緣聚鮮鍋 (已結業)

今晚男朋友到荃灣接放工，問我想食乜，我話好多嘢想食，例如雞煲、魚生同埋火鍋，佢話無問題！我覺得佢答得咁爽，以為佢隨口答我，点知佢帶我去大鴻輝中心三樓緣聚，真係三樣都有得食喎！入座前先選擇雞煲之辣度，我哋揀咗小辣！雞煲在加熱時，餐廳先送上一隻象拔蚌剌生，肉質鮮味十足，爽口彈牙，仲可以出去取刺生，有三文魚，、帶子、希靈魚，螺肉及大蝦！各款刺生都非常新鮮。食完刺生後，雞煲又加熱好了，聞到很香味，食落雞肉嫩滑又有雞味，真係唔錯！食到差不多服務員便幫你加上湯食火鍋，火鍋配料好多，但我哋最鍾意食牛，咁就order咗多款牛，如牛肩胛，封門柳，牛頸脊，安格斯牛板腱同美國肥牛，這間餐廳食材都算高質，每款牛都有牛味又嫩滑，我哋每款牛都order咗幾次！其他多種菜、魚皮、響鈴及飲品等，可以自取！餐廳仲有好多款小食，如無骨鳳爪，章魚燒，薯餅，燒三文魚骨、腩都唔錯。最後又係女仕至愛白甜品，有自由配搭的糖水，啫喱，布甸，雪糕，食到捧住個肚。感覺好似食buffet咁多樣化，真係大滿足！

喺荃灣二野真係花多眼亂尤其是係大鴻輝，我又想打邊邊💭 今次就試下三樓ge緣聚鮮鍋！ 我地揀左雞煲任食＆牛板腱＋海鮮刺身放題一坐底 就緊係拎下刺身拎下飲品先😆發現地方好大，好多選擇～淨係刺身都已經有5,6款！我狂食劍魚，吞拿魚，帶子，希靈魚！都真係幾新鮮樣又睇得，食落又甜～到主角雞煲！ 份量好多丫😆😋 食極都仲有🤣配埋蔬菜，唔覺肥膩～👍加湯之後就可以打邊爐！狂食牛之餘，狂食生蠔！😍用電話落單又方便又快～好快食左兩三轉lu～ 今次真係Fatfat🙈😝

平時都有去大鴻輝樓上樓下打邊爐，見到呢間新開見到有好多好評，所以成家一齊九個人去食，點知中伏，啲相好似好乾淨，其實嗰度好污糟，見到啲刺身都唔敢食連小朋友都唔想食，已經叫$278+10%，啲牛肉完全唔掂，啲蠔仲要好腥，所謂嘅海鮮全部都係冰左，啲蝦霉食佢所謂嘅冷盤，泰式鳳爪啲鳳爪係冇味道只有雪味 ，成家人食咗2700百幾都唔知為乜，最後只有食個麵落啲菜就算，點知返到屋企已經肚屙，九個人有4個人肚屙，簡直封佢為全宇宙最難食嘅火鍋如果唔係冇得選擇連一粒星都唔想比

我又打邊爐了😋😋😋 真心好鍾意打邊爐!!! 今次去食既打邊爐，唔止係火鍋，仲有自助吧可以拎壽司刺身熟食同甜品等，又幾爽皮!! 環境都幾大既緣聚鮮鍋 @grandtogether_hot_pot 位於荃灣! 坐位闊落，一開始都擔心出去拎野食會唔會好逼，但實在空間感十足，完全唔怕!..湯底都有唔少選擇🍲我地揀左黑蒜湯同沙嗲湯底～當然唔少得要叫肥牛啦! 呢度係會提供barcode俾你scan落電話自助下單，好方便! 除左肥牛之外，我地都點左一D海鮮，例如扇貝、大蜆等等，其他唔少得既就有D丸類呀腸呀咁～自助吧都有菜類同豆卜響鈴生根可以自己夾..自助吧有刺身同壽司，刺身都有幾款既唔少得三文魚吞拿魚希靈魚玉子等，新鮮既；而熟食方面有冷盤好似手拍青瓜咁，仲有炸物都唔錯WOR有春卷、炸雞等等，食落味道係唔錯架! 火鍋醬料區有誠意，有好多唔同既配料俾你自己任加!..甜品方面，都幾多! 有啫喱、涼粉、雪糕，同埋夾糖😂😂 飲品櫃超大，好多選擇，有汽水有啤酒有茶，另外仲有個花茶區，有好多唔同既茶葉同花俾你自己調配，又幾有新意! 最估唔到係雪糕櫃係有8款雪糕口味，超正!!!..你問我食物質素，我會話呢個係平價邊

