羅麥記 (已結業)

今晚黎到希慎呢間裝修到好似香港懷舊茶餐廳既冰室晚飯, o係大商場入面食茶餐廳幾有趣。呢度野食既選擇好多，淨係撈丁都有十幾款，Vi同朋友點左美綠牛奶包，喇沙豬頸肉撈丁，雞亦撈通同埋豬羅包~喇沙豬頸肉撈丁睇上去無咩汁，好乾身，以為會唔夠味，但食落原來好夠喇沙味，而且幾辣下，而豬頸肉好爽口，呢個撈丁好味但有點太細碟xd雞亦撈通就同喇沙豬頸肉撈丁相反, 顏色睇落好濃味，但食落味道好淡，只有少少瑞士汁味, 較為失望，通粉亦唔夠彈牙, 不過雞亦就好大隻而且入味!豬羅包名字好有趣，其實係豬扒包2食，半個係洋蔥豬扒包，另一半係炸豬扒沙律醬包, 面包微脆，有點乾，不過好彩豬扒就多汁，所以都ok, Vi就中意洋蔥豬扒包多d~呢個美綠牛奶包好好味! 其實係花生醬奶油多加美綠粉, 勁多醬!! 好邪惡但好好味，不過美綠粉既味道就唔夠突出~飲品既紅豆冰奶茶同菠蘿冰就不過不失~整體呢度既野食都唔錯，餐廳環境特別，比一般茶餐廳企理選擇多，不過o係得大商場入面價錢都略貴~

早前有朋友來自遠方, 帶左佢黎到一間滿有香港特色既餐廳食飯...無論裝修佈置, 食物款式, 都充滿懷舊氣息...而食物方面除左有幾款比較懷舊之外, 仲有d加左比較新穎既配搭, 岩哂唔同年代既人去用餐! ------------------------------【大蝦骰仔西多士】HK$42 每次黎我都必定Order呢個西多士, 西多士外脆內鬆軟, 上面有隻好爽口半熟既蝦, 再加左d沙律醬...夾埋一齊食, 味道甜甜地, 唔似平時食西多士落糖膠咁甜! 絕對值得推介!!【避風塘軟殼蟹炒麵】HK$68 呢個炒麵都比較濕, 唔會炒得好乾~ 好有穫氣, 上面有兩隻軟殼蟹+避風塘配料, 令成個炒麵更加香~配【紅豆冰奶茶】HK$28 紅豆冰, 奶茶分開咁飲就周圍餐廳都有, 紅豆冰奶茶mix埋一齊飲就比較少見, 紅豆冰同奶茶味道平均...【闊佬炒飯】HK$68 略有穫氣既一個炒飯, 醬汁酸酸甜甜, 好醒胃, 不過蝦就全熟, 冇大蝦骰仔西多士既半熟蝦咁爽~

​ 天氣好熱、難得來到羅麥記這類舊型冰室， 必定要嘆下佢的特飲啦！ 初嘗菠蘿粒粒冰，口感好爽。而且菠蘿味香濃而重， 絕對不是香精的味道，感覺像冰震企鵝。 羅麥汁牛河@$65 感覺跟街外的乾炒牛河差不多， 唯一最大分別所在是它用了甜的生抽， 食落甜甜地幾特別，炒得較油膩，還是乾一點會較好！ 份量很慷慨，咁多樣之中呢個算是抵食又飽肚之選。 泰式黃咖喱大頭蝦撈丁@$88 黃咖哩不太辣，味道是挺香濃的。 撈麵是一流，那個汁超讚！ 蝦頭鮮味十分重，個麵餅軟硬適中， 但是價錢真係唔平，要衡量一吓至得⋯ 火車頭雪糕@$42 無咩特別，只係三球雪糕，加上Oreo片和彩迷， 擺得靚靚的幾有心思。口感豐富只是有點貴。 環境舒適，地方也頗大，還很有懷舊氣味添！ 食物幾有質素，但是未至於超班，價錢還有點貴，一試好了。 羅麥記 銅鑼灣軒尼詩道500號希慎廣場14樓1402號舖 $213@2位 人均@$107

