紅火鮮料火鍋專門店

营业中

休息中

YouTuber 介紹呢間 $498 加一有火鍋有大閘蟹任食但係就兆萬 😂 死唔順伏去左食。⬇️訂枱電話長期唔聽、最終搵到個9字頭號碼訂到枱食4點鐘( 因為可以坐到7點 )。上到去見佢哋一時聽電話一時由佢響 ⋯ No wonder⬇️準時上到去不停話訂左枱佢都話自己揾位坐、隨便坐 ⋯ 因為怕迫寧願坐入D，明明 YouTuber 係坐卡位但原來食大閘蟹你坐唔到卡位。因為蟹要自己蒸，卡位得一個爐你剩係蒸蟹就唔洗火鍋囉（果然 YouTuber 贊助係唔同D人地蒸俾佢食同拍片 )、咁就要坐返佢平時兩個爐頭既枱。⬇️坐低左叫你揀湯底就乜都冇講、好似當你熟客乜都知道咁。好啦揀左花膠雞鍋，個哥哥仔落左單又不停問食唔食雞煲 ⋯ 見枱面有兩個爐頭就問可以食埋雞煲架？佢答你究竟要食花膠煲定雞煲呀！妖 ⋯ 我真係好亂，之後又放底個蒸鍋、原來食蟹要自己蒸，另一邊要留返火鍋用。唔明佢狂問我地食唔食雞煲做乜 🤷🏼‍♂️⬇️跟住個哥哥就放四隻大閘蟹落蒸爐、叫你自己計時廿分鐘，但又唔教你點用個爐原來要開大火、好彩有個女既員工 Nice D 敎我地。佢上埋花膠煲裡面有半隻雞，即場幫我地剪埋再煲多陣。個湯係甜味道唔差、因為我麻麻大

同老婆今日黎左旺角，就週圍行，老婆想打邊爐，但係我怕熱氣，喉嚨痛仲未好番，行行下就見到呢間有得打邊爐又有刺身任食，我地二話不說就入左去。飲品同食物都有好多款選擇，我最欣賞係刺身好新鮮，我叫左好多次三文魚，全部都有黎齊，無漏單，啲刺身都好正。老婆就主要打邊爐同燒烤，我都食左幾舊燒海鮮，不過兩個人其實真係樣樣都食啲，但可以同時打邊爐、燒烤、刺身，滿足晒所有願望，下次會再黎！人愈多應該愈開心，乜都有得食！

係網上睇到有KOL介紹呢間"紅火"都好吸引，睇食評大部份都係讚，應該都唔會中伏啩，尋日終於約左朋友試下呢間餐廳。首先上左個花膠雞煲，啲雞都算嫩滑同個湯都唔錯，但係啲花膠就好羶好唔掂。等到啲食物黎到就知出事，壽司薄切 + 大大舊飯，啲炸物(炸蠔，炸蝦）粉厚肉少，重有就係"炸蝦膠油炸鬼"，食到成口都係油。我地點左第一轉已經冇再落order，所以講唔到比大家知重有咩係伏位，從未食過咁差咁垃圾既晚餐，冇諗過$260/位都會食唔飽。至於員工服務態度方面，朋友多次舉手示意員工幫忙也咋看不到。到最後埋單終於忍唔住，同餐廳員工反影食物質素有待改善，点知佢既態度係目無表情，感覺係hea我地，可能我地已經唔係第一個同佢地講呢番說話。呢間一定無下次。

睇到youtube介紹平靚正 即日係openrice book位算容易 不過就未如介紹般咁好環境方面本身睇到片都冇太大期望 不過黎到都真係好有茶餐廳食放題feel叫左個中日放題 雞煲唔係好入味 不過就唔係難食既…刺身方面應該擺係雪櫃太耐 解凍左一陣d鮮味先出返小小 食完雞煲打邊爐 要講一講app落單既一件有d其實係一盤…叫個陣最好保守d海鮮同內臟都幾多選舉 肥牛就真係麻麻地 太厚好容易食到好飽 同埋叫左一份竟然係兩盤黎海鮮叫左d魚片蝦蜆青口等等呢d大路野 整體唔差 其實叫左一輪刺身同邊爐料我地都已經飽曬 雪糕都幾多隻口味 食左香芋味唔錯 似雪米糯個隻 但係朱古力味就麻麻 最後埋單2個人5xx 可以食到2個鐘既中日放題算係幾抵 不過質素就真係麻麻地 岩想一次過食幾樣野過過口癮既人 未必會再幫襯