有朋友在荃灣工作，附近有不少餐廳食肆性價比都幾高，今次他就介紹這間火鍋放題店，食物種類多，環境寬敞，價錢合理，今晚就決定一試。七點多到達餐廳，等了一會兒就安排入座。我們選了麻辣鴨血火鍋湯底，當湯鍋上枱時，見到紅紅的湯底不禁嚇了一跳，以為辣度十足，幸好湯底處理得不錯，辣到適中，反而充滿麻香味，麻辣比例得宜。而湯底材料本身都有鴨血以及台灣常見的豆皮，霎時感覺似去了台灣旅行一樣。鴨血分量幾多，口感不錯又沒有腥臊味，豆皮彈牙有豆香，兩者配合麻辣湯底，吸滿湯汁十分好味。至於火鍋配料分為電話落單以及外面自取，款式選擇都很多，除了一般火鍋配料外，另外亦有熟食，例如天婦羅、壽司、刺身、中湯、炸物和甜品等選擇。至於飲品，除了有下火的涼粉飲品、竹蔗茅根及解茶外，亦有韓國的乳酸飲品，更加有酒類可選擇，幾為加分！當中有幾款都十分推介：肉類方面，美國肥牛雖然並非超高質，但質素亦算不錯，筋肉分明，亦有牛味，入口亦嫩滑；至於雞肉分量頗大件，入口啖啖肉，雞肉嫩滑有肉汁，配合麻辣湯底更加惹味！丸類方面就推介爆汁魚蛋，魚蛋爽口，裏邊有咖喱汁令到入口更加juicy；芝麻麻薯丸亦幾特別，其實類似湯圓，外皮煙韌，芝麻餡充足，不

香港最好嘅係一年四季都啱打邊爐，冬天故知然係正，夏天嘆住冷氣嚟打邊爐，都一樣咁正。今日就黎咗緣聚鮮鍋，一見到個芫荽鍋就已經精神一振。芫荽鍋當然要點，仲點咗蕃茄湯底，成為一個鴛鴦湯底。至於，嘢食就點咗：肥牛就梗係唔少得，叫咗特級牛肉同美國精選肥牛。雖然係放題，但呢一間牛嘅質素都唔錯芫荽陳皮魚蛋、高麗菜肉餃子、粟米餃子 - 呢三樣，我印象都幾深刻，因為都真係幾好食，我同我朋友都係咁返叫再返叫其他仲有叫嘅食物仲包括：扇貝、香菇貢丸、台灣腸、牛舌、蜂巢豆腐叫得放題，當然唔係剩係得打邊爐，仲有魚生、甜品、清酒同埋梅酒都可以任斟。魚生嘅質素其實都唔錯，嚟呢度，乜都有得食，價錢亦都唔貴，真係一次過滿足晒N個願望！又出嘅係，呢度攞嘢食嘅地方，擺咗好多動漫figures，真係有晒打卡位😆

同左fd黎食個放題，揀左成人特級牛肉海鮮$228🥰真係幾正因為入面勁大勁多野食 😚😚  😎前菜😎 前菜有幾款，中意食個去骨雞爪同蒜泥白肉😚😚但都係偏辣少少，唔食得辣要小心丫😎  😀刺身😀 刺身都有七款唔同可以揀，朋友話帶子好食😀  😁壽司😁 壽司都幾多款，同埋擺放整齊乾淨，食落都夠新鮮😀😀  😚冷盤😚 有熟青口任拎，幾中意食個蛋捲，幾和味😚  😍海鮮😍 有蝦，扇貝，沙白，最好食係沙白，新鮮但之後再叫發現有d有沙😢可惜  🥰肉類🥰 有幾款唔同既豬肉同牛肉可以叫除左平時既肥牛仲有牛舌，牛肩胛…個人覺得牛舌幾好食其他都係正正常常咁喇🙂  🤗甜品🤗 最後甜品絕對係放題唔少得既一環，除左雪糕，仲有平夾個d糖可以食，仲有自制涼粉，同大量啫喱奶凍，都ok既😀😀 埋單人均$256,環境大舒服，食物都好多款，感覺整體都係乾淨整齊，可以一試😀😀 

