第一腸粉專賣店 (已結業)

So I was out shopping the whole day, I didn’t feel like waking anymore so just settled with whatever restaurant that was closest. This place was disappointing; it did not measure up to its name. Those of you that do not know what its name means it means the world’s best. I don’t know if it was because I chose the wrong selection or this place as simply not as good as it sounds. Although I was pretty disappointed with this place especially when it comes to their service, I was impressed though

一間貌似平凡的腸粉店，竟然受到米芝蓮的推介，他就是在砵蘭街近太子一邊的第一腸粉。想來試試已久，但總抽不到時間來，某天早上路過，原來一早已經開門營業，正常不過，腸粉，理應是屬於早上，或者是宵夜時間。店裡的面積不大，人多的話會感覺很狹窄，門外看見有欄杆，晚餐時段應該是大排長龍吧？我一向對土瓜灣的香港腸粉皇，其出品的蘿蔔糕推崇備至，第一的蒸蘿蔔糕，賣＄14一碟，粗身，香甜的蘿蔔絲比例不少，水準絕不會比下去，要輸的，就是價錢，比腸粉皇還要貴＄5。腸粉單拼＄19，雙拼＄24，我貪心一點，來個火鴨絲與第一招牌腸。招牌腸粉是以菜甫，肉碎作材料，我反而覺得像吃潮州粉果，加上火鴨絲，其鹹香的味道，令到整個腸粉更加有層次感。說回腸粉皮，標榜是即拉，外皮偏薄，也算得上晶瑩剔透，質感煙韌而不散，入口滑溜，只嫌醬油的味道略為單調，以鹹味作主調，欠了一份濃甜。還來一碗菜乾粥，單看外表，已覺得夠火路，粥身偏向稀的一邊，但不失綿香，菜乾的香甜完全融入在粥底內。可能我較好彩，今次在第一的經驗，沒有身邊的朋友們，吃罷滿口怨言，大說名不乎實，米芝蓮的評審們有眼無珠等說話。至於是不是名符其實的第一腸粉？我還是有點保留。很多人

在下原本想在太子尋找囍的點心店，可是尋獲不到，只有看到點喜來及第一腸粉專門店，這而這兩食店都是在下遊食名單之列，當在下來到後兩店並列，在下實難取捨，最後還是選擇了第一腸粉，據了解這裡是今年榮獲星級的食店，在下想可能會有點睇頭，可是食評卻一般，在下想既然來到便要試吓。在下進入店舖後，發覺店子很細，只有約十張枱椅，店舖只三位店員。店員詢問在下要甚麼吃，在下還未回答，原因是在下想叫兩個腸粉，不知道是兩碟上還是怎樣，後來看到牆上的餐牌，就知道如何點選。除了腸粉，在下也希望嚐試它的蒸飯，可是卻又見食評都是一般，故此只有點選鴛鴦腸粉好了，再加上一杯豆漿。在鴛鴦腸方面，在下點選了招牌第一腸和手切牛肉腸。腸粉上桌後，就覺得腸粉賣相不是太好，縱使看到腸粉肉的饀料，還是看起來皮還是有點厚度。當吃下腸粉，與在下看到的皮相若是有點厚，而且在下覺得有點鹹，這可能是用上了偏鹹的醬油吧。雖然在下叫的是鴛鴦腸粉，但是單一腸粉內不是有兩種饀料，而是其中兩條是同一饀料。至於豆漿，雖然是有豆味，但是沒有豆香，而且味道較淡。在下對於這店子有些期望，可是嚐試過後味道卻是一般，不過還未至於難食。

自己有著一個很討厭的性格，看到食肆叫自己做甚麼王，甚麼第一的，就總是想去吃然後打一巴掌(明明我那麼自大)，而這間第一腸粉好像是一二年的米芝蓮上榜名，呢條粉…這腸粉究竟是真有實力，還是鬼佬不懂吃，自己去驗證一下。這間店的位置不怎麼容易說出，我也是離開時才發現原來很接近一貫麻將耍樂的地方，租金就必然較便宜了，就連對面的鋪位都是它的，應該不致於難找位了。既然店方敢把其中一道腸粉叫招牌第一腸粉，又是招牌又是第一我相信應該很猛料的，那就來一客吧，再加一碗菜乾豬骨粥是既定程序。菜乾豬骨粥顏色是深褐色，表示粥煮得夠時間，把菜乾顏色煮出來了，且也煲得夠綿滑，味道亦很清甜。而豬骨亦不欺場，雖然表面看不到，其實只是沉了底，豬骨還挺大件的，也有我手心般大，亦有豬肉連著，當然不會是豬骨煲那麼好吃，但如果每碗也有這份量豬骨的話，可謂不惜工本。腸粉皮表面光滑但不算薄透，比某間自稱皇的腸粉出色點，吃起來亦恰如預期的滑溜而略厚。而內裡包的餡是菜甫豬肉，炒得很夠香，裡面帶點胡椒香和辣送粥一流。唯獨是豉油略鹹了一點，但這算是不可抗力了。這裡的出品的確是不錯的，至於是不是第一嘛…待我去吃一趟堂記再說，可以豪邁得只開夜晚還要

