築地‧山貴水產市場 (已結業)

終於試到你了！每天從日本築地直送的新鮮魚生，今晩終於吃到了。可能只是閒日的關係，不算太滿，坐得更舒服。原來連晩市更有套餐。我點了這個Set D ($88)，真的好豐富呀，有三文魚籽、油甘魚、三文魚、香葱吞拿魚蓉腩軍艦和海膽壽司，實在是一次過港足了多個願望，而且價錢還很合理。但吃完五件壽司當然不飽，所以繼續吃吧。另外散點有中吞拿魚腩壽司 ($48)、金目鯛壽司 ($38)、油甘魚壽司2件 ($38)、帆立貝壽司 ($28)。全部也非常新鮮鮮甜，當然讚。正確使用豉油掃的方法：真蠔 ($38一隻) 也在做推廣，所以叫了兩隻試試。生蠔果然鮮味十足，沾上醬汁酸酸的，令人開胃。這裡和 VIA Tokyo 合作，抹茶阿法奇朵 ($52) 是我這個抹茶控最愛的甜品，滾熱的抹茶倒進濃郁的抹茶雪糕裡，冰火交融，滋味十足。

上次食完一次覺得如果係蠔放題會抵食啲所以就book咗蠔放題。。加上男朋友生日想帶佢食一餐好嘅今次叫左一碟有12件壽司🍣大部份係魚類 我想講勁失望 勁吾新鮮！另外蠔放題見意吾落汁先食到蠔本身既味道(雖然都食唔到) 講真嗰日嘅嘢食真係勁唔新鮮搭車返屋企嗰陣時 我男朋友仲勁唔舒服 食到又屙又嘔真係唔會再去

香港的夜景真的是好靚, 這晚同朋友搭天星小輪由尖沙咀去灣仔, 見到維港兩岸的高樓大廈燈光燦爛, 好耐都無細心欣賞這夜景了, 這才驚覺這舉世聞名的香港夜景真的是名符其實, 好靚, 可惜幾分鐘後便靠岸了,這美麗的維港景色唯有日後再欣賞.行出灣仔碼頭, 才發覺我們都已是饑腸轆轆, 見到碼頭的旁邊有間叫築地山貴水產的舖頭, 便很好奇的行了入去, 一入去很有日本feel, 門口位全部是賣日本零食,就連摆設都和我們在日本逛的商店一樣, 仿佛現已身處日本. 再行入的, 便是幾間日本食肆, 有食壽司的, 有食日本丼的, 仲有食日本海產燒的, 我行咗一個圈, 見到一間叫”浜燒”的店舖出品的燒物好吸引, 於是便行入座底醫肚.睇完餐牌, 好快我們便叫了幾款我鐘意的食物, 靜待食物上枱, 首先上枱的是壽司, 共五款壽司, 我選了至我鐘意的三文魚壽司, 點了少許豉油後送入口, 哇, 三文魚好肥美, 豉油帶出了三文魚的鮮甜, 飯團涷涷地, 少少酸又少少甜, 好好食! 食了好美味的壽司之後, 燒物都陸續上來了, 首先上來的是明太子免治雞肉棒, 橙紅色的明太子包住免治雞肉, 外層咸香, 內裡鬆軟, 雞味濃郁, 兩種材

平時搭船都見到呢間日本嘢，好似好正咁，所以特登叫埋女朋友過嚟試下。炙燒吞拿魚沙律 ($88)首先嗌個沙律先，勁厚身嘅炙燒吞拿魚，仲有三大塊。沙律菜都好新鮮，配埋酸酸地嘅醬汁勁開胃。呢個價錢真係掋到爛。龍蝦海鮮泡飯 ($68)好足料喎！呢個泡飯除咗有大大隻嘅龍蝦外，仲有蜆肉同蠔，好豐富。啲湯又有海鮮嘅鮮甜味，份量都好大。蜆肉赤麵豉湯 ($38)呢個麵豉湯就鹹咗少少，都係嗌龍蝦海鮮泡飯好啲。Set B ($88)夜晩都有 Set，真係估佢唔到。有油甘魚、三文魚、中吞拿魚腩、深海池魚同 Tuna，新鮮又肥美，絕對高質，食到讚不絕口。抹茶卷 ($40)仲有得嗌 Via Tokyo 嘅甜品，當然要食佢哋嘅抹茶卷喇。抹茶味非常濃郁，甜而帶甘。

