籽樂廚房 (已結業)

黎到尖沙咀既銀座38，地方都幾偏，不過呢座野都唔少餐廳。見到有間叫「籽樂廚房」既西餐，所以一於去試試佢。上到去先知，原來佢係良企社企，請一d殘疾人士黎做野，等佢地都有工返環境方面裝修感覺都好high class，又清靜，燈光都唔錯，岩曬情侶黎，浪漫食下西餐。佢d枱都幾大，枱與枱之間，都間得幾開，所以傾計唔驚比人聽到，無曬私隱☺️食物方面1）燒豬肋骨，我地叫左半條份，$298，份量真係好大份，真係成條豬肋⻣既一半長度，兩個人先僅僅食得曬，味道唔錯，又入味。而且佢肉質唔會似煲湯豬肉咁，仲有少少彈牙，juicy。2）燒雞翼，燒得唔錯，外脆內嫩，而且加左d黑椒幾惹味。略嫌就係腌既時間唔夠長，入面唔太夠味。不過整體都算okay去支持下社企，幾做到好野，何樂而不為。

星期六下就來，整體感覺不錯。來的時間，沒有訂位，但係很多位置，空間很大，環境舒適。set包括了餐湯和蒜蓉包。滿分。兩者的賣相和味道也很不錯。未食，己經聞到陣陣香味。尤其是蒜蓉包，邊皮脆，中間包很香軟。冷面也很不錯。很開胃。不過最好吃還是比目魚。香軟，啖啖魚肉。淨食魚都飽了，份量很夠。不過稍為多油。跟餐加十五蚊，有蜜糖雞翼。以為得一隻，點知有兩隻，算係好平了。味道不錯。在休閒的中午，享受了一個吾錯的午食~

今晚黎到籽樂廚房，一早book 定位因為諗住支持小店～環境好舒服，唔會將d枱排到密麻麻，空間感好好，仲可以睇到廚房入面煮野野～餐湯係蘑菇湯～我地落單都冇咩難度，因為都係指就ok,店員都非常之醒目！溝通冇難度！個湯都creamy~ 好濃蘑菇味！蒜茸包～好怕食到一d蒜茸包係唔夠蒜茸，呢個包就非常之夠蒜茸，薄身得黎都夠脆！一流！Pama ham salad! 呢個沙律真係唔錯，pama ham 連蜜瓜食唔會太咸同漏！黑醋汁帶少少杰身，撈沙律菜一流！好怕食唔新鮮既沙律，但呢一個完全唔會！雞翼：一客雞翼有6隻～佢同出面d雞翼唔同，比較大隻同飽滿！正！唔淨止皮有味，入面d肉都好有味！熱檸茶：用左lipton 茶包，可以再加水續杯解一解飽滯感～豬肋骨：叫左半份....但係都超大大大份！差d食唔哂！肉質唔會太un,少少痴住骨就最perfect!甜品係brownie... 好正呀！ 充滿朱古力味，重點係品會太甜！正！服務我會俾200分！因為每食完一味職員都好醒目換上新碟！支持社企！

這間社企餐廳「籽樂廚房」，提供給失聰人士自力更新機會，推動聾健共融，意義重大。餐廳環境舒適，座位寬闊，配合柔和燈光，氣氛柔和。餐牌主要有沙律，前菜，主菜，意大利飯麵，薄餅及甜品等。飲品有檸茶，朱古力，多款特色咖啡，花茶，啤酒，紅白餐酒應有盡有。最美味是“香煎帶子淡蝦醬意大利飯”這個意大利飯給我感覺是創新。首先米飯軟硬適中，入口有香軟，每粒飯均沾滿濃香而不太鹹的蝦醬汁，份外惹味，帶子大粒，簡單香煎能夠突出鮮甜味，回味無窮。

