綠怡咖啡廳

营业中

休息中

好耐無食自助餐，今日同家人去這間食自助晚餐。環境唔錯，坐係近飲野那邊，有埋live music聽，正呀！食物選擇都幾多又質素唔錯，今個月主題係墨西哥之夜，有幾款墨西哥的食物，如：墨西哥脆片配牛油果醬、龍蝦薄餅、黑松露醬多士等食物都幾多選擇，本身每人有芝士焗龍蝦（半隻）但好咸又好硬的龍蝦肉；生蠔有3種選擇，包括：法國、美國、紐西蘭，新鮮唔錯有花膠食（普通質素）前菜有壽司、刺身、沙拉、冷麵、芝士、煙三文魚等、水果好甜熱食好多，有牛尾、咖哩牛、羊架、魚、叉燒、蝦、蟹、豬仔骨等甜品好多，喜歡甜品的囡仔就好適合啦蛋糕、H 雪糕、豆腐花、綠豆沙

於網上訂位有折和每人送半隻芝士焗龍蝦和啤酒汽水任飲，於是昨晚一行五人就去了嘗試，結果是令人失敗的。首先餐廳在二樓，隔離就是類似飲嘢的bar但有歌手唱歌的，我們坐近門口，那歌聲有點大阻礙了我們自助餐區正常的聊天。本人很喜歡食冷盤的海鮮，有蝦有蟹腳有青口和小龍蝦，這些還是可以的，但生蠔區就完全不行的了，有三個地區選擇，但各自放在三個盤裡，每次給三隻客人，但那些生蠔完全處於室溫狀態這是不能接受的。到魚生區，有五款選擇，但吞拿魚的顏色很淡感覺不太新鮮而且盤裡有血水浸住的，八爪魚又完全無味的。熟食的我朋友就說蟹沒鮮味，切出來的牛柳有點老，係生滾粥有驚喜好味，還有就是有H字頭的雪糕和雪條選擇，最後還有的就是飲的啤酒和汽水也是不夠凍的，要加冰才可，總結每人差不多400幾位的價錢是不太值所以不會再去的了。

在鰂魚涌商業區午飯， 想找個舒服寧靜嘅地方， 可以密密傾的，真的寥寥可數 唯有重鎚出擊, 吃得豪一些吧 (對於我這些平民百姓, 絶對是豪的午飯呢） 在就近的 Hotel 內的 Greens Cafe 開餐, 來之前10分鐘致電 book 位的, 竟然話無記錄 好彩, 經理懂得彈性處理"我們"! 叫份 set lunch ~ $208 加 + 10% , 包括意大利菜湯 (跟麵包）, 主菜, 還有甜品和飲品。扒帶子紫野菜意大利飯 ~ 最愛意大利飯濕濕又煙煙韌韌的口感, 煮得剛剛好! 帶子也頗新鮮的, 煎得香脆 份量對我來說是足夠的, 但如果是吃肉男.... 你自己考慮, 多咬兩口飽吧! 因為別於茶餐廳, 份量和款式是較多的 女性第二個胃又出塲了 ~ 芒果法式燉蛋, 吾夠熱, 顯得蛋不夠嫩滑, 一般般啦!

