紅跑車越南餐室 (已結業)

約了豪和嘉在荃灣茶餐廳林立的兆和街吃午飯, 發現新開了一間名叫〝紅跑車〞的越南菜食肆 , 有個穿越南服裝的女侍應站於門前 , 適逢我一直也想找到好吃的越南菜解饞 ; 探頭內看 , 生意蠻不錯 , 就此選定桌椅入座了。老闆娘 Helen Ly 親力親為替客人介紹菜式，坐於身旁邊落單邊解釋著這餐廳如何正宗 , 還推介晚市定要吃的菜餚。招呼周到，談了一會她拿出紙筆寫下我的手電 , 再遞上卡片 , 絕對是一間有誠意和認真的越南餐廳。原本套餐有越南木塊(甜品)送的 , 但已送清光 , 既然無緣就留下次吧 ! *法式蒜蓉包--要襯熱食,才香脆,放久了會林*越式拼盤-- 蝦餅 的蝦新鮮、彈牙少d油更佳 , 串燒牛柳多汁,唔韌,軟滑*越南炒飯--飯炒得金金黃,食落一粒一粒的，幾香口,唔錯。*香茅雞翼飯--4隻香茅雞翼,雖然唔算大隻 ,但醃得完全入味*越式炒雜菜--普普通通*三色冰-- d豆豆起沙好正, 甜度剛好*雪奶咖啡--(杯子放了煉奶,金屬小壺內盛著咖啡慢慢滴溜到杯子後,連同煉奶攪勻後倒進冰粒杯處)即奶茶走糖,唔夠甜要放多少少煉奶,好香咖啡味

三五知己, 再一次光臨, 味道依然, 所以同愛吃一族分享一下, 雪啡奶 – 香濃新鮮嘅咖啡豆用越南滴滴咖啡方式, 配煉奶, 冰底. 咖啡, 煉奶嘅香滑比港式咖啡出色.酸窩牛肉 - 酸酸嘅窩底加上安格斯牛肉跟生菜, 味道一絕.咖喱牛筋腩煲(跟法包) – 淨係個樣已經好吸引, 淋牛筋腩帶出越式嘅咖喱味道, 配埋法包, 嘩! Kawaii !!燒魚 - 香茅放入魚身燒, 魚皮脆, 魚肉帶點香茅o既清香.牛油香草羊架 – 未上枱先比牛油香吸引, 羊架夾雜牛油同香草帶出嘅味道, 妙!紅跑車招牌湯河 – 論味道真係無咩特別, 牛嘅配料多, 不過唔夠熱, 失咗小小分.花生醬香蕉卷配雪糕 – 個人而言, 除咗春卷皮脆之外, 味道一般, 但可以睇出廚師嘅心思.今次去係想帶朋友同老闆龍哥飲下酒, 吹下水, 可惜龍哥不在, 好彩熱情嘅服務員珊珊, 華華同老闆娘Sandy一樣友善親切, 仍然可以比人感覺到嗰種朋友式嘅親切服務.P.S. 我哋一行四人入座卡位, 略厭窄咗d.

前天和女友An An再三度光臨紅跑車，看不見親切的肥肥有點失望，但依然仍有有禮的越南侍應來推介我們。今晚我們點了一個法國羊架 lamp chop，法飽、藍貝和兩份牛串燒，要吃有些越法情調的，加上暗暗的燈光和牆上越南味的掛畫，滿浪漫氣氛！首一份的牛柳串燒過熟幸沒有韌，第二碟7成熟就好味了，落單前講定好D。香草羊架香味噗鼻，肉質密度高不似拿鬆過的。還有配汁幾好味，有鮮香草烹調，和吃簿荷醬是兩回事，An An說若果有更多西式配菜重好。我們鄰的客人(共四人)，吃得高興居然唱起歌來(E神的慢歌)，哈哈！今餐食得真開心和過隱！

