紅館 (海堤街)

营业中

休息中

今日過左海接老公放工，順便周圍行下，黎到鰂魚涌見到有間食水煮嘅小店，因為好耐冇食辣，好懷念辣嘅味道，就逼老公同我去入去試吓😂店舖雖然細，但感覺溫馨。我哋叫咗：大大碗羊肉湯麵羊肉唔騷，真係大大碗，麵質爽口，湯底清甜唔喊，值得推介！👍🏻重慶水煮配蔬菜蔬菜沾上大量麻辣汁，味道濃郁，好香花椒八角味，下次應該叫啲肉😂四川椒麻雞雞肉肉質鬆軟，辣汁有四川風味，都幾入味。山西老陳醋皮蛋有驚喜嘅係呢個皮蛋，由於用咗陳醋，咬落皮蛋更香得來帶點甜酸味，幾特別。

鰂魚涌那邊幾近全部也是寫字樓，物價自然比較高。朋友在那邊附近上班，便到那邊找他吃飯。他帶領到附近的海堤街，小巷中有數間食肆。紅油口水雞(半隻) - $108自家製的紅油麻辣鮮香，麻香滲透雞肉內，雞皮爽脆彈牙，肉身冰涼透骨，再撒上葱花、炒香的芝麻、花生碎，令味道再提升。京蔥炒牛肉 - $108不太吃辣的話，京蔥絕對是最佳之選。味道香濃而不辣，爽脆的京葱味道帶甜，更能吊出牛肉香。招牌麻辣大波波魚蛋 - $27/3粒麻辣醬汁好香濃而不嗆喉，大大粒的魚蛋充滿彈性，魚味濃郁而腥，完全沒有魚刺。青島啤酒 - $28 (買一送一)藍妹啤酒的話則$32一支，但可以加配小食$68。不過朋友酒量較大，兩支剛剛好。淳。茶舍 - $12無糖之餘，又有膳食纖維。

四川菜❤️-同小編一樣唔食得辣嘅都可以嚟試下叫咗中辣🌶️，都係可以接受食到最尾，佢哋嘅門面裝修雖然冇乜特別，但係食物出眾值得一試！-#重慶水煮配嫩牛肉 要食四川菜梗係要食佢哋嘅水煮🐂啦，剛剛上菜嘅時候牛肉質地好嫩口唔會韌，但係建議盡早食完🤔， 因為始終牛肉浸太耐 之後會變韌， 食每一啖嘅牛肉都食到好香嘅辣油味🤩-#鑊氣豉椒炒蜆 其次必點既係豉椒炒蜆🏅，味道好有鑊氣，係一款好適合下酒既餸，仲有個好優惠嘅價錢，豉椒炒蜆同啤酒只要加6️⃣0️⃣蚊就可以食到啦！-#重慶開心酸辣粉 小編對於酸辣粉嘅味道要求頗高😈， 要食到好食嘅酸辣粉嘅地方真係唔多，呢間係小編心目中嘅number two，雖然佢哋嘅粉唔係用咗薯粉，但係佢哋嘅粉吸曬所有精華🤤，而且味道夠酸夠辣；但係對佢哋嘅口水雞有啲失望，味道唔太入味，但係肉質唔會柴-最特別嘅係飲酒用嘅杯係用咗戰鬥碗，佢哋首先係將個碗雪凍咗，等我哋飲嘅時候再到🍻落去，感覺好儀式感

今日入開鰂魚涌探朋友，順便食個午餐，地道四川菜，坐滿客人，送羅漢果茶，如果有叫飯，係用金象牌香米，如果自問食得辣呢度就啱晒。重慶開心酸辣粉$66酸辣粉可以揀大中小辣，有花生、榨菜及豬肉粒碎，湯底酸酸辣辣好開胃，啲粉煙銀彈牙。招牌麻辣大波波魚蛋$27（3粒）魚蛋爽口彈牙，超級大粒，一粒嘅份量等於平時食嘅三粒，醬汁少少辣。控油炒手$72（6粒）呢個係店舖推介，我朋友仔食到大汗踏細汗，然後我試咗一啖，真係好辣，皮薄餡靚，裏面嘅蝦好新鮮同彈牙，超級推介食得辣嘅朋友仔。整體而言唔錯，係一個食午餐嘅好地方，好多人排隊食，因為啲嘢食真係好夠麻辣。