好喜歡這間餐廳能夠咁有責任任，讓聾啞人士可以有工作及服務客人的機會，社企餐廳好值得支持！這裡的環境寬闊簡約，簡簡單單又乾淨，給人舒適輕鬆的感覺！服務人員都好有禮貌，雖然有的是聾啞人士，但還是很用心服務客人，送餐收碟都好勤快，是香港人要好好學習好好感恩的榜樣！我見到這裡的老闆娘很用心地介紹菜式及甜品與客人，服務超好！食物多選擇，有扒類、沙律、小食、薄餅、意粉、意大利飯等，是西式餐廳！1. 小食香煎帶子沙律配柚子汁：香煎厚身帶子2大粒，煎得外脆內軟剛剛好，不同色彩的沙律蔬菜好清新爽脆，車厘茄甜美皮爽，健康又開胃！2. 主菜：香蒜辣椒大蝦螺絲粉：大蝦好多隻又爽口新鮮、配有香口菇類、一絲絲的微辣爽脆的紅辣椒、軟硬剛好的螺絲粉，愛微辣者這個真的必點，口感超好！3. 主菜：燒澳洲羊扒配黑椒汁：香羶有羊味，5成熟(medium rare)，燒的恰到好處的羊扒好正喔，中間部分帶有微紅外面剛熟的口感，單食已經好夠味，配上拌上的黑椒汁更是香濃好味，配菜有香軟燒薯仔及多汁的翠肉瓜！好抵食又推薦的

今天家人放假，我便帶他們到尖沙咀逛逛街，媽媽想吃西餐，我便在附近找了一間西餐廳，上了去之後，原來這間是社企餐廳，我之前只惠顧過一間社企餐廳在旺角的，尖沙咀這間真的未試過，可以上去試一試，經過我們商討後決定一試。 上到去後安排了座位，我們便開始選菜式，選了一個飯、一個沙律、一個意粉，分量都足夠我們三人吃。 因為我屋企人都很鍾意吃帶子的，所以兩味都是帶子。 香煎帶子沙律配有子沙律汁帶子非常大粒，很爽脆香煎帶子淡蝦醬意大利飯這菜上的帶子是香煎的，有別於上一道菜的帶子，這些帶子非常香加勒比海飛魚籽煙三文魚白酒忌廉汁意粉煙三文魚和醬汁都非常配合，配得非常好用

今天和朋友在尖沙咀逛街，當走到山林道銀座38號，走進了一間社企樓上西式餐廳，當初都不知道是社企開的，後來有個侍應走進來告訴我們黑色衫的同事是聾啞人士，有需要的話可向他做手語。座下後開始點餐原來有單點或套餐，我們點了一個套餐，套餐包括廚師精選餐湯、蒜蓉包、黑松露野菌意大利飯、煙三文魚田園沙律配有子沙律汁、藍莓芝士餅、兩個人都夠吃了。雖然是社企餐廳，但是水準非常高，無論是服務、食物質素和環境都十足高級餐廳一樣，雖然裝滿了人，都十分寧靜。

懶人包：份量大、落足料、好食。▼▼▼詳情▼▼▼今晚同朋友來到山林道搵食，試下呢間社企餐廳。值得欣賞嘅地方係店員非常努力工作，亦有提供簡單手語教學，落單至到埋單離開都俾到好溫馨嘅感覺，社會上應該要多啲互相支持。前菜係蒜蓉法包（4塊）加餐湯。塊包脆卜卜，暖暖地嘅；湯就係廚師精選餐湯，次次都唔同款嘅，我地今晚飲嘅係蕃茄忌廉湯。我就鐘意一啖包一啖湯，個湯賣相好靚，拉晒花咁，影相放ig都好吸引。而且用料都好足，每一啖都好有質感，絕對唔係加水呃你秤。沙津有3揀1，我地叫左個 巴馬火腿田園沙律。巴馬火腿有夾埋蜜瓜，一啲都唔怕過咸，好好食；個醬係用無花果黑醋汁，食落開胃啲，沙津菜都唔苦，大大碟，好健康。朋友叫嘅沙津我覺得仲好食：煙三文魚田園沙律，佢配柚子沙律汁，2粒煙三文魚都圈得非常大舊。 拆開來睇，佢係3-4塊三文魚一齊圈做一舊，而且每塊都有厚度，即時覺得好抵食。主菜方面，朋友嘅 安格斯牛肉芝士漢堡，叫左5成熟，牛肉係非常大舊，成個漢堡其實都非常大份！牛肉煮到淋淋地，仲有啲肉汁流出來，夾埋芝士一齊食好正。 伴碟既薯條都多，值得推介！我就要左碟 去骨雞脾肉螺絲粉，個芝士忌廉汁非常好味，好creamy

