紅煮意

营业中

休息中

今日同朋友去果欄入貨， 行到傍晚鬼死咁肚餓， 即刻找附近餐廳醫肚，在 openrice找到間餐廳叫(紅煮意)個名好特別， 於是就想去試下，餐廳位於一樓 ， 行上樓梯就到， 樓梯兩旁有些食物相， 對於肚餓嘅我， 望見都流緊口水😂入到去環境好舒服， 這間餐廳星期六還有live music， 可惜我哋去嗰日係星期日。實在太肚餓， 即刻拿拿聲叫兩個餐食住先1 香草燒法式羊仔架$132 份量也不少，大大件羊架， 還有好新鮮沙律菜，真係超值 食落肉質好嫩滑， 不會煎得過熟，恰到好處2.蜜汁燒ʙʙ豬仔骨 . 薯條$160豬仔骨煮得好冧, 肉汁鮮甜， 配上蜜汁，味道非常美味。北海道帶子刺身$78帶子好厚身，好鮮甜， 食落好有口感。套餐還跟湯&沙律菜 &蒜蓉包+ 還有跟茶或咖啡這裡套餐非常抵食， 下次星期六再嚟幫襯，可以邊食邊聽音樂

假日到油麻地樓上咖啡店吃晚餐。餐廳位置有點隱蔽，要通過一條樓梯才到達。晚市有不同種類的主菜和套餐選擇，更有甜品供應。挑選了兩個晚市套餐，套餐中的沙律菜新鮮，忌廉蘑菇湯香濃味美，富水準。📍香草焗法式紐西蘭羊仔架 （跟餐）$132羊架肉質鮮嫩，蘸上一點薄荷啫喱，既清新又可中和羊肉的酥味。📍蜜汁燒BB豬仔骨配薯條 （跟餐）$168豬仔骨充滿肉汁，份量足，抵食之選。📍北海道帶子刺身 $78帶子刺身十分新鮮，鮮甜美味。餐廳侍應殷勤有禮，值得加分。👅 味道：4/5💰CP值：4/5🕴🏻服務：4/5🔰餐廳環境：3/5🍽 餐廳：🌐地址：新填地街151號俊逸豪園1樓B座（後座入口）

位於油麻地嘅紅煮意雖然係住宅區樓下有少少難搵但勝在地方闊落座得舒服街坊價既扒餐扺食夾大件肉眼扒唔多筋味道唔錯淨係食完舊扒已經飽左大半烤鱸魚肉質結實有油香配埋微甜既白汁都幾好食叫main有得跟餐（有 蒜蓉包配例湯/沙律，及飲品）埋單都係百幾蚊一位推薦既菜式係瑞士汁雞翼雞翼大隻得黎夠曬入味肉質非常軟滑

一路都見好多好評...而我住係附近10年都未食過.....仲試過幾次特登上去問...然後話冇位或者訂滿.....今次終於都食到...點知......一坐低叫完餐一陣就黎左湯同麵包，兩樣野都係正正常常....諗住應該冇咩問題吧....點知....聲稱係慢煮的牛腹....諗住一定好好食喇,,,見到佢切開完全冇過熟.....應該冇問題吧....點知一食第一啖....嘩....完全咬唔開.......好硬......好多渣....真係俾佢嚇親.......每一舊都係一樣咁硬...食左一半已經想放棄.....如果真係個原材料好差...咁唔該唔好夾硬賣喇...真心.....曬左成碟菜......賣相係唔錯...但食落真心把鬼......

到百老匯電影中心看電影，順道在附近用餐，這夜選擇了旁邊的紅煮意。名字有個紅字，但其實是黃店呢。西餐食物，款式蠻多。這晚點了一客套餐。吃主菜之前，先有法式烤包，烘得香口。餐湯或沙律二揀一，這次選了沙律，因為想多吃一點纖維。軟殼蟹黑松露忌廉汁意粉很快便已預備好。忌廉香味十足，相對之下黑松露則較少了。意粉份量足，夠飽，口感也不錯。主角軟殼蟹夠大隻，剛剛炸起夠鬆脆，完全有值回票價的感覺。餐飲升級了是凍朱古力，上面有細滑忌廉，口感更豐富，和濃郁朱古力也很搭調。

Happy Saturday! 係隔離電影中心睇完戲唔想行太遠搵食可以黎紅煮意! 就係M記隔離既一棟大廈, 直上樓梯就係了.  如果唔係黃色經濟圈真係會錯過好多好好既小店呢~!! 無論係牛扒 American rib eye steak 5成熟 (真係做到5成熟!! 驚喜XDD ) 配薯蓉係底, 黑松露蘑菇risotto 都唔錯! <3 唯一係牛扒個sauce太多, 而且已經揀左芥末醬, 所以個sauce都係多餘左  (不過本人比較注重健康飲食, 所以如果知佢咁多汁, 會叫走汁 ) 下次係隔離電影中心睇完戲都會黎幫襯!  睇招牌原來如果係平日黎既話, 憑當日戲飛可以換一款小食!Last but not least, 支持黃店, 支持小店! 