5月12日。晴。鰂魚涌。一年一度嘅母親節又到啦！決定請媽媽食自助餐，而附近其實可以話係零選擇鰂魚涌區無乜酒店，最近嘅自助餐就係呢間啦而經酒店自己個online shop買餐券有九折連母親節都有折，計埋正價加一每人大約$260，算好抵食午市自助餐時間係12:30-2:00時間算充裕，但係食物選揀就唔多有熱食、沙律、生果、魚生、甜品等等熱食我就無點食嘅，所以唔評論啦，睇落唔吸引，屋企人意見話麻麻沙律有成五六款，其中薯仔沙律比較特別，入面撈咗醃鯡魚，係少見啲嘅沙律食材沙律隔離就係芝士同餅乾，唔太好芝士，所以無食生果就有呢幾款，密瓜同西瓜都甜日式食品有魚生、壽司同冷麵當日嘅魚生有三文魚、劍魚同希靈魚，都新鮮嘅！但係供應時間原來唔係直至2點，到1點左右個魚生師傅就離開咗，無得食嚕壽司嘅款就多啲，冷麵好碎，唔好味粥多料，綿滑，可以一試另外要一讚個蘑菇忌廉湯，用咗唔止一種菇，濃郁香滑甜品款式算多，有西餅，都有中式豆腐花差唔多試晒所有甜品，tiramisu同藍莓芝士蛋糕味道唔錯，其他芒果、綠茶嗰啲香精味太濃，食一啖就擺低咗（仲有另一個位有雪糕攞）甜品附近有個鬼祟位，係攞生蠔嘅雖然係任食，但係啲生蠔嘅s

身為貪吃的香港人，你一定吃過不少自助餐，那麼墨西哥主題的你又吃過沒有？想一嘗這種新滋味，可以在六月底前到北角海逸酒店去試試，不少菜式以墨西哥龍舌蘭酒入饌之餘，還有造型可愛的仙人掌蛋糕、即做墨西哥烤餅等等⋯⋯我知道我知道，大家還想要回本位，麵包蟹、長腳蟹、生蠔、花膠、鵝肝多士等等，一定滿足到你啦！ 北角海逸酒店鄰近港鐵鰂魚涌站，從C出口走過來不用五分鐘，十分方便。四百多元的自助餐，說便宜也不太便宜，不過有不少回本位，一同來看看。 回本位一：凍海鮮 海鮮控如我，去吃任何buffet都會先巡視海鮮counter，這裡都不弱，有鮮蝦、龍蝦仔、長腳蟹和麵包蟹等，我喜歡的都在這裡了！尤其是麵包蟹，好多蟹膏，不吃後悔！ 回本位二：即煮花膠 只見師傅將一塊又一塊的花膠放進煲內煮，毫不吝嗇，花膠含有豐富蛋白質和膠質，滋陰養顏，吃完立即變靚！ 回本位三：生蠔及刺身生蠔即叫即開，十分新鮮；刺身則有三文魚、吞拿魚、希靈魚和八爪魚等，夠大路。 回本位四：鵝肝多士 每塊鵝肝都煎得金黃，放在脆卜卜的多士上，淋上少許黑醋汁，熱辣辣很好吃！ 回本位五：多款口味Häagen-Dazs 雪糕也是我

公司多數春茗都在呢度食LUNCH BUFFET, 今年好過上年GE。大概講下我食左D 咩啦燒味: 叉燒太咸, 但夠新鮮, 燒鵝唔錯。生蠔: 佢有幾款GE, 有D 勁削....有一款都CREAMY , 睇你好唔好彩食到邊款, 但整體來講都是削....魚類: 蒸魚唔得, 蒸太老,又唔係斑...只是普通淡水魚, 鯖魚OK, 唔咸反而甜甜地, 亦淡淡肉。海鮮: 凍蝦鮮甜, 豉汁炒青口都OK, 惹味,但雪藏貨唔好諗住有鮮味牛扒: 有即切牛扒, 我叫佢切左算係最熟GE一部分俾我, 肉汁唔太濃, 但煮得剛好幾林cheese platter: BREE OK, 另一款軟軟地GE唔知乜就好難食...blueberry cheesecake: 次次來都食, 唔太甜, 夠芝士味, blueberry 幾多。合桃酥: 暖暖的, 唔太甜, 夠酥雪糕杯有芝麻同紅豆這2種少見的雀巢雪糕。

