籽樂廚房 (已結業)

今天晚上訂了一家社企餐廳，大部分店員為聾人或者有特殊學習障礙嘅人士，老闆為了宣揚傷健共融而開的餐廳！服務生都可點了黑毛豬配薯仔，薯仔半個切上碟，很有薯味！黑松露大蝦意大利飯，有五隻大蝦，很爽很好食！黑松露充滿每一粒飯，很香！水牛蕃茄沙律，作為開胃菜很不錯，又厚又juicy 的蕃茄配上水牛芝士很讚！比目魚份量頗大，我們三人share 也夠吃，很好吃整體來說吃了一頓有意義又好吃的晚餐很滿足，為繁忙生活中增添一些色彩

上星期朋友話帶我去間好有意義既餐廳食飯,本身一入餐廳都唔覺有咩特別,去到點餐既時間原來餐廳請左襲啞人士做待應,再望真少少原來係間社企餐廳鼓勵有殘障人士就業,根據朋友所講的確係一間有意義既餐廳.餐廳主打食西式料理,有set有散叫同朋友散叫左一款主菜同小食share.黑松露薯條薯條做底加上芝士再焗,面鋪上既黑松露醬都幾多拉起薯條芝士痴住仲有拉絲效果.薯條份量都幾多,食完其實都飽左5成.主菜既黑松露帶子闊條麵十分有水準闊麵充滿蛋香得黎入口彈牙,闊麵掛起晒松露忌廉汁香而濃.帶子厚實微煎2面,意粉仲有好多菇菌令菌香味昇華.

和老婆去支持一下社企餐廳，一坐下就見到手語小貼士，我們都有學下😂環境寬敞坐得舒服，侍應亦十分有禮貌。南瓜湯：這個南瓜湯好清甜，雖然它有忌廉拉花，但口感不膩，男女佳宜。巴拿馬火腿哈密瓜沙律：我喜歡這款黑毛豬，口感軟滑亦不會過鹹，配上新鮮的沙律菜果然食指大動！西班牙黑毛豬豬勒條（全份）：全份真的頗大份量！豬勒條燒得香而不乾，仍然保持著肉汁，咬下去的肉又嫩又多汁，大讚！👍🏻配上大片的薯仔及瓜菜，吃下很豐足！藍莓芝士蛋：想不到甜品小小的份量也出色，芝士味濃，口感香滑，為一餐畫上完滿的句號。

一向都支持社企餐廳，這間新開的當然要捧場試試！一進入的環境寬敞、寧靜，很舒服的感覺！廚房用透明玻璃隔著，食客可望到入面情況，感覺衛生。喜歡壁上的圖畫及有意義的字句。南瓜濃湯：一見到湯的拉花，已覺得好靚，覺得有心思。南瓜湯清甜不膩，配上香脆的蒜蓉包，很快便吃光光。巴拿馬火腿哈密瓜沙律：沙律菜清甜，配上酸酸甜甜的黑醋汁，很開胃！巴拿馬火腿不會太重口味，配上甜甜的哈密瓜，感覺清新！黑松露意大利飯：一上桌已香氣撲鼻，見到滿滿的黑松露很滿足！入口忌廉味濃，黑松露味道突出，還有不少爽口的菇類，喜歡吃黑松露的人必然大滿足呢！士多啤梨泡芙：入口即溶，有士多啤梨香味，甜度適中，為晚餐畫上完滿的句號！☺️整體來說，食物質素高，有驚喜！

