羅麥記 (已結業)

同幾個朋友到銅鑼灣食晚飯，大家都唔想食太貴但又想坐得舒服唔趕人，其中一人就建議呢間，大家睇完都無異議話試下。地點唔錯喺希鎮廣場，而價錢好大眾化，望落又有點特別。開頭比左張近光猛少少既枱我地，我地都滿意但點知張枱癡癡笠笠，枱與枱之間仲滴緊水（明顯係甜水），整到我地其中兩人既褲同衫都笠晒！好心未整乾淨d地方就唔好叫客坐！甘鬼「拿渣」都有既得個甜字，好溜，完全食唔錯落，d牛肉全部有渣，點食？最後當然食淨晒。西多士好難唔好食，呢個正常無特別。魷魚鬚，汁有汁甜，魷魚完全無味。焗飯 - 以為食緊快餐店，仲要係外賣嗰隻，d飯又乾又硬，食兩啖再食唔落。地點好姐，都要顧下餐廳環境衛生 同食物質素囉！

放假去左希慎行街 行到七點鐘開始覺得好攰上咗去搵嘢食平日好少上到頂層 點知今日一上去發覺好多驚喜食店 包括呢間羅麥記無論佢嘅裝修同環境我都好鍾意好有香港風味 譬如裝修有紅白藍牆 又有啲古舊鐵閘食物方面呢我哋當然叫咗個有名嘅麵包磚我哋揀咗軟殼蟹麵包磚菜式黎到 賣相係絕對相機食先嘅至於味道其實有少少失望麵包入邊釀左少少炒飯底面頭嘅汁唔夠食晒成個麵包麵包又唔夠熱同埋脆口我哋另外叫咗兩個小食分別係牛舌同炸魷魚牛舌係幾入味嘅不過魷魚個炸粉有啲厚呢間餐廳比咁嘅價錢其實算係唔錯仲要係希慎呢個旺區搵到靈靜佢其實仲有其他食物 例如港式蔥油撈丁,瑞士雞翼 下次有機會可以試吓嘅

中午來希慎廣場取東西，順便吃個簡單的午餐。羅麥記的招牌很特別吸引了我，一下就決定吃焗豬扒。很大一份，一個人完全吃不完，蕃茄味很濃郁，豬扒炸過所以很香。餐廳仿懷舊風，下次再來試其他。另外要了一個撈丁，一般，所以忘記名字了。btw，凍奶茶好好飲！

一直都好想試但離公司好遠，我返百德新街再去Hysan廣場來回加埋上電梯最快都要20分鐘😅好啦！唔好想咁耐啦！今次的起心肝行快兩步去試一試！去程大約13分鐘，仲要係有少少急步個隻。好啦!坐低周圍望吓個環境的確幾懷舊，幾有feel , 諗起嗰間"喜喜"😁今次冇影到Menu ,因為驚唔夠時間食所以那那林睇咗食咩就叫了😂朋友說最出名是那個多士盒，但我見到隔離枱食咗面嗰浸就冇再食，而且份量好多所以冇要😅叫了一個牛肉炒河和暗然銷魂飯，暗然嗰個真係好暗然，個飯好重老抽顏色好深，佢面加左隻窩蛋再夾雜叉燒，旁邊再加炒蛋？頓時道菜變咗西式，但炒蛋夠滑，味道尚可接受但不是一試難忘。牛肉炒河試過一次就夠了，平平無奇以這個價錢來說真是有點不值。河粉全部黐埋哂，油不夠。面頭加了一些乾辣蒜，對於我來說辣了一點。牛肉ok 夠嫩口！最出色的是這一杯到紅豆奶茶冰！這些冰是用紅豆整成冰，令我想起細細個食紅豆冰雪條，非常之懷念。如果再次幫襯這間店的話，我想都是因為這杯紅豆冰而令我再去一向大食的我最後吃剩了那麼多

