羅坤發粉麵食店 (已結業)

同呀媽&妹妹行mk入黎食個lunch~叫左兩碗雲吞麵, 一碗淨雲吞因為呀媽覺得呢度既雲吞好食~不過我又覺得冇佢講得咁好...但係以咁既價錢已經算唔錯~碗雲吞麵入面有4粒雲吞不過碗淨雲吞都係得5粒~所以覺得唔係好抵凍飲+$7

之前黎過，見到有個胡椒豬肚雞腳豬骨的招牌貨，所以就介紹母親大人來試。。但對其做生意手法有點不滿，望作改善…由於媽媽不愛吃麵類，可是連續兩晚都無檬粉，第二晚進店前，她特登問製作部有無檬粉，阿姐話無；再問收銀阿叔(應是老細吧)，他就連聲說有有有。。。其後，落單時阿姐又話無晒檬粉，從此可見老細為先留住個客，所以什麼也說有，等你入左你先算…$21胡椒豬肚雞腳豬骨河：湯底的確有好濃的胡椒味，辣辣的，很惹味，豬肚只得兩塊$21套餐。東菇菜餃米線、生菜、熱奶茶：湯底味精重，有三粒餃，內餡有二粒粟米、微細東菇粒粒，肥豬肉…味道普通，味道唔多出、米線過熟太淋喇肥晒；生菜配少許蠔油

$24鮮茄牛腩菠菜麵湯清清地，唔會太重味精味，有一大堆切開的蕃茄，不少牛筋，有點肥但好淋，而菠菜麵味唔出，麵少環境較亂人多擠迫上菜較慢

記得四年幾前，太公有一個朋友，帶過太公黎呢度食蕃茄麵(我記得自己當日係食魚皮餃蕃茄莈菜麵)；果種濃郁的蕃茄湯味道，令人印象難忘到，我去到蘇格蘭都要自己整黎食 (當然整得冇佢咁好味啦)返黎之後，冇再同果位朋友聯絡，亦都冇再黎呢度食；直到今日放工突然心血來潮，又路過附近，就去"尋店之旅"啦。其實間舖確實係邊個位我唔記得的，我只記得o係花園街的某一段的某一邊(呢方面唔會錯的，成世女最叻係認路同食野)，而今日所見，果某一段的某一邊又只係得呢一間麵檔，應該係，就入左去啦。不過望望餐牌，冇蕃茄麵既？！(有人眼大睇過龍望唔到蕃茄牛腩麵)，只係都係同往日一樣，有好多種麵揀...係咪呢度好多間面都係咁架？！最後揀左魚蛋魚蓉麵俾自己。然後等待期間，我再望望貼響牆到的"餐牌"...嘩，有蕃茄牛腩麵？然後仲聽到後面有個疑似熟客的物體，問個阿姐：d麵可唔可以加蕃茄？ 阿姐話得！....係呢間係呢間啦！我果下真係好高興。不過，既然都叫左，雖然可以叫阿姐改單，但心諗不如試下佢原味的麵，都未嘗唔係好事。等等等等等.....我個魚蛋魚蓉麵終於到啦！先飲一啖湯，嗯，有落少少味精的，但唔多；有魚的鮮味，又有d胡椒味，都幾好

下午茶時間行過花園街，經過呢間我哋未幫襯過嘅麪舖，佢個樣有啲舊，門口有好多種類嘅麪賣，兼好多人買麪番屋企話用嚟打邊爐，唔通真係好正？就決定即刻入去食個下午茶嘞！以為佢係賣雲吞麪之類嘅，原來越南嘢先係主力！店入面都唔少食客，一貫嘅麪舖格局，地下都幾污糟，啲嘢亦放得亂七八糟。求其搭枱搵咗兩個位，一望餐牌，嘩！咩嚟架？咁亂嘅，睇咗一陣先明佢寫乜，都係唔翻來覆去研究嘞，是旦見佢牆上寫啲咩推介就諗嗰啲啦！我哋叫咗： 鮮茄牛腩波菜麵：見佢將呢個麪掛喺最前排，字體亦大大隻，穩陣啲就要呢個嘞！個麪一上枱只係見到一片紅色杰撻撻，全部係新鮮蕃茄。菠菜麪好幼亦夠爽滑但係唔彈牙，有啲似喺超市買過嘅台灣出口麪，牛腩都算炆得淋，應該淨食會好味啲！成碗麪嘅味道配搭得十分古怪，蕃茄味太濃太嗆，冚晒啲牛腩應該有嘅味道，一啲都唔夾！ 泡菜酸辣芝麻麪加韮菜餃：又係大大隻字推介嘅麪，芝麻麪質感一般，一啲都食唔出芝麻味，同普通嘅幼麵差不多，泡菜浸咗湯之後又係好古怪，唔知點形容，總之乾身好食好多啦！韮菜餃多菜少肉，味道就唔錯！成碗麪嘅味道雖然都係怪怪地，但總好過碗蕃茄麪！ 秘制炸豬扒：啱啱炸起都算幾好味，肉質鬆軟兼有肉汁唔會

