羅麥記 (已結業)

提起麥記呢個名，相信大家都聽過無數次，似乎講起麥記已經等於麥當勞。但今晚我對麥記有另一番體會。收工去左行希慎，順便繼續捉下小精靈。行到攰，捉到攰都想搵個地方一路食一路捉。但身處希慎，似乎係希慎搵間平民茶記有得食又可以慢慢hea下真係有難度。越上越高去到14樓見到有間"羅麥記"。餐廳裝修好有茶記味道，夠晒特色，估唔到希慎同茶記都可以拉上關係，希慎呢度真係臥虎藏龍。餐牌既食物都以茶記為主。蝦多士 (5件) $58大大件既蝦多士十分厚身，而且多士又脆口。蝦多士本身味道已經香濃，再加埋沙律醬提升味道。蔥油豬排撈丁 $50上面見到豬排份量都幾多，入口香脆又腍身。麵夠爽口，而且本身做左調味，避免淨麵入口味道太寡。最後加埋蔥油同豬排一齊食，邪惡指數爆燈！無骨海南雞飯 $65茶記食到呢個飯好有驚喜。飯真係值得一讚，夠熱夠腍又有雞油香，真係好少地方既飯可以同時做到。雞肉完全無骨，食得舒服，配埋三種醬料，可以食得更有變化。唯一差少少既係雞切得太細件，口感有所影響。紅豆冰粒粒奶茶 +$28跟餐加$28就可以轉紅豆冰粒粒奶茶，紅豆冰加港式奶茶配搭都幾新鮮。但原來紅豆冰粒粒奶茶係將紅豆整成冰粒再加入奶茶。食落紅

今日行街朋友帶我來 希慎廣場上層食 佢唔帶我都唔知原來上面咁多好野食 羅麥記裝修好又六七十年代冰室嘅感覺 餐牌亦都有好多冰室出名既食物 我哋叫咗個蝦多士 底部西多士上面加大蝦沙律 西多士暖暖哋大蝦沙律凍凍哋 呢個凍加熱嘅組合 感覺好得意沙律醬配搭西多士 呢個組合好新鮮我地仲叫咗辣味雞翼 本身冇諗過咁辣 點之雞翼麵頭嘅辣椒片對我黎講系辣到爆炸建議唔太食得辣嘅朋友 就叫返原味比較好主菜叫咗海鮮焗飯個汁 簡直無得輸 有青口墨魚魚柳等海鮮 完全冇呃錢 飯嘅份量亦都唔算少 加埋個汁所以都好飽 埋單每人100蚊到 以銅鑼灣黎講食咁多嘢都係一百蚊真係好抵推介大家下次出銅鑼灣唔知食咩就去希慎上層搵野食好過去food court搵位有排位

Sunday 下午茶唸唔到去邊度hea, 就黎左羅麥記！ 知道佢有數間分店，但一直都無機會去試！今日終於可以一試啦大概4點鍾入到去，有卡位坐！正！裝修唔錯！好懷舊既感覺！但唔隨便有感覺得黎又乾淨衛生由於唔係食到好多野，叫左個西多士、芝士撈麵同埋薑檸蜜要推介既係杯薑檸蜜，好足料！ 而蜜糖也是選擇了老牌子西多士賣相已經唔錯！雖然食西多士好邪惡haha~?但間唔中食下，係OK 既！西多士上台時熱辣辣好鬆軟，唔需要專登加太多糖槳，已經好好味整體黎講：價錢合理環境舒服

今晚第一次去左希慎廣場既羅麥記食飯~設計出舊香港既味道~彷彿走進時光機一樣，回到老香港！設計得很不錯~叫左個磚頭焗咖哩軟殼蟹飯~用左個巨如磚既麵包裝住d軟殼蟹同飯~份量巨形十足~軟殼蟹好香脆！濃濃既蟹香好吸引仲要配上惹味既咖哩汁~送飯真係無得頂跟餐加錢叫左杯特飲~紅豆冰粒凍奶茶~茶底好香濃用左紅豆整既冰粒食落超透心涼粒粒紅豆好有咬口~好味呢~另外叫左份墨汁魷魚鬚~超Q彈！好鮮味而且份量又係超多~超滿足！好飽喔！！！

