築地‧山貴水產市場 (已結業)

上網睇到食夠200 +188有任食生蠔 早兩日book星期六都已經full full 地餐廳直情係灣仔碼頭 裡面有幾間餐廳 行到最入先係 我地2個人早左小小去 早到都入到位 安排坐望海位 對住夜晚海景食野已經好滿意 值得一讚係雖然星期六 但係唔會感覺餐廳係迫住黎坐(食完我側邊都係冇人的) 可能係餐廳位置冇咁多人 落左單之後等左10-15分鐘就有生蠔 整體算新鮮 略嫌太凍魚生拼盤 雖然生蠔好食 不過主菜真係係呢盤魚生 勁有口感又唔腥 好新鮮叫左兩舊海膽壽司(加拿大同北海道) 北海道口感比較豐富 加拿大就比較滑身 最正既係個灸左口魚邊壽司 入口即溶 好正有翻叫⭐️海景環境加埋野食既質素 雖然埋單都有d小貴(~900) 但係都覺值得 會再幫襯

為了慶祝同事升職,決定食餐好的, 搭車又搭船,一出口就已經到達築地‧山貴水產市場,地段非常方便。一進來,好運不斷來,侍應安排了我們坐在望海景的座位,靜靜的看著繁榮的香港夜景,一解工作疲勞的倦意。前菜炙燒吞拿魚沙律:炙燒吞拿魚配上清澀的沙律青菜味道,把吞拿魚的鮮味提升,咬下去又爽口鮮甜。 海膽(北海道產): 作為海膽愛好者的我,每一次去到有名的日本料理餐廳都必須點海膽,滿足一下自己。這海膽非常鮮甜,不但沒有苦澀味,而且有入口即溶的口感, 一流!Set A: 大吞拿魚腩,中吞拿魚腩,炙燒吞拿魚腩,香蔥吞拿魚腩蓉軍艦Set B: 中吞拿魚腩, 深海池魚,油甘魚,吞拿魚赤身,三文魚 Set D: 油甘魚,三文魚籽,三文魚,香蔥吞拿魚腩蓉軍艦,海膽點了3 sets壽司盛, 雖然看起來好份量少,但吃起來卻很豐富, 還有食物的質素都不錯。先要說說吞拿魚腩,俗稱拖羅,味道清淡，含有豐富魚油，不但油脂甘香，而且入口即化,一個字正!特別要說說的是炙燒壽司:輕微用火槍燒過的炙燒壽司，把魚生的油膩香逼出, 令魚油滲入微酸的壽司飯裡,整件壽司造就不同層次的味覺享受。左口魚裙邊壽司及炙燒左口魚裙邊壽司: 有矜貴之

放工後一同吃飯， 同事介紹前往位於灣仔碼頭附近的日本料理，當然未試過一定要去，之前已經有心理準備，價錢一定比正常壽司店貴。當然合乎預期， 內裏除咗一般料理之外， 還有燒物，海鮮丼等不同的日本料理，除了美食區還有購物專區。而購物當然不是重點。我們點了大吞拿魚腩壽司，中吞拿魚腩壽司，吞拿魚魚背壽司，三文魚腩壽司，鯛魚壽司，金線鯛壽司，間八魚壽司。 數量唔算太多，亦都冇叫刺身。 因為我哋都要食得夠飽肚，用料方面絕對新鮮。 師傅現場即叫即做，手握壽司，風味十足。最有趣更有正確使用醬油掃的方法。下次再嚟食，不過一定會之前食飽肚先，當係嚟睇靚景。

灰濛濛，下著毛毛雨，悶悶不樂。只想看看海，享受內心的寧靜。第一時間就想到灣仔碼頭的壽司。價錢相宜，又不用逼地鐵，還可以避開繁忙的街道。先點兩份刺身，滿足一下。深海池魚幾厚，肉質比印象中的深海池魚實，油脂香在咀嚼下約隱地散出來。大拖羅，相比之下，沒那麼含蓄。見到漂亮的脂肪呈網狀。入口軟熟，每咬一下就溢出油脂，香但沒有前待的入口即溶的澎湃。壽司有好幾個set。這款10件全火炙的壽司，正適合轉涼的天氣。刺身不厚，飯的比例偏多，喧賓奪主。飯放入口還是一整件，沒有散成一粒粒的，口感一般，亦欠醋香。有微微火炙香，不過魚欠火炙後應有的油香。或者是刺身本來不夠豐腴。食物還好。超高的樓底，無敵海景，無得輸。

