紅米 (華都商場) (已結業)

來過這裡兩次，今次才大膽一試$168二人全餐，發覺很值得推介給大家。套餐包兩個餐前湯，兩份沙律，一份雞翼，兩個主菜及兩杯凍飲。湯叫了一中一西，中湯是青紅蘿蔔雞湯，是例湯感覺不值一提，但是西湯蘿宋湯就好飲到出奇，此湯並非一般茶餐廳貨式，有很濃的蔬菜味及多湯料也不辣，是我飲過數一數二好的餐前湯，沙律菜很清爽及應有的新鮮而不似預先整定，三隻雞翼是鹵水的也合格，主菜是無骨海南雞飯和黑椒汁雞扒意粉，全雞宴冇令人失望，雞飯的雞有胸肉和肶肉真無骨，肉份量足而飯十分香糯美味，沾醬中比較好的是黑醬油，真想用來撈飯把它吃完，意粉超大份肉多粉多，伴的黑椒汁亦算不錯，只略嫌冷氣太凍很快放涼吧，餐飲叫了檸檬薏米水及椰汁紅荳冰，要特別一提紅荳冰是十分優質的必選推介，整餐中午吃不收加一很平民化，女士或長者幫襯則須小心著凉。

約咗朋友去屯門睇毒舌大狀，但又得番45分鐘就開始，所以就求其睇吓附近有啲咩食，去咗一間叫做紅米嘅茶餐廳，唔知係咪因為人手唔夠，入到去見到好多枱都擺咗啲食淨嘅食物喺枱上面。坐低後，就睇吓餐牌，價錢中等，食物擺碟靚，但係味道就一般，需要用電話QR落單，我哋叫咗蔥油 咸魚煎肉餅配三眼煎蛋飯$54，板煎雞扒蛋包飯（意式茄汁）$58，另加凍檸茶（+$3/杯）。蔥油 咸魚煎肉餅配三眼煎蛋飯 ， 咸魚煎肉餅無乜咸魚味，煎得唔夠香，味道一般，但煎蛋就好靚，漏晒蛋黃汁。板煎雞扒蛋包飯，雞扒就不過不失，蛋係整得靚嘅。總埋單盛惠$118。

-老壇酸菜魚芫荽泡椒湯烏冬 $58烏冬彈牙，冇酸味。湯底唔掂，好淡，唔酸。魚夠滑，成棵菜俾啲客食好似唔係幾好！-板燒雞扒蛋包飯(意式茄汁) $58如圖所見，炒滑蛋非常之靚，蛋味香。雞扒亦煎得啱啱好，肉質都幾嫩。-魔鬼肥牛鐵板飯（黑椒汁）$70插兩條辣椒入啲飯度扮魔鬼，都係啲Gimmick 野。肥牛還可以，黑椒汁唔算好辣。熱奶茶&熱菜蜜 +$0奶茶香濃，菜蜜正正常常。餐廳座位設計奇怪，有啲好闊落，有啲窄到咩咁。上菜慢，某位呀姐態度差。

位於人來人往既商場走廊既一間新派餐廳見menu 都好多元化，價錢又好抵食雖然tea time 時間，但都入去食個雞湯烏冬入面裝修都幾colorful, 卡位都坐得幾舒服極尚。鮑魚花膠。花菇滑雞讚崎烏冬$58有好多料，一隻細鮑魚，花膠花菇又有雞，生菜娃娃菜，仲有一大搾芫荽，好香雞湯唔錯，但未夠濃郁既雞湯香味。雞件未夠肥美，肉質都幾韌但連埋讚崎烏冬一齊食都好入味好滋補熱檸水一般呢個價錢CP 值高睇個menu 都好多新派野食好想試，下次啦！

💥送餐機械人幾可愛📍紅米｜屯門📍人均消費 $ 3 X#CL屯門 #CL四圍食 #CL港式⚪️⚪️⚪️⚪️⚪️⚪️⚪️⚪️⚪️⚪️WEEKEND 👦🏻話要食早餐，唔想又食麥記就食下茶記啦～除左有送餐機械人睇下，就無咩可取之處🌝💟 紅米見麵餐 $ 3 6開頭以為會係炒滑蛋，點知🫠只係好油既炒蛋… 叫火腿奄列會比較好🫣至於雪菜米都大碗既，米粉係比較彈牙個隻，鐘唔鐘意就見人見智啦😏🤟🏻不負責任點評好味道🌕🌕🌕🌕🌕🌑🌑🌑🌑🌑性價比🌕🌕🌕🌕🌕🌑🌑🌑🌑🌑回頭率🌕🌕🌕🌕🌑🌑🌑🌑🌑🌑（十粒為滿分）⚪️⚪️⚪️⚪️⚪️⚪️⚪️⚪️⚪️⚪️