充滿懷舊感的羅麥記，平時茶記都間唔中食，但呢間裝潢特別有懷舊風格，連門口放的電視機也有我的童年回憶。餐廳內牆上還貼滿懷舊街招，真係有種時光倒流的感覺。紅豆冰小忌廉奶茶（左）$38，紅豆冰粒粒奶茶（右）$38。兩杯都是紅豆冰加奶茶，小忌廉個杯只係多左cream滑d。 紅豆粒好多，大粒香甜粉綿，奶茶味濃又夠茶香。蝦多士（5件）$58跟平時有所不同，不是用方包片，而用厚身法包，外層微微香脆，麵包超軟熟好好味，加上蝦膠好彈牙爽口，仲有鮮蝦味，好好食，冇得頂。羅麥雞翼（辣）5隻 $53，羅麥汁同瑞士汁差唔多，都係甜甜地帶咸味，仲有好香醬油味，煮得夠入味之餘，雞翼肉質又嫩滑，只係咸左少少，辛辣度都易接受又惹味，且辣味好快散去。羅麥汁牛河 $65食前先拌勻羅麥汁牛肉與河粉，跟平時炒好的牛河有點不同。羅麥汁跟雞翼的味一樣，都是甜中帶咸，大人細路都岩食既味道。不過估唔到食落都有鑊氣，河粉炒得幾好，冇痴實一舊舊。牛肉十分嫩淋又入味，冇筋的肉質好易食。美綠牛奶包 $35，最後叫多個麵包，雖然唔係menu甜品類，但我覺得已經算係甜品。麵包烘得脆卜卜夾著粒粒花生醬已經好正。仲有淋左好多已調開的香甜煉奶，灑上美綠

每次去銅鑼灣食飯，諗食咩已經好傷腦筋，次次食親都係西式、日式菜，大部份都貴格唔飽，細細碟。幸好比我發現原來依頭開左依間港式新派茶餐廳，店鋪環境都以懷舊香港做主題，灌注左新派風格，都有唔少人專程黎試依度既創意磚頭飯芝士牛肉蔥油餅卷: 賣相唔錯同擺得有心思，蔥油餅餅皮煎得好香脆，咬一口入面既芝士味道好濃，牛肉惹味嫩滑，整個脆口又啖啖肉黑松露卡邦尼亞撈丁: 港式公仔麵既西式煮法，入面既材料有煙肉、洋蔥、流心蛋，流心蛋蛋汁流哂出黎好邪惡，離遠已聞到陣陣黑松露味，卡邦尼汁入口好creamy，同公仔麵撈埋食好香濃同幾好味，我平時好鍾意食卡邦尼亞意粉，估唔到用公仔面代替意粉，口感都唔錯，別有一番風味磚頭牛肉飯: 份量都幾重量級，係二至三人份量，滑蛋牛肉入口嫩滑，磚頭包內裝滿炒飯，汁淋係面頭已經好吸睛，麵包焗得好酥脆，滑蛋牛肉配麵包一齊食又得，一餸兩食好抵

今日與朋友出羅麥記食下午茶, 點了磚頭咖哩軟殼蟹飯, 磚頭焗豬排飯和紅豆凍粒粒奶茶磚頭咖哩軟殼蟹飯:整碟飯色澤賣相不俗;有綠菜及紅白蘿蔔絲作裝飾;由上而下分別為軟殼蟹，車厘茄，芝士青椒黃咖哩汁、咖哩汁飯及磚頭麵包。先說軟殼入口時很有鮮蟹的香味及味道，至於咖哩汁飯味道不錯，有芝士及黃咖哩香味撈起白飯，顯得很匹配、加上白飯不太削，口感算不錯!磚頭麵包口感可以，新鮮鬆軟！磚頭焗豬排飯：整碟飯賣相色澤倘算不錯；有綠菜及紅白蘿蔔絲作粉飾，最頂部為茄汁豬排，茄汁撈飯及磚頭麵包。先說茄汁豬排入口時感覺很「死死實實」並沒有鬆軟感覺，至於茄汁飯味道不錯，有鮮茄香味及清甜的味道，白飯撈了鮮茄汁，有種清新的感受，增添了食慾；磚頭麵包新鮮鬆軟，口感不錯！紅豆凍粒粒奶茶:賣相算不差；整杯紅豆咖啡有紅豆粒，咖啡，冰塊！紅豆粒軟硬度適中，咖啡味不算太濃，冰塊份量可以接受不太多也不太少，還有是三塊冰塊咖啡膽，令到咖啡不會因冰塊溶掉而失去咖啡味！

