群眾小炒王 (已結業)

許久不見的舊同事約見，在中環開完會後欣然前往。舊同事揀了這間小炒王，8:00pm到不用等位，背後一檯大陸交換生大開讌席，右邊一桌商家伉儷正在買酒招呼大陸來的客人，坐了一回又來了兩位西婦，都算熱鬧。舊同事原來做保險，聽他說工作順利，很有滿足感。各自點了個小菜閒話家長。先來的一個豉椒炒聖子鑊氣夠啤酒正好。再來個椒鹽九肚魚夠脆口，喝了大瓶青島應該不怕熱氣。話匣子一打開就談個不完，又叫了一個黃金蝦（$98），咸蛋黃香酥大蝦鮮甜，超值。這裡地方整齊清潔服務OK，舊同事埋單店方收加一服務費合計好像$300多元（連兩瓶青島及白飯）；現在的租金及食材成本高昂也是合理的。想想這餐的膽固醇可能超標了，下次再來會吃的清淡一點。

兩個多月前一個閒日，同老友叡木中午去咗西營盤近上環一聚，順便嗒番杯，點知搵咗好耐都搵唔到間喺店外有位搵呀搵，行呀行，好乸攰！卒之去 Q 到西營盤近上環口，搵到一間叫「群眾小炒王」嘅食肆，冇煙煲都照入咯！ 煙燻蜜糖鴨胸同酥炸雞軟骨，GOOD。煙燻蜜糖鴨胸煙韌脆口，肉實又厚。酥炸雞軟骨，炸得外熱內「慶」，軟骨過足牙癮，妙！

打完壁球简单晚餐，order 椒盐九肚鱼 (不觉得油腻，鱼很新鲜，味道调的很好），芝士薄荷骨（味道浓郁，不过有皮，而且有些肥）。饭后送甜品（番薯汤不错）。环境一般，服务不太好，一直赶客。7点后有人等位

第一次到呢間小廚食晚飯，環境很清潔，招呼都很好，因為訂了位，所以不用等位，我們點了很多食物，包括圖片那些，一家人都覺得很滿意。還有雞軟骨(炸得好味)，糖醋脆鱔($108 - 但脆同鮮味)，都好好咪！但在這家小廚食晚飯，不是酒樓的格局，卻有加一及茶介($3位)，真是估都估唔到，這已使總收費多了百多元！所以下次都未必會再去了！順帶一提，白飯$10碗，酒水開瓶$50，啤酒平均$20-$24支。

上個星期約埋幾個酒肉朋友再去上環群眾小廚, 今次只係訂咗兩個菜, 其餘都係即場點嘅小菜, 一於試試佢地嘅真功夫!

本身一早已經book左枱11個人食個happy friday lunch.早幾日就book左,lunch之前重打黎confirm我一次,應該無死啦卦。已經早左一個字去到,一眼望哂,無位!無位之餘重要張張大枱唔係未開始食就係食到一半...好啦,算!我地等...差不多十幾分鐘之後,終於同我地講有枱!點知一眼望埋去係一張坐8人都嫌逼既枱,大枱坐住既反而係10人唔夠!!有無搞錯....唔係我地嫌,係根本就無可能!就算坐到都郁唔到!問老細(估計應該係老細,因為唔係著住一般制服)點坐得落,椅都放唔落啦!老細語氣態度非常惡劣咁回應我地,「而家我就幫你放11張櫈落去,放得落就得啦!」放唔放得落唔係問題囉,人地食緊野要郁嫁嘛,係咪先!跟手佢已經開始拎走哂d有椅背既椅,換哂圓櫈俾我.......重有個阿姐同我講,唔好意思,我地係無位,人地張張枱都book左...我忍唔住回應佢一句,「我book個時你同我講丫,咁book個時你唔同我講full左無枱!?我book過第2間丫大佬」然後老細好巴閉咁對住我地眾人喝罵一句:「而家我放哂d櫈,係就得呢張枱,你地鍾意食就食,唔鍾意可以走!!!」lunch time差不多