上次食名館嗰陣, 已經留意到隔離有間羅麥記, 其實好耐之前, 已經好想食羅麥記啦 今次我就去食個late dinner一次啦! 個裝修好得意 幾壞舊之餘, 加入一啲現代元素, 幾特別, 好似仿懷舊冰室咁樣餐牌有好多嘢食 撈殅都係六十幾蚊 賣相幾好, 但太夜吾想食得太heavy, 所以無叫先叫咗杯雜果賓治 , 口感幾清新, 都幾多粒生果係裏面, 啱曬夏天去飲 叫咗個避風塘雞翼, 一咬落口, 超香脆 , 肉質香嫩 , 香辣惹味令雞翼味道加以提升,  大愛  再來一個腿蛋治.  我今次冇烘底,  但一樣咁好食,  香滑嘅炒蛋, 質素拍得住奧牛, 腿蛋治內的炒蛋滑嫩，配軟軟的麵包，口感細緻兒時雜果啫喱, 一嚟到, 好oldschool, 所以童年回憶番晒黎咁, 令人勾起吾少往事咁, 個名改得無錯, 啫喱上面, 蓋著一層厚厚嘅花奶, 咬一啖嚟食, 夾雜著生果同花奶嘅啫喱, 花奶好香滑, 雜果好fresh. 啫喱滑嘟嘟, 百感交集

今天，在希慎覓食，想起懷舊裝潢的羅麥記，決定與朋友到這裡來個下午茶。
午後時分，店內坐滿食客，幸運地安排於倚窗卡座，望著開揚的街景，感覺特別舒暢，胃口大開。

看著下午茶餐牌，種類不少，令人花多眼亂，再細心一看，被濃湯雞絲米粉深深的吸引著，可能天氣實在相當酷熱，就是想吃點清淡的。店員端上桌時，急不及待，即時呷一口濃湯，感覺很鮮味，而且米粉是我喜歡的銀絲米粉，雞絲口感嫩滑，不油不膩，絕對是一碗很清爽的湯粉，在這炎夏，吃著感覺蠻不錯。

朋友點了海南雞飯 ，同樣是下午茶餐，單看份量真不少，雞肉是無骨的，十分方便進食，而雞肉肉質嫩滑，配菜酸瓜，味道酸甜適中，蘸上美味的雞醬及薑蓉，瞬間朋友已將帶有油香的飯吃清。

小吃，蝦多士，最喜歡多士用的是軟法飽，面層放滿蝦肉，烘過後仍保持外脆內軟的口感，蘸上沙律醬同吃，香脆美味。

黑汁墨魚鬚，瑞士汁的味道，入口帶點甜，墨魚鬚很軟腍，很惹味的小吃。

飲品，點了熱檸檬茶，清新醒胃，可清空一下之前吃下的點點油膩。
而朋友點了香滑奶茶，茶味香濃，口感幼滑。

羅麥記的裝潢的確別俱特式，帶點舊式香港茶餐廳的風格，而且下午茶餐的價錢十分相宜，款式選擇很多，所以下

係Hysan shopping完，見到呢間餐廳裝修好懷舊，又有香港地道美食，所以就入咗嚟～入黎就係因為俾「羅麥雞翼撈丁」吸引，價錢＄55其實好抵食～ 羅麥汁其實就係瑞士雞翼汁，好味味，雞翼多肉同埋滑，撈丁會俾埋出前一丁嘅買又像俾你一齊撈，令到個撈丁更加向更加美味更加香，非常之鍾意！！ 值得推介！！「蝦多士」又係佢哋嘅招牌菜，唔記得幾多錢，送到上嚟5塊大大件～ 好好味，非常之香口鬆脆！！ 推介！！食肉獸叫咗個「羅麥雜扒餐」＄98，包湯包飲品，忌廉粟米湯好creamy好用濃郁，扒用鐵板送上令食物溫度保存到，又有更加惹味，所有扒都大大份，牛扒/豬扒/火腿/香腸/薯條/雜菜乜都有，非常之抵食～總括：價錢非常抵，食到好美味嘅嘢食，又食到好飽，好鍾意呢度嘅裝修，支持地道美食～

今日去銅鑼灣搵野食! 希慎14/F原來有間裝修懷舊特色餐廳!去到門口見到裝修好得意! 6點幾人客未好多! 去到即刻有位!然後睇下餐廳! 勁多野食! 真係好多呀!不同款式類型既fusion菜! 好特別! 我揀左好耐好耐先揀到...哈哈! 我地2個人最終叫左磚頭焗咖喱軟殼蟹飯、大蝦沙律骰仔西多士、同埋菠蘿冰!磚頭焗咖喱軟殼蟹飯避風塘鮮魷我覺得佢既份量我覺得足夠4個人食！好大個麵包! 好多飯!咖喱汁好香呀！同埋佢有2全隻軟殼蟹！又可以食咖喱飯...又可以食咖喱包! 好有特色！另外既大蝦沙律骰仔西多士非常特別既一味菜! 係用蝦同沙律放係一粒粒既西多士上面!西多甜炸得好鬆軟! 入面又好似蛋糕味咁! 唔會過份甜! 恰到好處! 同埋沙律醬同蝦食! 好味呀! 都幾大舊架!避風塘鮮魷哩個避風塘鮮魷又係好好味呀! 炸得啱啱好!而佢出面既味道亦都係好好味既!  點喼汁食! 正! 最後來一個冰凍菠蘿冰!佢啲冰係星星形架! 飲埋滿足呀!

