築地‧山貴水產市場 (已結業)

呢個地方係未開幕前吹到好行，聲稱係香港既築地。咁當然作為一個精明既消費者，已經係抱住一個係香港築地食刺身，無可能比係日本築地食刺身咁好食既心態，黎呢度就朝一下聖。由於呢度已經開左一段時間，開幕初期既人山人海已經不復見，亦唔需要排隊，所以行得相當舒服😌仲有師傅即場劏大魚，可惜我怕腥味，無走近去睇😂行到入面既立食區，見到個海景。對住個海食野既感覺絕對係美妙絕倫。可惜以食物既質素，同個海景比，差天共地。

兩次都係Lunch time到訪上次第一次黎就梗係行到最入去左食刺身壽司嘅區域先啦今次就特登睇下仲有咩其他野食原來有拉麵 又有浜燒於是就揀左喺浜燒區域食佢嘅lunch set浜燒區域唔同最入嘅刺身壽司區冇270度維港景致只係一個少少嘅區域有幾張枱咁係咪以為我好想食浜燒所以冇海景都照殺呢其實我係覺得佢個午餐丼+烏冬set好吸引呀我同朋友分別揀左山貴丼+麻香炸雞冷烏冬 ($136)山貴丼+海膽忌廉汁拌烏冬 ($156)山貴丼有三文魚籽 三文魚 吞拿魚 油甘魚魚生都好新鮮 份量都夠多海膽烏冬好creamy冷烏冬好多芝麻醬香得黎又好清新烏冬都彈牙 炸雞都幾腍喎唔好睇落好似細細碗兩樣食哂都幾夠飽架而且價錢都好合理啦所以會再戰築地‧山貴水產市場架

懷著希望到這間餐廳，原因是小忌廉主題的初夏祭。可惜餐廳內只有小貓三四隻，場面冷清得有點不像身處香港。食物和服務也實在太差了。食物種類非常有限，也不覺得新鮮，而且份量也很少，賣相也只是一般。點了小忌廉夢幻特飮送champagne 杯子，結帳時問穿著黑色衣服的女職員幫忙用水沖乾淨杯子才帶回家，她拒絕了及叫我自己在外面的洗手盆沖洗，但洗手盆太細，杯子放不進去。另外，同一個職員結帳，可惜一句謝謝也沒有，態度也惡劣。

和友人一起Happy Friday，喜歡刷蠔的我們知道真蠔放題馬上book枱，店員亦提醒我們每人需要消費$200才可品嚐$188真蠔放題。到達後店員沒有怠慢，立即每人order一打生蠔，真蠔隻隻鮮甜肥美，海水味不重，配汁不太酸，不會蓋過真蠔的鮮味。我和兩位友人共吃了4-5打，非常滿足。生蠔當然亦要配酒，另一樣讓我特別想encore這間餐廳絕對是這裡的梅酒，這裡共有10款梅酒可供選擇，想試多幾款更可選$108/5款小杯梅酒，我們order兩set試勻所有梅酒，我個人特別喜歡蜂蜜、柚子和古城梅酒，清香撲鼻，配海鮮剛剛好！我們也點了其他刺身和4碗mini丼/意粉，質素亦相當不錯！

真係諗唔明，得兩三個食拉麵嘅客，拉麵吧枱仲要喺正廚房對面，咁都可以漏單等左雙倍時間至有得食廚房啲staff仲要好嘈，互相鬧下又高談闊論，其實好影響食客山貴拉麵有三塊叉燒、兩條蟹棒、筍、蔥、紫菜做配料，湯底可選味噌湯或醬油湯先講湯底，點左最鐘意嘅味噌湯底，滿心期待，點知一啲味噌味都冇，而且溫度不足，溫溫燉燉；拉麵更令人失望，係雪藏果種偽日式拉麵，極大陣梘水味，湯底已冇味啲麵仲要咁大陣梘水味，簡直係虐待味蕾！收得我100蚊，我expect係正宗日本新鮮彈牙有麥香嘅拉麵，而唔係難食過味千嘅拉麵！紫菜剛上枱已淋到謝晒，所以冇食。蟹棒即係蟹柳係凍嘅，喺雪櫃拎出黎冇經任何加熱，同碗麵完全冇關係咁，食第一舊都仲係正常嘅蟹柳味，第二舊因為浸耐左幾分鐘咁多，已經散晒，可見質量幾咁低叉燒賣相都ok嘅，肥瘦分佈均勻，但一咬落去就穿煲；又乾又鞋冇肉汁，味道冇層次，一定唔係新鮮肉自己煮，而係入低質素現成貨就連杯茶都可以完全冇茶味，一啲誠意都冇，仲要收咁貴，bye bye