用辣嚟揭開一個星期嘅序幕🌶呢間餐廳係一個喺附近返工嘅朋友介紹嘅…佢嘅位置喺啲小巷入面，原來呢度每條小巷都有好多唔同類型嘅餐廳門面裝修唔算突出，一個大紅色嘅招牌裏面裝修都比較地道同樸實 牆上面貼滿咗唔同小菜嘅相，等大家可以refer返😌呢度嘅選擇唔算太多，但係一般嘅四川出名嘅菜式都有例如涼拌系列、水煮系列、同埋好少見到嘅冒菜都有我哋一行二人order左《重慶水煮雙拼》$168雙拼要咗牛同龍脷柳～ 一上菜嘅時候飄過咗一陣麻麻辣辣嘅味道唔算太油，而且牛同魚嘅分布都幾平均每件牛同魚都係大大嚿 而且牛係有咬口同埋唔似出面用鬆肉粉拿到啲牛淋晒！魚都係一樣大大嚿而且非常滑 掛汁能力都幾高入面仲有大量芽菜同洋蔥🧅 呢個雙拼非常之抵食，因為牛肉同埋魚嘅數量都真心幾多😆😆《四川椒麻雞》半隻$98睇人哋啲相以為雞嘅上面鋪滿住花椒上菜嘅時候聞到好香嘅蔥油味，一睇先知原來蔥油同花椒鋪滿係雞嘅上面呢碟嘢真係唔錯，真係會食到個口好麻😂同埋花招嘅香味好足夠 心到來啲計件入面，令到啲啲雞好香《熗炒時菜》$78係我諗到嘅味道❤️ 辣辣甜甜咁好令到人哋忍唔住一啖接一啖😌而且個菜算好油，唔會驚油都食唔到

聽朋友講呢間紅館嘅川菜整得幾正宗，就約埋朋友一齊去試吓。嗌咗半隻嘅搭牌四川椒麻雞，雞上邊滿滿嘅椒麻香料，好似平時既口水雞咁係凍食，所以雞嘅肉質好嫩滑，食落唔算好辣但好惹味。仲嗌左野生椒炒牛柏葉，食落比起雞就辣左D，配料有辣椒芫荽洋蔥蘿蔔絲金菇，牛柏葉整得好爽口食落好惹味，用黎送啤酒就啱啱好。仲有重慶炒酸辣粉，平時湯既酸辣粉就食得多，估唔到炒酸辣粉更加好食。整體食物水準唔錯，雖然舖頭細細但係食物有驚喜，會同食得辣嘅朋友再黎幫襯。

今次同朋友黎試哩一間川菜，哩到既午市套餐價錢合理，加$6可以加配招牌麻辣大波波魚蛋一粒。入到去一坐低，店員就會放低一杯凍既羅漢果茶，可以用黎解辣，食物可以選擇辣度，我地兩樣都揀左小辣。🐑重慶水煮羊肉 $73水煮羊肉份量都算多，而且唔羶，水煮湯夠麻香，但又唔會太辣，午餐本來跟配白飯，我地加左$6轉薯粉，哩到既薯粉同出面既唔一樣，比較幼身易咬，質地較爽。🐔紅油口水雞 $70口水雞既辣醬真係好麻好夠味，仲要係雞髀位，肉質超嫩滑，我地加左$12轉湯薯粉，湯薯粉係清湯，味道較清，所以我地撈埋水煮羊肉既湯落去一齊食🤣🍢招牌麻辣大波波魚蛋 加配價$6一粒$6一粒真係幾抵食，佢仲要勁似長洲嗰種魚蛋，非常彈牙，好食推介👍🏻整體黎講，哩間餐廳既川菜味道唔錯，鍾意食川菜既朋友都可以一試。

