紅丸甜品 (已結業)

之前係fb,ig見到好多人都去左食呢間野既熊貓飯,咁我見到勁可愛加上d人又好推薦,咁就約左朋友一齊去試下.由於間店係d樓既後面,所以唔熟果頭既人都真係幾難揾!咁去到成個環境都勁有feel,可見老闆都好有心機佈置咁我同朋友都order左熊貓飯，仲有可樂涼粉,田園沙律,西瓜.咁可能我唔係幾中意食咖哩,覺得d咖哩都係一般般><不過諗住膽粗粗試下可樂涼粉!本身仲驚肚痛點知食落又唔錯不過大家記得唔好掛住影相要即食先好味啊~

我一向十分支持小店，用心經營，食物質素及創意十足既更加倍支持。呢d就係我一直想黎呢間紅丸甜品一試既原因。剛好我轉了新工，而公司也在這區附近，決定無論如何找一個中午去吃。碰埋假期前，有得早放，我就一於走去獨食，小店亦有一個好處，就係你獨食，被搭抬都唔會太核突，不會怪怪的。岩哂我今次試的東西不多，點了我最期待，一款推薦既療癒食品：日式咖哩熊貓飯。🐼🐼成日見日本家長 為子女預備動物/卡通造型的飯盒，心思少不了。我個人太懶，賴自己時間太少。食到又靚又可愛又好味既飯，真係內心會療癒一整天！當天人不多，好快就到，一見到成堆萌萌的熊貓已經忍唔住相機食先😁咖哩汁：日式咖哩好香，帶點甜，好好送熊貓飯。熊貓造型：超有心思設計，一個個易入口，本來平時食少飯既我，都食食下食哂。唔會因為打耳而唔捨得食雞肉：份量剛剛好，肉質幾嫩，配咖哩汁一流配菜：沙律，個人喜好，增加左個清新感。套餐配柚子蜜Close up....我唔客氣啦，熊貓寶寶🐼熊貓寶寶為我當天打打氣。💪🏻店名以甜品為主，亦有不少得意造型既甜品，下次有機會一定會再去食！！真希望香港保持返這一類又有創意又有質素既餐廳，俾香港人抖抖氣，加加油！👏🏻👏🏻

一直唔記得分享！之前我系ig見到好想試，因為我好中意食西瓜男朋友就偷偷地去買左幾盒俾我，食完當然感動，但係又好嬲！佢地溝到西瓜無晒味！好淡！唔睇個樣都唔知食緊西瓜味！仲搞到我男朋友山長水遠去到咁遠！仲要買左咁多！魚膠粉就夠晒啦！色素都夠啦！係味道唔夠姐！

一直好想試熊貓飯，成碟野好岩哂相機食先同埋有新款白汁雞皇，比咖哩飯更加好睇星期日下午專登入黎側魚涌，佢話無白汁，未準備好，算！叫咖哩。熊貓飯到！下？？？？！！！ 喂咁既！！ 如果你唔明點解，我再俾店家宣傳張相你對比 有無搞錯？d熊貓咁既樣！完全唔係果回事喎！！喂唔係我要求過分喎！你睇返之前其他人食評，都無一碟係咁啦！！！係「基本」都做唔到喎！嚴重違反商品說明條例喎！兩個字：求其。個廚房佬係咪Day Off 呀？咁你明知個樣出到嚟唔同，你就同個顧客講清楚啦！俾返應有責任心啦！同你講味道，飯勁硬，咖哩好淡好難食！成間鋪都係得一個馬尾女侍應，沖野飲都係佢，陰公到喊，因為我叫左杯「凍檸茶」係我親眼睇住佢沖。叫完野食佢就會消失一段時間，好難唔知碟飯都係佢整囉！！！最搞笑係杯「凍檸茶」唔記得落糖水，苦過deedee!真係想講粗口，野飲都沖唔好？仲話自己甜品鋪？受驚失望太嚴重，俾多一蚊都痛，早走早著。在此想同店家講，你明知當日保持唔到品質同唔夠人手就咪鬼開鋪做生意啦！！！呢個負評你應得，絕對唔推薦各位去，睇完相你都仲去？？？咁無心咁求其唔該你關門大吉啦！