今天晚上，與奶醬多公主一起走到山林道吃這一家社企餐廳「籽樂廚房」，乘搭電梯上到該層便看見了一面手語教學的牌。坐下來便和奶醬多公主每人點了一份晚餐，我點了A，她點了F,首先上的是廚師精選餐湯。廚師精選餐湯這份餐湯的外觀一流，味道也不錯，可是我和女朋友都估不到是甚麼湯，最後也忘了問究竟是甚麼，跟著便是美味的蒜蓉包，吃下去已經不錯，嘗試點了點湯再吃，還是覺得原汁原味好吃點。再來的是巴馬火腿伴蜜瓜田園沙律配無花果醋汁一片火腿夾起一片蜜瓜吃，味道又頗配合，雖然我不是太愛好那些伴菜，但整體也算不俗。再上的就是安格斯芝士漢堡配薯條超巨大的漢堡，切開一半與奶醬多公主並享，就算是一半也吃的很飽，安格斯牛肉是漢堡也還真的大口大口肉吃。一份晚餐已經很飽，像這樣的社企有時還真是很難經營，期望更多人可以多多支持。

呢間餐廳既晚市，單點野食同set dinner都有好多款可以揀。因為見set dinner有齊包，沙律，餐湯，主菜，甜品，餐飲，非常豐富，所以點左份Main Course係”BBQ汁燒原條西班牙黑毛豬豬肋骨”🍖的set dinner，而且還可以加點六隻雞翼，好正😋Daily soup🍲係蘑菇忌廉湯~吃到有粒粒蘑菇的，唔會係糊狀，係好香滑既濃湯Appertizer蒜蓉法包🍞🥖🥯，整得外邊脆脆的，內裡則能保留著包身既鬆軟。這樣，把它沾一沾湯時，包身能夠吸入更多湯汁，與包既蒜蓉混合中和，濃香且不膩。沙律都有三款咁多既選擇。點左個”巴馬火腿伴蜜瓜田園沙律🥗配無花果黑醋汁”。因為呢款配搭，算是比較少可以在其他餐廳的set中選擇到的，值得一點呢。果然，有香甜蜜瓜片配埋少少鹹的Parma ham，感覺好清新。黑醋汁可能因為有無花果，所以唔太酸，幾易入口。Main Course”BBQ汁燒原條西班牙黑毛豬豬肋骨”🍖🍖，餐店好體貼，可以只點半份的rib。上了菜發現真係好足秤，貨真價實，半份的份量也不少，女生食也很合適吖。Ribs的肉煮得不錯，肉質多汁唔老，好輕易就切到。加上塗左好味的BBQ汁，也不會太油

朋友喺佐敦做野，介紹我黎呢間位於山林道既社企食西餐。間野喺大廈 3 樓，幢大廈就麻麻地，比較殘舊，好彩呢間社企裝修就唔錯，簡約、舒適，可能係因為新開張，個位置又較為埋便（不過都易搵、近地鐵站），客人比較少，反而造就到一個好寧靜既環境，俾我同朋友傾心事😊👭我地兩個人，點左個 12 吋北京烤鴨胸芝士薄餅同黑松露帶子寬條麵。食物既份量好夠，我地兩個人，本來諗著食唔晒打包 pizza，但考慮到隔夜 pizza 冇新鮮焗咁好食，唔想浪費眼前既美食，所以食晒先走，走時個肚脹晒，好滿足😆😋 另外，特別推介個寬條麵，三粒大大隻帶子，啲寬條麵好煙靭，配合埋黑松露同蔬菜，食落有一種清新既感覺，正😋👍🏻我地一黎到，見隔離枱食緊個巨型斧頭扒😱下次一定要約多一兩個朋友，一齊食呢個餐😋💪🏻💪🏻

今日經朋友介紹黎左這間餐廳試試，他們說這裡環境舒適，食材優質這裡價錢適中，單點會便宜點，但set dinner有4 courses,幾吸引，晚餐就食好一點吧!蒜蓉法包上菜時多士是熱騰騰的，脆卜卜南瓜餐湯餐湯表面有忌廉的點綴，味道不錯，但少少薑的味道，明顯廚師在調味想下了功夫巴馬火腿伴蜜瓜田園沙律配無花果黑醋汁估唔到呢個價錢都可以食到parma ham,而且我幾鍾意這個無花果黑醋汁，不會像平時的千島醬或沙律醬一般油膩黑松露野菌意大利飯欣賞它的醬汁，黑松露味重BBQ汁燒原條西班牙黑毛豬豬肋骨雖然係半份，但係其實都好夠食! 如果三四個人share可選擇全份。醬汁帶少少辣，肉質好tender，鮮嫩，大滿足最後有朱古力brownies