行過橫街小巷見到有重慶麻辣薯粉，好吸引，餐廳細細間，但都有8至10張枱，唔算好逼夾，冷氣足夠，中午時候等咗一陣就有位。重慶水煮龍脷柳薯粉叫咗小辣等同BB辣，龍脷柳嘅份量好多，肉質唔鬆散，湯底好濃郁，有好多辣椒同洋蔥，芝麻加上多蔥嘅配搭好香口，薯粉吸晒湯底嘅味道。紅油抄手10分推薦，BB辣，抄手大粒，餡料足，有好大隻蝦係裏面，面頭嘅芝麻好香口。脆皮鍋燒上海湯麵個腩肉好有驚喜，個皮好香脆，唔會好油膩，份量好多，每塊都好厚身，煙煙銀銀。湯麵軟硬度適中，清湯湯底都唔錯，喺唔辣嘅選擇。

今日係鰂魚涌搵食，同事話想食辣野，搵左呢間小店食辣野飲啤酒。🥢重慶水煮配紐西蘭羊肉 $148水煮魚片就食得多，水煮羊就真係好少食，佢個辣採用左四川頂級青花椒和二十多款香料，經過幾小時炮製而成，辣度十足，加上紐西蘭羊肉好滑嫩，絕配之選。.🥢四川椒麻雞 $98半隻椒麻雞滿滿的麻味但不算辣，雞肉嫩滑又沒有雪味，啖啖雞肉配以十足麻辣和辣椒香味，層次非常豐富。.青島啤酒仲有買一送一，岩晒鍾意食辣野又嘆啤酒嘅朋友😋😋

原來鰂魚涌咁多小店，好多嘢想食，撞正放飯時間間間舖頭都好多人。由於好想食辣野就揀咗呢間巷仔嘅小店。佢舖頭唔算大，但晏晝時間都坐滿左人，而落完單之後可以自己喺收銀隔離拎餐具。重慶水煮 （龍脷柳/牛肉/羊肉/蔬菜）$73可能主打嘅關係，款式都比較多，平日可能得一款至兩款。一嚟到見到佢好多大辣椒同埋偏紅，但佢唔係想像中咁辣，個味幾開胃，食完一塊又一塊，難怪佢呢度有得買自己嘅辣油，啱食嘅可以買一樽返屋企。紅油口水雞 $70又係滿滿辣椒嘅口水雞，我鍾意佢嘅味，又係食完一件雞又一件，絕對唔好俾佢啲辣椒嚇親，其實冇想像中咁辣，至少我食得晒成碗雞，仲食晒佢嘅花生。招牌麻辣大波波魚蛋 +$6午餐時間可以加$6要一粒，佢出到嚟真係真係長洲大魚旦嘅size，都幾彈牙。大紅袍 +$9都係午餐時間可以加錢換，如果唔係就$12一支整體來講去都係好食，如果喺鰂魚涌係值得食呢間，我覺得好開胃，好啱我口味。

鰂魚涌多好嘢食，唔知道你知唔知呢🤩今日食咗一間一聽個名就覺得佢勁嘅小店，叫做紅館😎一聽個名都知道係食辣野嘅，但係真係冇諗過咁足料咁辣囉🥵同個friend兩個lunch咁啱經過入去食啦，平時喺譚仔就食開BB辣嘅，呢邊呢最細呢就係小辣，但係都已經超級有料到。而且lunch價錢好抵食， 7十幾蚊就已經大大碗，份量好足，我哋叫咗重慶水煮牛肉同埋成都冒菜，配左個薯粉，再加左招牌麻辣大波波魚蛋同埋一碟油菜，但係真係大碗到兩個人都食唔落呀🤣啲薯粉一嚟嘅時候呢分開上嘅，我哋自己將佢放埋入去嗰碗重慶水煮牛入邊，個辣度好夠之餘，仲感受到店家嘅誠意😗係用真正辣椒整成嘅湯底🌶牛肉都好嫩口好新鮮，啲薯粉完全索晒啲麻辣湯汁🤤嗰個招牌麻辣大波波魚蛋好正，啖啖肉，彈牙爽口，唔使去長洲都食得到。仲有老闆娘好貼心嘅🥰就係一坐低即刻放低咗兩杯羅漢果茶俾我哋，大熱天時飲番杯，然後再嘆水煮牛，正呀。