早排見到朋友分享紅丸既熊貓飯的照片，週六心血來潮約埋朋友仔去試試。店舖用玻璃汽球燈照明十分別緻，而食具係木製架好有feel。 我和朋友各order了一客熊貓飯，每一個飯糰就是一隻熊貓，一碟共五隻可愛的熊貓，份量對於正常女仔黎講岩岩好，熊貓周邊是日式咖哩，咖哩不會太辣，伴碟的沙律也很新鮮！ 影完「熊貓飯」相之後我哋爭D都唔捨得食呢!  見雪櫃有杯寫住0% 酒精叫「啤酒啫喱」既甜品，好奇心推使下我哋亦點了，啤酒啫喱造型與一杯真「啤酒」非常相似，上面仲有一層白色泡沫，甜甜地吾知係乜嚟呢?  响鰂魚涌以lunch黎講價錢屬於中價，但食物質素同環境都幾好，I will be back !

午餐唔知食乜好, 一面行一面看看有乜好食, 無意中發現一間在橫街盡頭細細間外貎似cafe的小店, 行埋去睇原來係甜品店, 也有set lunch, 一入去就見幾張枱面都有碟超萌的熊貓飯, 我同朋友即刻點了一個青蘋果咖哩雞及一個吉列豬扒熊貓飯, 一碟飯有5隻熊貓, 還有沙律菜, 飯有點實, 如果轉用日本珍珠米會較好, 日式咖哩汁超好味, 吉列豬扒不過不失, 飲品方面點了凍檸茶, 超大杯, 好抵飲, 熱飲就細杯了一點, 熱柚子蜜偏甜, 最後加$15任選一款甜品, 我們點了紅豆鮮果可樂涼粉及紅豆鮮果西米露(椰汁), 可樂涼粉是一碗涼粉撈埋少量水果再配一支原裝可口可樂, 夏天食這個就一流, 西米露就冇乜特別, 都是一般西米露加點生果, 不過不失, 整體來說這間店的食品款式很有創意, 但味道方面仍有進步空間, 價錢合理, 還境舒式, 都值得再次光顧。其實這店還有許多很有創意的特式甜品, 例如啤酒啫喱, 下次一定會試試。

友人推介這裡有可愛動物套餐，所以就來這裡試試。環境方面店舖位置是在後巷之中，所以有點難找。而店舖門面有點像台灣的小店，很舒服的感覺。像是去了台灣的cafe。服務方面有點覺得店舖人手不足夠，因為叫了幾次侍應生都找不到人……但他亦有主動為我們加水，這點亦貼心。食物方面這裡的套餐包含主菜，沙律，飲品/甜品。我們點了兩個套餐， 分別是熊貓咖哩飯套餐及中華冷麵套餐，配甜品擂沙湯圓及西瓜大菜糕。咖哩飯的材料有雞肉，雜菜豆，紅蘿蔔及薯仔。 味道一般，但是賣相真的很吸引，女生見到絕對會很高興！！超萌~中華冷麵的配料有青瓜，雞蛋和蟹柳，配日式芝麻醬 （坦白說，個人認為芝麻醬配甚麼都好吃！），味道ok啦。西瓜大菜糕比想像的好吃，有一絲絲西瓜的甜味，可以一試。餡料是芝麻，味道沒有特別。價錢方便套餐平均$50多-$60多，如果想點價格較高的甜品/ 飲品便要加錢。整體來說價錢合理，味道雖然一般但創意很好 (至少女生很受落~)下次應該會再去，因為想試試它們其他的甜品。

