紅煮意

营业中

休息中

店內環境很有風格，很喜歡關於音樂的裝飾價錢比想像中便宜而且食物質素不錯。每一份主食是配有沙律菜，感覺十分健康，沙律也很新鮮，蒜蓉包也很脆，蒜蓉味是偏淡。炸魚和薯餅十分出色

拖左好耐冇出嘅食評店舖：紅煮意餐廳位置：隱閉但易揾好耐冇去了~發現佢地都算幾黃，有連儂牆及其他poster等有見到佢地有做過義唱及罷工等第一次食左個下午茶日式雞肉丼飯，又驚喜之餘仲好好味，夠熱及d汁包住了雞肉，好(野)味~真心覺得佢地應該改做招牌菜佢地嘅雞肉實在係太好味了又唔乾可能係我食過最好食嘅雞飯我自己大力推介$38仲有飲品媽咪食左個牛腩意粉都唔錯好啱佢嘅口味，但意粉淋D更好不過對我黎講呢餐嘅主角係雞丼所以對其他野已經無咩記憶……好少寫食評,但真係忍唔住要讚下

話說今日係同女朋友拍拖週年日黎咁上次黎油麻地睇戲都諗住食呢間但冇book位 所以冇位 冇得食咁今次我係訂咗座先黎嘅但係間嘢好似包場咁已經冇客啦成個場都冇人呀我地任坐呀見餐牌都幾多嘢揀但我地其實都揀好鋸扒架喇頭盤沙律冇沖乾淨食到最後先發現碗低有啲唔希望食嘢見到嘅嘢 唔黑色嘅不過唔知打呢句嘢出黎openrice會唔會唔批我呢篇食評但我係有拍片影底嘅佢有話換過碗沙律 但我話唔駛喇 都係同一批沙律菜黎嘅啫餐湯蒜蓉包我幾鐘意食蒜蓉包叫咗兩碟一碟係肉眼黎 另一碟都唔記得係咪都係肉眼扒啦講真嘅 有啲比沙律影響到食慾嘅但我食呢塊扒都覺得ok嘅其實都整得唔錯肉質鬆 易咬 肉汁唔多但味道覺得都唔錯嘅最後我都係覺得沙律個到係一件不可接受嘅嘢啲扒我覺得唔錯 價錢都合理

餐廳位於油麻地電影中心附近，樓上鋪，見到門口寫住憑即日戲飛票尾可免費獲贈小食一客，不過今次去冇睇戲，下次可以睇完戲食呢間。入到去感覺好cozy, 睇落有啲逼，不過所有座位都空間十足，仲有梳化位，坐係到會覺得好舒服，唔太逼。星期一至日都有dinner set, 價錢由幾十到百幾，包餐湯/沙律，包，同飲品（仲可以揀是日果汁）。今次食左個西冷排(約120hkd)同羊排(約160 hkd)。餐廳格局係open kitchen, 不過都唔會話好大油煙。見到淨係得1個廚師，但上菜進度都ok, 主菜一到，食落有驚喜，牛排食落去係鬆脆，冇諗過咁好食，友人食羊都覺得好味，話似佢係英國食果陣味。夜晚星期六有live band唱歌，我星期日去果晚都有，都幾好聽。適合同朋友聚會嘅餐廳。