Went on Monday night, very quiet. The decoration is Japanese style, clean and tidy. At the end we saw some fish tanks with different kind of seafood.We order 2 things from the tank. White shell clam was very fat and creamy. Also geoduck was chewy and fresh. They were very nice but in a small portion and quiet expensive, cost over a hundred for the clam and over seven hundreds for the geoduck.We ordered some dishes at the restaurant as well. I picked sashimi don because of the urchin. I was very

終於有機會去到香港嘅築地市場食海鮮啦。裏面其實唔算好大，不過麻雀雖小五藏俱全，裏面定時定候會有師傅將整條嘅吞拿魚切開，第一次見到呢個境況，真係令我好雀躍。食物嘅價錢傾向中上，都係預計之內。一場黎到當然要入餐廳裏面試吓佢啲食物。於是我點左一個新鮮海膽。就咁睇都覺得好新鮮。當然食落去都覺得好清甜，伴隨紫菜同埋Wasabi一齊食，別有一番風味，亦能將先來提升。而且我坐嘅位置對住海景，真係又有美食又有靚景。

專登同囡囡嚟到灣仔築地試一試呢一度嘅魚生，估唔到帶俾我唔少嘅驚喜可以望住咁靚嘅維景海景食飯簡直係賞心悅目食咩都覺得好食嗰日我同囡囡嗌咗一個炙燒壽司盛所有嘅魚生都輕輕用火槍燒過但係又唔會蓋過咗魚生原本嘅鮮味，反而係將佢啲魚油慢慢深入去壽司飯入面更加好吃我個人最鍾意食嘅就係左口魚，非常新鮮而且好香口，當然唔少得吞拿魚， 簡直係入口即溶啊呢度嘅刺身同埋壽司真係冇令我失望而且我仲食得好開心

跟讀者會搵食嚟到呢度，初初都唔抱太大期望，點知嚟到有驚喜。入到嚟環境都令人猶如置身日本，裝修有心思。一路入到最盡頭，係無敵維港海景，令我心曠神怡我係被編排坐面向維港的，一路食住野真係好正。先來嘅係櫻花壽司刺身拼盤，魚生真係好新鮮，海膽好鮮甜，個人評分90/100。再來梅子麵、天婦羅。呢款梅子麵係響香港試過咁多嘅冷麵最好食，非常彈牙，加埋個好香魚香味嘅醬汁，本身平平無奇嘅嘢盡顯師傅功夫。最後手工櫻花水信玄餅，賣相好靚味道好好食完真係好開心

到了灣仔這間在碼頭的日式料理，好姊妹話想試一試，所以訂了。好大的地方，入口位都咁大咁寬！好日式的門口中間的通道有拉麵店、小店可選擇及購買！這個豉油是每日師傅煮的，咸香豆豉汁！這邊的餐具及小碟都好有特色，個杯好靚喔師傅在默默耕耘中，準備食材好專心，外邊圍著廚房位置是貝殼的裝飾放在冰上！（櫻花卷物壽司盛）好多壽司又好靚呀！多麼的新鮮美味！原來是每日下午6點就到埗的，新鮮從日本送到港！姊妹超愛海膽，話好新鮮美味！另外甜蝦、刺身都好鮮甜，卷物好食、壽司飯好香軟；手握壽司都好出色刺身色擇好靚！仲有菊花、花瓣的裝飾，好有藝術感（燒北海道喜之次配櫻花飯）熟食朋友都適合，這個是全熟的！好別緻又美味魚火灸了透明又有口感！櫻花蝦飯香又脆口！（櫻花蝦百合天婦羅）天婦羅好脆口，櫻花蝦、菜苗等一同炸，不同口感，喜歡點上天婦羅汁同食（梅子素麵）這個是冷麵，梅麵微微酸味，幼幼但又有彈口口感，配上紫菜及脆脆，涼快又不同口感（櫻花水信玄餅）好靚的甜品，用花裝飾又製作！出面的如啫喱口感（彈牙香甜）配上糖粉服務就不知是否人多，難找到服務生