話說，築地已開業了一段時間，我上週才第一次造訪呢！位於灣仔碼頭，可以乘巴士前往/離開，比想像中方便。築地面積廣闊，樓低高，又有bar枱，真的挺有日本的感覺，還可以欣賞到維港景色我們當然是衝著魚生/壽司來築地的，先點了一份炙燒壽司盛 ($198/10件)。十款不同的壽司，適合貪心的人😆，當天魚生挺新鮮的，尤其是帆立貝，屬厚身，肉質鮮美。金線鯛也不錯的。另外，朋友點了壽司Set D，包含油甘魚、三文魚籽、呑拿魚腩蓉、海膽等五件壽司。我們額外加了件北海道產的海膽 ($68)，海膽份量適中。魚生整體算新鮮，不過壽司飯稍微硬/乾身。之後，發現熟食有驚喜！野菜烏冬$38來說，份量比想像中多，加上烏冬滑身又挺煙韌，CP值高。龍蝦海鮮泡飯 ($68) 來說，龍蝦湯濃郁，夠鮮味，而且都足料啊，有蜆、龍蝦、蠔等。餐牌如下:

曾經去過日本築地，非常熱鬧，今次來到本土灣仔築地，環境整潔舒適，感覺好似去左外地旅遊一樣。首先圍繞著行左一圈，最後揀左可以睇到維港景色既臺司區，一排排椅非常整齊咁圍住壽司吧枱。午市時段會有d lunch set，價錢都相當實惠，我地點左3個lunch set。首先來前菜沙律和味噌湯。細細碟既沙律都有幾款沙律菜，再加上車厘茄和醬汁，開胃又清新。刺身壽司定食：有吞拿魚刺身、甜蝦、帶子壽司、三文魚腩壽司、蛋壽司，仲有一個刺身丼，新材非常新鮮，入口鮮甜。天婦羅蕎麥冷麵，蕎麥麵爽口彈牙，配上wasabi和醬汁清清地。蝦天婦羅新鮮甘甜，外脆內軟。最後點左香辣豚肉野菜鍋：整個鍋由豚肉、豆腐、金菇、冬菇及蔬菜浸在辣湯內，喜歡吃辣的，必能滿足你口味。

開業嗰期已經好想試終於今日帶埋阿爸阿媽黎試咗喇！黎到門口見到裝修好有日本feel未開飯先興奮入面分咗幾個區域今日我哋就嚟左浜燒區一開始諗住呢度價錢一定唔平不過打開Menu，睇到嘅價錢都算幾合理有少少出乎意料之外壽司盛合$88呢個壽司盛合有一件中鮪魚、鮪魚、三文魚、油甘魚、池魚覺得油甘魚特別肥美，好味！鐵板牛舌$48我覺得佢應該叫汁煮牛舌會比較貼切牛舌好林，而且好厚呢個價錢食到呢個質素真係好意外原隻波士頓龍蝦$218咁啱我坐嘅位置就係廚房隔離隔住玻璃望入去睇住師傅燒已經聞到有少少香味拎到出嚟賣相確係有霸氣龍蝦唔會燒得太乾仍然非常juicy係街市買淨係材料都要百幾蚊依家有人整埋，環境又咁靚我覺得價錢好合理本月特價-生蠔$38估唔到價值$38嘅生蠔會咁大隻！必食！肉質爽口鮮甜醋汁加埋檸檬汁正串燒盛合$108有一串菇、蝦、牛、五花腩、雞軟骨牛比我想像中淋最鍾意係串雞胸軟骨，調味啱啱好，軟骨好好咬另外再叫多咗一客三文魚壽司($18)、一客油甘魚壽司($38)、兩隻燒帆立貝($48一隻）不過已經唔夠位upload相兩本壽司都好抵食燒帆立貝相比之下冇咁特別整體呢餐飯食得好開心P.s. 交通方面應該係

香港既築地市場係開幕前期到訪過後就好一段時間無到了，記得對上一次人太多所以放棄了用餐念頭，今次岩岩好平日放假趁住人少就試一試午餐。拉麵區係最前區域得吧枱位置佈置得好日式風格吧枱頭上掛住所有供應既拉麵可以當成餐牌咁睇，黎到築地以海鮮為主打既花市場當然點左一碗海鮮拉麵，拉麵湯底就選擇左味噌湯去帶出海鮮既鮮味。海鮮拉麵有鱈場蟹柳，魷魚，海蝦。魷魚好新鮮而且係用原條中型魷魚筒身，份量多食落口十分彈牙爽脆又唔會過靭咬唔開。海蝦好大隻而且好有蝦味質感好爽彈唔會霉好滿足。拉麵好爽身浸左湯一段時間都唔會覺得淋而且味噌湯底濃就算飲左拉麵湯都唔覺得口渴。作為一人浪漫十分推介！

