粵廷軒海鮮火鍋酒家 (已結業)

呢幾日天氣轉凍啦，又係時候打邊爐！！！今次更有朋友帶我去食好野，係就係貴DD ，但質素與價錢係成正比架，食過就會即時覺得值左麻辣木耳一坐低就有小食。麻辣木耳喜歡食辣野嘅就一定唔會鍾意食， 麻辣嘅感覺真係好過癮秘製香炸松露餃你個餃真係不得了，係好食到不得了一上枱陣陣嘅黑松露味，已經吸引死我啦 而且仲係熱辣辣。一咬落去，香脆嘅聲音好悅耳內涵仲勁足了添 黑松露味更即時湧入我嘅口腔 真係必食必食打邊爐就打得多，第一次食「佛跳牆湯底」有翅，有原隻鮑魚，有雞，有花膠， 有響螺片，有冬菇等等。真係不得了！！一上台個下真係「嘩」左聲出黎等佢滾起咗之後，真係忍唔住一人一碗湯底飲咗先啦 好鮮甜呀 根本成個湯底都食得， 成個湯底就係一味餸👍 真係不得了深海水晶蟹（凍蟹）+加拿大海膽當係有兩種食法，第一種將蟹肉拆散做成沙律， 再用青瓜片做底， 再將蟹子同金箔加上上面，一口蟹肉沙律， 多重口感新鮮美味第二種就係直接拆殼進食，直接感受蟹肉的新鮮鮮味三層嘅加拿大海膽，加上蟹子及青瓜， 非常有滿足感，味道中好鮮甜， 一匙之後再一匙， 真係食唔停口打邊爐又點少得牛呢，呢盤3層的「嚐牛尚品」， 有牛不同嘅部位， 有牛白肉

佛跳牆呢一個名已經頭精彩，如果用佛跳牆來做火鍋湯底你話係咪10分驚喜呢？今次嚟到山林道嘅呢一間火鍋酒家，俾佢嘅佛跳牆湯底深深吸引。湯底一嚟到嘅時候首先呢會係未加湯你會清楚見到裏邊有數次啦原隻鮑魚，嚮螺片，花膠，冬菇等等。淨係視覺已經夠吸引。花膠同鮑魚絕對祝秒仲有十分之豐富嘅響攞片同樣好美味，成個湯底都食得。正係煲緊呢個甘正嘅佛跳牆湯底時間，我地點左呢個新鮮毛蟹同海膽刺身，呢個仲精彩啦！新鮮嘅蟹腳肉拆晒出嚟做沙律鮮甜美味，每一匙都好似座山咁高。用上大大件嘅加拿大海膽，每一匙都有兩大片，上邊仲有美味嘅蟹子同金箔，矜貴得很！中間呢就會見到蟹嘅學啦拆晒高出嚟俾我哋食架啦！蟹生身就無拆肉，喜歡吃蟹嘅朋友極速清啲！大贊十分之鮮甜肉質結實！小食係我地點左呢個炸黑松露集菌餃子，呢一度嘅食物用了全部都高級又矜貴，不惜工本咁樣落好多香味四溢的黑松露醬，炸起嘅餃子，外脆內香。嗰種黑松露嘅味道散發，成間房都聞到！咁落重本嘅火鍋店果然有料到。食完個小食黑松露餃子唔夠喉，立即點左個黑松露拼盤，拼盤有雲吞啦餃子等等，同樣都係每一件裏邊都包住豐富嘅餡料同埋黑松露醬，務求令到你覺得每一啖都充滿濃郁嘅黑松露味道，要讚一讚