7月10日, 滑滑呀嘟嘟似豬膏咁滑~~~ 腸粉就最緊要夠滑~ 其次就睇埋餡料夠唔夠特別! 我同呀比都好鐘意食腸粉, 成日都會去搵下d特別腸粉食~ 當中就數佐敦堂記印象最深刻… 而太子就竟然開咗間叫自己做第一腸粉嘅腸粉專門店!平日夜晚, 店外架起排隊欄杆, 但店內其實只得一枱客, 我地就一於入去探下虛實~::: 招牌第一拉腸 ::: $19叫得做招牌第一拉腸就梗係要叫嚟試下啦! 由於佢地聲稱腸粉都係即叫即做, 所以落完單都要等一陣先有得食. 腸粉份量的骰, 上枱時夠晒熱辣辣! 所謂招牌第一餡料其實就係菜甫肉碎, 聽落都幾新鮮特別嘅~ 腸粉皮都幾透薄, 隱約會見到裡面嘅菜甫肉碎餡, 咬落都算爽滑. 不過菜甫肉碎同腸粉之間嘅化學作用唔大, 菜甫肉碎鹹得嚟感覺硬係好似應該送飯或送粥咁…::: 薑汁豬潤拉腸 ::: $19薑汁豬潤腸比招牌第一拉腸味道更好~ 而且真係比出面d豬潤腸優勝! 優勝嘅地方係因為佢陣濃濃嘅薑汁味! 薑汁唔單止闢走豬潤嘅腥味, 仲吊起晒豬潤鮮味~ 如果個豬潤質地可以再沙d就更好食喇~::: 鴨腎菜乾豬骨粥 ::: $20菜乾豬骨粥顏色都幾深, 證明d菜乾精華都溶晒入粥度,

今日係假期，梗係同蝦子餅去行街街啦去完花墟睇花花草草，蝦子餅就諗起呢間米芝蓮推介既腸粉店唔使等位，坐落即刻點左：-菜乾鴨腎豬骨粥--賣相唔錯.......但用粉打芡既第一拉腸粉(菜甫肉碎).....d皮唔滑而且係"鞋"口兼韌韌地，應該唔係只用米漿...溝左"澄"麵掛(做粉果皮嗰類)蘿蔔糕--粗粗既蘿蔔條，dd蝦米屎我覺得自稱第一腸粉，粉皮既用料應該專業d，但佢做唔到囉比起廟街同元朗嗰2間，呢間真係差好多............真係名不符實

這間名店居然推出團購?很好, 我也想試很久了~只差一個機會甫坐下, 阿姐便給了我們2人餐牌,問了問阿姐有什麼好介紹也親切地介紹了幾款比較有名的腸粉,算不上一流但絕對沒有"唔休做"食評:脆玉瓜雜菌腸粉: 一碟腸粉能做到皮薄涵靚, 實在難得, 雖然雜菌量很少, 但脆玉瓜很爽脆量也很足, 的確讓人回味薑汁豬潤腸粉: 少量的薑味吊起了爽滑的豬潤味, 食下去很是彈牙, 可惜其中一條居然給我偷了一半的豬潤變了齋腸粉, 這裡要扣分排骨飯: 排骨飯預先下了鼓油, 排骨沒有蒸得過火, 很滑, 已經份量很多, 分成2份之後排骨還是比一般茶樓那些縮水排骨飯多, 凍豆漿: 沒有過甜, 不過味道也不是特別出色, 只是離開時見到阿姐特意清潔豆漿機, 很是難得, 需知有些店1天收店時也才清洗一次...