知道紅煮意在油蔴地開業了很多年，餐廳和位置比較低調，都沒有特別去留意。今次決定要試一試這裡的晚餐，可以網上訂位，當天餐廳也會打電話來confirm booking。要到達餐廳要走一條筆直的樓梯。由於今次跟婆婆去食，不想她走得太辛苦，就預先打電話詢問。原來是可以搭升降機上一樓的餐廳，老人家或者行動不便人士要來用餐也沒有問題；只是要先跟住宅管理處溝通和在另一個出入口進入，但也是方便的。餐廳地方不算很大，是開放式的廚房，也看得到有部份位置擺放了一些音樂器材，星期六晚上有live band。餐牌上的食物款式都有不少，欣賞這裡的餐牌設計很彈性，可以讓客人選擇套餐或者單點。我點了套餐，可選餐湯或沙律，我則選了前者番茄牛肉湯，配有多士一片。湯的質地和味道比較稀一點，不過飲到有牛肉味；多士烘的香脆。幸運地，我的碗了有一件牛肉，另一碗就沒有了。為了讓婆婆容易咬，幫她點了是日精選的比目魚扒，配薯菜，也就是薯蓉。比目魚煎得香脆，鎖著肉汁在裡面，肉質也很軟滑。薯蓉裡面加了忌廉，質地也很滑。我點了雞扒拼有機大烤菇配意粉。首先份量有點迷你，看樣子我都不清楚我是否能夠吃得飽🤔雞扒比較細塊，表面煎得少許香脆，配以番茄

已是第二次光顧紅煮意，兩次都是到電影中心睇戲前醫肚。門口頗為隱蔽，要上一條長樓梯，不易搵。今次是食lunch，黎到時坐滿8成，不過都不用等位。叫了一份炭燒紐西蘭西冷牛扒，配薯菜(薯菜為薯蓉)，跟湯、蒜蓉包及餐飲，共$98。蒜蓉包香脆好味。這個價位的牛扒當然不能有太高要求，但其實質素是不錯的，火喉剛好，外面煎得香口，不會過熟或韌口，肉味也不錯，性價比是頗高。薯蓉上次來，依希記得質素也是不錯，可見餐廳水準甚為平穩。

因為發生左d開心野 要食下好野 慶祝下！！e間野環境有好多結他同有音樂相關架野！比人感覺到好悠閒！！ 感覺好舒服！！叫左7成熟架炭燒紐西蘭西冷牛扒 跟意粉跟餐有一片法國麵包 同餐湯 加錢轉左杯比利時特濃朱古力 包就唔得 唔熱 又唔夠牛油 湯就普通 蘑菇粟米湯 有進步空間 牛扒7成熟 唔過熟 但唔夠炭燒架焦 可以加強 燒汁味道都ok! 意粉有口感唔錯有咬口 唔係淋果隻！！但唔夠熱.....（其實好多西餐我食都覺得唔夠熱）杯朱古力真係好正加錢轉都抵！上面一層厚厚架 忌廉張杯野飲加強左 順滑 朱古力味都極濃！！！

前排見到呢間樓上舖既介紹，咁啱今個星期既lunch menu幾吸引，就黎嘆返個lunch。黎到既時候已經坐左9成滿，估唔到咁受歡迎我叫左香煎雞扒拼吉列炸蝦(日式咖喱汁)，再加左個藍莓芝士餅。MenuMenu香煎雞扒拼吉列炸蝦(日式咖喱汁)。雞扒煎得香脆，雞肉幾滑，吉列炸蝦超脆，蝦肉彈牙，炸粉好薄。咖喱汁略嫌少左d，唔係好夠撈飯，不過幾香幾好食。藍莓芝士餅。超正芝士味濃，但係唔會膩，紅色既應該係士多啤梨醬，好fresh。芝士餅幾滑，而且都幾大舊，抵食！舖頭環境唔錯，雖然今日lunch好多人，員工做到踢哂腳，但係都有禮貌，而且見到食客食完都幾快收走隻碟。上菜速度都幾快，野食高質，非常唔錯

Happy firday 係附近睇完電影再搵間樓上cafe坐下。 呢間係樓上舖，好彩朋友熟呢頭，先有咁好推介。好有文青氣息樓底好高好舒服，仲有大量樂器裝飾。係電視仲見到假日會有live band餐牌款式多，重點價錢唔貴。我地一行二人，叫左一個set+意粉+特飲，埋單$286Set有餐湯+包+main同橙汁磨菇湯好濃，飲得出唔係生粉開既。蒜蓉包香脆，好味！主食叫左7成熟肉眼。煮得岩岩好，外面煎得香口，咬口又夠軟，有牛味，呢個價錢係抵食既。另外個醬汁都好配合，帶出牛既鮮味。軟殼蟹黑松露意粉，軟殼蟹新鮮炸起，好香口，連殼一齊食好有咬口，但又唔會有咋。意粉偏硬身，合我心意，松露味都好濃。見到menu就知一定要試呢杯！雖然甜左少少，但好香開心果味同埋有我最愛既花生醬，推薦！最後仲發現咁得意既杯墊係一間值得支持既小店！