一大班人最啱就去打邊爐可以慢慢傾計又可以飲下啤酒咁樣，講下啲八婆野，幾舒服啊。今次打個邊路認真打得好有水準，好少可以食到咁有水準嘅嘢，你都可以講話係一分錢一分貨。做嘢甘辛苦，食得好小小唔過份嘅。叫咗兩個湯底呢度嘅湯底都係比較特別嘅，一個就係迷你嘅佛跳牆湯底，另一個佛跳牆。入面真係有鮑魚魚翅架，用料好珍貴。建議大家打邊爐之前先飲一飲佢個湯底 咁樣先可以原汁原味飲到拒d珍餚嘅精華。入口既鮮甜又養顏喎。另外就叫咗個冬陰公嘅湯底，呢個冬陰公湯底真經典啊。見佢上面已經有一齊紅油，火紅紅咁樣，以為佢好辣啦，但係又唔係喎，反而係佢嘅椰汁味同埋佢嘅酸味好出，正宗冬陰公湯，非常之正。入面仲有好多大蝦，好足料。豬同牛係我嘅心目中一向都係最佳嘅拍檔，打邊爐缺一不可。首先講吓牛先，呢一拼盤有三層，有牛嘅唔同部位，可以一次過試晒幾種唔同嘅肉質，特別推介就係佢嘅牛肉粒，煮嘅時間可能需要耐小小，但係食嘅時候肉質完全唔會un，一入口啖啖嘅牛味湧出來嚟，仲有脂肪香。豬呢個拼盤就真經典，除咗有唔同部位嘅豬肉之外，佢仲會有一啲好特別嘅部位。例如白色呢一個豬天梯，食落去好爽，呢個部位唔係普通係街市就可能買到嘅部位。一定係要經

本來想食臭臭鍋，但要排長龍，帶住個囡又唔想等，就去咗山林道尾間火鍋，諗住有代客泊車方便啲。去到發現餐廳轉咗名，入到去仲要無人，係一枱位都無，心諗會唔會伏咗。忍唔住問吓伙記點解星期日晚都咁靜同埋係咪轉咗老細，佢地話係同一個老細但轉咗名，星期一至六係爆到七彩的，只有星期日是咁靜.....黎到又無理由走返出去，咁又試吓啦，好又一餐唔好又一餐。囡囡鍾意食菇，叫咗個舞茸湯底，用咗好多種菇，菇味好重，湯底清甜，感覺貨真價實，試過湯底都幾好，個心都踏實咗啲。響玲是即炸的，上枱時仲係熱的，沾甜酸醬又脆又好食，囡囡毫不客氣地食咗一條，如果唔阻止佢的話，佢係會成碟食哂。田雞的新鮮程度係上枱時仲郁的，雖然真係好新鮮，但的確有啲核突同恐怖的。可能因為新鮮的關係，肉質是非常非常爽口的。雲吞拼盤有4款唔同味道，味道唔錯但就無乜特別。稻庭烏冬是攞貨的，頗爽口，囡囡食咗2/3個。超甜粟米無違反商品說明條例，真的非常爽甜，正！打邊爐點少得肥牛，這裡牛的選擇很多，根本無從入手，因為主要得我地兩公婆食，又不想太貴，就選了個本土手切肥牛。賣相不錯，食落都有牛味，又無乜筋，唔錯！老公鍾意食辣，加錢要咗個麻辣汁，比想像中好，麻得

行過山林道， 始終都係對火鍋念念不忘。見到粵廷軒話全新改革，一於一行，為食四人入去試一試直接入煮題！老土都要講一句，打邊爐最重要緊係湯底。睇餐紙見選擇甚多，由最高貴佛跳牆，到最清食鮮味既清湯都有。價錢當然都有平有貴，風儉由人。黑松露菌皇湯底但由於本身自己係一個黑松露控， 一見到就即刻忍唔住要叫黎試下。 一黎到睇真佢真係用黑松露切片！淡淡青香，超讚！海膽拉北海道牡丹蝦唔需多講，新鮮！ 一放入口海膽既鮮味即刻融哂係口！ 必試黑松露炸餃等緊黑松露湯底滾起時， 作為一個黑松露愛好者，黑松露炸餃絕對都係必需。 店員細心講解每一款餃子都係自家製， 一食入口 食得出係有用心。 食完一碟真係忍唔住想叫多一碟， 但係知道好戲在後頭。 一圍邊爐，通常都總會有幾個牛魔皇！ 細心店員再度出場， 為我地講解每一個唔同部位既特質，推介佢地既嘗牛尚品，有齊牛肉各個部位。 賣相滿分。 唔同部份放係塔既唔同位置，一目了然。一次過試哂成隻牛最好食既部份！聽過人講， 通常牛肉好食既店家， 其他野都唔會差得去邊， 所言非虛阿。期待下次試埋豬肉版既豬八戒拼盆。A_A打邊鑪只係得牛肉又點得呢？ 周邊丸餃亦絕不是得閒之輩，之前店員