喺香港好少有社企餐廳，聽講佐敦開咗一間新嘅社企餐廳，聘請了弱聽人士為侍應，而餐廳亦有唔同嘅海報和標示教導客人如何使用手語，頗有意義的，於是今日就同朋友嚟試試。睇一睇Menu，有set dinner和A la carte,set dinner大約二百幾至四百幾元左右，選擇都幾多。首先前菜有蒜蓉法包和南瓜餐湯，個人幾欣賞餐湯，除咗賣相精緻之外，味道亦很香濃。之後我叫咗煙三文魚田園沙律配柚子沙律醬，感覺好清新，而且份量多，食完已經有少少飽飽地。黑松露野菌意大利飯黑松露同野菌呢個組合一定唔會有錯，好味道濃郁， Risotto的軟硬度剛剛好，好食!!甜品方面，我哋叫咗朱古力brownies和士多啤利泡芙,正!

同朋友係尖沙咀想搵間靜靜地既餐廳，山林道出名多野食，就搵食到呢到了。得知佢係一間社企，一入門口就有手語小貼士幫助落單餐牌都好一目了然空間超大坐得好舒服，侍應既服務係101分，超級貼心同熱情，細心既程度係你都無諗過佢已經幫你做到，例如上湯會拎多隻碗比你share,見你隻叉污jo左會自動換過隻比你，好欣賞佢地。最先上菜既係餐湯同蒜蓉包，餐湯夠濃食得出有洋蔥同蘑菇；蒜蓉包外脆內軟，牛油超多好香口！沙律汁酸酸地好開胃，煙三文魚份量岩岩好，而菜都好新鮮，唔會苦。主菜叫左個5成熟肉眼，扒肥瘦平均，都唔會太un，配上紅酒汁真係好夾。佢既配菜有翠肉瓜同薯仔，都好飽肚。無骨雞脾肉個雞皮煎到脆卜卜，但唔油膩，雞肉亦都好滑，螺絲粉係有大量芝士味，feel到佢有焗過，好有心思。最後以brownies畫上句號。brownie入面有好多果仁粒粒，好有咬口，亦唔會太甜。總括：呢間餐廳令人非常滿意，食物味道唔錯，服務更係一流，值得社會更多人支持呢種餐廳！

路經山林道 無意中發現了這家社企餐廳 決定一試餐廳環境幽靜 有露台面向山景 落地玻璃設計增加採光 在這裡一邊聊天一邊進食感覺很舒服 不能不說的是餐廳員工都很貼心服務 食物水準都超過預期 食材新鮮 擺盤用心 很喜歡這餐廳 十分推薦 我一定會再來！

要不是朋友話要食，真係好少黎尖沙咀呢頭呢，更加估唔到呢到有間咁好既餐廳。籽樂係間社企餐廳，部分職員係有聽障的，為左方便客人同店員溝通，牆身有教大家用手語落單呢，有興趣既朋友可以試下跟住做呢。雖然是社企餐廳，但服務，餐單都一啲唔馬虎，唔會因為社企而降格，而且地方好闊落，又落地玻璃，氣氛相當不錯。香煎帶子沙律配柚子汁 $88帶子好大粒，肉質幾軟滑，外層香脆。配柚子汁都幾特別，好清甜，沙律菜夠新鮮不苦澀。墨魚仔墨魚汁意大利飯 $168小墨魚好有彈性，墨魚汁都很香濃，意大利飯煮得剛好易入口好入味，唔會太膩。香煎鵝肝忌廉汁意大利飯 $198我就衝住煎鵝肝點的，好香鵝肝味，入口即溶，好滿意！燒澳洲羊扒伴黑椒汁 $198老實講，我平時是唔中意黑椒汁的，但朋友說想試就點了。結果比想像中出色，羊味很突出，不會被黑椒汁遮蓋哂，肉質鮮嫩沒有羊羶味。配菜亦同樣同色。