好彩行快幾步, 因為遲5分鐘的人都已要等位了~~叫左3個餸 : 帶子粉絲煲 ($78): 份量幾多, 用瓦煲上, 食到最後都仲係熱ge, 好有風味! (10分)豉椒炒大蜆 ($50): 以豆豉及少量辣椒大火快炒, 夠火喉, 且一粒沙都冇 (老公話佢食到一粒, so poor~~ 哈哈哈哈), 好惹味呢 (9分)椒鹽九肚魚 ($60): 唔夠脆, 不過正合我地2個食得太多熱氣野ge為食貓的心意, 份量不太大, 也較味淡 (7分) 仲有紅豆沙呢 (送ge, 不過都有quality 架~~)總括來說, 呢一餐, 真係好滿足

(撰文之時已經加到好似$41)經由Kei 哥介紹，一傳十，十傳百，呢間橙色小屋一時間成為o左同事o既喜愛$39 一個午餐set，包例水、一飯一小菜仲有凍飲，算係便宜之選幾個同事就可以叫幾個share o黎食例水真係好例，不用多提咸蛋蒸肉餅 - 頗受大家喜愛之一，皆因肉質鬆軟又嫩滑，碟底的豉油不鹹而吊味蘿蔔牛腩 - 蘿蔔爽甜，牛腩亦炆得夠腍但就多數係牛筋同偏肥了點生炒骨 - 炸得很脆，菠蘿也不失甜味，唔係大路整法，開胃送飯蝦仁炒蛋 - o的蝦數落都有十隻左右，大大隻連腸都挑埋，有誠意。蛋炒得有點實支竹斑腩 - 油o左o的，支竹軟腍，斑腩卻不很入味有埋凍飲一杯，真係不錯係o的碗同匙羹較為不潔了

去到附近搵唔到食咩好, 於是就試一試LEE間"群眾小炒王" $18紅燒翅~~~ 唔錯啊~~ 幾足料, 而且夠熱, 不過真係幾細碗啊~~~椒鹽九肚魚, 唔知點解就唔似平時食開O個D椒鹽九肚魚, 一咬落去好LUM囉~~~而且個表面又唔夠脆口.........唉~~~ 失望, 仲話自己係小炒王~~~沙拉骨, 好似都係LEE度幾出名o既, 可惜又係失望而回, 因為d肉太肥膩啊~~~ 而且唔夠味, 得d沙律醬頂住~~~ 點解可以咁嫁???最好味居然係金銀蛋菜, 哈哈, 都係食多d菜好 起碼lee樣菜夠味道, 而且亦係一貫食到o既味道!!! 唔會嚇餐死conclude, 我係唔會再去, 因為lee度價錢又唔係平, 但又唔似佢個名咁, 咁有鑊氣~~~~~唉~~~

經過兩周不停工作身心俱疲，難得朋友周末請食午飯，也就欣然赴會．舖位不大，裝修也是一般茶記小館貨色，但位子不算逼狹，採光不錯，菜牌不會貼得亂七八糟，也順心得多．坐低先上兩個例湯，味道還可以，的確無味精，不過從來不好例湯，也沒多喝．午飯主打兩個餐牌：炒粉麵飯及小菜套餐，最貴不過四十元．是日點了以下菜式：咸魚雞粒炒飯肉絲炒麵蜜桃咕嚕肉炒飯不油膩頗乾身，西生菜絲大粒雞是從俗做法，不能強求；炒麵麵底脆得不過份，縴頭恰好，惟銀芽煮過頭；咕嚕肉找不到蜜桃，換來了菠蘿，也不是全肉，有些連骨，味道可以，就是上漿用油有點問題，微有一股油膉味．包飲品，點奶茶，豈料澀味甚重，敢說茶葉浸在壺內很久，水吧不合格．朋友說，晚上菜式比較精采，有一味芝士薄荷骨．雖是如此，行開才會再來．P.S.: 樓面十分有禮，值得一讚．

