羊滋味

营业中

休息中

朋友知道我鍾意食羊肉，特登帶我去界限街20號一間蒙古菜餐廳，價錢唔贵，選擇又多，我地叫左多款羊肉食品。 羊肉餃子7隻每隻餃子煎得金黄色，外脆內軟，皮薄，羊肉不腥不膻，煎得好香口，咬落去爆曬汁，好好食。 葱燒羊腩一上枱就聞到香噴噴，有好多件羊腩，羊腩啖啖肉，夠淋，連皮都好入味，加入左洋葱、大葱、青椒絲、辣椒絲爆炒，好香，有少許辣，連配料都好入味，穫氣足，正！ 羊肉炒麵羊肉不韌，放入洋葱及葱花爆香，炒麵好入味，味道啱啱好，好咬口，好煙靱，越食越惹味。 燒茄子茄子好大條，多肉，係茄子鋪上厚厚的蒜蓉及葱粒，好惹味，有濃郁嘅蒜蓉味，茄子燒到好香軟，口感軟綿綿，蒜香葱花配合得很好，好好食。 串燒款式多，今次沒有食，下次要來試下。羊滋味太子界限街20號地舖

呢間餐廳主要賣羊嘅菜式！因為我想食佢既羊肉餃子，我朋友唔食羊都陪我黎食！佢既度食物種類有好多，有快餐，串燒，餃子等等。佢既醃蘿蔔好好食，自己鍾意食幾多就夾幾多！評分：👍🏻👍🏻👍🏻👍🏻/5我哋試咗佢哋嘅羊肉餃子同牛肉餃子，外皮煎得金黃香脆，入面餡料又鮮又嫩，餡料啲汁都鎖住咗。羊肉嘅騷味處理得好好，我鍾意食羊就可以，如果對於唔食羊，應該都幾騷；但我反而覺得牛肉餡就一般啦。評分：👍🏻👍🏻👍🏻/5另外，仲試咗串燒雞翼，燒得剛好，唔好太乾，皮脆肉嫩，加埋一啲辣粉，好味。評分：👍🏻👍🏻👍🏻/5特色涼拌豬耳清爽解膩，啲花生同青瓜非常夾。評分：👍🏻👍🏻/5仲有個花甲粉絲，粉絲吸晒湯汁嘅精華，入口滑溜。湯底有蒜蓉同辣椒，啲花甲肉質新鮮，不過好多殼。評分：👍🏻👍🏻/5朋友因為唔食羊，所以另外叫左個普通套餐，食魚香茄子飯。評分：👍🏻/5整體味道指數：😋😋/5性價比：💰💰💰/5環境：❤️❤️❤️/5服務：✅✅✅/5

唔講唔知原來香港都有間主打羊肉嘅蒙古菜餐廳，位於太子界限街，舖頭唔算好大，座位之間比較窄，晚上到訪幾乎滿座，整體價格親民，店員服務態度亦有禮貌，值得支持嘅一間小店。私心推介涼拌羊肉，口感鮮嫩多汁，搭配入味嘅青瓜絲、花生同蒜蓉，令人胃口大開，好適合配飯。沙鍋羊肉熱辣辣上枱，羊肉完全冇臊味，湯底飲落清甜，寬麵軟硬度適中，性價比高。羊肚菌雞湯可補腎壯陽，增強免疫力，飲落順滑，湯渣都唔少，健康又好味。小食方面有南瓜餅，酥脆可口，味道唔錯、茄子大大條十分惹味、雞中翼嫩滑啖啖肉，配埋酸蘿蔔幫助消化～

原來香港有依種羊肉專門店除咗供應唔同部份嘅羊肉之外，連成隻烤全羊都有得叫！不過我地得兩個人，所以就叫咗啲普通羊肉首先一嚟就梗係要叫內蒙羊肉串同雞肉串，烤得香脆多汁，肉質鮮嫩，加上獨特嘅調味，每一口都帶嚐到濃濃嘅肉香，讓人回味無窮。特別係內蒙羊肉串，肉質鮮美，燒烤得剛剛好，肉汁豐富，一粒瘦肉一粒肥肉咁樣，逐粒逐粒串上去，肥瘦適中非常好食。另外我哋仲叫咗蔥燒羊腩飯套餐，羊腩燉得入味腍軟，蔥燒嘅醬汁濃郁，帶嚐到深厚嘅羊肉味，配上白飯，簡直是絕配！然後我特別推薦要試吓佢嘅肚包肉湯，用羊肚包大量嘅羊肉，口感有咬口，湯汁清澈，肉質鮮嫩。食咗咁多肉想要食菜嚟平衡一下嘅話，就可以叫涼拌青瓜，清爽爽口，帶嚐到青瓜嘅清甜同脆爽，令人胃口大開。