今日睇完戲就係附近搵嘢食，無意中發現有間黃色cafe，咁就緊係要幫襯啦💛💛但個位置其實都幾隱蔽，咁岩見到個大meun先發現係樓上有間cafe😆一上到去望到個門口~~~一個字餐廳唔算好大，但坐得舒適。睇下meun有咩食啦。。。我地點左兩份dinner set套餐跟沙律🥗沙律菜好新鮮又爽口法包7成熟嘅肉眼牛扒配薯菜:哇，估唔到配薯餅，我好中意食✌🏻✌🏻牛扒真係7成，一切落去好淋，一切就開。食入口牛味十足唔痴牙😆蒜香大菇珍珠帶子意粉呢個意粉真係勁好食！！一上枱已經聞到好香！意粉食入口個口感剛好，唔濕亦唔會淋patpat。因為炒意粉，蒜蓉炒到每條意粉都有味，但完全唔會覺得油。個大菇食入口juicy，好香蒜味，好夾。個意粉加小小芝士粉入口更加perfect match！個意粉真係水準之作！有驚喜超好食餐飲其實有好多，不過我只係想飲凍檸茶😂餐廳服務員十分有禮貌！環境舒適有歌聽又有小小borad game可以借泥玩，傾吓偈嘅好地方！

朋友係油麻地附近收工，我地一行四人搵咗紅煮意飯聚，餐廳位於樓上鋪，有梳發同普通枱，環境都算舒適。晚上有時會有live band show，仲要好彩俾我地遇到！同朋友食住野聽音樂都幾有feel。我地四個人一人叫一個set，另加兩個小食。首先餐湯係忌廉湯配法包。我地叫左兩個炭燒紐西蘭西冷牛扒餐，西冷我叫左5成熟，再配燒汁同薯蓉，牛扒送上來時熱辣辣又香噴噴，肉質夠嫩唔會好難切，口感唔錯。另外有朋友叫咗香草燒法式紐西蘭羊架仔，羊架都算大件，配搭燒汁好夾，食落唔會有酥味。仲有個朋友叫了魚扒餐，魚肉嫩滑，配上白汁令口感更加香滑。小食方面，我地叫咗盤忌廉藍青口，青口滿滿一大兜十分抵食，而且白汁好入味，青口肉亦唔會鞋口。另外再要了盤炸雞，總共都有6/7件，味道好香口同惹味。整體而言，咁嘅食物份量同質素嚟講算係十分抵食，值得一試！

最近如果外出食飯都係盡量支持黃店，自從無得去戲院已經好耐無去油麻地電影中心個頭，但早排就去左隔離嘅紅煮意餐廳食下野。夜市menu望落真係唔太貴，一個set dinner包湯／沙津，餐包同飲品，都只係大約$150，我同朋友每人叫左一個set之餘，仲叫左不同小食！湯／沙津＋餐包香草燒法式羊仔架羊架真係好大舊，邊邊位有一大塊羊筋，一邊咬油脂香味出哂嚟，至於肉質方面好嫩滑，唔會醃到一啲羊味都無，食落原汁原味，加上燒汁同薄荷醬真係一流！價錢$124就有，平時去街市買2－3件羊架都已經係呢個價位，真係超值，值得推介！避風塘bb雞搥好惹味，雞搥唔算大舊，一兩口就可以KO，加上上面嘅炸蒜，避風塘風味即刻出晒嚟。忌廉藍青口$78有一大盤，又係另一超值之作，青口質素中中挺挺，但個汁整得好creamy，每一粒青口都沾到忌廉汁，一大班人分嚟食真係幾好！餐飲

整體食物味道好好，份量唔多，不收加一，牛排餐得好細舊牛排，不過煮得好好食，奶茶味道只係一般，咖啡都唔好飲，有音樂聽都幾舒服，坐既環境人流唔係好多，有水比你一大樽

上完畫畫堂，近近地就約好一起食晚餐。 我地孖寶好耐都冇一起食晚餐了，可以聊天。未入到食店，已經有一個大大的Menu放在店外，吸引我地入去了。POST IT 留言，好好留下要說的話，讓大家慢慢地留下腳步，心神領會了。突然間，回眸一望，好有日本小店的感覺。晚上9點左右，仍然有很多食客，可以暢所欲言，有時候，想好好地說話，都沒有時間。價錢合理、食物又好味道，一見到這樣豐富的餐點，不二次選，食左先想食咩，就睇Menu 慢慢點，好多選擇。🍽️忌廉湯 ：好滑好飲，多點磨菇更加美好。🍽️黑松露湯 ：黑松露味濃，好飲。🍽️肉丸長通粉 ：平時喜歡食意大利麵條，今晚就食個長通粉，口感很實在，又滿足，配上蕃茄煮的紅椒及肉丸，免疫力增加，又健康……蕃茄有抗氧化，有茄紅素；紅椒有排毒、抗癌、預防心血管疾病、美顏、護眼、促進新陳代謝、造血、使胎兒正常發育；肉丸肉質多汁又補血。 食得健康，健康之選。🍽️煙三文魚沙律：三文魚配上沙律加上意大利醋，開胃又好食。🍽️瑞士雞翼🍽️野草莓沙冰 ：冰凍又解渴……好好飲，夏天之選……cheers 🥂