羅麥記—一間充滿懷舊風味的茶餐廳，店內裝修非常特色，佈置甚有風味，食物也非常特色。 蝦多士（$58） 一份5件的蝦多士，鋪上了一層淺紅色的蝦膠，鮮味彈牙，配上香脆可口的多士。 避風塘鮮魷（$58） 鮮魷炸到外脆內嫩，口感非常好，再灑上避風塘香粉，惹味可口。 羅麥雜扒餐（$98） 雜扒內非常豐富，有牛扒、雞扒、煙肉，司華力腸、雜菜等，樣樣食物水汁都唔錯，用friend一齊share食岩曬啦！ 可配黑椒汁、蒜蓉汁、燒烤汁等，很惹味呢！ 無骨海南雞飯（$65） 海南雞配上一碟三款的醬料，沾上海南雞一流！ 雞肉肉質嫩滑入口，味道不錯！ 配上的飯是油飯，充滿香茅香味，味道極佳，非常好吃！ 泰式黃咖哩大頭蝦撈丁（$88） 大大隻的大蝦配上黃咖哩炒成的丁麵非常吸睛。 大蝦份量非常大，質感彈牙，鮮味可口。 加熱飲$8、凍飲$10、特飲$28 凍奶茶、凍檸茶 雜果賓治   

牆身佈滿了70年代香港風味的裝飾我們試了餐廳比較招牌的羅麥雜排和磚頭咖哩海鮮飯羅麥雜排方面份量夠大 有牛豬雞排+腸仔+煙肉 岩晒大食既人牛排係薄牛扒,味道同大家樂有小小似, 薯條好食 炸得好脆 咬落去會ja一聲磚頭咖哩海鮮飯比想像中大件,完全食唔落 咖喱汁係面可以見到係想多juice 海鮮味都夠足最緊要食落去好有香港茶餐廳風味~!可以一試

朋友又帶我去食好西啦！今日帶左我去佈置超懷舊的羅麥記食。我超愛香口食物，就點左避風塘鮮魷（$58）鮮魷香脆可口，肉質嫩滑，面頭有避風塘粉，又香又惹味。羅麥雜扒餐（$98）估唔到連鐵板都有得叫，雜扒揀左黑椒汁，入面有牛扒、雞扒、煙肉，司華力腸、雜菜等食物，大碟又美味！無骨海南雞飯（$65）海南雞飯一碟三款的醬料味道超正，點雞食撈白飯都一流！雞肉肉質嫩滑，味道很好油飯充滿香茅香，啖啖香口，非常好吃！

希慎多人識的餐廳一般都很多人，見到有間新開的餐廳少人D,馬上衝去看下，門口看餐牌時覺得好有茶餐廳的感覺，細心看店的裝潢，係懷舊香港主題呢很少見有咁的裝潢呢種餐廳真係要多多支持，I love Hong Kong 港式茶餐廳當然要叫奶茶啦！飲得出茶香，都幾滑，唔知係米正宗但絕對是典型的香港茶餐廳風格的奶茶奶茶叫了一熱一涷，個人喜歡熱的多些，港風重點重有典型的忌廉湯，飲完已有二分飽左到主菜啦個比目魚扒一拎出來個樣看落已經好像好好味咁，所以掛住食忘了映相，食食下才記得映相。好好好好肥美的魚扒呢又厚身，成吋咁厚的魚扒，肥美到以為自己食緊銀鱈魚，真係平凡的魚只要做得好都可以表現得像貴價魚般出色呢真係好好味，會再來食的不用一百元可以有扒食有野飲，重要係好好食個種Good good

禮拜五唔同屋企人食, 約咗好友去睇戲，朋友建議上希慎既羅麥記食咗飯先去。 入面裝修懷舊企理因趕住去睇戲，快看過餐牌後，立即點了乳鴿，羅麥炒飯，油菜和紅荳冰奶茶。這間茶記好快便來了我叫的紅荳冰奶茶，大口地吸了幾囗，似乎係將紅荳雪硬成冰再放入奶茶中。對我來説，有啲略甜，但茶味道OK.接著就來了乳鴿，炸得很脆和入味菜和炒飯也接住送上，菜，比我食咗三條先記得影相（$30）都合理，份量也不少。羅麥炒飯一點也不油膩，加上黑橄欖碎，好惹味和份量也足夠大食的我們。我兩以高速清碟後，便快快結賬去睇戲。這間茶室價錢合理和上菜迅速，下次要再試下。