今日本來訂咗滿屋食放題，點知一早同事打黎話個肚唔舒服而且又有咳，如果去滿屋就睇我食，好多嘢都唔食得，咁話不如食普通自助餐，起碼她可以食熱盤，對我黎講都無所謂，而她又立即搵到又訂埋，咁今日就去呢度試下，點知都好好，好多嘢食，午餐有生蠔就好少有，可惜二個都唔食，價錢就一般$250加一，應該比一般貴咗啲但無所謂最緊要開心，同事就好開心又有粥，麵，刺身同壽司都多款，熱盤都好多選擇，咖啡，茶又喺任飲，甜品有她最愛的藍莓芝士蛋糕，味道真係好好，可惜想食多件都無，同事話好好，下次要再黎唔貴又多嘢食，其實都算多，比起上次個間，呢度算抵食，但未好的我都係好多嘢唔食得，咁下次再黎都好，因為人唔太多，環境幾好都清淨感覺好舒服

✿╮❤╭✿ ✿雜感女生 好味日記✿ ˚*•✰。北角海逸．回本海鮮自助餐。✰•*˚ ✿✿舌尖上的鰂魚涌✿✿ ❤餓底飯聚．食勻全世界❤ ❤ 自助餐真心係慶祝大節日的首選 最近去北角海逸酒店綠怡咖啡廳 發現定期更新的菜單，又有驚喜 要吸引人客，好食抵食就是不易之法！ 何況是海鮮類！ 今次和同事去食，發現超．回．本！ 鮮味極緻的海鮮包括麵包蟹、小龍蝦及鮮海蝦等 此外，更仲包括即開肥美生蠔！ 我個人最中意有以下幾款： 紅燒碧綠花膠：花膠超滑，拍得住大少奶煮的花膠湯，香味濃郁 而即製鵝肝多士更是香氣四溢； 精心設計的沙律前菜，包括意大利火腿配蜜瓜、雜錦凍肉拼盤！ 甜美的刺身壽司，都不能錯過！ 點樣回本？就是無限任食生蠔LOR！ 雪場蟹腳、麵包蟹、小龍蝦都被人掃得勁快 好在補貨也很快，大胃王同事已10分鐘掃2碟！ 此外，薄切燒牛肉配上燒汁，香氣突出，不少人排隊在等！ 甜品都不能少！ 人蔘布甸創意與味道同在，仲有即製綠茶心太軟、芝士CAKE 但一定要記住留肚：誘人的Häagen-Dazs雪糕及雪糕批在呼喚！ 男同事食左4個！我都只係2個咋！ 個人最推

雖然香港有很多酒店自助餐的選擇，但身處港島東，特別在鰂魚涌打後到柴灣，的確得好少選擇。而係呢度工作既我當然想近近地可以食到。幸好鰂魚涌有一家出名的酒店可以滿足到我，今晚就在這裡吃自助餐。位於酒店2/F的餐廳主打西式自助餐，用餐環境都幾舒適，一點迫的感覺也沒有。除了常見的麵包蟹(蟹蓋好多羔)，小龍蝦，蝦蜆等，還有生蠔。生蠔本身並不是很大的驚喜，最驚喜是生蠔都有紐西蘭，法國和美國太平洋三款，之前食過另一大酒店的自助餐都只提供一款生蠔。除了海鮮外，凍食當然還有壽司刺身，日式冷麵等，選擇都幾豐富。熱食方面自己最留意鵝肝，呢度都一樣有。細細件的鵝肝多士即叫即做，多士香脆，鵝肝入口即溶。另一必食應該是花膠這個貴價食材。熟食仲有焗蠔，扇貝，豬頸肉，羊架，甚至好少見到既鰻魚飯都有，相信應該好難試得晒每一種。甜品方面有大量色彩繽紛的蛋糕，馬卡龍，朱古力噴泉等食物。另一個吸引我既地方是雪糕。呢度有Haagen Dazs雪糕杯同雪糕批，需要知道Haagen Dazs雪糕批一點也不便宜，結果也吃了兩個Haagen Dazs雪糕杯和兩個Haagen Dazs雪糕批，開心晒。呢度既自助餐其實都算抵食，三款生蠔，有