呢日落到上環參觀，就呢度食個便飯先出發。本來對呢間野無乜期望，但食完真係對佢改觀。黑椒三絲炒烏冬炒得好有穫氣，黑椒味好重而且夠哂辣。而個烏冬算幾淋。材料就無乜特別，只係著重於碟烏冬既穫氣。就算食到最後一條都仲係熱既。凍奶茶細細杯但又幾好飲，唔錯唔錯。雖然差唔多四十蚊，不過都唔錯架。因為真係好夠穫氣，呢個價錢差唔多啦。

放假食晚飯，等位15分鐘，只要三個菜:1.薑葱魚雲煲用了大量薑葱，還有蒜芹洋葱，魚雲很惹味，只是太乾身一些，而且斬得過細，還是不錯。2.芥末甜豆牛柳用了日本青芥末，除了甜豆，還有腰果及小許彩椒，主角牛柳非常嫩口入味，色香味齊，驚喜之作。3.蒜蓉西蘭花水準之作，收貨。地方不是就腳，裝修普通，假期內上環區還要等位，可見食客不少，可見厨技確出色。

芥末牛柳粒：牛柳粒肉質好腍，味道OK，加上芥末醬的刺激，幾好食喎！炸雞軟骨：較熱氣，只淺嚐了一口，一個「脆」字啦！菠蘿古魯斑球：OK。豉椒炒蜆：炒蜆OK，不過豉椒汁過鹹。海味雜菜煲：普通。蕃薯糖水(免費)：普通。

這天在上璟打波後去了附近在上年近年尾才開張的群眾小炒王，名字跟早前吃過的灣仔群眾小廚相近，早巳懷疑是否同一老闆，向店東查詢，店主告知原來跟群眾小廚真的是姊妹店，怪不得同樣也在門旁設置一個放紅酒的吊櫃。 上環區一般來說晚市較靜，我們五個人抵達時只有兩三檯客人，這兒店面裝修較灣仔群眾小廚為佳及新淨，面積也較大，店內裝置了兩臺液晶電視，座位及環境都比較舒服。 看看牆上的菜名及菜牌，菜式跟群眾小廚不盡相同，但兩家相同的地方都是供應有自家特式的小菜，在店員推介下自選了幾款小菜。越南春卷 ($35)自從往年去了一趟越南後，開始愛上了越南食品，春卷表面被炸至金黃色而且香脆不油膩，外面可見到米紙的網洞，這是用米紙包的正宗越式春卷，饀料以素菜為主相當健康，想不到在這間街坊小館，也能吃到正宗材料和造法的越南春卷，這味小食真不賴，用來下酒便最適合了。濃湯香蒜浸菜心最先送來的一碟菜，侍應告知近日菜心最合時最靚，用濃湯浸比較炒菜健康些，我先㧾了兩匙湯試味，魚湯底真的夠澴濃夠鮮甜，菜心煮的火候剛好，菜莖保持翠綠色而且脆口不腍身，浸了魚湯後味道入口鮮甜，菜面有很多大粒但油爆過的香蒜，大長今說過大蒜是一樣有食療效用的

此店開業不久，地方光猛新淨，座位亦唔算迫。叫得「小炒王」，佢D小炒賣相唔錯，份量足，選擇亦多。不過價錢也不算便宜，小菜大概要$70至$120一個，貼近酒樓價錢！柚皮鵝掌煲：味道普通，D柚皮略薄，唔夠入味浙江醋炸鱔球：炸漿過厚，唔夠脆身。浙江醋散落在鱔球表面，很香口惹味西蘭花炒帶子：帶子量多，夠鮮味，ok籠仔海鮮蒸飯：用蒸籠盛載，飯面上鋪滿海鮮如聖子、蝦、帶子等等，份量足，賣相好，味道亦佳。尤其蒸飯混了海鮮的鮮味及蒜蓉的香味，更加美味可口清保凉糖水(免費)：普通