義工過後又要醫肚喇，好耐無黎羅坤發，掛住佢d招牌面，於是同阿媽黎呢度食晏。我要了鮮茄牛筋菠菜麵，阿媽要了胡椒豬肚雞腳面。鮮茄牛筋菠菜麵食落依然好味。兩大舊新鮮蕃茄，牛筋亦多，炆得淋。菠菜面好幼好彈牙，不會煮過火。湯菜餃，好似有5粒定6粒。size ok, 個餃皮好滑，但就較厚，餡多，菜惹味。食陣就好好食，不過食完就知錯...因為下晝口渴到爆呀，狂飲水同豆漿都唔解渴。今次勉強俾個OK佢啦，俾多次機會佢，睇係個面定個餃最多味精。

看見這裏好評如潮，地方又不太難找，再加上天時暑熱，不太思吃米飯，來一碗麵也是道理....望上去格局應該是"前舖後廠"，出面舖主力賣各式粉麵或吃吃雲吞水餃，舖後便是製麵工場了。由於這樣，在這裏你就可以找到各款麵食了....掛頭牌的鮮茄牛腩菠菜麵，聽落配搭真的十分古怪。番茄酸酸的味道跟帶柱候醬濃味的牛腩一撞起來，味道究竟是怎樣呢 ?答案是 : 不是小弟那杯茶....吃後總覺兩者並不能水乳交融，還是將兩樣東西分開吃好一點。當然這純粹是個人喜惡，沒有辦法....麵條的確是即叫即製即淥，亦用上了大量新鮮番茄，不過，湯底還是吃到有少許茄糕味...牛根炆得頗淰，但應有的柱侯味全被番茄味掩蓋了....可惜...可惜...

很懷念這裡炆牛筋的味道,很腍,很香,有少少咖哩味,而湯底亦很好味,一邊吃麵一邊飲湯,甚為過癮.下午四點鐘,只有兩個客人,地方是如常的骯髒和亂七八糟,叫了麵餐,發現啤了膠的餐牌也是新的,因為我已經多個月沒有來.價位已經加了是不在話下.叫了牛筋生麵,加一碟生菜和熱咖啡.廿三大元.這裡是麵的大本營,種類極多,任人配搭,食料也可以任選.以前有炸餃子送,現在沒有了.意外的是咖啡,竟然十分香濃,不似是麵店的出品.正如標題所說:味道好,份量少,牛筋只有拇指大,只有四件,麵是比麥文記稍多,三啖吃完,生菜只有幾片,蠔油的質素是不提也罷,要吃飽嗎?沒可能.唯有幫襯其他小食罷!好彩時間已經接近晚飯,可以慳翻.

嗌左五大招牌菜入面既其中兩味﹐鮮茄牛筋波菜麵(不過無菠菜麵所以要左魚蓉麵)同埋胡椒豬肚雞腳豬骨湯麵。一致認為D牛筋真係好得呀﹗又大舊又淋﹗個湯底D番茄味都好岩﹐又有幾舊大番茄﹐有4。5分﹗相比下無0甘鐘意個胡椒豬肚雞腳豬骨湯麵﹐可能唔係我地杯茶啦。。同埋覺得D雞腳一般般。不過個胡椒豬肚湯底其實都好好味架﹐鐘意飲呢隻湯既人要試下﹗D胡椒味好濃呀﹗怕辣就唔好試喇﹗因為都幾辣下﹗D上海下次黎要食多次牛筋麵﹐想試埋D蝦子麵呢 ^ ^

買了生椰菜餃同白菜餃外賣，仲買多個胡椒豬肚湯。下晝煮晒d餃黎食。再煮多個菠菜面加落碗湯度。椰菜餃很有潮州風味，皆因老細係潮州人，而我媽也是潮州人，所以一食就覺d味好似曾相識。個皮厚薄適中，而且得滑！佢呢度d椰菜餡係預先炒果，所以唔會太硬身，不過就有點油。白菜餃味道都唔錯嘅，大大粒，菜肉撈得很均勻。不過全家一致認為家附近的美味餃子店的餃子較好食。所以下次應該唔會再食餃，都係食番蕃茄牛筋菠菜面嗰d皇牌好D！個胡椒豬肚湯很濃味，而且胡椒好重手，飲到流鼻水！