H終於可以喺香港搵到啲可以瘋狂食好多羊肉嘅地方，同埋係好好食好抵食食羊肉嘅地方。三個人發癲咁嗌咗非常多嘅嘢食，其實每一碟小菜都唔係好貴，都係$100左右，有啲先四五十，但我哋食咗九百幾蚊hahahah。份量十足食物質素都很好。 羊肉串，皮蛋辣椒茄子，扮羊雜，羊肉餃子，牛肉餅全部都好好味。呢個絕對值得一來再來。 食完今次我已經諗定下次要返嚟再食啲乜嘢嘢，不過唯一係覺得涼拌木耳唔知點解好甜 ，其他嘢都係啱啱好。

第二次食，一樣好出色！一入到舖頭已經聞到超香羊味🐑全部都係好地道既東北蒙古菜，有辣有唔辣，有滋補養生唔知幾時開始仲做埋串燒，中意食羊既真係唔好錯過啊🐑🐑✨羊肉餃子可以選湯、煎或蒸，今次試左煎！餃子咬落去超多肉汁，騷得來又唔油膩，調味唔會太重，夠香脆～✨雞中翼、羊肉串燒得好乾身香脆，孜然味十足～✨砂鍋羊肉米線有羊肉都只係$58，勁抵‼️羊肉冧身，湯底清甜唔羶，配菜有：白蘿匐、豆卜、雲耳獨家粗糯米粉幾特別，外型似烏冬好滑溜，咬落去煙煙韌韌✨牛大力土伏苓燉雞湯最中意呢道湯👍🏻有藥材味但唔會太重，牛大力土茯苓袪濕健脾胃，夠滋補！加左桂圓雞肉，一盅好足料好清甜～✨蒜泥白肉呢個價錢，份量比得真心多！蒜蓉再多啲就更好，比一般蒜泥白肉少紅油，配埋啲青瓜同埋芹菜一齊伴，清爽唔油膩

太子食肆小店特別多，今晚經過界限街見到有間主打羊肉嘅餐廳，除左羊肉菜式，仲有雞煲、小菜、米線、串燒等等選擇，價錢都好貼地，所以都好多街坊幫襯砂鍋羊什米線 $58原個砂煲熱辣辣上枱，湯汁仲係鍋中哺嚕哺嚕沸騰緊🤩羊什份量唔少，味道唔膻，湯底清甜，加上湯中嘅白蘿蔔同豆卜索晒湯中羊肉精華，非常美味另外比較特別嘅係粗糯米粉，比較粗身有啲似烏冬，口感帶少少煙韌軟糯，幾好食蔥燒羊腩 $158羊腩肉質軟腍，切得細細舊幾易入口，用上洋蔥、大蔥、青椒爆香，好惹味蒸羊肉餃子 $48餃子大大隻，餃子皮超薄，一咬差啲感受唔到外皮嘅存在😂 餡料帶點羊肉同韮菜香，連食幾隻都唔覺漏原條燒茄子$30茄子好大條😂而且毫不吝嗇加左超多蒜頭碎，令到茄子食起上黎更加香口

一間新開來專做羊肉嘅蒙古菜餐廳，但菜品樣式都幾豐富，有燒烤、麻辣燙、川菜同埋靓汤，價錢都抵！人均150左右食佐好幾樣嘢～我哋嗌左几种烧烤韭菜 千頁豆腐 五花肉 菠蘿 雞翼 燒烤用的醬汁偏甜口，唔過我幾鍾意呢個味～烤嘅啱啱好 唔會拆同埋好入味其中最鍾意烤菠蘿，兩大片幾清甜、解膩店家醃製嘅蘿蔔都很解膩好味酸菜魚係用鱸魚肉 ，肉質特別滑嫩，泡椒襯嘅酸味同辣味重，都足料味道都勁唔錯🤤羊肉煎餃🥟畢竟羊肉係招牌來，試佐一份餃子，外皮煎的脆脆的，一口下去爆汁～冇食到羊羶味羊排蟲草花靚湯羊排靚湯加了很多蟲草花，店家主打不添加味精喝完之后，湯飲完都覺得很清口～胃暖暖的很舒服