第一次幫襯，午餐💲6️⃣0️⃣有交易雞扒蛋包飯👍雞扒好香脆，蛋🥚都算滑，裏面係珍珠米，誠意十足➕2️⃣0️⃣多咗個牛角包🥐煲得吾錯、芝麻醬沙律🥗、一小碗嘅紅湯芝士煲厚豬扒飯中伏😏芝士勁少，過分多洋蔥汁，都係珍珠米，但係就唔係炒飯底比較似係一碟洋蔥汁燴飯（多汁）多過似焗飯其實同媽👩‍👧兩個人食左蛋包飯同的配菜已飽左🤣🤣野食太大份嘢飲都OK。感覺上有啲似意樂，唔知係咪同一個集團🙂🤔

係門口企左好耐，好禮貌咁問佢係咪要排隊，為有無得拎飛？個收銀只係識話你唔排隊或者十問9唔應。由於好肚餓，所以就等下，當時大家自己排隊。排左十幾公鐘，店員都無理過你。但問題係半間餐廳係有位坐。你有禮貌問，可以安排入坐嗎？個店員同你講，喂你地唔好撞到d外賣喎。到有人理你啦，終於，點呢？入坐之後，店員好大聲講： 都未執位，怕整烏槽你喎…同排隊d人都一齊嘈。而家先知，原來要排隊，要聽命令先可以食到貴 店食物。

平時勁鐘意打邊爐，行過見到個醉雞肥牛鍋好吸引，決定入去試下一黎見到唔係用固體蠟用gas爐，抵讚可以控制火力，唔會淥到過熟湯底揀左醉雞湯底，好香好足料，有蟲草花、芫茜、海帶...唔係大xx果d味精湯底碟醉雞先係重點大大碟有好多酒浸住，淥完仲好滑好入味！平時醉雞淥完無曬味，呢間既醉雞質素好過曬出面d火鍋店，好驚喜肥牛就同餐牌張相差唔多，唔太肥，其他配料質素都唔錯。加$10醬料，但湯底都好夠味，下次可以唔加加$18鴛鴦檸樂，有兩大罐可樂成個餐好豐富，平時d一人火鍋係唔夠飽，但今次食到好飽兼食剩半個烏冬有火鍋店質素既一人邊爐一定會再encore

今天天氣有點涼，見到紅米有個精選午餐，王牌蟹粉 豆腐鍋伴烏冬，便立即走進去試試。可惜，今天沒有烏冬，於是便點了個no.1推介的板煎雞扒蛋包飯試一下。環境:座位闊落，絕大部份卡座。食物:雞扒煎得外脆內軟，非常有肉汁，蛋包內藏有鮮茄飯，茄汁飯味道恰到好處，味道不會過酸或過甜，與雞蛋配搭得天衣無縫。此外，碟上有沙律配菜，更令整個配搭加多一分色彩。真的值得一試 ，果然係店長推介 。另外，亮點是那個可愛的送餐機械人，為餐廳帶來了一點有趣的氣氛。

個扒餐啲薯條冰嘅 冇匙羹 連紙巾都冇啲侍應hea完你就算 叫佢拎杯熱水嚟 食完個飯都未到 已經叫咗兩次 啲嘢食跌咗落地 又唔執 態度非常差 完全唔值得嘥錢嚟食 勸大家唔好去食 態度又差又唔好食😵‍💫

因為食早飯所以唔使等位，但食完後就見到門口排長龍美式炸魚•千島沙律 $42炸魚熱辣辣夠香脆，仲好大塊，沙律菜新鮮，份量仲好多，千島醬略微少了點重量芝士+厚切豬排飯 $59用了珍珠米，所以飯底軟棉棉，豬排都算大塊入味大，但茄汁極多所以比較滯板煎雞扒茄湯手工麵 伴 3.6牛乳炒蛋 $53採用刀削麵，所以好大碗好夠飽，雞扒好大塊好厚身，雞蛋炒得好嫩滑酸菜魚•芫荽泡椒烏冬 $58酸菜魚制作需時，所以等得比較耐，辣度適中可接受，魚肉嫩滑，但份量唔算好多，烏冬彈牙好味道

