紫荊閣海鮮酒家 (已結業)

那條魚夠大條也很新鮮，蒸得剛好。鴨掌包真的是慢工出細貨，等也是值得的。(兩隻的價錢是$38)冬瓜盎的味精稍重了，飲完有些口渴，不過湯內的蝦很爽口。我們一行七人共點了三個二人套餐\(三餸一湯)，將湯轉為冬瓜盎，補$40。最後送的湯水，是南瓜西米露或紅豆沙，好味(因為不太甜)。埋單$567，每人消費約$80。

Went to 紫荊閣to enjoy some Classic Cantonese food with family! 1. 鴨掌包A Classic dish that's so rare in HK now! 2. 冬瓜盅This soup is full of ingredients, nice! 3. 富貴龍鳳球My favorite dish of this restaurant, the salad dressing and the shrimp and the liver paired so nicely together, heavenly indeed! 4. Normal Vegetable, no surprises.5. 荔蓉香酥鴨This dish is just okay, the duck meat is not of a great quality, what or a shame! Should have ordered other dishes like 炸蟹拑,蝦仁炒蛋,百鳥歸巢or 菠蘿咕嚕肉instead!

各位食主菜之餘,有冇試下d小食,我都介紹下五香牛展, 小弟對呢味菜情有獨中,整得真係好好食,牛展鬆化,夠入味,不會太咸.冇渣.靚.鴨腳包, 必食,主要由鴨腳,雞肝,加埋叉燒,用鵝腸縛住d料好似扎腳咁,用埋蜜糖燒,鵝腸煙靭,鷄肝甘香,叉燒有肉味,混埋一齊夾得非常好味,送啤酒一流.小朋友食到愛不惜手,不過兩個人食半隻就差唔多,比較滯,食左佢食唔得咁多款.沙律龍鳳球,香口好食,蝦肉夾雞肝,必食.御廚雞,真係功夫菜,先將隻雞d骨拆晒,再釀入糯米,蒸熟,再炸到外皮脆.d飯索左d雞汁味,充滿雞肉0既甜味,可以一試,不過價錢都幾貴,可能功夫多的關係.食味道的話,這間不錯.

我同朋友睇完鴨腳包介紹，晚上去試一試，果然十分好味。但我也叫了一個二人餐($148)包荼介和加一，有三餸一湯，其中一款係漁上鮮，條魚由漁池捉上黎，我估不到用這價錢可食到新鮮魚，雖然是養魚，但亦十分好吃，而湯用個別位上，亦十分特別。總括來講這個餐十分抵食，下次黎食懐舊菜外，記得試下二人餐。

今日我生日, 同老公阿仔三人食晚飯. 叫左:1. 半隻芋茸香酥鴨$120 = 芋茸炸得幾香酥. 但鴨肉就少左d, 乾左d.2. 鴨腳包2隻$33 = 第一次吃, 幾好, 呢個價錢幾好,若加價就未必會再叫.3. 蜜汁燒鱔片$68 = 好吃,魚塊邊炸得脆脆地, 中間唔乾,啱啱好.白飯一碗$8, 茶位$5x3=$15, 埋單$244,唔加一, 感覺好舒服! 服務員態度令人吃得輕鬆,舒服.(除左個位長頭髮女部長!)另外: 見好多台叫蒸魚, 見個賣相都幾好.

今晚同老公and 老爺黎試下懷舊菜!三人不能叫太多野黎試, 於是只能淺嘗:一. 咕嚕肉--- 這是我近年吃過既最好, 夠脆, 味道又唔會齋酸, 又有肉味, 下次一定再試!二. 清炒西蘭花--- 味道好, 唔會過鹹!三. 清蒸黃立倉--- 幾嫩, 但由於冷氣好大, 好快凍, 大家要食快少少!四. 鴨腳包(兩隻) --- 最遲先黎...原因係燒起, 師夫親先拎出黎, 仲話唔好意思, 襯熱食, 唔會有一般舊式酒家既高傲, 侍應都好好人, 講番個包先...佢用鵝腸包住叉燒、雞肝及鴨腳, 搽上叉燒汁, 好肥美, 係食隻鴨腳是有論盡, 因為有骨, 此食品只宜淺嘗, 不過, 真係好好食! 晚飯唔收加一, 連茶錢, 三碗飯, 埋單$271! 抵!

