紅館 (海堤街)

营业中

休息中

喺鰂魚涌附近返工好多年，都聽過不少同事介紹紅館 🏠 但之前每次經過都好似見到唔少人排隊，所以一直未有機會去試🤓 難得早前在疫情之下，較少人到公司上班，所以能夠在不用排隊的情況下去食紅館✌🏻 麻辣滑雞上海湯麵 $68 再加了招牌麻辣大波波魚蛋😆 我個人不太能吃辣，所以選擇了BB辣😝 都幾impressed佢可以少辣得來味道還是很豐富，好足料同魚蛋真的很好吃啊 💯 好似仲好食過長洲嘅魚蛋☺️難怪會咁多人嚟排隊~

紅館地址：鰂魚涌海堤街18-22號地下D10號舖今日天氣凍凍地當然要挑戰下四川菜啦😎，如果想知邊到有好食嘅酸辣粉，呢間絕係必試選擇。重慶開心酸辣粉(辣) 🍜 $66 ，麵身彈牙吸湯吸曬所有精華🤤，其實小辣都已經好勁，又香又辣又酸香，麻辣濃烈。佢下面仲有啲好多大豆芽，連埋花生一齊食爽呀👍👍。#nicefoodie鰂魚涌

喺QB番左3年工, 好記得第一個星期就試倒紅館既麻辣牛肉湯麵😍簡直就係一試愛上! 從此之後, 紅館就變左我每星期必到既地方🤣雖然喺後巷地方 但望入舖面都企理乾淨~唔會話搞到個地下油lum lum嫁同埋其實呢條後巷既lunch hour係勁多人既基本上都冇人唔知紅館喺邊😹幫襯左3年 見住佢由只做外賣 擴張到而家有埋堂食 真係好感動🥲 做大左 但水準仍然keep倒通常外賣等5-10mins就已經有得拎講番我碗麻辣牛肉蘿蔔湯麵先~永遠都係中辣至岩我口味 碗麵唔係得個辣字 而係真係有麻香+香辣但又唔會話辣到你噴火果種~我通常都將湯麵轉薯粉😹飽肚啲 口感又特別啲薯粉煮完麵仲好煙韌 唔會入到口就變左一pat野咁~但價錢喺呢區既餐廳黎講 唔算平🙊所以一個星期食一餐就夠哂數~

紅館鰂魚涌 公司附近一路都有間四川菜，雖然係小店之前食嗰晚市質素都唔錯，今次一於嚟試吓佢哋嘅午餐 ，附近都有好多辦公大樓，唔少人放lunch都喺度食。同同事一齊叫咗個椒藤皮蛋，$35份量好多 ，有十幾舊，青椒加埋麻辣味非常之辣，辣得好過癮。配上少少蔥花同埋芝麻更加香，兩個人一齊食叫一份share，絕對明智。另外叫咗冒菜，揀咗配薯粉，麻辣味為主，入邊都有好多配料，分別係豆腐，牛肉，芽菜，蘿蔔等等，配料同份量都好多，一個女仔食唔晒 。價錢喺港島區都算好平幾十蚊咋。

通常呢間係外賣，都未試過坐低食有試過買返屋企加料，又有買過返公司，但都無叫過佢個大魚蛋，呢位同事話我竟然無試過？ 嗯... er... 又真係唔覺有咩特別，有魚味既大魚蛋？呢間既水煮係好食既，同唔算好多油，所以食得舒服既，同埋我以為外賣先係分上，原來堂食都係～

今日同女朋友放假，去左港島個邊行下，去到鰂魚涌個邊都lunch時間，開始有啲餓，上openrice搵左陣，見呢間啲麻辣野望落好似幾正，咁岩個日又凍凍地，就過去食返餐~佢就係濱海大廈一個巷仔入面，唔係好顯眼既位置，鋪頭細細間，但都幾多人食，好彩我地接近2pm先去，如果唔係lunch時間有排等有客飯或者粉面既套餐，我女朋友最想飯個個羊肉湯面賣哂🥺。。。要試下次真係要早啲最後我地叫左個四川椒麻雞飯同麻辣牛肉蘿白湯麵餐，加埋$6要個大波波魚蛋！個賣相幾正咁，我要左小辣，費時食太辣下午要成日去柯🤣同佢個名一樣，麻同辣兼備，配搭比例好好，而材料亦好豐盛，味道同價值都不錯👍🏼椒麻雞飯~雖然佢話唔辣，但麻個種感覺好強烈，食落口會有少少痹，幾惹味~鐘意食川菜既人值得黎試下~