星期日嘅lunch, 我倆揀咗去“希慎廣場”覓食。見未試過“羅麥記”，係門口望咗一陣menu, 見啲嘢食相都几吸引，就入去呢間喇！懷舊冰室嘅裝潢，供應的卻是既新又別具特色嘅美食！1.黑松露卡邦尼撈丁$68: 黑松露卡邦尼意粉就食得多，撈丁就真係未試過！茶餐廳口味融入西餐，咁都畀你夾得到，好野！仲加埋隻半熟蛋！呢碟撈丁好creamy芝味，但略嫌黑松露太淡味！2.磚頭咖喱軟殼蟹飯$92: 呢個係重頭戲，侍應生一捧上桌，我倆已眼凸凸，咁巨型嘅，今次實行畀佢ko了！磚頭吐司食得多，鹹食就第一次嚐，夠晒特別啊！未動刀已聞到香噴噴嘅咖喱！磚頭面有兩大隻軟殼蟹添，一人一隻，炸得酥脆，口感似脆炸魷魚鬚呢！鹹鹹地，撈埋咖喱汁，送飯送磚頭，極對胃呢！雖然個磚頭包鬆軟好味，但都要食剩，只好怪我倆太低估佢了……3.紅豆冰粒粒奶茶$38×2: 每杯都有四粒紅豆冰，咬落口感好，香甜綿密！成杯奶茶好好飲！Menu入面仲有好多款式未試㗎，下次再見吧！

難得同屋企人係銅鑼灣行完街, 於是一齊去試下裝潢十分懷舊冰室的羅麥記開餐。入面既格局都好有舊香港冰室的味道, 熱愛影相既老豆閃光不停。哈哈哈炒飯 - 顧名思義係有三種蝦材料, 包括蝦羔、蝦米同蝦球。個飯炒得算乾身, 好香口因為吸收唒蝦既精華, 愈食愈停唔到口。墨汁墨魚蘇 - 墨魚蘇一d都唔會“un”, 墨汁有少少辣, 不過辣得惹味, 抵贊既係份量都多。麥sir乳鴿仔 - 乳鴿燒得剛剛好, 肉質鮮嫰, 食到入口既時候都仲熱辣辣的, 好新鮮哦。另外一抵贊既地方就係咸度適中, 唔會食完勁口渇。芝味牛肉䓤油餅卷 - 芝士迷必食之選, 一咬開個卷芝士就會流心甘流出來, 非常邪惡。牛肉唔算太多, 但食左甘多其他肉所以都ok。個卷係用左類似手抓餅整既, 質感唔錯。

第一次與朋友試這種新派港式餐廳，試了官方推薦的軟殼蟹枕頭飯。上面的確有一隻手心大小的軟殼蟹，下面的焗飯都不錯，香口，而且份量很大，如果要吃完整一個枕頭飯（連麵包）就可以餵飽2個成人了，所到收$8X這個價位都正常。