野食好味！但服務態度真係差。首先係前台收錢嘅嗰個阿姐態度真係差，勁燥底，唔講仲以為全世界爭佢錢。跟住到叫完野食，等左勁耐嗰餐都未到，要催第一次個麵先到，催第二次先可以有埋杯野飲，真係好無語。But D野食真係好味👍🏻至於服務態度就。。。

紅米都算係屯門區最高CP值嘅茶餐廳啲一今日放學實在太攰，想食得豐富少少，又唔想太貴，所以就諗起嚟呢間紅米，質素唔錯，價錢好平。📌蜜糖柚子雞翼$22本來係三隻雞中翼，不過今次變咗兩隻雞全翼，我覺得都OK，柚子蜜味道香甜，好清新，相當好食😋📌蒲燒鰻魚椰菜炒烏冬🍲$80相當豐富嘅炒烏冬，好多材料，而且仲有鰻魚，最鍾意佢夠鑊氣，熱辣辣🐟📌美國重量級爵士西冷牛扒$124🐄🐮牛肉相當好味，香濃，喜歡肉質軟嫩，質素唔錯。另外仲可以加$26 ，變為套餐，包特飲，牛角包，羅宋湯，仲有個沙律。，我揀咗黑糖珍珠鮮奶，相當濃郁，比想像中好飲好多好多🧋😍😍❤️❤️薯條份量適中，最緊要夠香脆，唔錯🍟🍟📌煎雞扒冷烏冬🐔🧊$59呢個我都相當推薦，冷烏冬冰涼感覺，好適合而家天氣食，相當舒適，清新，輕盈，烏冬下面仲有啲沙律菜，好健康，好適合女仔嘅配搭😋😋😋辛苦咗一日可以用平價食到咁多好嘢，真係超正🤣❤️🌈❤️❤️❤️

這店裝修頗時尚，而且環境赤舒適，座位很寬敞。還有送餐的機械人，頗有新鮮感，看它走來走去，挺有趣，小孩看到也樂透。聽聞這裏的石板燒挺出名，特地來品嚐一下，今次我點了美國頂級安格斯牛小排。當侍應先把熱騰騰的石板端上，石板上不停冒煙，非常熱，已令人有所期待。再把牛小排及其套餐端上時，看見牛小排份量十足，而且油脂分佈均勻，肉質紅嫩，已忍不住要動手燒烤。把牛肉放上石板，即時發出啫啫的聲響，並傳來令人垂涎的肉香，只燙一會就燒好了，一入口牛肉的肉香和油香充斥在口腔內，這種甘味真的難以名狀，果然名不虛傳。還點了暴龍芝士吉列豬扒飯，這塊豬扒果然夠厚，而且外脆內軟，鎖住了肉汁，有水準。配上黑椒汁，飯的味道複雜得來令人回味，雖然感覺有點兒邪惡，但也不能不吃。雜果綜合茶，沒想到是如此巨型，滿杯都是水果，有西瓜、橙、檸檬等，飲完還可吃水果，感覺很健康，可抵消剛才的邪惡感，哈！而藍蝶花雪梨蜜伴愛玉又是令一種感覺，顏色紫紫藍藍很好看，味道清新、滋潤，吸啜時伴隨著Q彈的愛玉，非常有口感，I like it ！

這間茶餐廳不單止食物多元化，連員工都相當特別，🤖機械人代勞，而且好人性化🤣😂「黑椒相撲豬扒炒烏冬」好有鑊氣，鐵板上菜，豬扒肉鬆軟配上烏冬，正呀🥰👍🏻「轉套餐-羅宋湯，牛角包,迷你胡麻沙律」加錢轉了套餐，有齊我想要的，羅宋湯好濃蕃茄味😊牛角包🥐熱熱的 好香口，沙律菜配胡麻醬是最開胃👍🏻「極尚鮑魚花膠．花菇滑雞湯泡飯」👍🏻👍🏻👍🏻好香濃雞湯，花膠厚大，有鮑魚及雞肶，值得一試，啖啖精華入口一樣🤭「茉莉花玫瑰蜜。伴愛玉」清甜感！有茉莉茶的香☺️「特盛綜合水果茶」好大杯😃可足夠2人飲，生果都是新鮮配上，西瓜，香橙🥤「食肉獸。超級至尊薄餅」這款pizza薄脆底，好正！😋 咬落脆卜卜，大大件雞肉在面，果然適合食肉獸😂 而且價錢抵食🥰備註：🔺電子下單，容易簡單🤖🔺有一部機械人店員，相當生動，傳菜為主，還會說話 「祝你愉快的晚餐」🤭