我哋好鍾意打邊爐，有「火鍋之塔」之稱嘅荃灣大鴻輝真係細細個就聽過啦！但每次嚟到呢座「火鍋之塔」都要做好心理準備，因為嚟呢度嘅第一件事就係要有耐性排隊搭lift。好彩今次M佬夠醒目，book咗位於3樓嘅緣聚鮮鍋，唔使排隊，直接坐扶手電梯就到啦！至於緣聚鮮鍋嘅食物選擇超多，連飲品都超過30個選擇，真係超級無敵放題夜呀！食物選擇坐低嘅第一件事就梗係揀湯底啦！呢度嘅湯底有八款選擇，我哋就揀咗日式壽喜燒。至於食物就分為落單同自取兩部份。落單食物嘟QR Code就可以好方便咁喺電話落單，除咗火鍋配料仲有即叫即炸嘅天婦羅。天婦羅有炸蝦、南瓜同茄子，不過今日我哋就無試天婦羅。至於火鍋配料就有肥牛、M5和牛、牛舌、牛肩胛、豚肉、雞件、丸類、餃類同鴨血等，而海鮮就有蠔肉、海蝦、帶子同沙白等，選擇超過50款。我哋叫咗幾round，值得一讚係完全無漏單，上菜速度夠快。特別鍾意牛舌，切得夠薄，肉味又濃；至於海蝦新鮮又彈牙，絕對係必叫之選。自取食物餐廳有一半位置都係自取區，食物種類超多，真係要帶多2個胃嚟先得呀！自取區分為唔同區域，其中刺身就有三文魚、希靈魚、劍魚、吞拿魚、帶子同螺片；壽司就有炙燒三文魚、鰻魚、玉

今次來緣聚鮮鍋識路了，直接搭電梯上三樓，要先選好餐及火鍋湯底，點了日式壽喜燒，美國特級牛肉加海鮮刺身放題$228。日式壽喜燒湯底有豆腐、洋蔥，湯底甜甜地，仲有隻生雞蛋🥚，似足日式牛肉鍋。湯鍋夠大，可以放多點食物。餐廳依舊有很多食品，壽司、刺身、前菜、沙律、啤酒飲品、雪糕、甜品等。刺身這天有劍魚、帶子、希靈魚、吞拿魚等，每次可取三款刺身。劍魚有少少冰，不過都幾肥美，帶子鮮甜。特級牛肩胛肉眼淥幾秒就夠，時間稍長已經會韌。帶子連冰成一個半球形😂，連殻煮得耐帶子會丟掉，帶子煮得過久都不韌。烏冬配壽喜燒湯底夠入味。腸仔及午餐肉是我打邊爐至愛，但今次找不到午餐肉。蠔🦪都算大隻。響鈴要在炸物區自己夾，有燈照住不會太淋。台灣腸有少少肥，不過食起來好香口。收碟速度快，通常一分鐘內就收走。

平時飲開寶石樓,現在裝修,所以揾一間飲.星期日間間都太多人,就試下間火鍋店飲茶係点.早茶都很多人,但都係等左5分鐘左右就有位.叫左一個点心拼盤(蝦餃、燒賣、鮮蝦菜苗餃、潮州粉果、薑汁糕各2件、叉燒包1個、馬拉糕1開4)、蝦腸、咸水角、鳳爪排骨飯食物很美味,点心拼盤也只需$58.2大1小 4樣点心都係$139埋單,低 食

今日到荃灣探望朋友，突然間說起想吃火鍋，朋友介紹附近有一間抵食的火鍋放題，於是馬上立即起行去一吃一頓。一到達店員問我們要什麼湯底，這間店湯底都有十多款選擇，但我選了麻辣鴨血和壽喜燒湯底，麻辣鴨血湯底裏面真的有很大塊的鴨血，受喜燒湯底十分清甜。之後店員給了我一張QR code是用手機點餐之用，我點了海蝦，扇貝，西班牙黑毛豬，美國肥牛，之後我們再到店裡的自助吧去拿食物，眼見自助吧地方十分大，令我眼花撩亂，有很多不同種類的蔬菜，不同的瓜類，而且自助吧還有一些冷盤小吃，炸物小吃，壽司刺身，雪糕和甜品，真的應有盡有，還有一排放了各式各樣的飲品，這樣的放題真的是大飽口福。食物方面他們家的黑毛豬肉肉質鮮味彈牙，我們吃完一碟馬上再叫一碟，另外他們還有海蝦帶子等海鮮，雖然帶子是急凍但吃起來都十分鮮甜。最後當然我還是要吃他們的甜品，有十多款的雪糕可以選擇，還有各式各樣的水果布甸，自助吧外還有不同的配料可以加到雪糕作一點點綴。這樣的火鍋放題真的物超所值，真的很適合一家大小和一大班朋友到來用餐，下次想起吃火鍋的時候一定會到這間的火鍋放題店。