這年來幫襯了五、六次，每次都滿意。可惜人流不夠，經常得五至七成滿。懷舊菜中只試過鴨腳飽，單是為了這道菜已值得來。但其他的懷舊菜式因太貴而未試過，真要找個藉口約多些人來一起試試。鴨腳飽在別處已吃不到了，而且因為是即叫即燒，所以上枱時又熱又香口(但要等二、三十分鐘)，當中的配搭很妙，有軟有實，有得咬又有得『損』，食的時間會感到很有層次。這裏的全包二人餐也很抵食和有很多配搭，是我的首選。

又跟老友記們聚會。正苦惱要去食乜之際，老友食家又再成為本人之苦海明燈，老牧童搖指一點，一班人浩浩蕩蕩就入嚟一試懷舊菜...冬瓜盅料足之餘湯夠清，實在難得，誠為夏日消暑妙品...沙律龍鳳球以雞肝及蝦作料啄成球狀，再沾上芝蔴炸成。夠香口，可惜面頭沾上厚厚嘅沙律醬，鮮味全蓋，大大失色；八寶鴨肉算軟糯，餡料亦足，若果味可以調得濃D就更對味...花膠扒時蔬，菜炒得嗦嗦聲，花膠炆得夠淰，獻打得並不太杰，味道清新而不俗....全晚精華所在當然係等咗成二十分鐘嘅鴨腳包--- 以鵝腸包住切粒肥义、雞肝及鴨脚而成，再搽上义燒汁燒而食之。肥义嘅油潤；雞肝嘅粉滑；鴨腳嘅咬口，再加上個微甜嘅义燒汁，真有如天堂美食，吃得不知人間何世..吃得興起，再嚟個蝦炒蛋。蝦夠彈牙新鮮，蛋亦算係滑蛋。可惜味調得太鹹，埋唔到尾...但單係一味鴨腳包已令人歎為觀止...

不知何時開始,一般酒樓除非有大集團支撐,否則一間接一接一間結業,能迄立不倒的,總留有一手.近年來與眾食友四處找,是朝向懷舊菜色下手.南瓜兄一招手,一圍少不了,除御廚雞一如南瓜兄所言是糯米雞外,尚有鴨掌包亦是另一道小弟首次接觸的菜色.御廚雞:糯米釀進雞內再炸,可惜唔夠乾身,食落好'溜'.鴨掌包:是一道功夫菜,先用鵝腸包着雞肝,叉燒,雞潤,塗上叉燒醬再燒,時間拿揑得不俗,由於一人一件,卡路里亦未至於超標.富貴龍鳳球:又是一味雞蝦配,再配以沙拉醬,口感比沙拉骨更復雜,而且啖啖肉,更覺討好.蛋白炒魚肚:若非南瓜兄指正,尚以為是賽螃蟹,魚肚若有若無,眾裹尋他.........where?花膠筒扒時蔬:總懷念蓮香樓的炆班翅,膠質充盈,但一分錢一分貨是無可厚非.其他如蝦仁炒蛋及炸蟹拑等水準不俗,當作家庭菜色亦不遜色,但燒元蹄是要預定菜色而未能品嚐,有點可惜.謝南瓜兄安排!

小休了一排，再來南瓜局，今次選來紫荊。期望不大，卻豐收而回，可謂是意料之外。在小妹強烈要求點較清淡的菜式下，南瓜兄所點的菜式十分啱食，差不多滿度菜都滿意。 鴨腳包最具特色，用鵝腸包着雞肝、雞潤、叉燒，蜜味很重，很惹味，吃罷大家都說十分有特色，必吃！冬瓜盅我認為超水準，湯水味道一點也不味精，內含大量鮮蝦和帶子，清爽新鮮。接着是一輪hardcore主菜攻勢，先來炸蟹鉗和老少平安。炸蟹鉗眾人皆讚，蝦膠鮮味彈牙，我略嫌外層不夠脆；老少平安應該沒下太多魚，啱哂不嗜魚的我，味道一般，沒太大驚喜。魚肚炒蛋白亦好一般，大家都好像吃不到魚肚，蛋白亦不夠creamy，始終不及益新。重頭戲是南瓜一早訂的糯米雞，可惜味道普通，雞皮不脆，釀在肚內的糯米雖是我喜歡的白糯米(沒炒過)，但處理得過淋，一pat嘢咁，連淋飯王男友都嫌太沒口感。蝦仁炒蛋亦是我最喜歡菜式之一，蝦仁超爽超大隻，炒蛋夠滑，剛熟，師倌果然好功夫。連啤酒每人只需$150，集大件、抵食、美味於一身。

