羊城酒家 (已結業)

星期日下午來個蔡生效應，到羊城飲茶去。坐的士前去時，司機大哥笑說羊城還在嗎？ 我想不會吧。。。不會這麼倒霉吧！結果。。。羊城還在；朋友未至。拿着新玩具拍了些照片，便與隨後到步的好友徐徐入座。坐下來便環看四周，我們四人該是最年輕的一枱吧。 開了壼壽眉，不錯。。。老實說當然不是上乘，但嚐得出老實，不會味淡如水。接着一位姐姐走了過來下單。想吃什麼？現在有些什麼？蝦餃、燒賣、鳳爪。。。那每樣一籠。還有來壼蒸飯，謝謝。蒸飯要哪種呢？唔。。。鳳爪排骨吧！（蔡生推介）實話實說，這裏的點心味道談不上出眾，但卻能細嚐出一份傳統的暖意。蝦餃，大粒蝦爽；燒賣，結實不膩；雞扎，足料製作；鳳爪，四平八穩；臘腸卷，略不夠肥；蓮蓉包，無敵蓮蓉；馬拉糕，傳統萬歲！！ 而重頭戲的鳳爪排骨蒸飯真的不賴。。。平實中見真章！ 鳳爪依然的四平八穩，而排骨絕不嬉場。。。咬口結實而不韌，肉味依在與調味相輝，飯粒粒分明而略帶肉香，著實比很多的大酒家都更出色！！有趣的一提，不知是否小弟當日裝扮及行徑看似記者。。。我們一枱的待遇有着米芝蓮的級數。大厨哥哥甚至走出問我們食物怎樣？中途暫止的蒸飯要否替我們再返蒸熱？窩心得很啊！！吃罷枱

過了差不多大半年，再次走進這老店，再次吃我那例牌每次必吃的盅頭飯及有餡腸粉....專登揀了個對着電視的座位坐下，跟以往一樣，開壺普洱，邊嘆茶邊吃點心，目不轉睛的看着午間那沉悶得很的電視節目....一向站在門外笑口盈盈的點心阿姐仍在，依然是那麼健談及敬業樂業。從大蒸籠飛快拿出一盅北菇雞飯，隨即放在小弟的枱上，效率依舊是令人讚賞....看一看面前的盅飯，雞件是滿滿的舖在飯上，不過除了有少許薑絲之外，卻再也找不着一片冬菇片可能這是小弟一個美麗的誤會吧，以為吃盅頭雞飯是一定有一兩片冬菇片的，不然就不會叫作"北菇雞飯"吧....飯粒濕得要命，雞雖夠滑，但卻是一點味道也沒有。吃得人極氣餒.....看到阿姐將我那碟已放在門外不知多久的义腸拿入廚房，已是沒有多大信心了吃完盅飯，望望手錶，怎麼還未送來 ? 原來阿姐早已將那碟腸粉忘記得一乾二淨....看着"倒汗水"已黐滿在腸粉皮身上，怎吃得下 ?义燒粒又是硬崩崩的。二手衫見就見得多，"二手腸粉"近年就真的很少吃了....想不到水準差了這麼多，不禁大皺眉頭。馬上放低銀両，逃之夭夭可也....

是日，到了羊城吃了一碟四寶飯，味道唔錯四寶者，切雞，油雞，义燒，燒肉是也，推介係因為我覺得佢地既飯煲得好好食，切雞好食，雞滑，义燒都唔錯！環境舊一ｄ，服務唔錯，熱情呢