香港人對日本情有獨鍾，鍾意佢地既潮流服飾、家電、藥妝、飲食等等等等...因為港人遊日次數驚人，所以成日聽到d人會形容去日本旅行就等於返鄉下。而遊東京就差唔多每十個就有十個去過築地，如果冇去過既朋友，其實宜家近近地都可以去下港版築地，呢個係灣仔碼頭既水產市場。家陣擴建緊條沙中線，所以呢一帶暫時都被地盤包圍住，最直接方便就係經水路，由尖沙咀碼頭過黎。呢度地方寬敞，環境舒服，日式既裝修同擺設都令人有種置身係日本既感覺。呢度分左幾個唔同既區域，分別有拉麵、浜燒、壽司區；除左主打既飲食區之外，呢度仲有個小型既日貨超市，有日本水果、零食、家品、美妝等等賣tim。宜家仲做緊little twin stars既秋祭theme，鍾意twin stars既朋友就唔好錯過喇。Menu今晚我同個friend就揀左浜燒區，呢度除左可以叫燒海鮮、燒肉之外，仲可以order刺身、壽司、小食等等...一次過滿足晒貪食既我壽司盛A$88壽司盛B$88呢兩set壽司唔係真係超級平，不過價錢合理，而且款式arm食，當中壽司盛B仲有海膽同吞拿魚蓉tim食落刺身新鮮，飯粒煙韌有嚼口串燒雞翼$28（由左至右）豚肉串$38雞軟骨串

日本魚市場當然非常出名，黎到香港，灣仔嘅築地山貴都吸引大眾喜愛，因為呢層都有不同款式嘅東瀛美食，俾大家慢慢選擇！選擇左食浜燒嘅餐廳位置，但食浜燒之前，一樣可以選擇食壽司。呢客壽司盛有海膽、三文魚籽、三文魚、香蔥魚腩蓉軍艦等等。最吸引當然係海膽軍艦，入口相當軟滑，濃郁嘅海鮮咸香味，唔需要點鼓油都有足夠味道。香蔥魚腩加上香蔥，香味突出；而三文魚籽粒粒大粒，入口脆卜卜有口感，海鮮鮮味亦香盛！接著浜燒海鮮盛有鮑魚、大蝦、生蠔、元貝，款款都係即叫即捉，上檯時仲好生猛。燒元貝同帽隻可以加入清酒同味噌，加添香味，更提升到海邊鮮味！生蠔份量亦大隻，質感豐厚，燒熟後香味更有層次！而鮑魚同大蝦當然亦唔可以錯過，燒大蝦時可以曬上鹽花，令蝦殻更香脆，蝦肉亦彈牙豐厚，質素相當高；而鮑魚唔單止賣相吸引，群邊煙韌，鮑魚魚身亦厚實，同朋友一人一隻開心share!

一直都想黎體驗下港版築地難得早收工 就同同事去試試佢！平日人流唔算多 呢度分左幾個zone，有壽司、海鮮丼食及浜燒 我地就揀左浜燒區～ 值得一提嘅係 呢度個市場有唔少新鮮海產 比大家即買即食 好有水產市場氣氛～<<日本真蠔 $38>>呢款蠔係今個月嘅推介 好肥美，而且蠔味夠濃得黎，又帶鮮甜，加埋酸汁同香葱調味，感覺清新能以$38食到咁高質嘅蠔 真係好驚喜！<<雪花牛舌 $38>>因為係厚切 所以鎖住左肉汁 非常juicy～ 同時亦能保持爽口嘅感覺只需簡單加d檸檬汁 肉香同味道已經好突出<<鰻魚 $78>>鰻魚好厚身，而且鰻魚汁好濃，入口充滿魚香，而且食唔到細骨，冇得彈<<原隻波士頓龍蝦 $218>>龍蝦好新鮮，即叫即烤～ 肉身夠厚實又夠彈牙，入口好滿足！龍蝦膏亦都好鮮味，味道亦帶有淡淡清酒香，簡直一流～<<串燒錦盒 $108>>成個拼盤會包括雞胸軟骨、豬腩肉、和牛肉、大蝦、冬菇 雞胸軟骨好有咬口，入口脆得來又有雞肉香 豬腩肉肥

俗語話：「靠山食山，靠水食水」，去到灣仔碼頭食水產好符合「靠山食山，靠水食水」理念，望住海食海鮮感覺特別舒𣈱水產市場正正位於灣仔碼頭樓上，位置距離地鐵站較遠，最方便莫過於由尖沙咀碼頭坐渡海小輪，順道遊船河再食海鮮微信關注築地‧山貴水產市場送免費船票一張入到水產市場門囗，有日本來路貨，零食、水果等等再行入少少先見到餐廳，餐廳劃分幾個區域，有立食壽司、海鮮丼、Via Tokyo (甜品)、浜燒見到海鮮生猛𣈱游，我就去浜燒區食燒海鮮入到浜燒區，凳底可以打開放手袋，都算坐得舒服Menu 除咗燒海鮮，仲有串燒、日本料理。另外可叫壽司、Via Tokyo 甜品串燒錦盒 $108$108有5串有大蝦、豬腩肉、和牛肉串、雞胸軟骨、冬菇。單一件大蝦索價$45，所以$108串燒錦盒性價比高！串燒即叫即燒，須等候15分鐘左右大蝦大蝦size幾大，簡單灑上鹽燒，肉質鮮甜彈牙豬腩肉肥瘦均勻，咬落脂香肉嫩 十分Juicy雞胸軟骨雞胸肉夾軟骨燒，雞胸肉算燒得嫩，連同雞軟骨一齊咬，非常有嚼勁和牛肉串和牛肉味幾濃，但我比較喜歡medium rare，今次對我嚟講燒得略略過熟海鮮拼盤 $398海鮮拼盤有2隻大蝦、2隻活鮑

