美味廚 (已結業)

美味廚有兩間店舖，一間在銅鑼灣，一間在尖沙咀。二十多年前已經在銅鑼灣店食排骨菜飯，這是我多年來最喜歡的菜飯，也會帶最好的朋友坐在小店，分享我的最愛。推介排骨菜飯，其他菜飯多數太乾，這個菜飯濕度剛好；排骨，肉和炸粉比例適中，總之好味。單叫$53特價餐$59，包一個小食或飲品，如果15：00 - 18：00有八折。

排骨擔擔麵 配拌粉皮 $59排骨 6/10肉較薄，只係好薄既一塊豬扒🥩，上下兩層炸粉加埋仲厚過啲肉，唔似食緊肉既感覺🙈 (同星洲xx啖啖肉既厚切豬扒🐷完全無得比🤷🏻‍♀️)味道甜甜地，幾好送飯🍚炸得尚算乾身。雖然係哩到既招牌，每台必嗌，但好似無預期中咁出色🐒 擔擔麵🍜 5/10麵條選用油麵，煮得軟硬度適中，湯底味道唔夠濃郁，無花生或麻醬香氣，辣味亦唔突出；湯既質地好稀，唔係稠身果種。因為湯底做得唔夠濃稠、出色，影響左麵條既掛湯力，麵條係靠面頭既蝦米乾🦐同瑤柱絲黎吊味(輕微既辣味亦源於此)總括而言，擔擔麵做得麻麻、有少許失望😕 拌粉皮 7/10麻醬睇落份量唔多，但足夠撈勻所有粉皮👍🏻麻醬味道夠香，有漿口既感覺，撈勻後可以依附係粉皮上，仲有爽脆青瓜絲🥒解膩，幾好😋 粉皮唔會切得太碎，有少少咬口；如果可以雪得再凍啲，就更好了~干燒魚塊 $59 6/10魚塊🐠有六舊炸粉厚度正常，魚塊質地較為軟淋🤔 干燒汁醬汁似係用豆瓣醬加洋蔥碎粒調成，味道較單調，淨係食到鹹味，而且偏鹹🤭一定要送飯食🍚 菜飯菜飯入面啲菜好黃好霉，似菜乾多啲😓菜仲有油，搞到啲飯油曬🤢下次都係食返白飯算🤦🏻‍♀️無可否認，午市套餐性價

七、八年前第一次去食佢嘅湯羹套餐，估唔到咁足料。呢幾年久唔久都會去食晏，因為佢嘅上海排骨都好好味。是晚我又叫咗湯羹套餐：蟹肉瑤柱羹 + 排骨拉麵。另單點酒味醉雞。湯羹仍然好足料，唔會係‘豆粉開水’，啖啖蟹肉。而排骨拉麵就咁多年都保持到個水準，外脆內軟，最怕食到成咀油又咬唔開。至於個酒味醉雞，好入味。怕酒味濃嘅，真係要唸唸。佢門面裝修唔起眼，但反而多咗分傳統上海菜館嘅味道。

今午午餐 一條友去左食上海野因為呢個午餐可以不選豆漿但我喜歡食粉皮，所以有個排骨擔擔面加粉皮呢間我都食個好多次呢，擔擔面叫左小辣，排骨甜甜的好配合個面粉皮個花生醬，好岩我口味，所以我大多數只食呢個餐、其實佢仲有其他款，都是中式類，我之前都食過，幾惹味的。店舖亦都有很多人去食，近年仲多了很多國內同胞都不會經常要排隊因為人流轉得到很快 ，夏天時冷氣都算很強勁，只是位置的確是有點點迫，肥點點都要坐得迫少少但大抵是因為食物質素沒有點變所以我都會繼續幫襯的

美味㕑已吃了多年，久不久都會過來午飯一下，一個人的好選擇。兩間分店分別在銅鑼灣和尖沙咀，公司自從搬了過來尖沙咀後，午餐真的多了機會過來。午餐繁忙時段，每每都要等位，但番枱快，所以都不會等太久。尤其一支公，話咁快就有位。午餐由11:00am-6:00pm ，特價餐可以配:大豆芽、芹菜干絲、拌粉皮或咖啡、奶茶、豆漿( 凍飲加$3)客飯餐一律$59 大豆芽~特價餐可選大豆芽、芹菜干絲、拌粉皮，筆者每次都寧願點小吃，因為特價餐小吃和餐飲，只能二選一。每次例點大豆芽，微微麻油的香味，點點辣椒碎，調味不會太濃，撈在大豆芽上，有𡁻頭，午餐有點點芽菜吃，感覺良好。排骨菜飯$59~筆者喜歡脆粉帶點點甜味，雖然不是熱騰騰，但那排骨往往令你再回來吃。反觀菜飯就只是一般，有時還覺得太油或太硬，總之菜飯很多地方做得更出色。另一選擇可以吃排骨擔擔麵的，這裡的擔擔麵做得唔錯，但今天太肚餓，所以吃飯會比較飽肚。午餐半個鐘完成，速食的一個好選擇。