在九龍城的羊城酒家,可能是全區之中,歷史最悠久的酒家.門面殘破,內裏也好不了多少.今次來差不多已經早上十點,廚房同燒味檔正在準備中午的菜式,但點心仍然繼續出爐.我問阿姐:仲有咩點心呀?阿姐:蝦餃燒賣雞紮粉卷.....我:蝦餃同雞紮啦,仲有咩野盅頭飯呀?阿姐:排骨飯啦.我:好,就來一盅.聽罷阿姐即刻轉身去取點心,奉上蝦餃時,阿姐說:未有雞紮呀,盅頭飯未有呀.再不久,阿姐施展一記No look pass,放下一籠豬肚燒賣在我面前.阿姐:豬肚燒賣靚呀,食住先啦.哈哈哈,阿姐真係知我心意,之前在此吃過此味,覺得幾好吃.豬肚爽口,燒賣鬆化有肉汁.而蝦餃的澄皮很Sticky,蝦同豬肉均等,但吃落有點點霉.轉個頭,再奉上排骨飯,份量是大盅,我說:我要細就夠.阿姐:大盅仲蒸得靚.這個理論,我還是第一次聽,無非都係想收到我三數塊錢.排骨有肉汁,鳳爪也是如此,但今次吃的飯底,有點點過濕,今趟真是比阿姐"老點"了.

下午飯幫襯左羊城酒家,一家三口食左一餐質素都唔錯既午餐!四寶飯: 超大碟,有六至七件义燒,四件油雞,四件燒鵝,五件燒肉,係唔係老細私人醒我就唔知,但係真係要叫多碗白飯先得,咁就變成兩碟!!哈哈!例湯一大盅: 例湯係大白菜豬骨老火湯,勁甜,因為可能落左好多密早,所以好甜好潤!絕對係老火!!菜心炒牛肉: 又係大大碟,菜心甜,嫩,好食!不過牛肉落左好多粉,係就係好淋,但係已經無牛肉味,不過呢種碟頭飯式餐廳通常都係咁既質素!一餐經濟而實惠既午餐,推介俾大家!

今次又喺羊城食野,因為得一個人,所以都係食一碟飯就算食既係一碟四寶飯,今次碟飯比起上次碟時菜牛肉飯好得多,飯正常番,唔會硬!四寶包括油雞,咸旦,义燒,燒肉,义燒好正,半肥瘦!油雞ok,隻咸旦香噴噴,好好味,今餐食得好開胃,如果上次都識叫四寶飯就唔使咁失望啦!

午餐幫襯左一碟時菜牛肉飯,廿七蚊!時菜係津白,即係今次係一碟津白牛肉飯!其實都幾大碟!牛肉片都幾多,個獻汁就比較淡,所以食起上嚟淡口!最大問題係飯唔知係唔係煲得唔熟,好硬,硬到趙唔入,但係又唔係粒粒都咁硬,三粒有一粒硬啦,所以我覺得佢係煲唔熟五蚊一位茶錢,所以埋單$32,因為之前食過間餐廳唔係差,今次俾ok

在九龍城買完餸菜生果後路經這間有歷史的茶樓,門口車仔有一大籠糯米雞、兩盅蒸飯和粢飯仍在蒸著,看到糯米雞想起細佬前些日子曾說過想吃,那就買一隻給他好了。回家打開糯米雞,第一個反應是"燒肉飯"??店裡馳名燒肉在這點心裡也佔不少份量呢!糯米雪白晶瑩,真如師傅所說新鮮蒸好,因為糯米仍然彈牙有致,也沒有蒸到過火軟趴趴的情況,以糯米飯來說是好吃的!餡料除燒肉外,還有一堆肉碎和雞柳,自己吃過一條雞柳也覺得蠻滑,味道是有點一般,不過真像古式製法般,將餘料包進糯米飯內造成,證明100%店方自家製,不是來貨唷。後來從對面街再望過來,發現酒家騎樓所寫的店名是"羊城茶廳",看名字都覺得比酒家還有歷史,看來都要來試試其堂吃風味。

跑馬關係,只想搵個地方可以一邊食一邊睇馬仔,今日係打比,唔睇唔得!搭枱而坐,叫左一盅鳳爪排骨飯,一籠蝦餃再加一碟雞扎,例湯因為一叫就一大煲,一條友點飲?就放棄左!又無一碗叫,此乃要改善之地方...請番個飯,蒸得都幾好味,豉油甜甜地,正!不過稍嫌d排骨比較細舊,好似好碎咁!蝦餃係比較平民化風味,皮較厚,餡較少,但價錢平!雞扎都係平民化,但味道幾好,有少少燒酒吊味,唔錯!最可惜係,馬仔唔生性!