去銅鑼灣例必到希慎廣場一遊，因為去Line Shop暢遊一番～血拼完後是時候要去食晚餐！Food Court上的樓層食肆林立。見到頂層有羅麥記，便決定與友人在此共晉晚餐～店舖整潔光猛，散發著懷舊的味道。而店舖裝飾陳設均富有特色！餐廳食物非常多，實在難以選擇～最後交予友人決定！蝦多士(5件) - 蝦煎得金黃可口，質感煙韌彈牙，滲上蔥粒香味更甚～多士烘得脆身，包身鬆軟，配上芝麻味道更香。羅麥雞翼(辣味) - 雞翼肥美多汁，肉質厚身而嫩滑！辣辣地幾香口，再點上甜豉油味道更～羅麥汁牛河 - 河粉炒得分明有鑊氣且不碎散，牛肉不韌挺有肉味～甜豉油甜甜的，撈上河粉味道更香更易入口。美祿牛奶包 - 多士香脆，滲上美祿粉口感豐富。再加上練奶味道既香又濕潤，不錯！(左) 紅豆冰奶茶 - 紅豆軟稔，不過茶味一般，冰感亦不重。(右) 紅豆忌廉奶茶 - 紅豆軟稔，茶味一般。下次可以嘗試其他飲品。

都係鍾意一啲比較懷舊既野，搵一間類似懷舊冰室既物體其實都好難，呢間有我最愛既雪糕紅豆冰就立即狗沖了：D.............................雪糕紅豆冰上面有一球雲呢拿雪糕，好耐都唔溶解因為紅豆冰溫度都幾凍，紅豆冰奶就比較多，紅豆都係比較稔身，味道比較甜好有風味～朋友唔想加錢轉特飲就叫熱杏霜～.............................羅宋湯；仲記得以前細個屋企樓下有一間茶餐廳叫做海運餐廳，但係已經結業，羅宋湯既味道同佢一模一樣，非常懷舊，香氣十足而且味道濃郁：D.............................四川香辣口水雞撈丁；香辣口水雞冇咩香辣味道，就是普通的雞肉味同小小辣～.............................香草紐西蘭羊架餐；羊架啲羊味好香，soso地：）質感都比較軟熟。旁邊啲薯條就重口味左，因為太多汁～

以港式餐廳為主打的羅麥記，有一間分店在銅鑼灣都幾方便！BB乳鴿＄55乳鴿比想像中尺寸大，這個肥乳鴿肉質偏厚，說得上是啖啖肉。外皮烤得香脆，但是調味有一點欠缺，不過整體質素還是很不錯的！哈哈哈炒飯＄68蝦膏、蝦米和蝦球與其選擇焗飯，炒飯更能夠顯出廚師的廚藝。每一粒飯的顏色均勻，平均沾滿了醬汁，蝦膏的味道淡淡的，已經可以吊起全個飯的香味。想不到蝦米的size都幾大很有口感😂蝦球則比較爽口。熱杏霜幾香滑！熱奶茶賣相也不錯！？

想不到竟會有「茶餐廳」可以進駐大型商場！從細節中可見到餐廳所營造的懷舊風情和本土特色～門面的擺設滲出昔日的童年回憶，是香港人一定要去試的餐廳！六七十年代冰室格局，帶點懷舊的味道，紅綠鐵欄充滿昔日街市的舊風貌，門外擺放黑白電視、黑膠碟唱機，處處都是舊事物，瞬間回到過去～餐枱上早已備有傳統的母雞陶瓷碗和餐具，再翻餐牌，見到很多經典又熟悉的地道土炮小食，勾起不少兒時回憶和香港人的情懷。 雪糕紅豆冰 $38粒粒紅豆好綿好蓉，配上雲尼拿雪糕，簡單又滋味。黑汁墨魚鬚 $45份量都約大，適合2-3人享用撒上芝麻粒和瑞士汁調味的墨魚鬚好入味，有時淨食覺得好dry好硬，但這個吃落爽脆和新鮮。水牛芝士炸雲吞 $45剛炸起，拉絲芝士的質感仍在，餡料有蝦肉，沾上甜酸醬好惹味，底下鋪了沙律減去油膩感。四川香辣口水雞撈丁 $65撈麵加入了蒜頭蔥花，與黃油白切雞都幾夾，肉質嫩滑、新鮮，但味道不夠辣，需要額外撈點辣醬來調味。

下午三點幾仲未食午餐，因為朋友介紹，所以嚟見識吓。擺設同裝修都好有懷舊風格。地方光猛乾淨。一去到見到百變撈丁覺得好有創意！正好多款選擇！黑松露卡邦尼撈丁黑松露味十足，卡邦尼汁很香滑，同丁麵一齊都幾匹配。但喺本人覺得加埋隻半生熟蛋實在too much!呢個豬排飯係經典推介，但係冇乜驚喜，番茄醬有啲酸同埋好少因為焗到乾晒，啲飯放喺個麵包裏面所以其實得大約兩碗到。啲飯有炒過但炒得唔夠香。啲豬扒比較多骨同埋肥肉。羅麥鷄脾撈丁-件鷄脾其實幾好食，咬落肉質夠軟有啲鮮味，滷水汁唔會太咸。但係佢所謂嘅羅麥汁實在太甜啦，撈埋啲丁麵有點怪。避風塘乾炒牛河河粉抄得夠乾身，佢用咗爆乾身咗嘅蒜sum 起面，好香口，味道一流。唯一唔好，就喺油咗少少！不過食抄嘢避免唔到架啦。總結：可能食得太多茶餐廳了，但見到呢間咁有創意嘅茶餐廳，下次會再嚟食下呢個下午茶餐！