入到去~氣氛不錯~坐下~揀嘢食問店員："呢個姐係咩嚟嫁"佢答唔到你...佢話...咪麵law"咁咩叫米粉粉絲，我係要揀一樣定係2樣都有嫁"佢答"都得..."姐係點呀??????好叫左~鴛鴦河湯雞絲/扎肉(米粉+粉絲)英文係chicken meat and vietnamese sauage in noodle soup中文係一個or 同一個and 英文2個都係and店員又話唔洗揀咁係唔係姐係2樣餸同埋2種noodle都有先??嚟到...得雞絲幾條問店員二，佢話係咁嫁wo，你係唔係揀雞絲呀我話: 我冇揀過，亦唔知道要揀then嗰個同鬼佬傾到計的店員三話...係呀...係得一樣嫁咋~你想要邊樣呀？我話：冇人話我知要揀...你自己睇下個餐牌啦店員二三：個餐牌錯嫁，唔洗睇大佬!!!!!你錯又唔同人講~人地點左唔係心目中的東西你先話錯?????????問下收銀員...佢話開左2,3個月...2,3個月都仲可以用一個錯的餐牌而店員唔會解釋??then我最後話要扎肉...佢真係拎左嗰d雞絲走...俾左d扎肉我食落...一肚氣...唔覺得d嘢好味了咁我叫左佢個乜鬼雪奶咖啡唔知係唔係我一個人幫襯~佢地覺

我地叫左五樣野:牙車快: 其實似雞絲沙律, 但佢個汁調較得好好味, 開胃之選黑椒海蝦卷: 新鮮即炸, 熱辣辣, 好脆, 好香口越式炒金邊粉:其實係好普通0既野, 但好夠料囉, 啖啖都有雞絲0既香蘭本薯糖水: 見佢地推介所以試下, 口感似綠豆沙, 但冇咁甜, 而且仲有d花生及椰青糕, 配合得好好花生醬香蕉卷配雪糕: 雪糕就冇謂講啦, 但香蕉卷唔錯, 唔太甜, 再加埋花生醬, 咸咸地又甜甜地, 幾過癮

某天, Babe 嚷著要吃扎肉, 從OR 無意中看到紅跑車新開業, 且看網友的食評也不賴, 便即管來嘗嘗第一次光顧的時候是外賣, 給3位年輕貌美的待應, 連環介紹多款越南美食, 以2人既食量來說, 太難取捨, 只好點了懞要 - 本來是用蟹/蕃茄淆出來的濃湯, 伴以懞粉吃的, 但偏偏蟹, 冇貨, 只好用大頭蝦作REPLACEMENT, 本來也不錯, 但嗜辣食狂的我, 很不滿意為何不辣??????招牌湯河 - 其實是火車頭, 甜甜的湯底伴以生牛肉, 牛丸, 非常可口牛油雞翼 – 一客4隻, 只是普通好吃的炸雞翼吧, 是沒了牛油的香味扎肉 – 一客大約十片, 很好很好吃, 配以MAGIC SAUCE – 自制魚露, 令人一試難忘. 之後我便決定學整扎肉拿著2大袋走的時間, 其中一位還跟我說再來的時候要給我打折******************************************************************再次光顧的時候, 是差不多一個月後的昨天, 說給我打折的那位, 居然還認得我, 很是開心本來想吃少少的., 經好客的老板娘,又再陸續推介紅跑車新美食,