食力女子組又係時候"開會", 大家都未能有共識想食咩, 突然有人提出去食自助餐, 咩都有得食又岩我地各組員既"食力", 係鰂魚涌返工既組員提議去呢間:主題係嚐"鮮", 鮮係指海鮮既鮮, 非常大路, 應該大部份人都喜歡食海鮮既, 我地當然唔例外啦..............去食自助餐好多時都被忽略既係沙律, 呢度有多款特式沙律, 有其他沙律菜配料, 可以比你自家製喜歡既沙律, 我呢款簡易版凱撒沙律配煙三文魚及凍火腿都唔錯呀!回本必食之一當然係生蠔啦, 每日新鮮精美生蠔, 今晚係黎自紐西蘭, 細細隻但食落口感嫩滑多汁, 輕輕咀嚼已可以從喉嚨滑下, 唔好講咁多, 先食半打為敬!回本必食之二係各類凍海鮮, 呢度有蝦, 蜆, 小龍蝦及長蟹腳, 每款能保持凍度, 食落滋味醒神, 睇下呢條長腳蟹肉, 拆完殼不出3秒內已經係我口中, 肉質鮮甜美味, 各組員食得相當滋味!港人最愛既刺身壽司款式多樣化, 刺身唔會太大舊但又仍能保持口感, 幾鮮味; 見到色彩繽紛既壽司, 好難忍唔住唔試下, 始終日本嘢係好難令人抗拒既!仲有精緻凍前菜, 係呢D悶熱日子食就最爽皮食完凍盤, 當然係時候食熱野, 呢度有自選即煮意

3月11號早上，有人話要去食Lunch Buffet，於是上網團購下，見北角海逸有生蠔兼且埋單價$209，即刻打去問下有無位，竟然訂幾個位都仲話有喎。。。準時十二點到逹，人客未見多，即刻走出去拎嘢食兼影相。生蠔唔算肥美，咁即刻掃十隻醫醫肚，但食落海水味唔重兼有少少腥，食咗一轉都唔想再食，跟住食三文魚，講明挪威三文魚，咁可以放心食幾塊咁多啦！到燒牛肉喇，ＯＭＧ又凍又靭，非常難啃！之後見燒味新鮮拎出嚟，試晒肥叉、鷄同燒鴨，三樣都好 ok，又熱又淋又入味。十二點十五分人流開始多，成團人衝咗出去掃熱盤，好在我唔太好兼無乜 quota，所以對我影響不大，但我都有試少少，炸魚柳／蒸魚／菜／雞翼／青口都ＯＫ，其他只係雙眼食咗就算。另外車仔檔有即煮粥同冬蔭功，試咗走粉冬蔭功，真係辣到飛起，連蝦／菜／蟹柳等配料都食唔到！三款刺身柜旁邊有壽司／冷麵／沙律／芝士，我統統無試，留肚試甜品好過，甜品當中，最突出竟然係木桶豆腐花，有黃豆味之餘又熱又滑，紐約芝士蛋糕都唔錯，其餘甜品都不過不失，可以不試。仲有一種甜品想推介一下，就係雀巢紅豆雪糕，因為出面好少有得食。二人共消費：$420

星期日假日同家人去左北角海逸酒店食lunch buffet,我之前都係北角海逸君綽酒店食過，個陣覺得都唔差，咁今次就尼呢間食下，信用咭有優惠8折，埋單都係二百幾蚊，對我尼講算平，大多數酒店lunch既價錢都三百蚊以上，咁我諗二百幾蚊都預左食物質數唔會太高既~ 咁一去到，食物選擇都多，各式都有d 海鮮有生蠔，熱食款10款左右，甜品款唔算太多，係有兩部沖野飲機，另有橙汁梳打同青檸梳打，我就覺青檸梳打好飲d, 食完覺得食物質數都還可以，雖食物都普普通通，但味道都ok,覺得最好食係個碗喇沙湯麵~！