好耐無約朋友仔食飯，咁啱去荃灣，就揀咗間有得食放題+打邊爐嘅店舖；呢到地方大、座位多，食物款式多 我地揀晚市成人特級牛肉海鮮 $456 (2人)等位時已經要揀定打邊爐嘅湯底，湯底好多款式，朋友就揀咗款特別嘅【日式壽喜燒】+ 送一隻日本雞蛋，湯底滾後，打埋隻生雞蛋落去，搞出蛋花絲，飲一口甜甜地嘅湯底，又幾好飲 再用Qrcode 落打邊爐配料：芋香鴛鴦薯、墨魚丸、台灣腸、西班牙梅頭豬肉、極上黑豚肉、澳洲M5和牛、牛舌、海蝦、特級牛肉、玉子豆腐、芝心包心丸 除咗可以坐係位用Qrcode 落單外，仲可走出去自助區，揀選自己心選美食 自助區有凍食、熱食、雪糕、涼粉、炸物、新鮮海鮮、壽司、刺身、甜品、糖果、麵類、蔬菜、小食、沙律，有好多款不同美食；飲品又有多款選擇：凍飲、熱飲；連調味料區都選擇多；真係大人小孩都愛，最重要係抵食又勁飽，我同朋友都食到攬住個肚走 緣聚鮮鍋荃灣眾安街55號大鴻輝(荃灣)中心3樓

朋友介紹這間的餐廳任飲任食外最重要是可選擇的種類超多~~第一次到訪也給食物的種類嚇到飲品的雪櫃更大得驚人！大得好像走進便利店買飲品一樣🤣有超多選擇，吃得也特別開心湯底選擇很多有常見的豬骨，蕃茄，沙嗲！另外亦有壽喜燒，黑蒜，麻辣鴨血及芫茜皮蛋沙嗲湯底很濃郁但不會過咸，整體也不錯喜歡吃放題的朋友都不會失望因食物有多款選擇！最適合喜歡吃放題的人！由前菜，小食，肉類，刺身，菜類要到飲品甜品都有非常多選擇前菜有日式的芝麻八爪魚等亦有韓式泡菜之類供應！小食則有春卷，咖哩角，炸雞寶，薯角等等肉類基本有雞，牛，豬。也包括餃子，丸，蝦滑等打邊爐必叫食物牛肉質素不錯，肉質柔軟！很適合用於火鍋~~如想更高質一點可以加錢升級至和牛套餐盡情享受！刺身選擇方面：基本三文魚，八爪魚等都應有盡有，厚切肥美飲品款式更可用誇張形容！汽水，茶，酒，果汁都無限量供應多種甜品選擇，雪糕布甸奶凍，也有水果蘆薈朱古力碎等提供這個價錢的放題真的很高性價比

今日約了朋友去食放題，這間放題有火鍋、魚生和其他熟食。我們到達時就可以入座。我們選擇了特級牛肉海鮮餐，叫了一個壽喜燒湯底。餐廳入面有熟食區，魚生區，飲品區、火鍋配料區和甜品區。熟食區有一些炸物，有麥樂雞，炸香蕉蕉等。可以自由配搭不同醬料，例如泰式辣醬，密糖芥末醬等。炸物表面脆口，內𥚃夠熱，味道不錯。而魚生方面，刺身比我意外的驚喜，原來以為選擇不會多，但發現能選擇的種類都多。另外味道鮮甜，而且夠厚。入口感覺滿足。至於火鍋方面，壽喜燒湯底濃郁而且甜，牛肉有牛味，不用加醬都好食。整體而言，食物選擇多，想食生，熟和甜品都應有盡有，而且性價比極高。另外現在還做四人同行一人免費優惠。

這店湯底選擇十分多，今次我選了豬骨鍋底，果然不錯。這裏的食物確實種類繁多中、西、日各式其式。頭盤當然要吃刺身，這裏刺身的種類算多，三文魚挺肥美，又新鮮，帶子亦很鮮甜，還有我最喜歡的劍魚刺身，肉質爽滑，甚有口感，感受到魚的鮮味。火鍋生料十分豐富，蝦很大隻又彈牙，蠔亦大隻，端來的時候被冰封著，頗有趣，但最重要的是灼完後亦不會縮，這真有點意外。特級牛肉都是任點的，肉質嫩滑，從表面顏色已知新鮮，入口沒有渣，果然有質素。這裏的炸魚皮千萬不要錯過，因為真的很酥脆，涮一涮即吃，令人回味。最難得響鈴也是脆的，一般火鍋店的響鈴大多從雪柜取出，不會有脆的感覺。甜品選擇也多，我自製黑白涼粉伴海塩雪糕，加足淡奶，正！還有不同味道的奶凍、啫喱、紫薯球等等，都很有水準，讓你的嘴巴沒法停下來。