灣仔築地.山貴水產市場已開業了一段時間， 之前冇乜機會經過， 今日難得來到新鴻基中心見客， 一於同埋同行同事行多幾步路去這地方食個午餐。到達這市場， 除了食之外,還有好多精品和日本食品可購買， 加上他們的秋之祭以Little Twin Stars為主題，份外有氣氛，感覺有如置身在日本當地一樣。這裏食都分開幾個區，有拉麵、浜燒和壽司區, 我們一心諗住食這裡的刺身，當然走到最入的立食壽司居。 店員安排我們坐在近窗面的， 環境超正, 一邊享受美食一邊看到維港景， 簡直雙重享受。午餐有多款選擇， 除了必選刺身壽司定食，還算了西京燒之定食- 鱈魚。 兩款定食都有麵豉湯和沙律,麵豉湯味道太鹹，而沙律用料絶對新鮮。刺身壽司定食賣相吸睛， 每一層都放了不同的壽司或刺身， 加上旋轉木梯形，充份表露出每一款壽司/刺身的新鮮美態。 除了形態靚之外,味道絕對鮮甜,絶對是新鮮空運到港不久才有這味道。 加上份量不少的刺身丼，材料勁多，日本珍珠飯微微暖，好好食。至於西京燒鱈魚,燒得恰到好處，皮燶燶地非常香脆可口，加上鱈魚被燒過後油脂分內金香，口感暖滑，入口即溶，一啖魚配上一啖熱飯，味道超正。食到最後，剛剛下午2點

一直知道灣仔碼頭新建了一個築地山貴水產(其實也不新了)，但一直都沒有機會試。最近它跟Little Twin Star聯乘推出配合「秋之祭」主題的食品，全部均以Little Twin Stars作點綴，所以就特地去看一下。 Little Twin Stars 壽司盛 ($198) 這好可愛，以蛋皮當做被子，整道菜包括6款手握壽司，賣相加分但味道我覺得還好。 Little Twin Stars 金箔海膽手卷 ($138) 這海膽手卷的紫菜上印有Kiki 和 Lala的模樣，而海膽味道亦鮮甜，是我最欣賞的一道食物！ Kiki 馬卡龍宇治抹茶雪糕($88) 這抹茶雪糕是由有名的via Tokyo的出品，絕對要試! 濃郁的抹茶味搭配可愛的Kiki馬卡龍。 Little Twin Stars 抹茶蛋糕卷 ($68) 這蛋糕卷是軟跟鬆化的，但我略嫌這抹茶蛋糕卷的抹茶味不夠。 秋之祭直到11月22日，喜歡Little Twin Star的您不要錯過!

灣仔築地開咗都一陣，最近終於有時間去試下，地方係比較難去到，如果喺尖沙咀搭船過去仲方便少少🤦🏻‍♀️入到去都幾多嘢行，我哋望咗陣決定食丼飯，市場喎梗係食魚生。望咗陣兩個都決定食七色北海丼，內容好似好豐富。依度嘅丼飯會配上紫菜，比你勺啲飯落去，加啲豉油同魚生當手卷食。佢哋紫菜非常脆口，仲有本身嘅紫菜香氣十足。兩個人交換唔唔食嘅嘢先記得影相。海膽冇腥氣，一啲苦都冇，非常新鮮。牡丹蝦黏口鮮甜，帶子肉質細嫩。整體份量適中，酸飯帶有微溫，飯粒喺嘴裏回甘。坐喺吧台望住維港，係下午食飯嘅好去處，場內仲有好多商店仔，大家仲可以順手買少少嘢返屋企添。