羊滋味．濃香抵食蒙古菜第一次吃這家羊滋味，味道很理想價值很美麗，是值得一吃的太子店羊肉餃子皮皮超香脆，一咬開，就是強勁的羊肉香氣肉汁多而飽滿味道濃郁，口感十足韭菜佢打開了我吃孜然的大門老實說，次次畀機會食孜然菜式都令我吃不下咀這次一吃簡直愛上韭菜多汁好吃香濃又甜，整體味道令人流口水是這麼多餐有孜然份的菜單中最吸引的甜玉米椒鹽帶點不羈，口感鮮甜無敵是粒粒皆香甜的味道非常可口雞中翼乾身，香脆，好有BBQ風味此店的串燒好得！一碟6隻，好食又夠分享實在很不錯宮保雞丁非常下飯的呢甜甜的，青瓜爽口多汁，雞肉夠香，粒粒脆脆，又有花生，特別送飯好好食枝竹羊腩飯足料抵食主角是羊，好有羊味，羊肉不少，入味，香濃，送飯一流馬蹄、冬菇、枝竹都很入味是配角，卻又有別一番風情羊滋味太子界限街20號地舖

早排見到基隆茶餐廳話會執笠，先知原來嗰條街都幾多野食既選擇揀。見到依間食羊既餐廳又唔貴喎，一於就試吓原來除咗食羊串仲有好多串燒可以食同埋套餐飯食👍🏻👍🏻#涼拌蹄筋 （$78）- 首先叫咗個涼拌野食吓先，佢係牛筋同埋羊蹄筋嚟。調味係有好多芫茜、蔥蒜，十分之惹味 牛筋幾爽脆 羊筋就冧身啲幾好咬口，幾特別😋#羊肉餃子 （$48/7pc , $68/10pc)- 餃子我哋叫咗煎既、煎得好香口唔油膩。咬落去有肉汁噴出嚟添😂😂佢係韮菜羊肉餃嚟，食落羊味幾重但唔會太羶幾好食👍🏻👍🏻#砂鍋羊肉米線 （$58） - 羊肉冧身鬆化，湯底亦都好有羊味卻唔會好羶，配埋米線同啲配菜👍🏻咁佢有串燒叫，一場嚟到梗係要試下㗎啦#燒韮菜 （$18/2pc) - 串韮菜好大串😱😱比一般既大三分一有多😋燒得幾好夠惹味香口，我哋揀咗bb辣都唔會太辣👍🏻#燒茄子 （$30） - 茄子大大條上面鋪滿哂蒜蓉同辣椒😍😍個味好香濃茄子亦都飽滿好食😋😋另外一提係每一枱都有一樽酸蘿蔔可以食😋😋夠酸夠辣好味而且好大方咁切得大大粒夠爽口清甜👍🏻

👩🏻6月去完蒙古🇲🇳旅行返嚟對蒙古菜念念不忘。返到嚟先知原來香港冇蒙古菜🇲🇳食，反而有幾間內蒙古菜嘅餐廳。👩🏻食完覺得羊肉羊雜都好靚，同埋果然好啱口味😆。🌟肚包肉湯$68羊肚包羊肉，喺香港好少見（不過我都唔係第一次食🫢）。羊肚口感同味道都有啲似金錢肚，爽彈得來完全冇內臟嘅腥味。裏面包住羊肉係好靚嘅粉紅色。肉質有彈性，肉質纖維柔軟易咬。整體鮮味十足而且有少少羶香。想試下羊內臟可以試吓。🌟沙碢羊雜米線$58內蒙羊肉$28想食羊肉同埋羊內臟，可以叫個米線再加餸。羊肉係有厚度亦都有咬口嗰種，香味唔係平時啲薄薄羊肉片可以媲美。可以分辨到嘅內臟有小腸、肝臟、氣管、胃。👩🏻本身接受程度好高，覺得所有部位都OK，唔濃唔腥。但口感各有特色。最鍾意嘅係爽脆嘅羊氣管，同埋韌韌地嘅肝臟血管。🌟羊肉餃子7隻$48同喺蒙古🇲🇳食到嘅好唔同😆。餃子皮好薄，餡料係剁到好碎嘅羊肉同菜葉。幾乎冇羶味咁濟。估唔到咁平已經係套餐有跟熱飲。🌟乾鍋花菜$88椰菜花口感爽脆清甜，加上鹹鹹辣辣嘅調味好開胃！佢哋仲有其他川渝菜同燒烤～