book左6人枱，結果去到等左十幾分鐘，俾左張4人枱，我地重要揀左中日韓，2爐6人坐4人枱，非常逼狹。一黎就送左中日韓各一份頭盤，分別係海鮮、刺身、烤肉，擺滿左成張枱，烤爐都擋住左，要縮埋個人先燒到肉不過食物質素ok，刺身正常水平，只係款式較少。烤肉嘅肉質其實都唔差，但係冇醃過，可以食到肉香，不過醃左會好食好多，枱邊只有鹽同孜然粉，要自己調味。雞煲揀左胡椒豬肚雞，湯底幾好食，雞件都夠食，不過當日幾乎坐滿人，所以邊爐啲熱氣唔太散到，坐爐邊位會熱。最滿意係海鮮，送嘅頭盤有鮑魚，任食嘅蠔仔、扇貝等都幾新鮮，雖然size細，但任食黎講可以，味道唔錯，重有象拔蚌、魷魚、章魚，都好靚仔、好彈牙。炸物因為冇提last order，過左時間先叫所以冇食到。飲品款式ok，雪糕得一個牌子，大路口味。整體黎講食物質素唔錯，埋單270一位，款式亦好多，叫左中日韓但我冇食到一啖雞煲，因為要負責燒肉，對手忙到冇停過😂呢邊燒好肉，個邊啲邊爐又熟左，太多野食，慢食嘅朋友好大壓力😂細食嘅朋友3揀2都夠。當晚可惜座位太窄，冇得舒服咁食，其他野都ok，樓面幾nice，係有啲手忙腳亂呢間餐廳啱曬 想食好多款式/大食/揀唔到食

假日中午12點左右去，唔使排隊即刻有得入座。當日見到幾組家庭都黎食😊不過嗰日嘅炸爐壞咗所以炸物天婦羅等等都冇得嗌。本身有啲想試榴槤炸彈，都幾可惜🥲因為可以一邊燒着韓燒一邊打邊爐，對手都幾忙下🤣佢哋嘅邊爐湯底都落足料，我哋叫咗花膠海鮮湯底，又真係有頗多塊厚花膠同勁多海鮮～放落火鍋既推介👇🏻和牛片豬肉片象拔蚌年糕丸燒嚟食嘅推介👇🏻牛舌芯蒜蓉元貝牛肉粒另外刺身方面，三文魚，帶子同埋甜蝦都幾好食🦐餐廳座位闊落，而且燒嘅時候冇乜油煙

完全唔明白點解麻辣雞煲 完全無麻辣味 香都唔香同埋啲韓國燒烤係燒唔熟叫啲顧客照食㗎呢 叫得只燒牛仔骨 牛脷 唔好燒其他野 一餐完全垃圾既晚餐 態度仲要極其差 問佢點解唔熟 佢話正常的 一定無下次 期待佢盡快執笠玩完無諗過 $268一位都食唔飽 雞翼放咗半個鐘都仲喺生燒腸又唔得 午餐肉又唔得 其實有咩可以燒？

因為貪平，累靚媽及仔仔在校長，食咗餐劣食放題，9月20号迎月好日子，特登帶兩位去紅火食一餐，貴校長一倍的鷄煲火煱，加中，日，韓食品放題，是日我們三人17：30便到達此店敢位，竟獲安排在一間可坐10人的獨立房内用膳，真係未開餐先興，縱觀此店提供嘅食物，都算OK最正係個鷄煲，味濃，肉嫩，配料足有A級水準，至於其他配給或任叫食物，平均都有B級評分，飲品選擇較少，但係都夠飲，甜品係最弱一環，不過雪糕還算好食，而此店侍應服務態度更有A十水平，靚媽和仔仔對呢餐，補飛放題都收貨，總結用咁嘅價錢有咁嘅質素服務及食物，此店值得推介

兆萬不嬲多韓燒火鍋放題揀，呢間就居然咩都有齊。選擇困難嘅我就緊係食呢間。首先店員就會叫我哋揀咩湯底，豬肚湯雞煲呀，麻辣鍋都有，為咗美顏補身，我哋揀花膠海鮮湯，有海鮮/雞選擇。 個湯嚟嘅時候已經有4-5件大花膠，4只蝦同大量蜆，大白菜🥬，未落配料已經好鮮好有味。跟著就會嚟個刺身拼盤，擺盤好精美，款色都唔少，甜蝦，赤貝，象拔蚌…….三文魚🍣同大大粒元貝值得encore😋 燒肉火鍋配料～韓國肥牛😍 需然唔係滿滿雪花，但肉味濃～牛舌心 夠薄好快熟，有彈性好食～手打蝦滑 夠料真係望到一只只嘅蝦，打邊爐好食啲～平時打邊爐唔少得嘅山根響令都有咁啱唔好彩，炸爐壞咗，如果唔係仲有炸物天婦羅🍤雪糕🍦口味選擇都多但就得呢個牌子，試咗豆腐味，個人覺得有啲過甜除咗野飲同醬料雪糕外，都係Qr code落單疫情下食都安心啲。但呢度唔會有職員提你last order🥲係qr code網頁先有寫時間，所以要自己留意番臨尾衝刺叫番夠本。