前兩日同阿媽黎試佢地d皇牌~~ 蕃茄牛筋菠菜面同胡椒豬肚雞腳面，認真無令我失望。差不多十二點半去到，人不算多。一坐低，老細就遞餐牌俾我地睇，又話如果?試過就可以試har佢地ge胡椒豬肚雞腳面。黎之前已看過OR 食評，梗係要試皇牌野啦！蕃茄牛筋菠菜面：一上枱，就見到一片紅海，完全看不見牛筋，皆因牛筋已淹沒在蕃茄海裡！看似好杰，但一"liu"起d面，就無咁杰啦，牛筋也湧現於眼前。菠菜面青青綠綠，同蕃茄襯得一絕。菠菜面質地非常好，很爽滑彈牙。牛筋炆得好淋又好入味。蕃茄味也相當之濃。雖大家的味道很濃，但卻沒有誰搶誰的味，味道相當之夾！胡椒豬肚雞腳面：面為粗身上海面，很有咬口，也是我不喜歡的原因，對於我來說是的確硬了點，下次會叫幼面。湯底十分重胡椒味，很棒！有幾條咸菜，兩隻雞腳同幾舊豬肚。雞腳已煲都好淋；豬肚也不會韌。老細都幾鍾意講野，講講吓我地話係睇完食評來食的，佢話網上d食評是真的，唔係佢地寫架，仲話個仔懶到唔會幫佢做馬，哈哈，從中又sell 吓佢地ge個實力。食完後，我地仲買咗d乾ge菠菜面、蝦子面同撈面番屋企。

身在花園街,便去了羅坤發店面的裝修的平平無奇的老店看著他們的menu,果真的是粉麵店呢有很多種類的麵食,如芝麻麵,鮮奶麵這些真的聞所未聞特色的飲品也不少呢~也不在套餐中挑選了,便要了2碗這兒的皇牌-胡椒豬肚雞腳豬骨湯麵這碗是媽媽的,媽媽的麵底轉了魚茸麵麵吃不到有魚茸味,因為吸收了湯底的味道麵身爽口彈牙~而湯底的胡椒味很重,豬肚沒有怪味,不錯-鮮茄牛根波菜麵落單的時候阿姐問我要不要辣無辣不歡的我當然要辣啦,嘻嘻有大大個的番茄在麵中,酸meimei的我很愛牛根也淋淋的很入味最讚的還是菠菜麵,十分爽口彈牙但整碗麵只有很輕微的辣,不夠滿足但整碗麵配合在一起是很yummy的!果然是皇牌店內的麵是自家製的,所以特別好食也有一餅餅的麵在店門外給人買回家的

08.03.25　羅坤發粉麵食店@旺角羅坤發自設廠房做粉麵供應給其他食店當然也用自家麵條做食店生意這裏有五大招牌蝦子撈餃子麵、泡菜酸辣麵、胡椒豬肚雞腳豬骨湯麵、鮮茄牛腩波菜麵及蝦子撈麵羅坤發的蕃茄牛肉菠菜麵一直備受好評喜歡蕃茄的我當然不能錯過！把牛肉改為牛根，補充一下骨膠原嘛看著大嬸把菠菜麵放碗中，加進牛根盛上一半的上湯再把稠稠的蕃茄醬倒上去麵條送過來，馬上嗅到一股蕃茄香牛根非常入味，炆的很軟稔菠菜麵跟我想像中的不一樣我以為是闊的蝦子麵條來的其實是加了菠菜汁的細麵條很有咬口很好吃！蕃茄酸酸的很醒胃可是在上頭加了點有蒜味的辣油雖然只是一點點巳經有夠辣的了因為太辣的關係，向阿姐要一碗湯沒想到她給我的是雲吞麵的那種大地魚上湯超好喝的！加一點到麵裏解辣，之後的慢慢喝…最喜歡喝湯了，不管味精還是老火湯鐵定會定時再來拜訪我的蕃茄菠菜麵還要試其他的招牌菜！照片請看這：http://www.wretch.cc/blog/foodiebarbie&article_id=9985242

胡椒豬肚湯就飲得多,胡椒豬肚豬骨雞腳湯麵又點呢,終於有機會一試.湯底幾夠味,豬肚也很淋,可惜得兩三塊,至於雞腳則普通,貪得意試一次半次都不錯.另外叫了一碗椰菜湯水餃,味道不錯,幾清.

叫左椰菜餃菠菜面~~~~~~椰菜餃~~~~~~~有d胡椒味~~ok la菠菜面>>冇味不過呢度d醋唔錯~~"tim"餃好味overall抵食!