在荃灣區內，水準較像樣一點的越南菜館，除了小巴黎外就真的想不到有第二間 (事實上小巴黎也是極之普通的，只是無選擇之中的選擇)。新近在兆和街開了這間紅跑車，在其剛開業時已想吃吃了。是夜獨個兒去試試菜，若好吃的話，就可帶愛吃越南菜的太座來光顧每第一趟去吃一間新的越南菜館時，小弟必試的，一定是其牛肉河及蒸粉包(或稱粉卷)....跟火車頭及越南站一樣，這裏也有一個特別招牌湯河。於是心念一轉，決定捨牛河而取招牌也大堆頭的配料自是必然了 ---- 扎肉、肥牛、牛腩、牛丸、豬手及牛柏葉。對小弟而言，就算有千萬樣的配料，但若湯底不行，也是徒然的....喝一口湯，咦....為什麼是淡如無味的 ? 以為自已的味蕾出了問題，於是先喝一口水，再喝多湯底一次，感覺也是一樣。這碗湯河的靈魂，已死掉了連提升湯底味道的香菜也是缺乏，也就真的反魂乏術了....湯底不行，連帶眾配料的味道也是淡如白開水似的 ---- 豬手有如白烚一樣，肥牛也是一點味道都沒有的；用來貨的牛丸也是牛味欠奉；牛腩不夠淰糯；栢葉頗爽身，已算是眾配料之中最好吃的了....開始失去信心，帶着懷疑的眼光去吃那個粉卷。粉皮是頗煙韌的，並無一夾即散之弊病，

我食o野真係一期期, 依期想食越南o野, 一連食o左兩次, 知道荃灣開咗間人氣店, 即刻拉埋屋企人去試. 蒜蓉包: 熱辣辣的法包, 外脆內軟, 只可惜蒜蓉味未夠濃. 生牛肉湯濛: 湯底清清地, ok~ 但論其配料的確不及香河, 生牛肉都幾滑ge, 但少到離哂譜!!!!! 鴛鴦湯雞絲: 鴛鴦即粉絲mix米紛, 咩原來越南係咁ga, 都幾得意ar, 雞絲多到好似" 無" 咁ar!!!!! 牛柳粒紅飯: 依間o野d牛肉真係好得wor, 牛柳粒超淋, 一咬就開, 內裡juicy, 一d都唔"un" ar~~~ 配上黑椒汁, 好惹味ar!!!! 不過紅飯冇茄汁味, 黏埋一舊舊, mix埋d黑椒汁就好d.越式粉卷: Highly recommend!!!!! 超級熱, 肯定係即蒸, 好正ar!!!!! 粉皮厚薄適中, 餡料令個粉卷脹卜卜, 有豬肉粒粒, 荀, 菇...... 配上酸甜魚露, 這個必食!!!!!整體而言佢同香河好壞參半la, 香河粉麵類好d, 紅跑車用心製作, 牛肉尤其讚賞~~~~ 但屋企人話應該唔會再ｏ黎紅跑車, 因為唔太抵wor, 或者下次同fd再o黎la~~~

其實條題幾取巧，荃灣有幾多間越南菜丫，呢間點都好過小巴黎既。呢間的廚師又係話意盧度出黎，又係火車頭做過，其實反而想問下，到底當年意盧有幾多廚師﹖點解個個都話係果度既人既﹖講番正題，呢間的牛河其實最多算合格，湯清但味淡，河粉太腍，同埋唔夠熱。有個番茄牛肉反而唔錯。有位肥肥地既侍應好趣緻，成個人坐係你隔離落單，好鬼朋友感覺。

記十一月下旬獨個兒的晚餐放在Notebook已久的餐廳，話晒家在附近，是晚收早想獨個靜一靜想想近日發生的事情，推掉了「比面派對」，獨個兒來喝啖牛湯。甫入店由一身越南裝的侍應招呼，全卡位設計，幾特別又帶著獨特小店風情。看看餐牌，有些特別作想吃的，就是越式皮凍卷，可惜是日無貨，只好退而求其次，要了泰腸米紙卷作前菜小吃，很奇怪順化湯河外仲有味豬手．生牛河，不嗜辣，於是要了後者。先說豬手河，因為先來，濁色湯底下了些蔥粒及金不換絲，幾圈洋蔥圈可有可無的舖面，幾件件頭很大的豬手及生牛肉，碗內香料嚴重不足，要細撕下伴碟金不換提味，湯底濃郁帶牛骨熬成鮮味，除不夠熱外，味道是不錯的（以卅餘元收費來說），河粉是本地貨，很滑但極易浸腍，要快吃，牛肉肥美，惟豬白豬手皮粗肉韌，煮．炆的功夫很一般，無謂浪費胃納了。泰腸米紙卷，可能廚房大忙，這個手作小吃要到湯喝剩小碗才來，但望望乾乾的米紙卷，應該是師傅做好放上些時間，又忙著炒菜所以遲出了．．．放上一會的米紙卷口感及賣相打了大折扣，幸好材料豐富，生菜包卷著青瓜、甘筍及凍辣肉腸，口感清爽，難得是吃落口不至於跌到一地餡料，握的功夫不錯，卅餘元有四件，吃得過。招呼周到，老