很久沒寫食評，還是第一次用手機版寫食評這幾天天氣特別好，有種魔力吸人外出，簡單一句："出去食啦~", 在我聽來竟有無限吸引力，把煮好的午餐放下，出外去來到的是聞名已久的熊貓飯店，小店主打甜品，裝潢佈置簡約明亮；午飯時間客人不多，沒有多想選了鎮店之寶日式咖哩熊貓飯熊貓飯上桌，確是相當可愛，雖然味道不過爾爾，但還是讓人心情輕鬆愉快選熊貓飯的人可能很傻瓜，但在這明亮小店的短暫時光，我很開心

【店內環境】小小的店子用上明亮的白色作主調，店內掛了不少熊貓飾品做裝飾。或許店子在都不算容易找，所以假日午餐時間來，客人都不算太多，能享受寧靜舒適的空間感。【木製餐具】店內的杯子，叉，匙，碗，碟，托盤都用上木製的餐具。用木製的餐具裝置食物更能襯托出視覺美感！讓我有買木製餐具回家作擺盤的衝動！【食物份量】每個lunchset都包了一份主食+蔬菜沙拉+甜品，約$50-$70。店內的食客以情侶，親子和女生為主。所以相信這個食物份量是剛剛好吧。我和朋友選了兩份lunch set。由於我們兩位女生的食量都不太大，又不喜歡浪費食物，我們還打包了吃不完的食物走呢。【食物登場～～又萌又健康！】熊貓咖喱飯　+ 蔬菜沙拉 + 西瓜凍吃熊貓仔時沾一點點咖喱汁吃會更好味！若果咖喱汁的咖喱味出ｄ同辣一點會更好呢。西瓜凍用真的西瓜皮盛著，像真度很高啊。西瓜肉由新鮮西瓜汁，大菜糕和黑芝麻製成。#大菜糕是由含豐富膠質的海藻抽取出來，九成是水份，其餘是纖維。每100克只有26卡路里，是 #超低卡的甜品啊。再配上健康清新的蔬菜沙拉，以外食來算，這個套餐 #營養均衡又健康啊！中華冷面 + 蔬菜沙拉 + 擂沙湯丸中華冷面都很

星期五收工過來鰂魚涌，地鐵站人潮洶湧，對面街就顯得寧靜得多。7點幾來到紅丸附近，因為佢位於內街，我地行過龍，後尾用Google map先搵到間野店內有6張枱，店鋪細細的，而且仲有枱，你話星期五，咁的時間，仲可以係邊度搵到如此寧靜的食肆呢？店內只得一個侍應同一個大廚。來到就梗係要試推介的#熊貓咖哩飯#啦！有菜有肉，均衡配搭。為一不足係咖哩汁少左啲，唔夠撈飯。咖哩係用雞肉煮的，汁夠稠，唔會太辣，啱我沙律菜好新鮮。我地只叫左一個main dish，因為呢度啲甜品太吸引喇！一共叫左4款#西瓜啫喱#造型同真的西瓜激似。有西瓜籽(黑芝麻)，有瓜皮(似乎係真的瓜皮)。啲啫喱食落有真的西瓜味，唔似用粉開的西瓜味。正#啤酒啫喱#我post係fb，啲人真的以前我飲啤酒。你話像真度幾高呢！上面白色嗰層泡，有甜甜的味道，但我食唔出咩味。下面黃色的，就似係蘋果味。同樣都係好fresh#芝麻合桃露#呢度的中式甜品都做得唔錯。好濃，好稠，又係健康之選，因為唔太甜！#紅豆沙#豆煲得好淋，起沙的，我至愛這樣的紅豆沙如果唔係咁遠，我應該會成日去的

