紫粵軒

今日阿頭請食道別飯，餐廳安排坐近靠窗位置， 疫情下，枱與枱之間有大大的透明屏風，唔會覺得有壓迫感，環境寬敞，寧靜。同事唔客氣叫咗好多美食。龍蝦湯響米海鮮泡飯：龍蝦湯味濃沃，加埋脆脆，食落有新鮮感，欣賞。懷舊蝦多士：金黃香脆，炸後不油膩乾身，正～ 叫多幾籠全統點心，酒店級數新鮮，味道比一般茶樓優勝。甜品來個原個椰皇，真幸福可能係平日午飯，服務生服務不錯，沖水上額外醬料都較快，欣賞酒店提供兩小時泊車服務，不用周圍揾車位。

今次去左紫粵軒食父親節飯,選了$1980套餐for （4位）x2 Set , 再叫左一支$538嘅紅酒。總括食物方面係ok,環境舒適和服務都ok👍👍。另外,預訂餐廳要付$700 deposit。

足料味美極品佛跳牆 - 用料上乘，全部都煮得好入味，又唔會過火喉餐廳會按預訂時間煮好，打電話提醒可以提貨！十分準時，服務細心😄包裝亦週全考慮一壼有湯嘅食物，好容易可以拎走，返到屋企仲可以靚靚仔仔咁上枱！每人二百蚊左右有齊鮑魚、海蔘、花膠、冬菇雞髀、瑤柱，仲有個湯超好味！性價比一流！👍🏻

初二開年飯，疫情下揀咗近年最hit嘅盤菜。今次試吓Crowne Plaza酒店嘅六人「鮑魚聚寶盆菜」，貪佢貴精不貴多，有8頭蠔皇鮑魚、花膠、海參、瑤柱、香煎大蝦、沙井蠔、花菇、貴妃雞及蠔皇鴨掌同手打鯪魚球。食材質素幾好，海參、花膠、鮑魚同鴨掌大大件，味道唔錯。鍾意佢唔會有太多立立雜雜食材，夠精緻。跟餐有兩盒南乳鮑汁，味道比較濃，建議落一盒已經相當足夠。酒店附送一個粉紅色嘅不鏽鋼煲，好精美，可以用明火或電磁爐，食完盤菜仲可以保留個煲之後用。

星期日換換口味，不吃翠園，一家人去飲茶，試試這裡的點心。環境很寬敞，服務員人數相對不少 點了蝦餃，腸粉，鮑汁鳳爪等點心。蝦餃的蝦肉很鮮甜，味道明顯比翠園要好吃很多，鮑汁鳳爪就跟翠園差不多，鳳爪浸泡在鮑汁中入味，多吃幾隻也不會很膩。長相普通的牛肉球也不錯，用筷子一夾就斷，又脆口又新鮮Anyway it is good to eat dim sum here! Despite it could be more expensive

星期日難得放假，要做個乖乖女，陪媽咪飲茶🥰今次我揀咗皇冠假日酒店嘅中菜廳紫粵軒，嗰度地方好寬躺，我最鍾意佢哋嘅圓形卡位，坐得好舒服，可以自成一角😚我哋試咗五個點心，茶錢就每位$18🔹黑松露水晶餃 $72好香好香嘅黑松露味，個皮好薄，裡面有鮮蝦蓉，好好味🔹杞子魚肚蒸滑雞 $68魚肚同雞都好滑，加埋杞子嘅香味，幾好食🔹蜂巢脆芋盒 $64呢個點心我最欣賞芋頭蓉裏便有全粒大帶子🤤熱辣辣食，口感一流🔹鴨腳 $60腐皮裡面包住有芋頭瘦肉，鴨腳扎一般🔹翡翠帶子腸粉 $82腸粉裏面有帶子，不過反而冇芋蓉嗰粒帶子咁大粒，腸粉都唔厚粉，不過就唔夠熱點心質素比一般酒樓高，茶壺仲有火🔥煲住。坐得好舒服😌，唔會好似一般茶樓好鬼嘈，當然價錢都貴少少，不過11點前埋單有85折😍