同個仔買完校摟，正是下午茶的時間，來到兆和街紅跑車吃個越式tee。這裡的裝修極有越南味，墻上是聼講購自越南的風情畫，還有穿著越南傳統服裝的靚女穿梭于店堂裏，自成一道風景綫。點了個酸辣鳳爪，香茅雞翼檬粉。嘴尖尖的仔都話的雞翼好好味，孝敬了一只給阿媽，自己食完其它幾只，的檬粉就用魚露撈來食，別有一番風味。我就喜歡酸辣鳳爪，酸酸的辣辣的，同其他地方的有點不同，勝在夠味，的拌菜的鮮味又不會被的鳳爪搶著，聼老闆娘講，他們這裡的酸辣鳳爪，一定要腌幾個鈡頭以上，保證入著味才會賣給的客人，眼大肚細的我，到臨走還另點多一份酸辣鳳爪，打包回家慢慢享用。

星期日去食lunch, 食物味道還可以，但算不上出色。是日order了一個拼盆，menu明明寫住有蝦餅架嘛，黎到竟然變左兩小片扎肉，有偷工減料之嫌囉! 問下侍應，佢極平淡咁答我今日冇哂蝦餅，咪換扎肉囉~~~ 唔知係咪成日都係咁嘅呢...不過anyway佢都應該係落單時候講聲嘛~另外越式炒飯麻麻，奶茶比較鞋，唔知點解咩都未食就上甜品先。係d串燒ok d. 不太建議情侶去囉，d位好迫之餘又要同人搭檯，但如果你當越南快餐的話都ok ge..

昨天因參加朋友舉行的活動而專程由九龍東的居所坑口走至荃灣活動完結後己是2030　晩飯時間接納朋友推介到此一試ニ人點了三道菜兩杯餐飲第一道是「越南蝦餅」咬了一口後我露出幸福的表情WWW新鮮蝦味溢出、絶不油膩點少少酸辣醬味道更佳非常有咬口第二道是..(待續）

有套餐叫，不過唔吸引，散叫仲好，2個人點咗：$ 32 越南蝦餅：好香好正，一啲都唔油~$ 68 紅跑車越式拼盤：有2條春卷 + 4片扎肉 + 8粒藍青口 + 2串串燒 + 柚子沙津。算正常份量，扎肉&藍青口都冇味，串燒乾身，係柚子沙津同春卷比較好食~$ 68 咖哩牛腩筋煲(跟蒜蓉包)：蒜蓉包似新鮮即整，好香香草味。咖哩味香濃唔辣，牛腩稔熟而且好入味，必食推介~$ 18 香蘭木薯糖水：之前未食過，係店員介紹，都幾特別，不過就貴咗少少，感覺似晚餐嘅"是日糖水"結結：店員好nice，又不停加青檸水。其間，仲有人請我哋飲細細杯紅酒，我估係老闆嚟掛????!!!!!!! 明嘅，新開業，希望可以keep得到咁好嘅服務態度及水準啦~

o個日在川龍坐小巴去荃灣, 落小巴後, 就入去呢間越南餐室 (因為好近小巴站) 入去叫咗招牌河, 青口, 烤魚, 法包.. 可能肚餓, 個法包好好味, 之後個河的湯底好正, 同出面的越南餐廳好唔同, 青口就不得不提, 好食到不得了, 而條魚都ok最後, 佢地介紹我飲個湯, (唔記得個名了), 味道有少少似"冬陰功", 但唔太辣, 如果唔食得辣, 可以一試! 佢地無介紹錯, 好飲!!