十一良心消費模式，意即十餐外出用膳中，其中一餐選擇幫襯社企餐廳。而社企餐廳多為良心企業，佢地會聘請弱勢社群既朋友，等佢地可以自力自強。而籽樂餐廳既服務生都係弱聽或失聰人仕，餐牌上亦有小量手語介紹，以方便大家學習如何去逆地而處去溝通。餐廳廚房屬半開放式，根本上可以一覧無遺地看到廚師們烹調食物，可以稱得上食得安心又放心。特別推介他們的蒜蓉包，在小細節中見真章，蒜蓉醬滿滿，香氣四溢，鬆軟可口。另外，還有去骨雞腿肉配芝士忌廉汁螺絲粉真的不可不提，因為它是加入了藍芝士，口味香濃而順滑，配上螺絲粉簡直可以以最大幅度黏滿濃濃既芝士醬，簡直跌入咗芝士既天堂一樣。(當然抵受不住藍芝士的朋友要小心啊) 不過甜品就有待加強了。

山林道有好多美食好多人未必知道，最近聽到原來呢到都有社企餐廳，而且係聾啞人士有份幫手既西餐廳，所以就同朋友一齊來試下，也支持一下本地的社企。因為在香港呢個地方，要持久營運一盤社會企業生意，真係唔簡單，真係要靠多D本地人支持先得~!餐廳地點交通方便，地鐵出左行入山林道就到，沿途有好多餐廳，真的目不暇給，在一幢好高既銀座大廈3樓，就是今日我地既目的地了。上到去餐廳既空間感好強，設計是簡約舒適風格。一入去就有同事招待，也見到有年青的學員在實習。晚餐套餐都是四道菜的MENU，價錢由$238-$308再加一，包一普通飲料。是日餐湯是非常濃郁的蕃茄濃湯, 好多蕃茄肉，口感好RICH, 大愛~!!呢個餐包蒜泥多士真係一絕，好香蒜味，兩片多蒜另兩片就少蒜，適合不同的人士。煙三文魚沙律，玫瑰花形的三文魚好靚，而且好別緻，廚房的朋友真的很用心製作呢哈蜜瓜巴哈馬火腿沙律，配既沙律醋汁醬甜酸開胃。黑松露野菌意大利飯$238 好CREAMY，而且飯粒煮得煙革刃有口感，質素唔錯。安格斯牛肉芝士漢堡配薯條$268，好大份又好厚的牛扒，蕃茄也是厚厚的，美味的芝士夾埋都非常可口。咖啡香濃不用加錢，好飲。甜點有3款可供選

讚：1. 環境相當寧靜，樓底高，尖咀佐敦一帶有咁既環境都相當少見2. 社企點都要加分3. 豬手唔錯噃，皮彈肉香，入味，做得幾好彈：1. 燈光暗，但環境又唔係西餐廳格局，而似Cafe，有啲兩頭唔到岸2. 失聰侍應既制服最好明顯啲，初初真係唔個係邊個唔係，我點菜時係對住餐牌講野而唔係對侍應講野，所以佢讀唔到嘴脣，最後要另一位同事黎救場3. 味道有進步空間，餐湯同沙律最差，湯仲有粉粒，大哥你唔係金鳳啊；薄餅餅底係薄得黎無質感，坦白講幾港式，如果係cafe都算，但賣成百幾時，就要有番啲講究可以幫襯一次，但無乜返轉頭既原因

社企餐廳，幫助聾啞人士自力更生，咁有意義嘅餐廳當然要大力支持。餐廳環境闊偌，午餐時間都唔少捧場客，入座後店員會送上餐牌。因為有部份員工係聾啞人士，所以我哋要運用手語同佢溝通、落單，因為有餐牌嘅輔助，落單過程其實都非常順利，溝通係冇問題的。店員首先送上熱辣辣嘅蒜蓉包，份量比想像中多，一人可以食到兩大塊蒜蓉包。蒜蓉包脆卜卜，味道香濃，一向唔食蒜蓉包嘅朋友都大讚好食。今日嘅餐湯係南瓜湯，賣相不錯，湯底口感比較濃稠，有南瓜同埋奶香，味道天然，唔會太甜。豬手表面香脆，內裡啖啖肉，而且份量十足。豬手肉質香嫩，有油香，附上嘅黑椒汁黑椒味突出，味道香濃，令豬手味道更上一層樓，而作為配菜嘅炸薯仔都相當好食！無論口感定係味道都冇得挑剔，呢個質素黎講，價錢亦都算合理。另外我哋都點左一份魚柳配意粉，意粉撈味酸甜嘅蕃茄，開胃之餘，味道亦都唔單調，濃淡比例啱啱好。魚柳亦相當出色，外皮微脆，魚肉有經調味，食落有淡淡的香草味，兼保留左魚肉既原汁原味。魚肉嘅口感香滑，鮮嫩，即使唔蘸上任何醬汁亦已好夠味。以後黎尖沙咀，都會考慮多啲嚟呢間餐廳食野，一黎支持社企餐廳，二黎呢到這食物質素相當令人滿意！