有幾個由外國嚟嘅朋友黎咗香港玩幾日， 我梗係一盡地主之誼 帶佢哋周圍吃喝玩樂 第一日我就帶咗佢哋嚟咗銅鑼灣， 諗住食個快飯就同佢哋周圍行一行 就揀左大玩本土文化既茶餐廳-羅麥記喇！佢哋一入到餐廳就畀香港五六十年代嘅本土文化藝術所吸引住 牆上印有好多餐牌嘅名字 亦有介紹羅麥記嘅由來 感覺除咗食嘢醫飽個肚之外仲食到以前嘅香港獨有既文化羅麥汁炒河首先要讚餐廳非常有鑊氣 將河粉炒底 炒到好香米香味 河粉邊隱隱約約見到焦黃色 再將羅麥記秘制牛肉汁同埋牛肉淋上面，醬汁極濃郁，非常惹味沙爹牛肉包 食得本土茶餐廳有點小得叫個沙爹牛肉包同埋美祿牛奶包 我兩個朋友食到手指公大動啊 先講沙爹牛肉包 個包非常鬆軟有口感而牛肉亦都好嫩滑 牛肉汁簡直係飛曬出嚟美祿牛奶包 有時睇你越簡單既野就係愈難整得完美 喺度麵包看得恰當好處， 表皮焦黃，內含豐富嘅花生醬 ，外面配上美祿粉， 必食推介咖哩軟殼蟹磚頭飯 一見到個磚頭飯來到 我兩個朋友好興奮，成日問點解會諗到用麵包作為一個裝住炒飯嘅容器，好犀利！望住個磚頭飯 見到上面亦黃色咖哩汁不斷流出簡直令到人流曬口水 上面配上兩隻軟殼蟹 完全唔油膩一咬落去脆卜卜 下面配以炒飯底

一個人在銅鑼灣肚子餓，下午茶時段好多選擇，寸金尺土的銅鑼灣，不想吃太貴不易找，隨便一件cake, 一杯野飲都超過$80,除非茶餐廳，但茶餐廳又不是間間好食，剛好在希慎醒起未試過羅麥記，多款下午茶餐3O幾蚊起。食物質素好過好多一般茶餐廳，又坐得舒服。食物帶點新意，點了咖哩鴨胸蔥油餅豬仔包，水蛇春咁長名，size亦有咁上下份量，豬仔包咖哩滿瀉，好難用手食，一定要用刀叉，咖哩味濃不辣，煙鴨胸啖啖肉，其實已經好滯，再加蔥油餅更加滯，而且不夠熱，整個飽只是微溫，大堆頭不代表好，但絕對夠填飽肚，四十幾蚊，再包中湯，熱飲品，真係好抵，雖然味道還有進步空間，但誠意和創意搭救，一個人吃的好地方。

平時去希慎行街都好少行到上頂樓行到有啲肚餓,就走左上去最頂層,睇下有咩食,就見到原來有間羅麥記係度呢度啲裝修走懷舊風餐牌都好多選擇,樣樣都好吸引咁美綠牛奶包個包一定要趁熱食,因為個包熱辣辣,微微烘過好脆身如果凍左個包就唔脆,仲有啲美綠粉會凝固左而入面夾左少少煉奶,出面再淋啲美綠粉同煉奶上去呢個配搭冇得輸沙嗲牛肉包個包係普通熱狗包,但入面夾住既係平時叫常餐食既沙嗲牛肉入面超多沙嗲汁,一食落去個陣啲汁就係咁流出黎啖啖都有沙嗲味,牛肉好腍麥sir乳鴿仔呢隻乳鴿完全係勁大隻,又多肉真係大大啖食都冇問題呀!外皮好脆身,肉質鮮嫩,2人share都夠食磚頭軟殼蟹飯黎到羅麥記又點少得食個磚頭飯呀!咖喱味都算幾香,但唔辣既,食落又唔夠聞落去咁香不過飯底有誠意,係炒底黎,同埋粒粒飯都沾上了咖喱汁份量都夠3人share食,入面都幾多薯仔上面有兩隻大大隻既軟殼蟹放到最後食都仲係脆既,不過就好油,食完成口油紅豆冰奶茶好多紅豆,好甜奶茶幾滑,不過有啲過甜