當上帝關起了一扇門，必會再為你開啟另一扇窗。遇事不得已取消了泰國之行，卻意外獲得星加坡機票，謝謝Opensnap。  領獎的位置在鰂魚涌，查看附近餐廳，原來熊貓萌飯的發源地就在這兒附近呢!這紅丸甜品早就久仰大名，難得機會，當然是要一試吧!    店子隱於民居當中，在小巷之內，如非在主道上有紅丸招牌作引領，恐怕會找不到呢。正值午飯時間，全店滿座，反正只是一人用餐，就只有搭桌好了。這兒走自然系路線，一室明亮的白，配木製食具，很有家的感覺。    簡單餐牌，午餐主要供應飯麵、沙律，也可搭配特式甜品。我的選擇當然是可愛的日式咖喱熊貓飯＋沙律＋甜品套餐($58)吧!既然是主打甜品的，當然要選特色甜品吧，於是選了西瓜凍(+$10)  日式咖喱熊貓飯以木盤盛上，配同系的木匙和木筷子，簡約和風。笑盈盈的熊貓一家五口，十分孩子氣，咖喱和野菜的色彩配搭很是吸引。熊貓紫菜飯糰有着手做的缺陷美，單是這份心思已值回票價了。      珍珠米是微溫的，口感煙靱，那紫菜令飯糰更為香口。夾起一隻小熊貓蘸咖哩汁同吃，沒有辣度的咖哩汁帶淡淡的野菜甜香，數片雞肉只是雪藏貨色，雞味欠奉，而薯仔粒、蘿蔔粒只是零星點綴。惹味一定

店名：紅丸甜品地址：鰂魚涌英皇道901號英麗閣D座地下B1號舖好味指數：7／10價錢：$32鮮果可樂涼粉鮮果可樂涼粉是選用支裝可樂，涼粉切得比較幼細，份量不算多。味道一般，就是涼粉+可樂，而且吃到一半時可樂已經無氣了，感覺就像糖水+鮮果+涼粉，索價$32實在太貴了。這兒的環境不錯，佈置得有點像cafe，感覺優閒和舒適。店員亦很好，主動推介食物，最後與朋友傾了個多小時才離開。 

5隻qq熊貓浸緊咖哩浴~ 熊貓咖喱飯＋沙律＋甜品都係HK＄58, 價錢幾平！開頭擔心只有五舊飯團會食唔飽，但實質份量係比想像中大！佢地只係將飯團扼實左！我比較鐘意哩到既咖哩，因為我好怕辣，但我可以接受到哩種程度既咖哩！西瓜??? 望真啲其實係大菜糕黎! 甜味適中帶點淡淡既西瓜味! 個皮係用真既西瓜整！而後面既糯米磁太厚粉唔多鍾意~西瓜凍 (hk$28) 三件

星期六帶咗兩個小朋友去試試這個熊貓飯，星期六下午一時半才開門，我地早到咗唯有坐一下咖啡店先返黎，呢個小小的食店只有幾張細枱，當然我地第一個到，未有其他客人，星期六的鰂魚涌果然好清閒。睇過餐牌一個套餐都係五十幾蚊，都係小店的價錢，大家二話不說就叫咗熊貓咖喱飯熊貓咖喱飯黎喇，小朋友都好興𡚒，賣相真係好打耳呀！以為得五粒小小的飯團唔係好飽，點知食咗三粒就已經飽了！日式咖喱都好食，但係都不是太特別由於套餐入面的甜品唔包括啤酒樣的蘋果啫喱同埋西瓜凍，於是加錢試一試，外型有趣而且都好好食，都值得一試，個西瓜凍都應該用真西瓜整的，唔甜又有真的西瓜味，好清新！食物做型好可愛好得意，真係吸引女孩子同小朋友！就算係影幅相呃like 都值得呀！

友人帶路尋找熊貓咖喱飯💕系屋苑下面，沒人帶路恐怕一早都走過龍。店鋪裝修較簡單，去到時只有一檯客人。套餐選擇不多，立即點了2個熊貓咖喱飯！套餐有附送甜品，甜品很有特色！味道不錯！小飯團比預期中細舊，剛好飽！兩個甜品，勁力推仲蜜糖吐司！鬆軟而且甜度適中！友人都喊下次來再吃😂