1️⃣砂鍋羊肉配粗糯米粉羊肉好嫩，湯好香濃，加上蘿蔔，豆卜，木耳。糯米粉口感煙靭💰HKD$582️⃣羊肉煎餃餃子可以仲揀蒸同煮，煎餃外皮香脆，羊肉夠多，有肉汁。💰HKD$683️⃣羊肉串燒肉質嫩，加上孜然粉，好香口💰HKD$454️⃣原條茄子燒好juicy，好淋，上面再加左好多蒜蓉香蔥💰HKD$305️⃣乾鍋花菜花菜爽口香濃，餸飯一流💰HKD$58

太子地鐵站附近有間食羊嘅小店 平日都幾多人幫襯 望吓價錢 原來好親民 除咗羊之外 有好多其他選擇-🥗涼拌藕片🐑涼拌羊肉天口㷫烚烚 我叫咗兩個涼拌小食 藕片唔會切到太薄身 再加埋花生🥜 更爽脆更有口感 羊腩片半肥瘦 羊肉羶味唔明顯 可能有芫荽香蔥麻油嘅關係 整體味道唔錯-🍢內蒙羊肉串🍢燒羊排推薦食多啲羊肉串‼️ 肉質軟嫩好香好正 幾乎每枱都order 食吓食吓 一串好快食完😅 羊排燒到剛熟而且切成小件 食得方便-🥟羊肉餃子餃子可以蒸 放湯或者香煎 我哋鍾意食脆卜卜餃子外皮 不過羊肉餡味道淡咗啲

係一間食羊肉嘅蒙古菜館，本身去之前就好期待呢間餐廳，因為我未食過蒙古嘢🤣再加上我都幾鍾意食羊，今日終於嚟一試乾坤。涼拌羊肉🥒 $68呢個好好食好重蒜味，而且羊肉都比得幾多，必叫之選👍🏻羊肉炒飯🍚 $78好有鑊氣，炒飯粒粒分明，乾身唔會太油膩。爆炒羊雜飯 $68我係一個好中意內臟嘅人，呢碟嘢各種唔同嘅部位都有，幾特別！羊肉煎餃🥟 $68即叫即煎大大隻，一咬開會爆汁，建議攤凍啲先食🤓蟲草花羊排湯🥣 $68呢個湯滋潤補肺，適合男仔飲，但女仔都飲得㗎🤣飲完成個人暖晒，冬天飲一定仲正！

普遍入冬先食羊腩煲，最多去西餐廳食羊扒羊架，好少夏天會諗食羊。不過而家食羊多左選擇，有羊肉餃，羊肉麵，羊雜湯飯，真係羊邊個部位都有得食。除左羊仲有串燒食，正丫~🍍燒菠蘿 燒新鮮菠蘿，香甜。🐮牛肉串 外層燒得乾身，孜然粉香。🐔雞中翼 燒得香脆。🐷五花肉 好似食緊薯片，薄脆。🥔燴拌豆腐絲 小辣，都好大碟，我會叫佢做豆皮絲，燴拌暖暖地，都幾得意。🍲咖哩羊腩飯套餐包飲品 食完好精神嘅咖哩，辣得嚟香料味好濃郁，好多舊帶皮羊腩，炆得好淋，皮有點咬口，肉鬆化。薯仔係精華，吸晒啲汁好好味。🐑羊肉炒麵 BB辣，炒麵好夠味，越食越惹味。