辣絕滋味,回味無窮 紅館 (海堤街) 突如其來既寒風,低至19度,就想食辣味暖胃暖身搵到呢間小店,只開星期1-5,周末休息,襯住周末前來試招牌麻辣大魚蛋, 紅油口水雞, 山東老陳醋皮蛋,麻辣牛肉蘿蔔麵2個人食小碟2款,主食2款,真係辣勁滋味,教人回味一夜原先老闆話無曬魚蛋,好彩最後仲有一份,3粒大魚蛋用麻辣汁煮過香辣惹味,又麻又辣,大魚蛋好處係彈牙又多肉汁,唔會好粉仲好鮮甜陳醋皮蛋仲有麻辣汁,又香又辣又酸香,麻勁濃鮮皮蛋鮮濃,小辣都好勁,但係又忍唔住食清曬最辣一定估唔到,竟然係麻辣牛肉湯麵,小辣一樣灑滿辣椒碎同蔥花因為幾款都係冷盤,個辣味反而無咁濃同突出,熱湯麵,辣味係更加濃烈蘿蔔清甜,牛肉嫩滑份量多,蔥花芝麻加辣椒油,又香又濃味麵身彈牙吸湯,近似拉麵口感 叫小辣最穩陣,真心好食紅油口水雞 入口先香後辣再麻,最後會有香料既咸香味,層次豐富個汁係冷盤凍食,個辣味感覺無咁勁同濃,雞肉厚嫩,皮爽肉滑,加埋辣汁食一流香辣惹味,撈飯一流消費$250評分8/10紅館 (海堤街) 鰂魚涌海堤街18-22號地下D10號舖#川菜 #麻辣 #太古美食 

這天吃了一頓不錯的四川菜。我一向認為川菜，就是麻辣的，會不適合我。我沒想過原來不吃辣，吃四川菜亦能豐富這麼滿足！這天朋友接著要身體檢查，說要多吃蔬菜亡羊補牢一下，所以我們點了枸杞上湯時菜。它的份量十足，紅色的枸杞除了美觀，亦很美味。我相信枸杞能養眼，所以天天都在吃。雖然是普通的食材，但其實顆顆飽滿、香甜的枸杞還是需要經過精心採購的。下道菜是京蔥炒牛肉。它用料十足，是心中所想的味道。光著嘴吃，覺得醬汁稍多，配個白飯會更佳。我們還吃了牛肉麵。這個湯麵味道很好，牛肉軟嫩，調味合適。吃這個牛肉麵能夠品嚐到清湯底的清香，整體很出色！最後因為希望淺嚐一下這裡的麻辣，所以點了一份招牌麻辣大波波魚旦。我們選了bb辣淺嚐一下，我覺得這個辣度可接受。

今日過嚟搵朋友食飯，呢度每條小巷都有好多唔同類型嘅餐廳，最後我哋俾佢嘅餐牌吸引住，所以就揀咗呢間。唔好睇佢舖仔細細，但都幾多人黎食。我哋都係食肉獸，所以叫咗肉同肉仲有肉，分別有重慶水煮牛肉、京蔥炒牛肉、鑊氣豉椒炒蜆。重慶水煮牛肉，牛肉入晒味又有咬口，碗底入面大量芽菜同洋蔥，唔叫菜，淨食呢到都夠。京蔥炒牛肉，香口惹味，牛肉又唔韌，炒得啱啱好，送飯一流。鑊氣豉椒炒蜆，好有鑊氣，份量好足，唔會穀多過肉，啱啱送啤酒同飯。

今日好想食辣野，所以經朋友介紹呢間餐廳，入到去見到餐牌已經流晒口水。我哋叫咗 野生椒炒牛柏葉、重慶水煮牛肉、鑊氣豉椒炒蜆。野生椒炒牛柏葉，有好多配料同香料，有洋蔥絲、金菇、乾紅辣椒、青泡椒、紅蘿蔔絲、大蔥，配埋牛柏葉夠晒惹味開胃，可以送一碗白飯落肚。重慶水煮牛肉，牛肉好入味而且一d都唔韌好滑，另外水煮嘅湯底夠晒香麻辣，食到最後個嘴都痹痹哋。鑊氣豉椒炒蜆，真係好夠鑊氣，蜆肉夠晒惹味，襯埋啤酒，冇得輸。

今次同朋友嚟食紅館，但咁岩個胃唔舒服，結果我只可以食唔辣既餸，結果有啲喜出望外，紅館唔辣既選擇都好好食。我揀既係脆皮鍋燒上海湯麵🍜 $69其實叫之前我完全唔知咩黎，因為好似得佢唔辣，所以先點左佢。啲豬腩係我同朋友都一致好評，又香又嫩，最驚喜係佢有燒豬皮味😝，少少煙靭。同埋份量都幾多，唔係得幾塊，就算唔再叫餸都可以食飽。枸杞上湯時菜🥬 $78同我個湯麵既湯底好似係一樣的，多左枸杞就變左清甜既湯底，同啲菜一齊食剛剛好。朋友的麻辣滑雞上海湯麵🍜 $69佢揀左中辣，話比想像中辣🤣 好夠味咁話。可惜我冇得試。食到一半忍唔住叫多左份麻辣豬耳，我撈落湯試左少少，溝稀左都仲覺得好勁麻香，建議大家唔好浪費啲洋蔥，一樣咁好入味好食的。