不知不覺間已經過咗兩個星期，同朋友喺駿發花園附近睇完戲之後，想食西餐，行行吓入咗去呢間餐廳。打開隻門嘅時候見到呢間鋪頭係有主題嘅，以音樂夾Band為主題。定期會有表演，出show, 我叫咗炭燒法國羊西冷扒套餐，加咗幾蚊叫咗杯比利時特濃朱古力。先講個羊先，味道唔錯，望落去好厚身，但一啲都吾鞋，好容易切落去，食嘅時候加左少少配汁，吾算穌，肉質有口感，一個字正。個杯嘢飲飲落去有陣陣朱古力味，貨真價實，好濃烈，一路同朋友傾計，一路飲，爽。重點係價錢一啲都唔貴，比起出邊餐廳嘅扒類真係平好多！佢哋有好多唔同嘅音樂歌手會去鋪頭表演，一路聽live music一路食飯，交流下，都好寫意，好難得香港仍有支持音樂嘅小店！Support ~

我自己都係玩音樂，好開心知道有呢一間又可以食嘢又可以夾band 玩live Music嘅地方，而且地點仲要係咁方便，非常支持呢間小店嘅概念！Menu主要係食西餐，都有十幾款選擇，有扒類，意粉，漢堡，仲有特色野飲，角落有隊live Band自成一角，黎relax呀，真係幾有味道。我睇睇價錢，嘩，非常抵食，性價比超高，我最後叫左個蜜汁豬仔骨，一啲都唔貴，而且仲係即叫即整，上菜嘅時候熱辣辣，香噴噴，兼且有兩大舊，我就慢慢品嚐。肉質都好滑，一條條肋骨可以輕鬆拉開，蜜汁都好match呢個款式，以呢個價錢非常滿意！我叫咗一杯特飲，開心果忌廉，平時喺街都唔多見呢個選擇，一於試吓，唔太甜，忌廉溝上開心果味好夾，有少少碎花心喺上面，好creamy下，好飲！鋪頭有好多特別佈置，設計左海報介紹黎咁嘅音樂表演，睇得出真係好有心搞音樂，每逢星期六晚上都有演出，俾個讚！

 最近去左百老匯 電影中心睇戲先上網Google附近有咩好食支持下小店,查到有間樓上cafe叫紅煮意  Red Idea Cafe俊逸豪園1樓B座,行上樓梯就會見到間餐廳肉食選擇以外,更有素食餐牌素食有麻醬秋葵,日式炒野菜,黑松露意式雲吞仲有意大利飯,燴飯,素漢堡所有都係即點即製,大約10-15分鐘上菜今日2個人來到,吃不多,下次會再約朋友來點選了一客炭燒美國肉眼牛扒燒汁芥末,配菜另加一客西西里番茄醬肉丸長通粉菜單上可單點或選套餐套餐另上一片焗多士,湯底沙律,一杯飲品先上焗多士抹了牛油再焗香,夠脆口！ 湯或沙律加了芝麻醬，沙律夠新鮮脆口，好開胃  餐飲，點了凍檸茶可餐後上或用餐同步上 炭燒美國肉眼牛扒份量豪邁，一整片放在薯蓉之上配有燒汁同沙律菜伴碟燒汁味不過濃，有提味效果，味道更豐富 點了七成熟，外層煎至香脆切開仍然好有肉汁，熟度煎得好精準老闆煎扒有一手肉味相當濃郁，肉細緻軟腍 一整球薯蓉，伴以牛肉，份量相當足吃得好滿足呢～ 西西里番茄醬肉丸長通粉 單點$70 濃郁酸中帶甜既番茄醬平均地掛滿每條通粉通粉吸收了醬汁既香味同獨有既酸味味道同口感相當豐富平凡的一道菜,都煮得好出色 肉丸就沒有