無錯！又去旺角開飯…約左朋友通常都揀去旺角，唔知食乜又係離不開打邊爐韓燒，呢次呢間就有齊中日韓放題，火鍋韓燒壽司刺身炸物等等，一次滿足n個願望。揀左中韓放題任飲任食120分鐘，火鍋同韓燒，所以就各一個爐。🔅火鍋揀左花膠雞湯底，有半隻雞，花膠好大塊，湯都幾鮮甜唔錯。🔅韓燒燒第一輪既肉幾好食，但燒完已經燶左，叫店員換網仲俾佢串叫我地唔好放中間燒，睇下youtube都應該會識😱。好啦咁聽佢講放側邊燒😬，咪又係側邊燶。善意提醒當然無問題，我地都係第一次黎，點知你個爐係點，但老實講咁既態度真係唔太接受😐。🔅海鮮蒜蓉扇貝ok，雖然比較細粒。送既海鮮拼盤都ok。🔅肉類得第一輪好食，之後再叫既都普通。羊架雞軟骨可能我無牙力，咬唔到。🔅飲品 & 甜品野飲都多選擇，好大路。大阪牛乳既雪糕未試過，拎左幾隻味試，不過都係一般。💬食物普通，最好食係燒菠蘿。埋單每人約$300，唔算貴，但店員服務態度一般，唔會再encore。

《紅火鮮料火鍋專門店》呢間餐廳$268有齊中日韓放題，唔太在意質素又想打下邊爐既都可以一試～中日韓放題包火鍋、韓燒、雞煲、刺身等，火鍋湯底有10幾款選擇，我地就揀咗濃湯海鮮花膠煲～ 而火鍋配料都應有盡有。可惜因為當日廚房既炸爐壞咗，所以所有炸嘢全部都冇得供應。刺身類推介三文魚、甜蝦、赤蝦同帶子～ 反而貝類既刺身都好麻麻唔新鮮！韓燒方面就推介牛舌芯同燒菠蘿！我地都燒咗和牛片，後來發覺放入邊爐度會好食啲🤣 火鍋方面就推介黑豚肉片同蝦滑～ 佢地啲飲品種類都幾多！覺得荔枝烏龍茶幾好飲！雪糕就好普通。呢間餐廳食物質素尚可，但漏單情況都出現過幾次，希望餐廳可以改善下啦！

是咁的，事緣係約想朋友出去食個飯啦，咁大家都唔知食乜好，放題咁都算係個好選擇嚟嘅，見到呢間嘢好似不錯，又有幾位youtuber都拍過呢間嘢嘅片啦，心諗應該差極有限，然後就中晒伏。果日星期二晚去，人幾多下，就我所見嘅係全部都full，重點嚟喇，我同朋友一共三人，基本上order嘅嘢食係由頭漏到落尾，舉個例，小弟落咗三次刺身單，得一次係上咗嘅，仲要係唔齊。我2位朋友好好多啦，佢哋叫嘅嘢大約八成都有到，但係張單啲嘢永遠係差咁幾樣冇到。一坐低之後我哋都叫咗啲刺身，食物來到之後，不得了。睇一眼就知極極極伏，總括嚟講就係，魚生一係細件一係薄切，舊飯又大大件喎，我人生都未試過細過手指尾咁嘅甜蝦，同大約得爭x一半厚度嘅三文魚，真係大開眼界。火鍋湯底還好，一開始正正常常，叫咗個花膠雞，唔算難飲，但係配料都神級，肥牛係好L核突嘅合成肉，見到佢火都嚟，一位二百幾十蚊嘅我唔期待有咩靚肉食，但係可唔可以俾返正常少少嘅肉？就算係大家x 之類嘅快餐店邊爐一樣都有用合成肉，但係都唔L會俾最cheap果種合成肉個客食。其他牛肉粒、豬肉片咁又係差唔多質素，啲火鍋丸仲差過街市啲，係啲咩餃子呀算好啲啲，不過一樣係渣嘢嚟，同刺

今日同朋友提早食中秋飯，選擇這間放題火鍋😄😄,雖然訂了枱，但是還是等了一會兒🥴,這裡的花膠雞煲很美味，足足半隻雞放了下去，湯底異常鮮甜，這裡的炸物都很好吃，例如一口芝士球、榴槤球等，令人回味無窮😊😊,火鍋配料都很新鮮，田雞肉平時普通火鍋店都很少見，這裡都可以吃，真是開心😄,最後吃個薄荷雪糕完場，滿足而歸☺☺(員工態度都不錯，會主動收拾碗筷)，現時那麼有心經營的火鍋放題店愈來愈珍貴，如果有機會都會再來光顧😁😁

韓燒一般，係鐵板，唔係網燒，可以唔食，食火鍋加刺身就夠冇last order 提醒，要自己留意時間食材款式幾多，上菜速度都幾快榴槤波波超好食醬油好鹹CP值唔錯，服務唔錯

朋友話想試試呢間放題火鍋店，好彩有提前訂咗位如果唔係就有排等囉香港吋金尺土，呢度坐位方便都係同其他放題一樣都係一樣咁擠迫，為咗食好嘢冇辦法啦，大家唯有親密啲啦我地今日揀咗花膠雞煲加韓國燒烤，令外仲有壽司刺身炸物等等真係好鬼多野食刺身方便佢哋絕對唔會比其他日式放題差選擇又多珍寶帶子珍寶赤蝦象拔蛘馬刀貝總知就好正啦我地叫咗三輪海膽手捲海膽甘香鮮甜好正呀，緊係叫多幾輪啦佢地連壽司飯都唔差架炸物方便佢地有一般放題都會有既芝士年糕炸榴連波炸蠔