和一班「同事」、「粉絲」唱完通宵卡拉OK，還未夠喉，要來吃個早餐才捨得回去。當時大約6時，已有一大班食客在享用這甚有懷舊情懷的點心早點。立刻要阿姐拿來蝦餃燒賣，蝦餃燒賣各有4大粒，才不過是$9一籠，經濟實惠之餘，還可嘗到久違了的點心味道，是豬肉比例較多的，都令人滿心歡喜。之後還要了雞扎、叉燒腸粉、叉燒包及魚翅餃。雞扎的份量足；叉腸都頗滑，豉油甜甜的不錯；叉燒包是經典味道；魚翅餃則較油，但其實大大件，多豬肉也有菜餡，美味。還點了牛肉，阿姐說是西藏牛肉。不知有何分別，總之這個牛肉球很爽口，和普通酒樓吃開的不同，真是很美味。馬拉糕的邊位還是脆脆香香的，吃落甜甜的，久違了！就是很難吃到這麼有水準的馬拉糕了。當然少不了盅頭飯，經典的鳳爪排骨飯！甜豉油滲滿整盅飯，伴上鳳爪排骨吃，又是令人懷念的味道。當然，這裡的佈局談不上新淨，而且還幾逼的。只不過，這一切一切都令整頓早餐添上一種懷舊味。還有阿姐親切的服務，額外加分。有機會一定來Encore。

同老豆鈬 食午飯,佢話好食!叫左個四寶飯,蒸條魚,一中例湯,係西洋菜湯!味道呢,四寶飯有义燒,雞,燒肉,但係少左一寶,好搞笑!不過义燒幾好,但係唔係肥义燒,係瘦义燒,我鍾意呢種味!蒸魚d豉油都幾好味,條魚係立魚,啖啖肉,唔會蒸過龍,蒸過龍的話會好鞋!呢條魚火喉控制得好好!此乃由ok變笑臉最大原因!西洋菜湯係燩,味道好甜,飲左個人好潤,應該係大量落密早之故!只係因為衛生做得不夠,我都會間中會再來!價錢是大眾化!

生理時鐘大兜亂,每周的放假日,仍然倚在失眠夜,望天邊星宿...就算看著戲碼一般的英超夜波,一樣津津有味,完場之後眼光光,等到天亮.半夢半醒之晨操狀態下,到龍城的羊城飲早茶.見到亞姐大叫燒賣排骨!),茶都未叫就先行一碟,豬肚燒賣已經不多地方吃到,豬肚爽脆,燒賣做到如肉餅的質感,肉汁豐盈.再來個大包,材料十足,吃罷差不多半飽,仍然有能力吃多碟雞扎,一直是為吃魚肚而吃雞紮.盡收雞肉的精華.比雞肉更好吃.失眠過後,來個這樣的早茶,什麼倦意也全消.

又落到龍城，腳步不其然又走咗入嚟...又係招牌一個盅飯加一碟點心...水準保持，唔算太差，亦唔算特別標青...主要係食個mood ma...街坊聚首一堂，一邊睇住包大老爺，一邊送飯，好似响屋企咁...連燒味師傅都走埋出嚟一齊睇，一齊討論劇情...呢種人情味、街坊味，係其他地方揾唔到嘅...

經過好多次都好想去買此店既點心試下, 昨日中午終於有機會啦...叫左個鳳爪排骨飯同埋燒賣回家食...點知都幾失望下....燒賣都算ok啦不過不失...之但係個飯認真麻麻...唔知係咪唔夠豉油d飯又太硬..仲有d排骨好淋...淋到好似梅左咁..

因工作關係，遲D唔會再九龍城區活動，趁有機會要盡量試多九龍城區美食。呢度唔係因為佢好好食，當然唔會難食，最重要係佢個種懷舊feel。普洱茶加盅頭飯是最佳配撘，普洱茶有茶味，唔係一般茶樓個種有色而無味貨色。鳳爪排骨飯，鳳爪夠入味而排骨則一般。午飯時間唔算好多人，以熟客居多，但我等生客都唔會被忽視，服務算係咁。食完飯附近遇見一個粵語片時代小生，當然而家已經係阿伯，但係重好精神老當益壯，希望這些舊式茶居好似個小生咁。