之前於附近上班也未有留意到原來這裡有餐廳，今次會來這裡用餐也是因為朋友告訴我的。到步後才發現原來餐廳很有自己的格調，你會看到有些樂器放於餐廳內，而且留意到原來某些時候會有Live音樂。餐牌選擇款式算多，而且可以單點或Set餐，最後我與朋友二人單點了５款食物，包括：炭燒美國草飼肉眼牛扒、美國安格斯烤菇牛肉漢堡、炸魚柳薯條沙律、炸軟殼蟹及炸魷魚圈。炭燒美國草飼肉眼牛扒落單時選擇了8成熟，牛扒份量很大，切開時沒有血，又不會過熟，火喉控制不錯，而且肉質好細嫩，又能鎖住肉汁，食的時候配上他的燒汁及芥末很好吃，另外，薯蓉很幼滑，配上燒汁及芥末也很開胃。美國安格斯烤菇牛肉漢堡也是份量很大，牛肉沒有過火，所以口感很好，很有肉汁而且不會覺得乾身，反而烤菇燒度適中，不會過份有水份但又不是太乾身，沒有燒焦的味道，所以吃的時候配上豐富肉汁的牛肉時，很好吃炸魚柳薯條沙律炸魚柳皮脆肉滑，吃的時候兩種口感很不錯，薯條配上沙律醬也是非常好参配搭炸軟殼蟹咸度適中，而且不會過份油，所以喜歡吃軟殼蟹的人也是要選擇點這個炸魷魚圈魷魚圈彈牙易咬，炸完後有外脆內彈牙的感覺，很喜歡吃整體來說，食物份量很多，而且餐廳控制到他們的食物

位於油麻地近電影中心附近，隱蔽係一座私樓入面，真係好少人會搵到上黎嘅一間西餐廳。每次黎我只會叫一樣野，就係軟殼蟹忌廉意粉，因為軟殼蟹炸得好香脆，仲要係大大隻原隻上，忌廉汁又滑又香又多(不過d 汁係晒個底到食之前要撈勻)，意粉又夠掛汁。另外男朋友叫左個雞扒大啡菇配薯菜，雖然菇嘅味道較淡，但雞扒好好食，雞皮煎得好脆卜卜，薯蓉都夠滑～呢到環境唔算太嘈，可以慢慢坐底傾野～不過有時因為得一位廚師同待應嘅關係，可能上菜落單會慢左d~同埋星期六夜晚會有本地音樂人唱歌，幾好聽架～想一邊聽歌一邊食飯都可以上黎～

油麻地百老滙電影中心位置偏僻，但原來附近都有間性價比高嘅餐廳，以後睇完戲就唔洗行到咁遠搵食啦。時下香港有live music嘅餐廳唔多，就算有都可能係高消費嘅地方，但紅煮意逢星期六晚就提供一個平台俾本地歌手或組合去表演，分享佢哋嘅音樂，實行宣揚本地文化，值得支持！食物方面以西餐為主，扒類可以選擇單點或者跟餐，我同友人就點左肉眼牛扒同羊架。餐包係烤得香脆嘅法包，餐湯係蕃茄湯，隨餐附送嘅果汁就係蘋果汁。肉眼牛扒揀咗五成熟，大件頭，肉質腍滑，配有少量沙律菜消膩，薯蓉亦非常幼滑。羊架燒得外層香脆，肉身有咬口但唔韌，加上油香同本身嘅羊羶味，十分可口。酥炸軟殼蟹，份量都大，炸得外脆內軟，咬落去肉汁流出，配埋沙律醬，推介！蘋果雪葩，賣相一流，打開個蓋，入面係清新嘅雪葩，可以挖埋旁邊嘅蘋果肉，用作一餐嘅結尾都不失為一個好選擇。