其實都好少幫襯社企餐廳今次就去左呢間籽樂廚房食晚飯聽朋友講d野食唔錯 環境舒服佢係佐敦銀座3樓 門口手語嘅板 都幾得意餐廳地方好闊落 有空間感廚房係用左透明玻璃窗設計 望到入面嘅情況所以我地食得好安心 因為入面好乾淨我地兩個女仔叫大一個芝士咸蛋蝦pizza dinner set再加多4隻芝士焗蠔 朋友係生蠔愛好者有鮮味得黎又有芝士 兩個味道恰好平衡而我就比較鐘意個南瓜濃湯滿滿都係南瓜味 好滑 好滿足🤤個pizza都得左15-20分鐘 芝士同薄餅之間有層咸蛋黃 上面有蝦食落呢三種味道又意外地夾竟然比我地食晒甘大嘅pizza😳最後嘅甜品叫左藍莓芝士蛋糕唔會好甜 岩岩好 最欣賞係裝蛋糕嘅雲石碟係雪過黎保持新鮮度 細節位唔錯😳

今次去到佐敦依間入聘請左聾啞人士嘅社旗餐廳，食飯享受食物之外仲可以做有意義嘅事，真係食得特別開心🥰========================香煎帶子淡蝦醬意大利飯🍲 $168蝦醬味聞落香濃但食落又唔會太重口味，反而淡淡地；飯粒質感軟硬適中，連同略為稠身嘅醬汁同爽脆嘅三色椒同雜菇一齊煮味道郁濃吸引🤤帶子雖則細隻咗啲，但食落頗為彈牙爽口唔錯😋========================12吋巴馬火腿芝士薄餅🍕 $188巴馬火腿同芝士係作為薄餅配搭曾到絕都唔係第一日知，所以今次呢個薄餅令我大開眼界嘅唔係佢嘅餡料你係佢嘅批底🤪佢嘅批底用咗薄批，真係好似餅乾一樣咁脆口又唔會硬到似石頭☺️佢嘅餅底真係令人食上癮🤤鹹鹹地嘅巴馬火腿配埋酸酸甜甜嘅番茄醬同芝士食落不愧係薄餅必叫款式之一🍕 ========================巧味道指數👅：👧🏻👧🏻👧🏻再食過指數🏃🏻‍♀️：👧🏻👧🏻👧🏻錫荷包指數💸：👧🏻👧🏻服務正指數👩🏻‍🍳：👧🏻👧🏻👧🏻👧🏻環境靚指數👀：👧🏻👧🏻👧🏻========================📍 籽樂廚房 (尖沙咀)尖沙咀山林道38號銀座38 3樓=========

餐廳係3樓 一上到去就會見到呢個牌 感覺好warm香港有好多歧視情況 但係呢到大家都係一樣😬我從來都冇留意過社企餐廳 今次同朋友來 環境比預期中好 有梳化枱而且唔迫 服務態度好好 實在令我眼前一亮🤩不得不讚 個蒜容包 好正！ 南瓜好多地方都有但係呢個入面加左姜 個味道更加好飲 係呢啲細節已經睇到好有心思！澳洲肉眼牛扒配 紅酒汁($188)牛扒唔會好乾 肥瘦好均勻 牛扒表面上仲有黑椒因此牛扒就唔會冇味 配埋紅酒汁 100分👅👅黑松露意大利飯set($238)出邊街食意大利飯通常份量都好少 但係呢度嘅份量都十分大 夠我同朋友share食 返入面有蘑菇同其他好多唔同品種嘅菇 好足料！而且呢邊仲有啲擺設令到成個飯望落去好精緻🤩🤩個飯好重黑松露味亦唔會太咸 大大推介