大眾化午餐優惠價錢，只需要約60元正，免除加一，便可有一客客飯，加一杯飲品，凍飲無需另加收費，十分抵吃。推介排骨菜飯，排骨可另配擔擔麵。 那個排骨味道剛好，熱辣上枱，大大塊。 排骨 應該事先醃好再油炸的，但是出嚟效果沒有那份油膩的感覺。另外醬爆肉片也是必點， 味道有點像回鍋肉。 肉片還帶有肥膏，經典色上海醬油味道。午餐的時候等候，位置等候時間都不長，大約五分鐘以內便會有位置。最喜歡這間餐廳的就是他們每一樣上枱的食物都是熱的。

必食推介：排骨擔擔麵👍👍👍👍👍上海餐館，稱豬扒為排骨。廚師先醃製排骨後炸，沾上薄薄的粉漿，令到排骨非常香脆，味道帶有一點甜令人啖啖回味也可點點他們的豆瓣醬，味道是非常夾而擔擔麵的麵質則非常彈牙！湯底又配有炒過的蝦乾，拌混後，湯底的花生麻醬香濃必食推介(小食)：拌粉皮👍👍👍👍👍自問係麻醬愛好者，對於有麻醬是無法抗拒食落非常驚喜！他們的麻醬非常滑而且很香濃，拌起晶瑩剔透的粉皮，真係食指大動廚師聰明地切了 青瓜絲，令食客口感更清新。不枉我多遠也跑過來吃午餐。牛筋菜飯第二日再過來食，老實說有點失落！我點了牛筋菜飯。牛筋雖然很軟林，但沒什麼味道，就是簡一的豆瓣醬味，也不辣也不甜也不咸。一個人點這個餸也是好膩。最尾我也只能食到一半的牛筋就要宣布放棄。建議如果2以上食，可以交換點牛腩牛筋一起食，相信會更好

响尖沙咀食lunch真係好貴🤦🏻‍♂️，周圍都$80-$90。其實返工都係想搵d快正平既野食姐，又冇理由餐餐老麥架。所以呢度算係我既麻甩快平正之選，呢度lunch成日爆，所以要早d黎。呢度d待應急得黎都好有禮貌。我鍾意呢度既菜飯，可以跟餐飲或麻醬粉皮。呢度既炸排骨係甜甜地既，啱哂我口味。最緊要係lunch只係$59😱，尖沙咀黎講算好平架啦👍🏻。以呢個價錢，我係推介既。但我會自己黎，唔會同老婆黎😏

尖沙咀睇戲前來個快食，食咩好？又芝士撈丁？又蕃茄麵？今日來點新意思！平靚正～豬扒排骨菜飯！幾十元大大碗包你吃到飽。見到好多外國人都黎唔通旅遊書有介紹過？反而小見香港人哈哈。呢到有收茶芥，因為店員會無限幫你加茶，豬扒飯配熱茶一解油膩～不錯～仲試埋擔擔麵，明顯無豬扒排骨菜飯咁出色，普通。雞絲粉皮都係水準之作，芝麻醬好香～～快食推介，唔錯選擇。

同朋友收咗工，喺行街前當然要醫飽個肚先！朋友一向都善長搵D好食嘅餐廳，所以想想無想就跟朋友來咗依度。一開始去到無咩人都想緊會唔會係伏，但其實係我地太早，食到後段餐廳都開始多人，仲有好多是外國人。我地叫咗煨魚飯同牛筋菜飯，牛筋有少少辣。朋友開初叫我試煨魚，我都怕唔好食，但一咬落去又唔太乾身喎，加埋D汁又真係幾好食！最鐘意係一路食，一路有杯熱茶，待應仲會主動來加茶，依個真係好加分見到有個待應，對外國客人好有耐性，慢慢地解釋，覺得老字號係多一份人情味，而唔係只是同時間競賽，感覺好好