與父母食飯最大問題是決定菜式的數目和份量, 因為我和父親也是很喜歡吃很多不同款式的菜色, 但又是眼闊肚窄的一類人, 而母親則食量則相當少, 但又要吃五穀類, 所以一碟有肉的炒粉麵飯就是解決我們仨的方便菜式, 這裏的龍蝦伊麵做得不錯的地方, 除了伊麵口感不糊不韌, 還有龍蝦的大件與新鮮爽彈外, 用上龍蝦湯作上湯比一般的上湯更有咸鮮味, 同時又不會像芝士焗般那麼膩, 母親大人一碗, 我和父親各兩碗, 分完整碟之餘份量也剛剛好, 再加些少小食和點心就夠飽.小食點了薑蔥龍躉球, 夠惹味又夠暖身, 龍躉外皮同樣爽蛋, 龍躉肉夠入味但口感有點死實, 也有點乾涸. 至於炸物是芋頭酥, 沒有油膱味, 外皮夠脆, 芋泥軟溶夠香甜, 只是內餡肉類不多, 口感就有點寡. 不過父母親也吃得滿足而且滿意, 這樣就夠了.

紫粵軒可說是將軍澳較出色中菜之一，環境舒適,食物質素佳,絕對是與朋友家人聚餐的好地方！當晚坐近窗邊位置,坐足三小時,慢慢享受美食！過了一個十分愉快的農曆生日飯！感謝紫粵軒各員工款待😊

年底要趕住放年假，計劃食好東西，揀此處難得可在平日經openrice訂枱有8折，大清早比紫微拉咗去西貢行咗個round,再搭回巴士來，夠時間。 次次紫微經openrice訂枱,都坐普通2人枱，但今次有有大圓梳化位坐，好寛敞，有豪氣舒適感覺。 香芒汁脆炸牛奶$30,，皮像蝦多士麵包，鬆鬆脆脆，芒果汁，貪心的我感覺唔夠鮮香，鮮奶夠滑香，何解不放些芒果肉呢，更能提升仙氣，又可解鮮奶膩，想想食時口中奶魂中滲出芒香，咪芒果奶！唔計芒果汁，係好味 柚子綠豆蓉酥餅$60，好似老婆餅轉豆蓉餡，柚子只有沙糖甜，無咗柚子甜，所以少柚香，皮薄鬆化綠豆蓉不甜，綠豆欠香甜，如加臭草，會不會吸引，總結也不錯。 冲繩黑糖馬拉糕$60，無天寶閣咁起身，少咗欖仁，成日俾嗰的日本產物名稱吸引，冲繩糖無乜特別，中國黑蔗糖都好味，好似中國蕃薯好食日本蕃薯，有些人感覺外國月亮特別靚！ 子魚肚蒸滑雞$68，多雞肉，無骨，雞味少，自然魚肚吸收精華少。 紫微時常來，在將軍澳唯一此處有高级享受，方便她跟長老來，推介炸南瓜，外薄脆內軟，富南瓜味，叉燒包，叉燒香唔太甜，外皮唔笠口，好！

訂酒店住，有折扣去飲茶，基本上都係同平時一樣消費，但入座前已同我地講要限時1:30鐘，老實說我叫幾多計幾多只係平少少，唔係套餐。咁夠1:30鐘前就無拿拿執我筷子，幾無禮貌，原因我未食完，作為酒店級食肆，竟然如此無禮，而當時仲有好多吉台。亦無人等位。咁我地都算，因為唔想爭論，費時失禮。食物方面，比之前飲茶無左勁多款食物，豬腳仔呀.飽魚躂呀。咩都無曬，都唔知係味換左廚房。軟殼蟹太咸，蝦膠讓魚肚，d 魚肚唔新鮮，帶子蝦餃，隻蝦感覺好似縮縮地。食落口就…..