從它一開店就有想過去食，可是沒多久就拿了米芝蓮，一想到那個人潮就讓人卻步。過了一段時間，它居然推出團購，對團購心存恐懼的我唯有再度擱置。當天到達店外，發現馬路對面也有一家，還在想哪一家才是真的，原來是開了分店。有些腸粉還蠻特別的，像手切牛肉跟魚片。可是胃容量有限，結果點了個鴨絲拼豬潤拉腸。本以為是每一款有一條半，誰知道竟然是兩款配料混合在一起。得出來的結果是口腔裡有時候是鴨的味道，突然間出現了豬潤，多咬幾口又有點薑味。它們各自的味道是不錯的，可是混在一齊的味道實在是太複雜。是，是我硬把它們拼在一起的，貪心的後果.......每次看到餐牌上有蒸蘿蔔糕都一定忍不住點，可是這裡的卻讓我有點失望。雖然它的蘿蔔絲極粗，咬口一流，可是跟整個糕像分離的感覺。另外，蘿蔔糕的份量也有點少。豬骨粥不論是鴨腎、菜乾的味道都很夠，唯一質地有點糊，始終粥還是家裡的好。另外，店裡的阿姐們態度不是很好，店裡上下彌漫著唔憂做的感覺.......

係呢頭返工咁耐, 都冇試過係呢間到食 lunch 今日經過見兩間舖都大把位. 咁就入左去試下我o地一行3人叫左, 三碟腸粉@$19/碟 (兩碟鴨絲同一碟叉燒), 一碗豬骨粥@$20/碗再加一份蘿白糕(是蒸)@$14/份.先講豬骨粥溝粉的唔好食, 咁細碗我o地都食唔晒蘿白糕好難食, 唔講都唔知係食緊蘿白糕腸粉算係呢幾樣野o黎講最好 d皮煙煙韌韌, d料都唔係碎濕濕, 不過俾我揀寧願食返佐敦o個間不過 lunch 要成 $30都唔知食左d咩落肚好唔值, 哈哈~下午茶又要食野喇.

呢間又係雜誌之前成日有介紹，所以就去試下啦，話晒叫得自己係第一嘅專門店，應該好有水準。晚上去到，鋪頭唔大，不過得少貓幾個，心諗竟然唔使等位真幸運。叫咗菜乾鴨腎豬骨粥 $20，同友人一人一碗。菜乾味道唔夠出（好似普通唔係煮嘢食好叻嘅人係屋企煲咁）啲粥料味道煲唔出黎咁，無咩味，留唔到人囉。我叫咗名爐鴨絲拉腸，友人本來叫招牌第一拉腸，不過佢聽到我話又有啲想試蔥花蝦米拉腸，結果佢就選擇咗叫雙拼，即係招牌第一拉腸拼蔥花蝦米拉腸。佢係即拉嘅，不過我唔明點解拉完上枱凍得咁快囉！？其他鋪頭即拉嗰啲都仲可以好夠熱架友人好可憐呀，因為我同佢都誤以為雙拼係一樣一半嘅意思（即係每個味一條腸咁呢）點知佢地嘅雙拼係將兩個味混合落一齊，可憐的友人唔食蔥，結果都迫住要食,哈哈。坦白講，我唔識分啲腸粉有無米香之類，我只在乎啲腸粉夠唔夠皮薄同夠唔夠滑，只要係又薄又滑，我就一定鐘意食。佢啲腸粉都幾薄，不過唔夠滑喎，餡料算足，不過味道唔特出，係有得比較嘅情況之下，同樣係腸粉專門店嘅堂記，較為出色好多，價錢亦較平少少，當然因為堂記嘅環境裝修比較咩都無，第一腸粉就環境裝修好好多，所以貴幾蚊係正常，不過如果要我選擇，我係選擇味道

呢日同男友仔行完街, 又係食野既時候~拎住張團購 coupon, 搵呀搵......因為未去過, 跟住地圖都搵左好一段時間...... /_\好在去到就有位, 時間啱啱好又係肚餓既時候!!店子好細, 有少少迫既感覺....坐低之後當然就係先揀野食啦!!!我地左諗右諗, 最後決定左 coupon choose....- 薑汁豬潤拉腸- 冰凍豆漿跟住另外加叫...- 名爐鴨絲拉腸- 蒜香排骨飯等左 5 分鐘左右就有得食~腸粉皮唔算厚, 算滑, 不過無佢個圖咁薄咁靚仔囉...... =(至於腸粉既用料唔錯, 豬潤食得出係黃沙果隻, 唔鞋又爽口, 不過唔覺有薑味!! 鴨絲就一般, 唔夠香!!豆漿都有豆味, 不過唔濃郁!!排骨飯蒜味亦唔夠突出, 一般盅頭飯, 不過勝在夠熱, 飯身軟硬亦適中!!整體感覺一般般, 無想像中咁好味, 只係不過不失, 繼續努力吧~