約咗好耐，終於約到個朋友食飯！大家咁啱都起CWB放工，就試下呢間懷舊餐廳，試咗3款菜，啲食物質素都幾唔錯：)平時都好鐘意食魷魚，所以叫咗一碟魷魚小食，好濃魷魚味，香香甜甜，好開胃！份量都好足夠2人食，唔錯唔錯，性價比都好高：)個蝦多士都好好味蝦膠好彈牙，麵包好軟。一軟一爽就十分夾， 配埋我最鐘意既沙律醬就簡直prefect香口而唔膩，而且買相仲好吸引添，好值得一試食咗2個小食，胃口開咗！我哋仲叫咗個咖哩軟縠蟹磚飯，填飽個肚：) 果然呢個飯，絕對冇令我哋失望，食完之後勁飽(當然我哋仲要冇食外圍既麵包)！啲咖哩夠野野味，軟縠蟹有完整2隻之餘，仲好軟好易入口下次有機會都會返叮食咗3樣野加每人一杯凍飲，大約每人百二蚊，晚飯加銅鑼灣地段，價錢及食物質都合理

lunch路過見到鋪頭裝修幾有特色..sell懷舊童年回憶..餐牌d野食又好吸引..咁就同同事一齊去試下..先講韓式泡菜芝士炸雞撈丁..泡菜無特別..個撈麵唔夠汁,乾左少少..唔夠汁搞到撈唔起..撈左好耐都係成舊麵餅咁..呢3樣野好似唔多夾咁..以為佢D雞都會用韓式醬醃味..點知係無,所以炸雞係港式唔係韓式 ....但雞肉都算滑..唔會太油..到雞翼撈丁..呢個睇個顏色就知夠晒汁..每條麵都沾滿左汁..好香幾惹味..雞翼辣辣地好開胃..雞翼仲有4隻咁多.. 雞翼撈通心粉..一望到餐牌已經俾佢吸引,個人認為撈通心粉好創新..雖然個汁同撈丁果個係一樣..但通心粉個心唔夠味..d汁入唔到去..相比之下就覺得淡口左少少..咖哩牛腩焗飯好好食..咖哩好濃好香..熱辣辣..牛腩唔會鞋好林而且好入味 食物ok..款式新穎又多選擇...裝修放左好多心機..下次lunch要再試其他

天氣炎熱影響胃口，午餐吃點簡單的。好一陣子沒惠顧，想不到餐廳推出了「百變撈丁系列」，融合中西日韓不同食材及煮法的元素，例如四川香辣口水雞撈丁、韓式泡菜炸雞撈丁、日式胡麻醬蟹籽撈丁，和黑松露卡邦尼撈丁等… 撈丁實屬至愛，思前想後還是吃回傳統的羅麥雞翼撈丁 (哈哈) 羅麥雞翼其實即是瑞士雞翼，味道適中，雞肉嫩滑但未夠入味。至於麵質軟硬度剛好，不會黏在一起，配以濃中帶甜的瑞士汁，份量剛剛好。粒粒西多士已預先切開一半，並塗有牛油在內，與配上蕃茄醬和沙津醬的大蝦同吃，外脆內軟且味道豐富。

聽說這是人龍店，為了省卻排隊的時間，所以早點來，大約十二點就到了。幸好早點來，吃完後十二點四十五分便開始見人龍了。這兒的裝修以懷舊為主題，門口有着各式各樣舊式擺設，有電視機、收音機、電話、風扇、汽水膠箱、油燈等，十分精緻有趣。在食物方面，我點了中西合壁的「黑松露煙肉卡邦尼撈丁」，一聽這個名字，就覺得很特別。配料似是西式，但「撈丁」是港式，真想試試如何「撈得埋」？上菜時，覺得賣相不錯，乍看似是西式的卡邦尼意粉。我先弄穿雞蛋，蛋漿徐徐地滲入熱騰騰的撈丁，使撈丁十分香滑，加上黑松露和卡邦尼汁，吃下去時，我只可用「好特別」來形容，但稱不上很好吃，我還是喜歡傳統的蘭芳園葱油雞扒撈丁。希望下次試試其他菜式。