是日朋友生日，因為佢好西餐，所以就揀左喱間餐廳同佢慶生啦！餐廳位於一幢新建的商廈入面，樓下大堂都好企理大體！上到去一出𨋢就見到一個屏風，上面掛住一些手語的介紹，侍應大部分都是聾啞人士，每次與她們溝通都需要用手語示意，好睇餐廳會提供一些手語教學俾我地參考，落單成個過程都好順利！餐廳環境都好寬闊好舒服，好有私人空間！我地叫左一個二人套餐，仲upgrade左2款小食～～蒜容包外脆內軟，仲有濃濃既牛油蒜香味！最緊要係個包仲熱既！南瓜湯我就覺得麻麻地，皆因薑味太重，但整體都幾香滑既！風乾火腿沙律 & 煙三文魚沙律，不過不失！蜜糖黑松露雞翼，我都喜歡！因為有很濃蜜糖味，但就食唔出有黑松露的味道。芝士焗生蠔，都不錯！如果蠔肉可以大粒d就好了！大蝦咸蛋pizza都幾特別，餅底好似餅乾咁脆，上面就像是黃金蝦的味道！龍蝦配香煎龍利柳，龍蝦都幾多膏，如果再大隻d就更好！龍利柳就比較偏咸，下次或許會試下其他選擇！整體來說，喱餐都滿意既！最緊要係學懂了一點點手語！學以致用！

話說早排聽到朋友介紹話尖沙咀有一間值得推薦嘅餐廳，咁我就梗係去試一試啦，去到果然冇令我失望，餐廳枱與枱之間好闊落，我就order左一份芝士忌廉汁雞脾肉螺絲粉，我order嘅係一個set，所以有埋湯同餐飲同埋蒜蓉包，主菜嚟到嘅時候芝士味好重雞脾肉做得幾滑，果然係高水準，細心啲去諗有陣時社企餐廳比坊間一啲西式餐廳做得更加好，因為佢哋每一個人都係攞住個心出黎做，唔會Hea做，呢樣野我好欣賞佢哋，大家都不妨支持一下呢一間社旗餐廳。

因為朋友強力推介，所以選了籽樂廚房，到達後才發現是一間社企餐廳。 因為貼心的服務令我寫下在openrice的第一篇分享。因為大家之前就各自想好要食些什麼，所以我們沒有叫dinner set，另外每人再叫了飲品。德國黑椒豬手黑松露蜜糖烤雞翼（超級推薦，我們叫了兩碟）墨魚仔墨魚汁意大利飯黑松露芝士薯條北京烤鴨胸芝士薄餅食物很有水準， 網上訂位有85折，即是免加一外，還有折扣，抵食~大家都說要推薦給朋友。到了晚餐的尾聲，我苦惱着如何不動聲色地通知職員拿出蛋糕，此時我與一開始接待我的職員對視，我祈求着對方能接收我眼神中的訊息。他若有所思地轉過身，和同事說了幾句就走了。他接收我的訊息嗎？我要扮去洗手間嗎？但壽星很有眼力， 那麼就不會有驚喜了。在我忐忑之際，我看到職員從遠處捧着已點上蠟燭的蛋糕走過來。我留意到職員的用心，她把生日牌背向我們，直到我們唱起生日歌、職員把蛋糕放下，壽星才知驚喜已經來到身邊了。你可以做一個選擇，作出改變。「今晚去哪裏吃？」你不會還在考慮吧？