星期日的下午，在不太熟悉的太子下了巴士，鎖定目標要往銀杏館試試，走到半路，雙腳乏力，天旋地轉，心想還要走幾個路口才到銀杏館，心裡有把聲音：捱唔住了，就嚟死啦..... 抬頭一看「第一腸粉」！澱粉質喺呢個時候好吸引，而且都係久聞其名，想試好耐，波蘿仔又同意，二話不說就去啦。想過馬路，波蘿仔眼利見到呢邊街都有一間，梗係店太細，開張勢頭勁時，唔夠使！咁就慳番，食呢邊嗰間！有太多腸粉揀，驚睇完餐牌已經命不久矣，所以即刻叫個蒸飯先。上枱快，比想像細碗，不過好味，唔係靠豉油，而真係有金針同雞汁味。而且鷄係真滑鷄！另外的選擇都幾大路，見有款叫得招牌應該店方好有信心，所以即叫。睇清楚有波蘿仔最鍾意嘅豬潤，咁當然要試試。招牌係豬肉碎同菜圃，咬落去有啲粒粒，也有咸味滲出來。但係豬潤真係驚喜！豬潤爽脆，切得唔厚，食落同腸粉皮互相輝映，好好味！一間食店可以大大聲話比你聽，佢做一樣野做到係店名，係一種信心，亦係一種信念。佢相信鍾意食呢樣野嘅人，會欣賞佢，而唔鍾意食呢樣野嘅人，佢唔會努力遷就你。而如果你要多選擇，佢亦知你唔會揀佢，因為太多茶餐廳可以滿足到你。所以佢未必服務到好多人，不過我估佢有信心食過嘅人會番轉頭

之前在網上團購了兩張第一腸粉的優惠券，現在優惠期即將結束，所以趕緊去兌換了回家吃。店的位置很好找，從太子C2出口一出來就可以看到了，有兩家店，在缽蘭街的兩面正對著。我進了373號這家，不需要過馬路。門口的阿姐很熱情的招呼我進去，讓我選擇種類。團購時，還以為一張券可以換兩碟腸粉，兌換的時候才發現是雙拼，只是一碟。於是選擇了牛肉腸、招牌腸、順德魚片腸和鴨絲腸。其實鋪頭裏面的人挺少，趕緊開兩家在一條街相對的店很浪費租金，可能是還沒有到吃晚餐的時間吧。大多數人都是來兌換團購券的。等了十多分鐘才腸粉做好，趕緊提著回家了。回到家，腸粉還是微熱的狀態，於是立即動筷子開吃。首先嘗的是牛肉拼招牌腸，招牌腸是用菜和豬肉臊做的，吃起來有點燒味的感覺。餡很少，而皮太厚，不夠爽滑彈牙，咬下去覺得都是澱粉的味道，而沒有什麽肉的滋味。也分不清牛肉和豬肉的味道。跟著嘗嘗魚片拼鴨絲腸，光看賣相就覺得皮很厚了，一口咬下去，發現皮真的很厚看不到魚片和鴨絲的影子，更吃不出魚片的味道。很懷疑雙拼是怎麼拼的。每張團購券還配了豆漿，很甜，不太喜歡。以團購來說，HK15吃這樣一碟腸粉和豆漿也不能要求太高，不過原價的話就太貴了，單拼1

上哂頭版同天書，攪到變做人龍店，雖然評價參差，不過是日早食午飯，唔洗排隊，都黎試下。先講腸粉，個招牌第一腸好台灣魯肉飯既感覺，可能係肉碎既關係吧，個皮厚薄適中，未算係滑，可以講係有點粉，不過整體個腸粉都係正常水準，始終沒有我腸粉既首選堂記驚豔。另一款係豬潤腸，除了餡料，跟第一腸沒有太大分別吧。當飯食，要左個排骨飯同豬骨粥。掛骨飯真係好唔錯，排骨配上蒜蓉黎蒸，蒜味淡淡來得正好，唔會只係食到蒜味，整體個味道剛好，可能個人都幾鐘意食蒸飯，好多時蒸飯都係一路蒸住過哂火，呢到無呢個問題，係好食的排骨飯。另外豬骨粥，粥底幾甜，料說適中，正路野。十幾廿蚊，正正常常，最好味既係個排骨飯，係下午茶/小食/宵夜既好地方，當飯食就真係唔多飽。

中午 午飯時間都吾駛等位 以為好彩..原來腸粉己不是即叫即做 完全不熱 皮非常UN 粥完全無持別 阿媽煲得好過佢生意太好無心做 似住有米芝連，粗製濫做 ，簡直不知所謂。吾會再去 再無下次中午 午飯時間都吾駛等位 以為好彩..原來希望米芝連眼睛雪亮點啦。