築地山貴水產市場已經開業咁長時間，期間亦都見過唔少朋友介紹，而我其實都同男朋友入黎見識過，哈哈，只係未試過坐低食飯。呢度面積十分大，分成幾個區域，今日我地選擇嘅係壽司呢邊，位置比想像中多，而且坐近窗邊，對面嘅大樓已經以聖誕燈飾佈置。位於灣仔碼頭，今晚唔知乜原因，坐船免費，偶然遇上呢種小確幸，心情特別好裝潢有日本感覺，樓底夠高，雖然冇對住師傳用餐，但對住海景一樣舒適。餐牌供應壽司、刺身、凍海鮮、生蠔、小菜等，另有數款壽司盛，定價$88-398。豐儉由人，我地點左一款壽司盛、炙燒壽司盛、極上壽司盛，追加一份海鮮泡飯。壽司盛C $88壽司盛有赤貝、北海道帆立貝、甜蝦、赤身、間八魚，整體不俗，以帆立貝、甜蝦最鮮味炙燒壽司盛 $198炙燒壽司盛一共10件：油甘魚、中吞拿魚腩、帆立貝、金線鯛、牡丹蝦、左口魚裙邊、太刀魚，再加3件季節精選。一向都鐘意炙燒壽司，燒過嘅魚少左黏性，但魚油特別豐富，特別香，左口魚邊油脂都算多，牡丹蝦柔軟中吞拿魚我就比較喜歡吃生的，另略嫌飯粒偏硬啲。佢地嘅壽司冇加芥茉，而醬油係用掃上的。極上壽司盛 $398極上壽司盛比較豐富，一共12件：帆立貝、牡丹蝦、鯖魚、左口魚、深海池

東京嘅築地就未曾去過，唯有來香港呢個築地潮聖下。尤記得剛開業時，都引起過熱潮，今日平日晚上時間都比我想像中人多，雖然不至於話要預訂位置。呢度有拉麵、爐端燒、壽司等，我地選擇左有食壽司。店員好快安排左位置，有幸望到海景，環境非常舒適。對住香港夜景食飯，特別開胃點左兩份壽司set，分別係炙燒壽司盛(10件)，價錢係198；極上壽司盛(12件)，價錢係398，總數22件壽司，基本上兩個人食都非常足夠。極上壽司盛有海膽、中吞拿魚腩、大吞拿魚腩、金目鯛、深海池魚、鯖魚、牡丹蝦等等，再加3件季節精選。海膽鮮甜美味，大拖油脂滿滿，口感勁正，好似食緊和牛咁嫩滑。帆立貝新鮮，味道好突出。秋刀魚應該係精選，魚味濃郁炙燒壽司盛(10件)十件分別有油甘魚、中吞拿魚腩、左口魚邊、牡丹蝦、太刀魚等，再加3件季節精選。價錢唔貴，雖然有幾款同以上相同，但火炙過口感同味道都唔一樣，燒過嘅魚生特別香口，有油份，好似火炙吞拿魚，油香四溢，大滿足真蠔最近做緊promote，我地就冇預訂放題，只係點左3隻淺嚐，價錢係38，口感冇法國或者愛爾蘭生蠔咁飽滿同咁重海水味，勝在比較清甜D，食落冇咁大負擔，食多幾隻都冇問題，唔怪得個個點

開業咁耐終於有機會嚟到香港築地，從灣仔地鐵站行過去，因附近有地盤又上又落，真係有啲遠，門口已好有日本feel, 之前有做資料搜集，所以鎖定濱燒區😀門口拉麵區 冰鮮海產❨海鮮價❩活海鮮區新鮮😍鐵板牛舌❨好有驚喜，厚切牛舌❩壽司拼盤❨一般，沒驚喜❩雜錦串燒❨有蝦﹑和牛，雞軟骨，等…❩龍蝦$218/隻，夠新鮮牛油燒扇貝❨麻麻，有啲失望❩日本生蠔❨$39/隻❩好大隻肥美爽口twin star ❨我的童年回憶😀❩

平日在灣仔碼頭坐船時都會見到築地山貴水產市場，但平時都是趕船趕時間，只見到外面是賣日本小食和整間餐廳都充滿日本氣息。今晚有時間在灣仔於是入內看看，原來入面分了幾個區域，有壽司、磯燒、丼飯，如果看夜景的話，一定首推壽司區域，因為就在整個餐廳的最外圍，三面的無敵海景，樓底又夠高，充滿空間感。最抵食的就是$88的壽司套餐，有4款選擇，內有5件壽司，而我自己就推薦壽司套餐D，有海膽、吞拿魚腩蓉、三文魚籽軍艦。軍艦上枱時，紫菜仍是脆的，而海膽則有濃郁的海水味，吞拿魚腩蓉夠肥美，三文魚籽咬下時爆汁。朋友則點了壽司套餐B，有池魚及兩款不同的吞拿魚。刺身盤內亦有最愛的海膽，一片片分明的海膽新鮮、味濃，海膽下面附有海帶，食完海膽後可食少少海帶中和一下口腔的味道。龍蝦湯飯也抵食 ($68)有半隻龍蝦、幾顆蜆及蠔