經典菜飯就在這裏常常聽到身邊朋友讚賞這家老字號...今日終於到訪,餐廳不算大但會令客人坐得舒服👌🏻叫了一個套餐+素雞😱（估唔到佢咁好味~素雞x10!)好朋友常常推介一定要食炸排骨菜飯,不幸大叔我依然要減磅...所以只好先吃一個牛筋菜飯吧🤦🏻‍♂️只是等待了一下子（應該不用五分鐘吧🤔）...全部美食一一送到枱上😱x2飲品～凍豆漿不是太甜...充滿豆香中價價錢不過食嘅係高質素食物一定會令人回味無窮的老香港餐廳

今日想吃家常菜, 便在這家餐廳落腳了。這裡餐牌有好多選擇, 不過大多味道偏濃，我點了個烤菜獅子頭, 要了個菜飯及豆漿。獅子頭都幾好食, 而且份量足, 再加埋配左唔少小唐菜, 整體唔錯。不過我嫌佢汁太多, 食落好heavy。豆漿幾好飲, 可惜沒有熱豆漿。佢一個lunch客飯盛惠$59，包配一個白飯/菜飯/陽春面，再配杯野飲。其實個價錢都只係比大X樂那些集團快餐貴少少。雖然唔係咩人間美食, 但係溫飽之餘, 又有點家的味道, 我覺得都尚算唔錯。

最近我就約左我公司啲同事一齊出去食飯 因為一齊圍住食可以增進友誼嘛～ 所以我決定今次我地一班人圍威喂咁去食未食過嘅餐廳 - 係亞士厘道嘅美味廚依間餐廳都幾多人食 我地四個人都等左五 六分鐘先入到去 一入到去見到個餐牌我都唔知揀咩好 因為好多都好想食 最後我就揀左干燒魚塊再加凍豆漿 我其實都幾鐘意依啲中式food 佢有菜飯 個飯有啲酸酸甘甘嘅味道 而個干燒魚塊個汁就似咕嚕肉個汁酸酸甜甜 魚柳每一舊都幾大舊 咬落幾鬆軟 成個餸幾酸胃 而個豆漿唔'kit' 清甜可口 飲完唔會口渴 我地都食得好開心hehe

有時lunch都會行去亞士厘道食☺️美味廚其實起銅鑼灣都食唔少 排骨最岀名午市有啲set叫 包一杯飲品 $57排骨好大塊架 炸得啱啱好👍🏻唔會炸過龍同太硬 金黃色的肉質鬆軟 好香口擔擔麵 花生醬味濃郁 結身嘅 掛麵能力強🤤我最喜歡將排骨放入湯到 當醬甘點🤤湯底有少少辣 不過好正好香的如果唔要飲品 其實可轉麻醬粉皮 都好好味呢到位置較逼 🙈 lunch hour都算多人 想吃的話真係早少少去除左排骨之外呢 仲有其他好選擇 不過我覺得呢到排骨最好味 所以一直都淨係叫排骨 好長情呀💓🙈

我好鍾意食上海野，特別係生煎包、小籠包、炒年糕之類，不過香港上海野多係連鎖式大集團，得一個人食就好難叫，今日黎尖TST呢邊開會，見到呢間話係食上海菜既美味廚，有Lunch set，一於就試下啦。見到主打既都係家庭式小菜，但係有餸有飯有小菜/豆漿，1 Set $57，唔可以話平，但至少食得飽。我就叫左個排骨擔擔麵拚拌粉皮，粉皮晶瑩剔透呈米白色，上面鋪墊了青瓜絲，同淋左一層麻醬，其實係咪麻醬都唔知，因為好重花生醬味，有D似稀釋左既花生醬，都幾香，但食得多會漏。擔擔麵一碗好邪惡，湯底好濃郁，就好似拌粉皮既醬汁再加辣一樣，甜中帶有堅果香味，好香，好重口味。有花生碎、芝麻、豌豆尖、蔥花鋪面，色彩繽紛。麵係淡黃色應該加左雞蛋去搓，入口冇鹼水味，麵身較幼，好爽口有彈性，麵可以掛到湯，所以帶入口都好香麻醬味。上海將豬扒叫做排骨，炸排骨香酥金黃，色澤油亮，切開都有5大件，成塊同一個成年男性既手掌差唔多大。叫就叫排骨但唔係好多骨，肉唔係好厚但勝在粉漿都好薄身，唔會話咬落去就係食緊麵粉，略油膩但可以接受。整體而言，味道OK，有種似品嚐緊一個上海家庭主婦既手藝既感覺。不過食物略油膩，不過可能係因為擔擔麵本身就