平時好少黎鰂魚涌一帶，今日朋友帶路順便食個便飯，原來呢頭都幾多食肆，碰巧中午食飯時間，好多鋪前面都有人在等外賣，後面就行左入條行仔，估唔到都有幾間食肆，包括呢間紅館，店舖唔係好大，長條形有幾張細枱，主力食四川重慶菜。午餐可以揀客飯或者粉面，有辣有唔辣，最後我就揀咗個四川椒麻雞（ $68 ），呢個唔辣不過就會麻，我另外加咗兩粒「招牌麻辣大波波魚蛋」，真係好大粒，麻辣嘅程度唔算好誇張，可接受，而且都幾彈牙，唔錯唔錯！主菜送上一大碗飯，椒麻雞非常之香，面頭有好多蔥花，下面浸住油，雞嘅份量都算多。啲雞真係好麻，食到成個咀都麻痹，有冇人好似我咁喜歡麻而不喜歡辣呢？我相信佢用咗勁多花椒呢！另外一讚就係呢度嘅自家製羅漢果茶，甜甜地好好味，而且感覺健康得多，仲要係免費㗎 ！正！

在太古坊工作的人應該對紅館這間餐廳不會陌生，雖然餐廳在一條不起眼的巷子，但食客絡繹不絕。四川椒麻雞半隻雞的份量，上面鋪滿了青蔥油和青麻椒，吃的時候最好和青蔥麻椒伴著一起吃，雞肉嫩、青蔥香、青麻椒把雙唇麻得癢癢的，非常過癮。如果油能少些，吃起來罪惡咁會減少😅麻辣野生椒炒爽豬肚配料及香料非常多，有洋蔥絲、金菇、乾紅辣椒、青泡椒、紅蘿蔔絲和主角爽肚。這是一道非常開胃和送飯的菜式，光是這個炒爽肚已經可以送一碗白飯落肚。香辣牛肉炒鴛鴦牛肉份量非常多而且大大片，第一次吃薯粉和麵條一起炒，口感豐富在香港比較少見。這個鴛鴦炒麵也有很多香辛料，味道真的不錯，下次來一定會再叫。

朋友帶路，來到鰂魚涌捐橫街小巷窿捐罅找到這間唔起眼嘅小店「紅館」。 喺鰂魚涌一帶比較地道嘅四川，重慶小店較為少見。老闆引入成都菜， 重慶水煑麻辣尤其出色， 除此以外，亦有廣東小炒， 唔太嗜辣也有不少選擇。好想食羊肉湯麵可惜是日羊肉售罄。改成「大大碗牛肉湯麵」，選清小辣清湯底別有一番風味。 唔會吃到噴火不過keep住有少少辣唔錯。牛肉片估唔到咁有肉味， 冇被蘇打粉醃到好腍嗰種， 好有牛味又有嚼勁。 拉麵清爽，口感夠滑。 蘿蔔大大件都好入味又清甜～成都冒菜（特色六寶配搭）六寶材料好豐富～ 因為今日狀態麻麻所以冇叫麻辣，水煮。 是日精選材料同樣有牛肉 ，青瓜，牙菜，蘿蔔， 豆腐， 金菇～ 加咗芫茜， 令湯底更清甜更香。 豆腐好滑有豆香， 大量金菇，剪裁較短竟然一啲都唔黐牙👍👍 蘿蔔大大件超juicy。自家製火龍果茶清甜滋潤 ！😍～啤酒好抵～青島買一送一。晚市惠顧藍妹＋$68 還有炒蜆或指定下酒菜， 下次真係要嚟啤啤佢。 🍻🍺

鰂魚涌海光街個頭有好多小店，今日係小巷搵到間正宗川菜 - 紅館，所有野都好好食！成都冒菜 ($168)冒菜我都係第一次食，感覺上對比起麻辣燙有更多料，一筆起真係好多料，有菜有肉，有牛肉，豆腐，蘿蔔，芽菜，金菇等等。牛肉好嫩滑，豆腐好有豆味，蘿蔔無渣清甜。我哋揀咗小辣，唔會食到流鼻涕，同時又有麻麻辣辣嘅味，湯底好正宗好正。香辣牛肉炒鴛鴦 ($88)見到炒鴛鴦咁得意就叫嚟試下，係有粉絲同麵一齊炒，食落無違和感架，好有鑊氣，仲有好多牛肉片，好推薦叫嚟試下。麻辣大波波魚蛋 ($27)有三粒又圓又大嘅彈牙波波魚蛋，大大啖都要三啖先食完一粒，魚蛋有魚味唔會得個粉字，麻辣醬汁少辣，大家都食到。