訂位之後興奮來吃東西，結果從進入餐廳到離開，服務員沒有給過一個微笑，全部冷冰冰，上菜的時候等著我們來挪動已有的菜品，衣袖沾到我們的碗和杯，結帳時算錯兩次，真的無法忍，永遠不會再來，這樣的質素竟然沒有關門也是很驚人了今晚的菜品有點了金沙蝦，鹽香雞，青菜，椒鹽豆腐，菜品其實質素OK，但價格也令人咂舌，對比常去的利苑甚至更貴，然後品質卻比不上，對比家附近的一般茶樓，質素也沒有很大差異，真的是太差太差的體驗！

今天慶祝母親生日，就近近地喺將軍澳等吃飯。平時多數在Popcorn 的酒樓或餐廳吃。今天發現Popcorn 間酒店有間中式餐館，OpenRice仲有七五折，決定訂枱試試。這裏地方相當闊落，比起一般酒樓環境真是舒服好多。服務更加是一流，有讚冇彈。簡單的叫了幾個菜式，大家食得非常之開心，不停的讚好我的。前菜是椒鹽豆腐，新鮮熱辣，炸得相當脆口，味道啱啱好。主菜北京填鴨二吃再加上一個黑松露炒帶子。近期吃過多間酒樓的北京填鴨，這個絕對是最好味。在枱旁起片後，鴨片依然香脆。黑松露帶子鑊氣炒得啱啱好，稍微鹹了些少，不過都好好吃。生菜包鴨肉碎，其實都好好味，不過真係太飽，只好打包。生日就一定要食返個伊麵。叫咗個蝦球伊麵，呢個蝦球伊麵真係好好好好食。母親居然食咗兩大碗。非常滿意的一餐，絕對推薦的菜館。

話說六時就坐，六時下單，點了片皮鴨二食；幾分鐘後，經理走過來話：當天的片皮鴨售清⋯⋯我和在席友人先是一呆，事緣時間尚早，我們是最早到達的一抬客人，才六時多、又適逢週二晚上，怎麼會？往後，我們留意到全晚到九點多，亦未見有奉上片皮鴨給其他客人；說賣清，明顯是一派謊言。小事一宗，但感覺差勁，不會再光顧了。

以五星酒店粵菜來講，紫粵軒嘅價錢相對經濟實惠。地方舒適，坐得闊落。兩個湯羹都做得出色。呢個焗蟹蓋係相當抵食。有唐閣八成水準但四成價錢，洋蔥同好多蟹肉，好creamy，脆口得來唔乾身。黃金蝦球好大份，有八隻咁多濕濕地口嘅上湯蘆筍，蘆筍唔算好大條但同個野菌配合得好好，仲有杞子，望落去顏色好豐富已經好開心。最後嘅柚子吊燒雞佢嘅吊燒雞同普通嘅冇乜分別，不過加咗柚子醬竟然感覺份外清新，有啲驚喜。Download 佢哋個app做埋會員可以儲分同埋仲有野送。

之前經Flyday.hk開戶送左一晚crowne plaza +$400餐飲消費額。見紫粵軒有個阿拉斯加蟹宴套餐$598/位，決定豪一豪佢。食完先知原來依家klook做緊一個staycation package，$1408連稅。包同一個晚餐+1小時單車+房。好似住多晚著數啲！阿拉斯加蟹肉帶子沙律 唔錯，係沙律醬太多生拆阿拉斯加蟹肉海皇羹夠熱，蝦肉帶子肉夠多，好有咬口。唯獨蟹肉比較少。芝士焗阿拉斯加蟹爪應該係拆左蟹肉，然後混合洋蔥、白汁，釀返落蟹腳後舖芝士去焗。有一梳梳蟹肉嘅，不過我諗肉佔1/4隻蟹腳到啦。啖啖白汁洋蔥，有啲漏。蟹皇蛋白蒸阿拉斯加蟹蛋白好似用溝左粉，較為糊狀，無咩蛋香。不過連埋蟹糕一齊食都ok。鍾意佢加左薑粒。蟹肉就正常。魚湯唐芹浸春荀正正常常黑松露醬海鮮石鍋飯好味嘅！都係用返海皇羹嘅蝦和帶子，好彈牙。飯夠乾身，啖啖松露香。原個椰皇燉雪燕正常地好吃，冇咩特別。桃膠山楂凍糕呢個酸酸甜甜甘，山楂味夠👍🏻幾得意。整體黎講，以酒店中菜來說都唔錯，價錢算平，服務超好。菜式都幾精緻，廚師要認點將蟹入饌，要花唔少心思。不過如果你鍾意啖啖肉，甘酒樓原隻秤會岩你多啲。環境