍然好多冰🙈 - - - - -地方雖然細，閒日生意非常好，姐姐們仍然保持友善，入坐亦放低杯熱水俾我地洗餐具，幾體貼。一定再來！

灣仔區有好多出名食燒鵝嘅食店，對我嚟講論品質，價錢，呢間店嘅燒鵝都算食得過。之前買過外買返屋企食， 隔咗一段時間， 鵝皮都keep 到脆， 鵝肉香，嫰， 皮下脂肪唔會太多，調味相當入味。當然堂食味道會更好。某天下午茶時段經過， 見唔太多人排隊，叫咗碗燒鵝乳豬飯堂食。 上到枱時見到係鵝脾位相當開心， 鵝還是暖，皮脆，肉相當嫩, 鵝汁充滿口內, 美味。 至於乳豬， 皮是鬆化，但可能放耐咗關係， 帶點淋唔太脆卜卜。相比起燒鵝有點失色。離開前更買了半隻切雞外賣回家加餸。雞肉非常嫩滑， 但雞肉欠彈性。 味道一般。

呢間其實多人幫襯都有原因嘅，食左灣仔咁多間燒味店，呢間嘅味道又真係幾好，食物係OK！可惜最大問題係佢食物嘅份量好似好貨不對辦。嗌個燒味雙拼飯，雞拼燒鵝，幫襯佢10次有九次雞係會比雞翼（純粹個人體驗，但冇理由咁q嫁麻係咪？），仲唔係雞全翼，份量少得出奇之餘，唔知係咪想掩人耳目好似做到俾足份量你咁，會將一隻細細嘅雞翼切開6-7件拼埋去，睇落似有好多肉咁，覺得有啲搵笨。轉雞髀加錢我就明啫，一個好啲嘅部位，價錢先食到都應該，但唔代表唔加錢我冇機會抽到雞髀㗎嘛。唔講雞髀，咁雞翼呢？如果次次雙拼都係拼雞翼，咁不如你叫單拼雞翼飯，默認配雞翼，咁就合理啲，價錢又可以平番啲。六十零蚊一個中午飯，俾隻雞翼你嚟唔嚟譜。至於燒鵝，又係俾啲奇怪位，永遠都係會切到啲得浸皮黐住個殼嘅部位，真係想搵多舊肉都難。食完非常之唔飽，感覺只係食咗陣燒鵝皮同埋一隻雞翼嘅燒味雙拼飯。接住落嚟當然就係要講吓服務態度啦，一如既往多人幫襯嘅舖頭永遠都係好似唔休做咁，啲夥計係唔會理你，亦都唔需要態度好。（純粹個人感受）十問九唔應，感覺非常之冇禮貌。今時今日咁嘅服務態度係唔得㗎。不過冇計，可能知道多人幫襯，都唔使點理你。但你唔好忘記，疫情

燒鵝，叉燒唔錯燒鵝皮鬆化，香料味道襯托出鵝香，肉汁滿滿，一啲都唔柴叉燒帶住幽幽的玫瑰露香我想讚個白飯，粒粒分明，軟硬適中，味道不錯行過落過，就唔好錯過可以入去試吓餐廳簡介竺扶大班燒味於2020年於灣仔開業餐廳由28歲已任紅磡海灣酒店有史以來最年輕的總廚、2012年更獲頒法國藍帶美食會會員勳章的阮弼壕先生主理。在19世紀到20世紀初香港的外國商人俗稱「大班」在這裏，「大班」字面意思是一流的，因此最後決定開一家「大班燒味」。

路過灣仔有點肚餓記得上次食過間燒味飯係唔錯的於是又入去試吓佢其他食品入去好彩有位，畢竟係晚飯時間嘛都係由店員帶位坐低睇睇menu, 就試下佢個 S6 燒鵝米粉加凍奶茶走甜等咗大約五分鐘就上菜而食燒鵝，梗係要連皮食舊燒鵝一放入口，就嘗到淡淡嘅碳香明顯係用碳火燒過嘅模樣而咬落舊燒鵝塊皮仲脆口而且仲啖啖肉，幾好食而個米粉湯底唔太鹹飲一啖湯連埋啲䓤入口，簡直絕配啲米粉咬落唔係霉，又唔碎，正常發揮而凍奶茶叫走甜，真係有走不過畢竟係米粉，食完都未係好飽餐廳環境企理店員態度正常會再幫襯

晚飯時間，做咗成日見到附近有燒味飯食而聽聞間餐廳都出名做燒味而呢個時間好彩餐廳入面仲有位於是就入去試下睇睇餐牌，燒味飯嘅種類都有好多品種今日想試特別啲就先order 咗個 D6 豉油雞燒腩仔飯想對自己好啲，又想make sure 食到啖啖肉，就加$15 轉雞脾再叫杯凍奶茶走甜等咗一約五分鐘就上菜見到兜飯個擺盤都靚食落啲燒腩仔塊皮仲好脆口雞髀食落啖啖肉條菜仲暖的而白飯份量方面，一個男人食完剛剛好而杯奶茶叫走甜，真係有走店員大多都有禮貌餐廳環境整潔企理會再幫襯

今天外賣半斤义燒，只要求淋d及走汁，回家打開，簡直令人驚嚇到無言，全部义燒接近系肥肉，痴線，要求淋d只因為比老人家食，吾系肥义，系廚房睇錯定系以為全肥义系等於淋，全部义燒剪去肥肉后，可以食得可能只有一半！太差勁！

朋友帶我食這間燒味，她推介叉燒和例湯，我平時唔敢多食燒味，都係怕唔衞生和高納，不過唔係經常食都唔驚得咁多，正所謂美食當前，唔理得咁多！我選了叉燒和燒腩仔湯米配例湯，下午茶價錢$50，叉燒唔肥夠諗，唔咸，燒腩仔香脆，肥度恰到好處，係好食嘅，湯米正常但唔夠熱，例湯足料，唔覺有味精，整體好食，價錢也可以。

Went here during tea time after my medical appointment. .I ordered Crispy Roasted Pork Belly with Rice. The skin of the pork was crispy. The fatness and the meat were well-proportioned, and I felt the meat kinda melt in my mouth once I ate it. Just that the rice was a bit dry. .Originally the price should be HKD52, yet it was cheaper during tea time, costed HKD44. Quite pricey but it tasted good! .The resto had some interesting drawings, creating a lively atmosphere.

今日行過依家得意嘅食肆，門外總有長龍，心諗必有其事，試吓都無妨啦！坐低後，點咗份據講勁受歡迎嘅燒鵝飯，加埋中意嘅叉燒。食落燒鵝真係嘩～脆皮啲啲响，叫我即時感受到個「卡滋」聲，燒鵝皮底下嘅肉又軟又滑，點啲橙汁仲帶出咗一陣清新嘅香氣，真係幾解饞！至於叉燒呢，佢嗰閃閃發亮嘅表面，簡直係藝術品嚟！咬落去肥但不膩，瘦肉又唔會太柴，呀！仲有嗰鹹香，混合咗甜味，日日食都唔厭！😍試吓佢哋嘅例湯，今次係清新嘅西洋菜湯，飲落去感覺好暖笠笠，舒服得嚟又唔會太鹹，真係好補！今晚嘅選擇絕對正！食完離開嘅時候，餐盤一滴都唔剩，攞餐巾紙抺下嘴角，心底暗笑：今日食得好滿足喎！🙌🍽️#燒味迷的首選#食得就是福#地道港味