✋🏿☝🏿黃金週，當然要去黃店課下金，支持下🤑越式香蔥醬油雞扒飯 $58>賣相靚仔>雞扒皮脆，肉滑有肉汁，無雪味>飯少少硬>香蔥醬油出奇地不油，好香，少少甜，鹹味適中，好味>配菜好鮮甜==================推介指數 🌕🌕🌕🌖🌑慢煮濃香蕃茄薯仔牛腩 $65>個樣似中學食嘅螢光汁碟頭飯>牛腩好腍，但有一兩粒好似煲湯豬肉咁實，醬汁蕃茄鮮味幾出>薯仔有薯味>意粉軟硬適中>配菜好鮮甜==================推介指數 🌕🌕🌕🌖🌑除咗兩個餐外，我地仲跟餐order咗脆炸雞中翼 $18 (跟餐) ，雞翼炸得乾身脆卜卜，有肉汁，出色，好味👍🏿👅👅 依度逢星期六晚仲有live band 🎶，揾晚要再嚟支持下先💪🏿 毋忘五一

收工黎到油麻地，知道有呢間幾舒服嘅cafe，而且都幾抵食。我今晚黎到出面滂沱大雨，老闆娘即刻比個袋我裝住把遮，又比熱水我，好好人。今晚揀左西冷，有8oz，啱曬我呢個食肉獸，有得陪意粉、飯、薯蓉，我就揀左意粉。黎到比我想像中大份！平時可能一個main只有一塊牛，宜家係牛加意粉，感覺好似巨人餐～牛扒揀左5成熟、控制得幾好，依然鮮嫩，保存到肉汁，加上本身配嘅汁，好夠味。而我最鍾意Tabasco，呢度每枱有有一支，加落意粉好正。本身跟餐有沙律或湯，我就揀左沙律。清新爽脆。餐飲揀左熱檸茶。一場黎到想試埋甜品。呢度居然有Crepe Cake，當然要試。份量頗大，仲有雪糕添，建議2個人share。本身綠茶味清清地，配嘅罐頭雜果就比較重味，容易蓋過綠茶味，所以食左個蛋糕先會比較好。呢度固定有音樂表演，而且裝修都富帶音樂主題。坐落又幾舒服架。

本身都有玩音樂既我，成日都見到身邊既音樂朋友係喱度表演，但一直都未有機會過黎食嘢，今日正好同朋友路經油麻地，靈機一觸就走左上去支持下！喱間餐廳每個星期六7:30pm 都會有Live Music, 可惜，因為疫情關係，已經暫時了，真可惜！見到周圍既牆掛滿了樂器，電視播著音樂人的表演片段，聽著本地音樂，充滿了本土音樂文化的氣息！我同朋友分別點了兩份dinner set, 分別是周打忌廉湯，鱸魚及羊扒配薯菜加餐飲。周打忌廉湯口感都ok羊扒有酥咪，都幾厚身，啖啖肉。鱸魚好香口，外脆內軟。最喜歡是薯餅，好似麥當奴薯餅既味道！好好味！另外，值得一讚係醬汁，好creamy,味道一流！至於餐飲，我特地叫了特濃朱古力特飲，前所未有咁多Cream!! 正呀！同店主閒聊左幾句，都明白現在疫情令很多音樂表演者都失業了！同行既我當然深明苦況！各位音樂人要加油！撐住！💪🏼💪🏼

今日黎到油麻地舊區做少少野，附近唔多野食，經過呢間紅煮意見餓餓地就上黎醫下肚先❗️❗️先黎餐湯同餐包，餐湯係蘑菇湯，好飲👍🏻👍🏻海鹽深海鱸魚柳配黑松露忌廉汁 $80佢有個選擇要飯、意粉定薯菜，今次我就簡左薯菜講番個主食先，海鱸魚好大條，好鮮甜，外皮炸得好香脆，配合埋個黑松露汁好正🥰🥰😋😋個薯蓉撈埋汁食一流，吸曬所有味😋😋香草法式燒原隻鴨胸配維也納腸 香菇黑椒汁 $62係第二度唔多機會食到成隻既鴨胸，大大啖，香草味好香，好食😋😋值得推薦👍🏻👍🏻👍🏻👍🏻