日本係香港人外遊首選：不過去完日本之後，就會成日掛住當地美味的海鮮😋上網見到灣仔都有「築地」喎，梗係即刻去試下啦！🏃🏻‍♀️地點有啲唔就腳，搭地鐵灣仔站出，再要行成十幾分鐘先到不過啲野食好好味，乜都抵返哂！刺身入口即融！😍😍😍😍😍😍仲俾我地遇上有即割吞拿魚表演，條魚有半個人咁高😱價錢就偏貴左少少既我覺得，但大時大節食一次半次都可以啦🙈🙈🙈食唔夠既，仲可以係出面再食過，有幾間舖頭係專賣小食。

心血來潮，走咗過嚟食lunch。第一次嚟，原來有專食日本嘢嘅地方。一入到去，都有啲似去咗日本嘅感覺。哈哈，因為呢度嘅裝修都好日式。晏晝去唔算多人。鋪頭唔算坐得好舒服，可能因為唔算太大呢排係唔敢食生野住（因為新聞話魚生有寄生蟲），叫咗個日式咖喱吉列豬扒飯$88，冇跟嘢飲。1）🐷咖喱吉列豬扒飯：豬扒炸得都幾脆，唔會好乾。但肉質唔會好juicy. 5分的話比3分。咖哩汁：味道正常，唔算太甜。但可以辣少少。2）朋友叫左吞拿魚茸海膽飯配烏冬面，佢話性價比高。海膽好新鮮。搞到我下次都想試吓。目測：海膽好大舊。重份量3）魚生飯加拉麵🍜無咩特別3）日式咖喱雞肉飯對比咖哩吉列豬扒飯。雞肉飯分量少啲。食唔到雞肉味比較甜。可能因為完全浸左咖哩到。吸哂咖哩汁。2樣對比，我比較鍾意日式咖喱豬扒飯。總括我都覺得值得一試。

上星期同朋友去spca 探下狗仔 行返去碼頭果陣見到大大隻聾貓行上去睇下，有間日本野叫築地有海景，好有氣氛  所以試下問返店員，原來佢地成日都同唔同既卡通合作～今期同聾貓crossover，叫聾山貴竹過新年 有一系列聾貓野食呀～好多打卡位同野賣，都幾值得黎，好似變返小朋友咁  好開心😁迷你聾貓叉燒烏冬鹿兒島茶美豚叉燒，濃郁豚味，加上陣陣油脂甘香，回味無窮！一口聾貓漢堡，一個係煙三文魚剌身漢堡，一個係芝士牛肉漢堡！明明要分幾啖先食得完 唔明點解叫一口漢堡個面有聾貓圖案，好可愛～唔捨得食極上壽司盛  （有十件分別有油甘魚，帆立貝，牡丹蝦，太刀魚，左口魚裙邊，金線鯛，中吞拿魚腩和三件季節精選本身較多油份的魚類配上微酸的壽司飯，令更有風味，超新鮮！！帝王蟹鍋日式昆布醬油湯底，新鮮帝王蟹煮成好飲既蟹湯🦀，十分清甜～～濃濃牛油香～燒大石蠔一般既牛奶布甸佢地好似去到3月頭完。希望下次再黎食聾貓雪糕，勁得意～

時間回到二零一年九月底晚上。那時候認識了一位在香港工作的日本人，交換了聯絡方式之後間中保持聯絡，一天晚上相約去吃日本菜，他選了在這裡吃。雖然在灣仔工作過一段時間，由於地點實在不方便，距離地鐵站要走挺遠，所以只在要坐小輪的時候經過。我們訂的位子是景觀位，單行座，安頓好後就每人要了一杯大啤酒，夠清涼。大家都不太餓，要了一小份壽司，就是基本的三文魚腩，吞拿魚，油甘魚，海膽等。刺身味道其實很一般，沒有很好吃也不會難吃，不過壽司飯是做得蠻不錯，醋的比例剛好，是一口飯，也握得夠紥實。裝潢是日本水產風，有很多日本水產跟食材賣，不過要做到讓人回頭的特色地點，各方面還需加強。

同朋友坐船來到灣仔，頭痛緊食咩好既時候，就見到築地山貴。山貴內分為多個部分，有壽司區、丼飯區、亦有外賣的壽司方便附近打工仔外賣。今次同朋友就揀到壽司區內望海位置，嘆住壽司享受夜景！三文魚腩肥美而甘香，可自己用掃滴上醬油壽司拼盤中，最吸引當然係大拖羅，油香較豐盈，但中拖羅其實更吸引，吃到魚味之餘油脂較平均。海膽方面色澤金黃，沒帶任何奇怪味道吞拿魚蓉亦帶油脂甘香，但可以拍照拍太耐而影響紫菜質量，所以大家記得盡快食。