難得聖誕節可以同班姊妹聚下，見Lunch buffet上網Book位用信用卡比錢仲有折，連加一都吾洗$300一個人都幾抵食。所以就試下呢間總共有6個大人，3個小童。吾記得係咪4歲以下免費，因為有一個已經9歲，所以淨收一個小朋友錢，大約200！一開波就緊係捕住d生蠔先，算係不過不失啦..但隔好耐先拎一轉出黎，而且份量吾多..一出場好快就比人搶哂！湯有中西式2種，有即叫即煮粥麵，刺身同菜沙律，熟食方面比較多選擇(但味道都係一般)。飲品同甜品種類吾算多，還可以啦！但咖啡控就吾好太大期望，因有點帶酸！雪糕有2種，一隻係雀巢細杯裝，一隻係不知名..可以自己畢for食雪糕筒！$270都算係甘，環境都算ok..好近地鐵站至在有個地方同班朋友聚餐

今年嘅公司聖誕自助餐都係揀喺午餐進行，本身自助餐有好多唔同嘅選擇，但係我哋揀親嗰啲都係＄300或以上嘅價錢，老闆就話貴左少少囉。。所以將貨就價選左呢一間酒店，價錢不過係＄250左右，包埋皮一，啱晒老闆嘅心水。冷盤有三文魚，八爪魚吞拿魚等等幾款，仲有幾款唔同嘅壽司。三文魚在魚腩位可以揀，特別肥美，幾好食。特別推薦嘅就係佢嘅煙三文魚，其實平時我都唔係咁鍾意食煙三文魚，但係佢呢一個味道又剛好，唔會太咸，食落去有啲醃左嘅味道。另外冷盤仲有長腳蟹，鮮蝦同螺。長腳蟹我就冇食過啦，但係個鮮蝦就好爽，都好鮮甜。但係螺呢我就完全見唔到，攞咗幾次都淨係得個殼無得食。。熱盤選擇大概有10幾款，由最普通嘅牛仔骨，雞翼，到比較貴重小小嘅龍蝦腳都會有。特別推薦就係佢嘅即炸天婦羅，有紫薯 ，芋頭同埋紅蘿蔔嘅口味。除咗熱盤之外，仲有可以即叫即出嘅麵。自己揀餸，跟住佢就會幫你煮。有清湯底同埋喇沙湯底可以揀，另外仲有即叫即滾嘅生滾粥。甜品區甜品都有十幾20款揀，款式都算多，但係就未見有聖誕嘅特色甜品出現，可能係距離聖誕仲有一段時間啦。雪糕係moven pick， 都算係唔錯。另外會有班戟同埋格仔餅，仲有埋水果，乾果同埋果

一年前聽同事話呢度個 lunch buffet 正, 終於的起心肝約埋10個同事請佢地去試.12:30 準時到, 個場環境唔錯.魚生有三文, 𩶘, 希靈三種. 全部入口都有点腥味. 𩶘魚肉硬同偏乾, 三文魚同希靈都普通味道, 一碟夠晒. 壽司的水準也很平庸, 無衝動想食多幾件. 魚生豉油超咸, 係超咸, 似用錯豉油, 唔知搞邊科. 覺得整個魚生檔要換 supplier.义燒是全瘦, 一点肥也没有, 好瘦同好硬, 食在一舊就放棄, 又係唔掂. 我自己整好過佢.連殼生蠔出左兩次, 第一次同事話唔錯, 我拿了兩隻, 但都係頂唔順D蠔腥味, 食左一隻就俾埋同事吃. 第二次佢地話D質素冇第一次咁好, 冇聽詳情.其它熱盤, 燒羊膝, 甜品都不過不失, 沒驚喜或驚嚇, 入得口. 中式湯很行貨, 半碗已夠.總括同事評價, 個個都話個buffet 唔係好掂, 未必會再幫趁. 但我話以前聽人講過話唔錯, 可能呢排差左. 凡事都要俾多次機會人地, 再唔掂先放棄, 過幾個月再來試試吧！仲有一樣, 坐到近2点, 只剩幾枱客, 人唔多, 但仍然感覺周圍都很嘈吵, 同事講嘢好多時都聽唔清楚, 不知是否樓底比較矮的原