每個月都好似總有一兩日去銅鑼灣，今日行完IKEA，又行LINE FRIENDS，為左新屋跑黎跑去，洗左好多錢，為左荷包着想，最近都係食得平少少。去左希慎樓上既FOOD COURT 睇，經過港式茶餐廳FEEL羅麥記，睇過D 價錢都合理就入左去食。 係銅鑼灣食茶餐廳做晚飯真係好少可，重要係希慎食，不過可能係商場，茶餐廳好好坐，有港式既碗、燈、裝飾。而家興起HK STYLE，呢一種講香港文化既餐廳都多左。 睇左一陣MENU，我最鍾意MENU 有大大幅圖，起碼知道自己食既嘢係點既樣，有時叫左先知係咩，好多時候都係伏。 一黎就俾杯紅豆冰粒粒奶茶吸引左, 紅豆配奶類既嘢真係好MATCH，呢個紅豆奶茶唔多地方有，好多時都係得紅豆配綠茶，所以好值得一試，同埋都好好飲，至少如果茶膽整得唔好,都有紅豆蓋過。又叫左男朋友最愛既雞翼，羅麥雞翼，個汁係好香，但少辣都好辣，食左一隻就投降。 我最鍾意試新嘢，叫左個蜜糖系列既豬手，豬手好多根位，又冧，好好味，一次過食左三件，爆曬今日既QUOTA….. 主菜叫左磚頭焗咖喱軟殼蟹飯，軟殼蟹有兩大隻，仲有好多膏，咖喱好香，好易入口，唔會好辣，仲有得追加咖喱汁。呢個飯既份量

麼登茶餐廳早已進軴商場，例如羅麥記，在走高檔路線的希慎廣場十三樓就有一家，難得依然不收加一，坐得舒適，錢花得興鬆，難怪常常滿座。到達門前，彩色繽紛的廣告牌推薦多款套餐及食品，除了經典食品、優惠套餐外，夏日多了款滋潤蜜糖系列，而且特別聲名是與寶生園養蜂場合作，貨真價實是真正蜜糖。我們正好懷舊亦嚐新。點主菜可以半價購任何飲品，我們看中滋潤蜜糖系列，一人一款。生薑蜂蜜水及蜂蜜鮮牛奶蜂蜜是分開上的，果然甜蜜，令飲料昇華。生薑蜂蜜名符其實，薑香味甜蜜，份量恰到好處，暖飲更滋潤；牛奶只有冷飲，加了大量冰塊，味道相對平常，而且蜂蜜不溶聚在杯底，幸好及時發現攪混，險些浪費了；真正的蜜糖，味道自然蜜味，甜到心中。好味指數:3/5優惠推介C餐－豬軟骨喇沙湯鴛麵跟餐湯是日是節瓜紅蘿蔔湯，媽媽老火湯的味道，清甜無泛油，熱辣送上喝得舒服。豬軟骨喇沙湯鴛麵用大湯碟上，似乎份量較一碗多。除了豬軟骨外基本的喇沙材料皆有，例如豆卜、魚片、芽菜、半只雞蛋、亦有菇菌及添了一些椰奶在面頭。豬軟骨似乎是近軟骨的肉比較多，沒有軟骨的爽，只有腍嫩，其他材料沒有出錯。論湯頭，遠不及正宗喇沙濃郁有層次，亦欠椰奶之香，味道少許辣，調味過

今日約咗家人去銅鑼灣行街入貨，途經Hysan Place，忽然很想食啲地道茶記食物。 佢地話有間羅麥記，裝修幾懷舊，我地就一行四人沖上十四樓試下。 餐牌上很多款式，好多食物都係我既心水。點了好多種類試下，因為樣樣都想食。 芝味牛肉蔥油餅卷👍，好特別，夾著溶咗既芝士，餅皮煎得都好脆口  黃咖喱大頭蝦撈丁👍 辣辣地，啱哂我地家中長老，蝦幾大隻下，配合埋啲咖喱撈丁, 十分開胃  羅麥汁牛河👍 牛肉份量都幾多，炒得幾香口，我就覺得好味，有人就話甜咗小小  雪花西多， 有人鍾意食甜品，這個西多入面有埋咖吖，還有六大件，都幾足料。我對甜食反而興趣不大啊  麥sir乳鴿仔👍 皮脆肉厚，$55絶對超值，味道不錯  黑汁墨魚鬚👍對於我的墨魚怪家人，不夠幾分鍾巳清碟  哈哈哈炒飯👍 炒得好乾身，冇乜油又好爽口。食完真係笑哈哈喎，唔使去減肥啊  加埋碟菜，食咗八㨾野都係四百幾。