食物：⭐️⭐️⭐️⭐️食物外表：⭐️⭐️⭐️⭐️⭐️服務：⭐️⭐️⭐️價錢： ⭐️⭐️ （都幾貴，一人約$75x)食野最緊要就係食物先，但個樣都好重要😂今次有好靚嘅Little Twin Stars 做主題，周圍都癡晒啲公仔係個玻璃上面，打卡影相一流！再加個海景，飲下野都好正！今次叫左好多野食，味道同樣子都好吸引！鹹柑桔乳酸梳打 （約$95）係跟埋隻杯送㗎！ 佢好貼心俾埋個盒，等你可以拎走！走嗰時就喺收銀處隔離嘅洗手盆浪一浪隻杯，就可以拎返屋企做紀念啦！蒸豆腐 （約$60）好滑，靚到唔捨得食海鮮🦞拼盤佢有另一隻冇龍蝦，就$2xx, 呢個就$388但好味+新鮮！螺既味道，係有些甜甜地既汁味！ 生蠔佢話今日冇哂細size，所以轉2隻中size, 雖然唔大隻，但係都好鮮甜好好味！呢兩個壽司set，都好鮮甜新鮮但係其中一款拖羅壽司但係就好似一般般啦最後叫左個日本雞拼盤，好似$12x但係呢個真係好好味呀都笑得好香口我覺得呢個下次可再食Lala 3.6牛乳雪糕🍦$88呢個好好味而且擺設得好靚添佢係由Via Tokyo制作，冇可能唔好食👍上邊啲Monchi，好軟熟，同d紅豆好夾位既擺設：今晚係慶祝結婚周年，咁我老公就book左

這晚工作後在尖沙咀與夫人會面，再從尖沙咀乘渡海小輪過灣仔，因打算到灣仔碼頭試試這裏的食肆，雖然這裏已開業多時，仍未有機會到來，這晚可適逢其會，真好！全層樓都是食肆，近門處又有很多日本食品賣，夫人已選定離開時買甚麼。這裏有拉麵，串燒等，今晚太座想吃壽司，走到最入的地方，對著海景，別有一番風味。先點了吞拿魚盛，有五款吞拿魚的壽司，大吞拿魚腩，中吞拿魚腩，赤身，炙燒吞拿魚魚腩及香蔥吞拿魚腩蓉軍艦。吞拿魚腩油脂甚豐，入口感柔軟順滑，香蔥吞拿魚腩蓉軍艦滿口清香，紫菜仍脆，其餘兩件不過不失。再點一個炙燒壽司盛，有十件壽司，帆立貝，牡丹蝦，太刀魚，金線鯛，中吞拿魚腩，油甘魚，左口魚裙邊，三文魚，池魚，鯖魚等，較喜歡有油甘魚及中吞拿魚腩，淡淡甘香，炙燒過魚油味更顯，帆立貝很新鮮，肉仍爽，太座較愛牡丹蝦和金線鯛，吃得滿心歡喜。太座看見Little Twin Star 餐牌，早已著迷，一早說定要馬卡龍雪糕，選了綠茶味，除了雪糕，還有紅豆蓉及其他配料，綠茶味不澀，二人分吃剛好。

築地開左咁耐 都係第一次去食。位置就坐船比較方便，都係係碼頭範圍內。今次去食拉麵，聽朋友講其實價格比一開始便宜了，普普通通就叫了山貴拉麵。拉麵點了味潧湯，味道唔算濃不過還可以的，而且應該味精不重，可接受。叉燒，其實係得幾塊又好薄，感覺太少了。但味道真的不錯而且有種入口融化的感覺，算是特別。蟹棒就沒有甚麼特別，普通啦。不過有蟹已經算是不錯既。。。紫菜味道一般，都係沒有特別。拉麵口感不錯，算是彈牙有彈性的，還不錯啊。份量就覺得少了一點。感覺上就唔算有驚喜了。環境就普通，唔算好坐，築地內都分左幾個範圍食唔同類型食物既。拉麵價值：$88 再加一總結拉麵還可，價錢尚可。可試一次，當係嘗試。不過這一次已經足夠。