今晚Happy Friday收工約咗朋友去CWB行街，她說去希慎廣場食晚餐（我心想吓希慎唔係得個美食廣場咋咩？因為我通常行到誠品果層就走，所以唔知到原來樓上仲有餐廳😅）雖然這款蝦多士d蝦肉不是很厚，但反而唔會食到蝦還蝦，多士還多士分開晒！蝦肉上放了芝麻和蔥粒，味道好香。至於個多士我和朋友都十分喜歡，因為它不是烤到硬身既多士，口感鬆軟（食落感覺無咁熱氣）。避風塘鮮魷係我每次去親大排檔都會點既菜色！嚟到見到有當然要一試啦！外皮不算太脆，口感有點似穌炸既（又係果句啦，感覺無咁熱氣，都好味既），魷魚肉質彈牙結實，味道不是太濃所以點埋附設的醋汁，就剛剛好喇！

同親愛的去希慎行街濕平，行到甘上下肚餓搵野食，唔想食foodcourt,於是上多幾層睇，上到15/F見到呢間裝修幾得意，價錢又相宜無加一，又岩我地口味，入去甘岩仲有卡座坐。睇menu見到個都幾正於是叫左：避風塘炒麵 （$65）帶小辣，炒得唔油手勢唔錯，將麵同麵上既香脆配料撈勻食好正，有口感之餘又惹味！ 下次再嚟要翻啅！真蜜豬手 （$48）豬手係燒的，所以皮比較煙韌，用真蜜調味所以味道帶甜。骨膠原多，所以親愛的食晒。麥sir乳鴿仔 （$55）見$55隻好抵，比想像中大隻，炸得好香脆，肉質亦唔乾，呢個價抵食既。之後叫多杯凍檸茶 （$10跟餐）服務：店員有禮貌，上菜快。

帶兩老去呢度食懷舊晚餐，佢地果然好鍾意，係甘睇牆上既字句同周圍既擺設。《蝦多士 （5pc) $58》多士熱辣辣送到枱上～蝦膠幾香不過不失，多士焗到表面微脆，整體鬆軟（唔係脆卜卜個d）。 點上沙律醬食好惹味，一舊接一舊甘食好快就清晒。《麥sir乳鴿仔 $55x2》鴿皮好香脆，雖然細隻但都多肉，以呢個價錢呢講性價比算高。《羅麥汁牛河 $65》食懷舊野我覺得一定要「瑞士汁乜乜乜」！呢個瑞士汁炒河好味，汁偏甜，味濃但唔會膩。牛肉大塊但夠稔，肉味都夠。《時蔬 $30》菜心-好翠綠，仲好嫩同鮮甜，完全無渣，驚喜左。環境：除左有懷舊裝修外，佢位於Hysan 15/F都夠高同地方夠舒適，坐係懷舊鐵窗旁既茶座一路食一路望下街景別有一番風味。**無收加一**

旅客來到香港, 定必會去茶餐廳品嚐的食物,那就是香港出產的美食, 多元化、份量大選擇多又便宜,作為香港人, 日常生活也是經常光顧茶餐廳的。裝潢刻意走了7.80年代的舊香港風的小物擺設有套還, 加10元有凍飲, 更有湯水湯水很足料, 蓮偶夠爽口同粉, 又有好多豬肉,喝得出是老火湯沒味精。創作力與美味結合的吐司焗飯太大份我一個食不完,竟有椰汁漿葡汁雞塊農夫包 $85農夫包入有飯同大量雞塊, 更有薯仔青椒等等,椰香十足, 而旁邊額外碗葡汁是用來蘸麵包食的。女生多愛喝凍檸茶$18, 因檸檬有美白作用的維他命C,茶又0 KCAL, 只要少甜就更附合瘦身訴求。油菜$30 本是有蠔油,不過我個人反樸歸真, 蠔油太濃味,只要水煮時菜就吃得健康又滋味了, 年紀大外出用膳還是要考慮上健康。人均消費一百元左右, 重點是沒有加一服務費呀,