同一條街的雅閣老西年前已騎鶴西去,這間紫荊閣,依然緊守在滑鐵盧的一角.多年來一直視其為普通酒家,年前看過電視節目,原來這店主力懷舊粵菜,聽到口水直流,恨不得相約一大班人去試.地點隔涉,幾個地鐵站也"兩頭唔到岸",Jeff兄從未踏足何文田,對他有點難度.其他的朋友,也能安然到步.事實上,如果只叫些普通小菜,就真是一間普通酒家,來到當然叫些老味道為主.人未齊,差不多一人先來一支細支裝燕京,論外型,似是越南的香檳啤"Panach"加喜力的混血兒.金錢雞市面也有好幾處地方吃到,反而鴨掌包就差不多煙沒在人海之中.有人覺得鴨掌包就係鴨腳紮.大錯特錯.其實是用鵝腸包著鴨掌,雞潤同叉燒.再用叉燒醬醃過去燒便成.同金錢雞,有點異曲同工之妙.甘香豐朕,無話可說地美味,如果叉燒肥一點,更加完美.這等懷舊菜式,趁尚有得吃,不妨多吃.身旁的E小姐,也點頭同意.夏天差不多來,要個冬瓜盅最合口味.十五個人分一個冬瓜盅,不如兩個上.用俗艷如黃金甲的器皿盛著冬瓜盅,很有氣派.夜香花的香氣,似向大家發出訊息我愛夏日長.)P.J的J強烈要求一些清淡菜式,於是先來個老少平安.鯪魚肉豬肉斗腐大溶爐,很有住家風味.炸蟹鉗夠實在,

30-4-2007 1948都有一段好長時間冇同食友一齊家常便飯，加上明日又係假期，放工後拿拿聲換衫黎，地點在大馬路一條，冇難度。到達時只見「英文聆聽之王」忙緊工事，我就環顧四周，絕對是一般酒樓的格局及服務水準。點菜由主持人負責，一行15人連久未露面的「資料庫」亦好似我咁上曬水。我地共叫了9樣菜式，平時應該係double計，不計好味與否，食係其次，增進大家友誼及感情重要過一切。未食野先黎半打啤酒，平平地叫10蚊3枝燕京啤酒，等左好耐都未有，叫待應追一追單，佢就有少少悔氣說好多野要跟，預左黎就預左有咁既回應，啤酒味稍為淡些少，亦冇可能好有expectation。唔知係唔係驚左我地，今轉及加碼時，佢地放左係「606及610」後面都唔出聲。菜式陸陸續續上檯，第1味是預訂兼幾乎絕跡的懷舊菜鴨掌包，又叫鴨腳包，材料有鴨掌、鵝腸、叉燒、雞肝，材料已是預先整熟，用鵝腸包住其他材料，然後加上加左料既叉燒醬醃製，再囉去燒，味道我覺得可以再濃些少，畢竟唔係話食到就食到，也算是滿意之作；第2味是打孖上既冬瓜盅湯，配料有冬菇及菜頭等等，味道清新，適合溫暖及炎熱的天氣飲，自己也少有的飲了兩碗。第3味是老少平安，

雖然有電視台探訪，但個懷舊菜「扒鴨」真是一般，好淡，但半隻要$128。至於個「鴨腳包」都ok，多汁，可以試下。不過，大家要注意，這間食肆座位過200，但不嚴格執行設「非吸煙區」，要白白吸二手煙，連廚房d 人都出來食，相信1月1日是否能全面禁都成問題，各位非吸煙者要注意!

由於是街坊, 多數都是星期六飲茶。點心質數唔錯, 價錢亦非常實惠, 又時常都有些特色粉麵飯... 招呼就真是唔錯, 幾誠懇...晚飯只是幫襯過一次, 特價小菜水準都幾好, 招呼好, 有糖水和甜品送...呢間街坊酒家算唔錯啦!

跟住何文田的學生補完習，她媽媽好客氣話請我飲茶，我已推卻，但也硬給她扯來。午市唔好多人，可能因為住呢度附近o既人唔鍾意飲茶，開了茶後，除了可以剔點心紙外，還有大排檔可自取美食，點了些最基本的點心如︰燒賣、蝦餃、煎腸粉、春風得意腸、較特別的是鳳眼餃和冬菇釀蝦膠，另外要了一個揚州窩麵。老實說，味道真平平，唔可以叫唔好食，但又唔可以話好食，欣賞春風得意腸，裹著的春卷還脆卜卜的，個揚州窩麵都不俗。這兒環境頗吵，可能是樓底過矮的關係，而且地方淺窄，若不擺大排檔會更舒服，起碼沒有煎r野那陣油煙味。