琴晚搵男朋友，去左鰂魚涌搵好野食，咁岩想食下辣野，男朋友就有左我尼呢間隱蔽既四川風味菜館。餐館唔大間，不過都有10張檯度，我地超肚餓，兩個人都點左幾多野食下。第一度菜就豉椒炒硯配枝啤酒，呢個配搭係必食！啲蜆炒得惹味而且好有鑊氣，食落有大排檔風味！配上啤酒絕對一流，加上餐廳環境乾淨所以都食風舒適既！第二度菜係椒麻雞，我男朋友好鐘意食雞所以特別叫。一上菜成碟面頭鋪滿蔥油同青花椒碎，一食喜出望外，雞肉非常嫩滑、唔鞋。香港餐館好難搵到整得啲雞咁好食既，我同男朋友都食唔停😋😋跟著再來重慶水煮牛肉，叫左中辣，辣度適中、岩哂我地口味。成盤餸落足花椒、辣椒既、牛肉都好多、好足料！略嫌牛肉唔夠入味，夠入咪的話相信更加吸引😄Last既係炸饅頭，呢個係我最愛，唔係度度都有得食，一見到就即刻點。食落夠脆而且即叫即做，做飯後甜點一流！

餐廳位於港島區，地鐵站路程只需要五分鐘左右，十分方便快捷，這裏是小店經營的，在這裏我吃到的四川美食，絕對是十分地道，麻辣味比例取得剛剛好。川味皮蛋，選材十分認真，皮蛋內裏還是流心的。配搭餐廳自家配製的四川醬汁，絕對是超級美味。炒鴛鴦粉，沒想到兩款不同的粉麵，配搭起來竟然如此有趣，最重要口感極佳，完全不會有口感不夾問題，影響了對食物的質素。另外，我們還點選了一份羊肉，沒想到配搭四川的味道，羊肉不但沒有騷味，還充滿了大草原的感覺。

不嬲都鐘意食辣野見朋友推介依間係鰂魚涌既川菜就一於約埋朋友去試下呢間紅館喺小巷入邊位置真係比較隱蔽前菜叫咗山西老陳醋皮蛋陳醋味就唔算好出但麻辣香料醬幾香，辣度啱啱好，幾開胃野生椒炒豬肚，配住金針菇一齊炒豬肚好爽口，呢碟辣味唔算好出但夾埋其他配料，愈食愈香主食叫左重慶水煮配龍脷柳魚肉煮到好滑身重慶水煮汁真係辣得好過癮食完真係出一身汗另外仲叫左麻辣滑雞上海湯麵麻辣湯底揀左小辣雞肉本身唔辣嘅，肉質好滑身最後叫多個枸杞上湯時菜解解辣整體食物幾有風味，可以一試

無辣不歡的我，終於還是來吃了紅館。已經是常客了，怎麼吃都不厭。舒舒服服吃一頓好的，才算是一週的結束。 中午通常1點之後，人就開始多了，所以，我特意早一點來，很舒服還有位置。 今天點了冒菜，一直在水煮和冒菜中間糾結，因為想多吃一些菜，就選了菜菜。果然超級好吃，正宗的麻辣，就是重慶成都的味道。最喜歡是水煮豆腐，細膩嫰滑。 辣椒味道剛剛好，不會太刺激，又有鮮美入味。 紅油抄手也是強力推薦的。大大个，裡面有蝦仁和肉。一個下去，爽歪歪。最喜歡還是調味，酸酸的醋，一下子就打開了食慾。 還有鬼佬也來吃，這中餐的精髓。紅館鰂魚涌海堤街18-22號地下D10號舖