灣仔-築地·山貴水產市場：炙燒壽司盛（hk$198), 吞拿魚盛($148), 壽司盛D($88), 炙燒左口魚（$28）,+10%呢日特登由尖沙咀坐船到灣仔碼頭食壽司，之前有黎過但當時太多人，無食過，而家黎已經唔駛等位喇，呢度最開心係可以坐窗邊位望住世界級維港夜景食壽司😌-我覺得壽司盛較抵食，炙燒壽司盛一次過可以品嘗十種美味，包括受歡迎的帆立貝、左口魚、牡丹蝦、仲有拖羅🤤。另外點左兩個一套五件嘅壽司盛，一個係長崎產吞拿魚盛，一次過可以食晒五種吞拿魚唔同嘅部位/整法；另一個就有三文魚子、海膽呢啲貴價野😋，當中好多都係產地直送，鮮甜味美。而我最愛都係北海道產炙燒左口魚😍😍油香滿滿，真係好味過平時食果d既😆。見同場好多人食緊生蠔，原來做緊$188生蠔放題，不過就要食滿每人$200先可以加錢食。-PS 呢期做緊little twins star 秋祭,fans都可以過黎望望。

一直以為灣仔築地市場係主打刺身壽司弟主原來入面係分左好多個區域,今次經過本身被拉麵區既山貴特選拉麵吸引可惜當日無供應所以最後就選擇左叉燒拉麵.拉麵有分2種湯底味噌同醬油湯底我揀左味噌湯底拼叉燒拉麵拉麵由日藉師傅即叫即煮再由師傅直接係吧枱到上菜.味噌湯濃郁好重味噌咸又帶淡淡發酵味湯底帶有少少油分足以為湯底保持温度令湯底唔會好快就變凍.拉麵麵質採用普通厚度,煮得爽口又彈牙就算浸左湯底一陣都唔會淋仍然keep住爽口,掛湯能力還好𠮨入拉麵既同時以品嚐到味噌湯.到主角叉燒,叉燒份量足足有6片而且叉燒燒得外層好香脆食落帶焦香味而且肥肉同瘦肉一層層分隔一食油脂同時溶你係口中雖然邪惡但好好食.最後係流心蛋,中間蛋黃煮得岩岩好半熟流出慢慢溶入湯底內增加蛋香味0

今日一個人特登去左築地食晚餐！灣仔築地，當時開業人山人海，隔左咁長時間今晚黎到依度依舊人流無減！日本築地關門，轉地點變左灃洲水產，我一直都好想去試下，今晚就去左香港築地過下口癮先啦！場內分左好多唔同區域，有浜燒、有壽司、有拉麵等等，天氣開始凍冰冰，我就去左拉麵區食碗熱辣辣拉麵啦！山貴特選拉麵，大大碗足夠兩個人食啦！材料並不普通，有龍蝦、日本北海道鱈場蟹腳、魷魚，由日本直送夠哂有誠意！龍蝦大大隻好霸氣，入口非常鮮甜鮮嫩，爽口彈牙，鮮味濃郁！仲有龍蝦膏夠哂驚喜，湯底咸香唔會過於濃，唔會搶左海鮮鮮味！拉麵彈牙非常有麵粉香味，掛湯力非常高，每一口都好滋味！場內人山人海，食碗拉麵都好有氣氛啊！下次我會再黎試下場內其他區域既食物，特別對壽司區好有興趣呀！

話說之前都同朋友黎試過丼飯，串燒同海鮮而我地今次黎主要目的係為左Little Twin Stars特別版玻璃杯，因為朋友好想要，而我亦都有段時間無黎，所以就趁秋之祭完之前黎拎隻杯走😍首先我地嗌左杯秋日特飲-梅酒，就係用特別版玻璃杯裝住，梅酒都算幾濃，同埋都幾大杯，仲要送埋隻杯俾你真心好抵😌。。。。。。。。。。。。。。。。。。我地嗌左兩款壽司🍣set➀炙燒壽司盛 (10貫)▸有七款指定款式，再加三款季節精選，指定款式有油金魚，中吞拿魚腩，帆立貝，金線鯛，牡丹蝦，左口魚裙邊，太刀魚😊 本身很喜歡吃火炙壽司，燒過嘅魚生總係特別香，特別係左口魚裙邊，滿滿嘅魚油香，而牡丹蝦都好正，好鮮甜💕➁極上壽司盛 (12貫)▸有九款指定款式，再加三款季節精選，指定款式有帆立貝，海膽(北海道產)，牡丹蝦，中吞拿魚腩，鯖魚，大吞拿魚腩，左口魚，金目鯛，深海池魚，每款都好新鮮，同埋都幾肥美，特別係大吞拿魚腩好肥美，滿滿魚油香😍 海膽亦都非常好吃，好鮮甜而且帶點甘甘地💕。。。。。。。。。。。。。。。。。。磯煮鮑魚▸估唔到都算幾大隻，鮑魚好新鮮，而且煮得好入味，唔會好咸蓋過鮑魚嘅鮮味，肉質好鮮嫩彈牙，非常好吃😋